ကမ္ဘာဦးကျမ်း အခန်းကြီး (၄၁)


           ၁ထိုနောက် နှစ်နှစ်လွန်သောအခါ၊ ဖာရောမင်းသည် အိပ်မက်ကို မြင်မက်သည်ကား၊ မိမိသည် မြစ်နား၌ ရပ်နေ၏။ ၂အဆင်းလှသော ဝသောနွားခုနှစ်ကောင်တို့သည် မြစ်ထဲကထွက်၍ မြစ်နားမှာ ပေါက်သော မြက်ပင်ကို စားလျက်နေကြ၏။ ၃ထိုနွားတို့နောက်မှ အဆင်းမလှ၊ ပိန်သောနွား ခုနစ်ကောင်တို့ သည် မြစ်ထဲကထွက်၍ အရင် နွားတို့အနား၌ ကမ်းပေါ်မှာ ရပ်နေကြ၏။ ၄အဆင်းမလှ ပိန်သောနွားတို့သည်၊ အဆင်းလှ၍ ဝသောနွားခုနစ်ကောင် တို့ကို ကိုက်စားကြ၏။ ဖာရောမင်းလည်း နိုးလေ၏။ ၅တဖန် အိပ်ပြန်၍ အိပ်မက်ကို မြင်မက်ပြန်သည်ကား၊ အလုံး ကြီး၍ ကောင်းသောစပါး ခုနစ်နှံတို့သည် စပါးတပင်တည်း၌ ဖြစ်ကြ၏။ ၆ထိုနောက်မှ အလုံးသေး၍ အရှေ့လေဖြင့် ပျက်သော စပါးခုနစ်နှံတို့သည် ပေါက်ကြ၏။ ၇အလုံးသေးသော စပါးခုနစ်နှံတို့သည် အလုံးကြီး၍ ကောင်းသော စပါးခုနစ်နှံတို့ကို စားကြ၏။ ဖာရောမင်းလည်း နိုး၍ အိပ်မက်ဖြစ်သည်ကို သိလေ၏။

            ၈နံနက်အချိန်ရောက်သောအခါ၊ ဖာရောမင်းသည် စိတ်ပူပန်၍၊ အဲဂုတ္တုဗေဒင်တတ် ပညာရှိအပေါင်းတို့ကို ခေါ်၍ အိပ်မက်တော်ကို ပြန်ကြားတော်မူ၏။ သို့သော်လည်း ရှေ့တော်၌ အနက်ကို ဘတ်နိုင်သောသူ တယောက်မျှမရှိ။ ၉ထိုအခါ ဖလားတော်ဝန်က၊ ကျွန်တော်သည် ကိုယ်အပြစ်ကို ယနေ့အောက်မေ့ပါ၏။ ၁ဝဖာရောဘုရင်သည် ကျွန်တော်နှင့် စားတော်ဝန်ကို အမျက်ထွက်၍ ကိုယ်ရံတော်မှူး အိမ်၌ ချုပ်ထားတော်မူသောအခါ၊ ၁၁ကျွန်တော်တို့ နှစ်ယောက်သည် အသီးအသီး မိမိတို့ကိုယ်စီဆိုင်သော အနက်နှင့်ပြည့်စုံသော အိပ်မက်ကို တညဥ့်ခြင်းတွင်မြင်မက် ကြပါ၏။ ၁၂ကျွန်တော်တို့၌ ကိုယ်ရံတော်မှူး၏ ကျွန် ဟေဗြဲလုလင်တယောက်ရှိ၏။ ထိုသူအား ကျွန်တော်တို့သည် ကြားပြော၍ သူသည် အိပ်မက်၏ အနက်ကို ဘတ်ပါ၏။ တယောက်စီမြင်မက်သည်အတိုင်း ဘတ်ပါ၏။ ၁၃ဘတ်သည် အတိုင်းလည်း မှန်ပါ၏။ ကျွန်တော်သည် အရင်အရာကိုရပြန်၍၊ စားတော်ဝန်မူကား၊ ဆွဲထားခြင်းကို ခံရပါသည်ဟု လျှောက်လေ၏။

            ၁၄ထိုအခါ ဖာရောမင်းသည် လူကိုစေလွှတ်၍ ယောသပ်ကို ခေါ်တော်မူ၏။ ယောသပ်သည် ထောင်ထဲက အလျင်အမြန်ထွက်ရ၍၊ မုတ်ဆိတ်ည‡ပ်ခြင်း၊ အဝတ်လဲခြင်းကို ပြုပြီးမှ အထံတော်သို့ ဝင်ရ၏။ ၁၅ဖာရောမင်းကလည်း၊ ငါသည် အိပ်မက်ကို မြင်မက်ပြီ။ အနက်ကိုအဘယ်သူမျှ မဘတ်နိုင်။ သင်သည် အိပ်မက်ကို နားလည်သော ဥာဏ်နှင့်အနက် ဘတ်နိုင်သည်ကို ငါကြားရပြီဟု ဆို၏။ ၁၆ယောသပ်ကလည်း၊ ကျွန်တော်သည် အလိုအလျောက် မတတ်နိုင်ပါ။ ဘုရားသခင်သည် မင်္ဂလာအဖြေစကားကို ဖာရော ဘုရင်အား ပေးတော်မူစေသောဟု လျှောက်လေ၏။ ၁၇ဖာရောမင်းကလည်း၊ ငါမြင်မက်သည်မှာ၊ မြစ်နား၌ ငါရပ်နေ၏။ ၁၈အဆင်းလှ၍ ဝသောနွား ခုနစ်ကောင်တို့သည် မြစ်ထဲကထွက်၍၊ မြစ်နားမှာပေါက်သော မြက်ပင်ကို စားလျက်နေကြ၏။ ၁၉ထိုနွားတို့နောက်မှ၊ အဆင်းမလှ ပိန်ကြုံသောနွား ခုနစ်ကောင်တို့သည် ထွက်လာကြ၏။ ထိုမျှလောက် အရုပ်ဆိုးသောနွားတို့ကို အဲဂုတ္တုပြည် တရှောက်လုံးတွင် တခါမျှမမြင်ရစဖူး။ ၂ဝအဆင်းမလှ ပိန်သောနွားတို့သည်၊ ဝသောအရင်နွားခုနစ်ကောင်တို့ကို ကိုက်စားကြ၏။ ၂၁စားပြီးသော နောက်၊ စားမှန်းကို အဘယ်သူမျှမသိရ။ အရင်ကဲ့သို့ အရုပ်ဆိုးသေး၏။ ငါလည်းနိုး၏။ ၂၂တဖန်ငါမြင်မက်ပြန် သည်ကား၊ အလုံးကြီး၍ ကောင်းသောစပါးခုနစ်နှံတို့သည် စပါးတပင်တည်း၌ ဖြစ်ကြ၏။ ၂၃ထိုနောက်မှ ညိ‡ုးနွမ်းလျက်အလုံးသေး၍ အရှေ့လေဖြင့် ပျက်သောစပါးခုနစ်နှံတို့သည် ပေါက်ကြ၏။ ၂၄အလုံးသေး သော စပါးနှံတို့သည် ကောင်းသောာစပါး ခုနစ်နံတို့ ကိုစားကြ၏။ ထိုအိပ်မက်ကို ဗေဒင်တတ်တို့အား ငါကြားပြော၍ အနက်ကိုအဘယ်သူမျှ မဘတ်နိုင်ဟု ယောသပ်အား ပြောဆိုတော်မူ၏။

            ၂၅ယောသပ်ကလည်း၊ ဖါရောဘုရင်မြင်မက်တော်မူသော အိပ်မက်ကား တပါးတည်းဖြစ်ပါ၏။ ဘုရားသခင် ပြုလတံ့သောအမှုကို ဖါရောဘုရင်အားပြတော်မူပြီ။ ၂၆ကောင်းသော နွား ခုနစ်ကောင်တို့သည် ခုနစ်နှစ်ဖြစ်ပါ၏။ ကောင်းသောစပါးခုနစ်နှံတို့သည်လည်း ခုနစ်နှစ်ဖြစ်ပါ၏။ အိပ်မက်တော်ကား တပါးတည်း ဖြစ်ပါ၏။ ၂၇ထိုနွားတို့နောက် ထွက်လာသောနွား၊ ပိန်၍ အရုပ်ဆိုးသောနွား  ခုနစ်ကောင်တို့သည် ခုနစ်နှစ်ဖြစ်ပါ၏။ အရှေ့လေဖြင့် ပျက်သော စပါးဖျင်းခုနစ်နှံတို့သည်လည်း၊ အစာခေါင်းပါးသော ခုနစ်နှစ်ဖြစ်ပါ၏။  ၂၈ဖါရောဘုရင်အား ကျွန်တော်လျှောက်လိုသော အရာဟူမူကား၊ ဘုရားသခင်ပြုလတံ့ သော အမှုကိုဖါရောဘုရင်အား ပြတော်မူ၏။ ၂၉အဲဂုတ္တုပြည် တရှောက်လုံးတွင် ဝပြောသောနှစ်ခုနစ်နှစ် ရှိလိမ့်မည်။ ၃ဝထိုနောက်မှ အစာခေါင်းပါးသောနှစ်ခုနစ်နှစ် ပေါ်လာ၍၊ အဲဂုတ္တုပြည်၌ အလုံးစုံသော ဝပြောခြင်းသည် တိမ်မြုပ်လျက် အစာခေါင်းပါးခြင်းအားဖြင့် တပြည်လုံးပျက်စီး လိမ့်မည်။  ၃၁အစာခေါင်းပါး ခြင်းသည် အလွန်အားကြီးသောကြောင့်၊ အရင်ဝပြောခြင်း၏ လက္ခဏာ မထင်ရ။ ၃၂ဖါရောဘုရင်သည်ထပ်၍ အိပ်မက်မြင်ရသည် အရာမှာ၊ ထိုအမှုကို ဘုရားသခင်မြဲမြံခိုင်ခံ့စေ၍ အလျင်အမြန် စီရင်တော်မူလိမ့်မည်။ ၃၃သို့ဖြစ်၍ ဖါရောဘုရင်သည် ဥာဏ်ပညာနှင့် ပြည့်စုံသောသူကို ရွေးချယ်၍ အဲဂုတ္တုပြည်ကို အုပ်စိုး စေတော်မူပါ။ ၃၄ခန့်ထားတော်မူသော သူသည်လည်း တပြည်လုံး၌ အကြီးအကြပ်တို့ကို ခန့်ထား၍၊ ဝပြောသောနှစ် ခုနစ်နှစ်ပတ်လုံး တပြည်လုံးတွင် ငါးဘို့တဘို့ကောက်ယူကြပါစေ။ ၃၅ထိုသူတို့သည် ဖြစ်လတံ့သောမင်္ဂ လာနှစ်တို့တွင် ရိက္ခာရှိသမျှကိုစုရုံး၍ ဖါရောဘုရင်ထံတော်၌ စပါးများကိုဆည်းဘူး ကြပါစေ။ မြို့များ၌လည်း ရိက္ခာရှိသမျှ ကို သိုထားကြပါစေ။ ၃၆သို့ဖြစ်၍ အဲဂုတ္တုပြည်၌ အစာခေါင်းပါးသော နှစ်ခုနစ်နှစ်ရောက်သောအခါ၊ ပြည်သူပြည်သား စားစရာဘို့သိုထားလျက်ရှိနှင့်၍ အစာခေါင်းပါးသော ကာလတွင်ပြည်တော် မပျက်ရဟုဖါရောမင်းအားလျှောက် လေ၏။

            ၃၇ထိုသို့ယောသပ်လျှောက်သော စကားကိုဖါရောမင်းအစရှိသောကျွန်တော်မျိုးအပေါင်းတို့သည် နှစ်သက် ကြ၍၊ ၃၈ဖါရောမင်းက၊ ဘုရားသခင်၏ ဝိညာဉ်တော်ကို ရ၍ ဤကဲ့သို့သောသူကို အဘယ်မှာရှာ၍ တွေ့မည်နည်းဟု ကျွန်တော်မျိုးတို့အားမိန့်တော်မူ၏။ ၃၉ယောသပ်အားလည်း၊ ဘုရားသခင်သည် ဤအမှု အလုံးစုံတို့ကို သင့်အားပြ တော်မူသည်ဖြစ်၍ သင်ကဲ့သို့ ဥာဏ်ပညာနှင့် ပြည့်စုံသောသူမရှိ။ ၄ဝသင်သည် နန်းတော်အုပ်ဖြစ်ရမည်။ သင်၏စကား အတိုင်း ငါ၏ပြည်သားအပေါင်းတို့ကို ငါစီရင်စေမည်။ ရာဇပလ္လင် အားဖြင့်သာ ငါသည် သင့်ထက်ကြီးမြတ်မည်ဟု မိန့်တော်မူ၏။ ၄၁တဖန်ကြည့်ပါ။ အဲဂုတ္တုပြည် တပြည်လုံးကို သင်အုပ်စိုးစေခြင်းငှါ ငါခန့်ထားပြီဟု ယောသပ်အား မိန့်တော်မူလျက်၊ ၄၂လက်စွပ်တော်ကိုချွတ်၍ ယောသပ်လက်၌ စွပ်စေတော်မူ၏။ ပိတ်ချောအဝတ်ကိုလည်းဝတ်စေ၍၊ လည်ပင်း၌ ရွှေစလွယ်ကို ဆွဲပြီးလျှင်၊ ၄၃ဒုတိယရထားတော်ကို စီးစေတော်မူ၏။ ပြပ်ဝပ်၍နေကြဟု သူ့ရှေ့မှာဟစ်ကြ၏။ ထိုသို့လျှင် အဲဂုတ္တုပြည် တပြည်လုံးကို အုပ်စိုးစေတော်မူ၏။ ၄၄ဖါရောမင်းကလည်း၊ ငါသည်ဖါရောဘုရင်မှန်၏။ သို့ဖြစ်၍ သင်၏ အခွင့်မရှိလျှင် အဲဂုတ္တုပြည်တရှောက်လုံးတွင် အဘယ်သူမျှ မိမိလက်ခြေကိုမကြွရဟု မိန့်တော်မူ၏။ ၄၅ဖါရောမင်း သည်လည်း၊ ဇာဖဏာသဖါဏတည်းဟူသော ဘွဲ့နာမနှင့် ယောသပ်ကို မြှောက်၍ သြနမြို့၏ယဇ်ပုရောဟိတ် ပေါတိဖေရ၏သမီး အာသနတ်နှင့် စုံဘက်စေတော်မူ၏။ ထိုသို့ယောသပ်သည် အဲဂုတ္တုနိုင်ငံအုပ် အရာနှင့် အထံတော် ကထွက်လေ၏။

            ၄၆ယောသပ်သည် အဲဂုတ္တုရှင်ဘုရင် ဖါရောမင်းထံ၌ အခွင့်ရသောအခါ၊ အသက်အနှစ်သုံးဆယ် ရှိသတည်း။ အထံတော်ကထွက်၍ အဲဂုတ္တုပြည်တရှောက်လုံးသို့ သွားလေ၏။ ၄၇ဝပြောသောနှစ်ခုနစ်နှစ် ပတ်လုံး မြေအသီးအနှံ တို့သည် အလွန်များပြားကြ၏။ ၄၈ခုနစ်နှစ်ပတ်လုံး အဲဂုတ္တုပြည်တွင် ရှိသမျှသော ရိက္ခာကို စုရုံး၍ မြို့တို့၌သိုထားလေ၏။ မြို့ပတ်ဝန်းကျင်လယ်တို့၌ရသော ရိက္ခာကို  မြို့အသီးအသီးတို့တွင် သိုထားလေ၏။ ၄၉စပါးကိုကားသမုဒ္ဒရာသဲလုံးနှင့် အမျှအလွန်များစွာစုထား၍ မရေတွက်နိုင် အောင် များသောကြောင့် မရေတွက်ဘဲနေသတည်း။

            ၅ဝအစာခေါင်းပါးသောနှစ် မရောက်မှီ၊ ယောသပ်သည် သြနမြို့၏ ယဇ်ပုရောဟိတ် ပေါတိဖေရ၏သမီး အာသနတ်တွင် သားနှစ်ယောက်တို့ကို မြင်ရ၏။  ၅၁သားဦးကိုကား မနာရှေအမည်ဖြင့်မှည့်လေ၏။ အကြောင်းမူကား၊ ငါခံရသမျှသောပင်ပန်းခြင်းနှင့် ငါ့အဘ၏ အိမ်သားအပေါင်းတို့ကို ငါမေ့စေခြင်းငှါ ဘုရားသခင်ပြုတော်မူပြီဟု ဆိုသတည်း။ ၅၂နောက်ရသောသားကိုကား၊ ဧဖရိမ်အမည်ဖြင့် မှည့်လေ၏။ အကြောင်းမူကား၊ ဘုရားသခင်သည် ငါဆင်းရဲခံရသောပြည်၌ငါ့ကိုပွါားများစေတော်မူပြီ ဟုဆိုသတည်း။

            ၅၃ထိုနောက် အဲဂုတ္တုပြည်၌ဝပြောသောနှစ် ခုနစ်နှစ်ကုန်လေ၏။ ၅၄ယောသပ်ပြောသည်အတိုင်း အစာခေါင်း ပါးသော နှစ်တို့သည် ရောက်စရှိ၏။ ထိုအခါ ခပ်သိမ်းသောပြည်တို့၌ အစာခေါင်းပါးခြင်း ရှိသော်လည်း အဲဂုတ္တုပြည်၌ ဆန်စပါးရှိသေး၏။ ၅၅နောက်တဖန် အဲဂုတ္တုပြည်သူပြည်သား အပေါင်းတို့သည် မွတ်သိပ်သောအခါ စားစရာကို ရပါမည်အကြောင်း ဖါရောမင်းထံ၌ ကြွေးကြော်ကြ၏။ ဖါရောမင်းကလည်း၊ ယောသပ်ထံသို့ သွားကြ၊ သူစီရင်သည် အတိုင်း ပြုကြဟု အဲဂုတ္တုပြည်သူပြည်သားအပေါင်းတို့ကို မိန့်တော်မူ၏။ ၅၆မြေပြင်တရှောက်လုံး၌ အစာခေါင်းပါးသော အခါ၊ ယောသပ်သည် စပါးကျီရှိသမျှတို့ကို ဖွင့်၍ အဲဂုတ္တုလူတို့အား ရောင်းလေ၏။ ထိုအခါ အဲဂုတ္တုပြည်၌ အစဉ်အတိုင်း အစာခေါင်းပါးသတည်း။ ၅၇ခပ်သိမ်း သောပြည်တို့၌လည်း အလွန်အစာခေါင်းပါးသောကြောင့်၊ အသီးအသီးသော ပြည်သားတို့သည် စပါးကိုဝယ်ခြင်းငှါ အဲဂုတ္တုပြည် ယောသပ်ထံသို့လာရောက်ကြ၏။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s