၁ဧဟုဒ သေသောနောက်၊ ဣသရေလအမျိုးသားတို့သည် ထာဝရဘုရားရှေ့တော်၌ တဖန်ဒုစရိုက်ကို ပြုသောကြောင့်၊ ၂ထာဝရဘုရားသည် ဟာဇော်မြို့၌မင်းပြုသော ခါနာန်ရှင်ဘုရင် ရာဘိန်၌ရောင်းတော်မူ၏။ သူခန့်ထားသော ဗိုလ်ချုပ်မင်းကား၊ ဂေါအိမ်ပြည်ဟာရောရှက်မြို့၌နေသော သိသရတည်း။ ၃ထိုမင်း၌သံရထား ကိုးရာရှိ၏။ ဣသရေလအမျိုးသားတို့ကို အနှစ်နှစ်ဆယ်ပတ်လုံး အလွန်ညှဉ်းဆဲသောကြောင့်၊ သူတို့သည် ထာဝရဘုရားကို အော်ဟစ်ကြ၏။
၎ထိုကာလအခါ လပိဒုတ်မြို့သား ပရောဖက်မဒေဗောရသည် ဣသရေလအမျိုးကိုအုပ်စိုး၏။ ၅သူသည် ဧဖရိမ်တောင်ပေါ်၊ ရာမမြို့နှင့် ဗေသလမြို့စပ်ကြား၊ ဒေဗောရစွန်ပလွံပင်အောက်မှာ နေ၍၊ ဣသရေလအမျိုးသား တို့သည် ထိုပရောဖက်မ၏ စီရင်ခြင်းကိုခံအံ့သောငှါ ရောက်လာတတ်ကြ၏။ ၆တဖန်ဒေဗောရသည် လူကိုစေလွှတ်၍၊ နဿလိခရိုင် ကေဒေရှမြို့မှာ နေသော အဘိနောင်၏သား ဗာရက်ကိုခေါ်ပြီးလျှင်၊ သင်သည်နဿလိအမျိုး၊ ဇာဗုလုန် အမျိုးထဲက လူတသောင်းကိုသွေးဆောင်၍ တာဗော်တောင်သို့သွားလော့။ ၇ငါသည်လည်း ယာဘိန်မင်း၏ ဗိုလ်ချုပ်သိသရနှင့် ရထားဗိုလ်ပါများကို သင်ရှိရာ ကိရှုန်မြို့သို့ သွေးဆောင်၍ သင့်လက်၌အပ်မည်ဟု ဣသရေလအမျိုး၏ ဘုရားသခင်ထာဝရဘုရား မှာထားတော်မူသည်ဟု ဆင့်ဆိုလေ၏။ ၈ဗာရက်ကလည်း၊ ကိုယ်တော်သည် အကျွန်ုပ်နှင့် အတူကြွလျှင် အကျွန်ုပ်သွားပါမည်။ ကြွတော်မမူလျှင်မူကား၊ မသွားပါဟု လျှောက်သော်၊ ၉ဒေဗောရက၊ ငါသည်သင်နှင့် အတူအမှန်သွားမည်။ သို့သော်လည်း သင်သွားရာလမ်း၌ ဂုဏ်အသရေကိုမရရှာ။ ထာဝရဘုရားသည် သိသရကို မိန်းမ၌ ရောင်းတော်မူမည်ဟု ဆိုပြီးမှ ထ၍ ဗာရက်နှင့် အတူ ကေဒေရှမြို့သို့သွားလေ၏။
၁ဝဗာရက်သည် နဿလိအမျိုးသား၊ ဇာဗုလုန်အမျိုးသားတို့ကို ကေဒေရှမြို့သို့ ခေါ်၍၊ လိုက်သော သူတသောင်းနှင့်တကွ၊ ဒေဗောရပါလျက် တတ်လေ၏။ ၁၁မောရှေ၏ ယောက္ခမဟောဗက်၏ သားမြေးအဝင်၊ ကေနိအမျိုးသားဟောဗာသည်၊ ကေနိလူတို့နှင့် ခွါ၍ ကေဒေရှမြို့အနား၊ ဇာနိမ်သပိတ်ပင် ခြေရင်း၌ တဲကိုဆောက်လျက်နေနှင့်သတည်း။ ၁၂အဘိနောင်၏သား ဗာရက်သည် တာဗော်တောင်ပေါ်သို့ တတ်ကြောင်းကို သိသရအားကြားပြောလျှင်၊ ၁၃သိသရသည် မိမိရထားရှိသမျှတည်းဟူသော သံရထားကိုးရာနှင့် ဂေါအိမ်ပြည် ဟာရောရှက်မြို့မှစ၍ ကိရှုန်မြို့တိုင်အောင် မိမိလူအပေါင်းတို့ကို စုဝေးစေ၏။ ၁၄ဒေဗောရကလည်း ထလော့။ ယနေ့ကထာဝရဘုရားသည် သိသရကိုသင့်လက်၌ အပ်တော်မူသောနေ့ ဖြစ်၏။ ထာဝရဘုရားသည် သင့်ရှေ့မှာ ကြွတော်မူပြီမဟုတ်လောဟု ဆိုလေသော်၊ ဗာရက်သည် လူတသောင်းနှင့်တကွ တာဗော်တောင်ပေါ်က ဆင်းလေ၏။ ၁၅ထာဝရဘုရားသည် သိသရမှစ၍ သူ၏ရထားများနှင့် ဗိုလ်ပါစစ်သည်များ အပေါင်းတို့ကို ဗာရက်ရှေ့မှာ ထားဖြင့် ရှုံးစေတော်မူသောကြောင့်၊ သိသရသည် မိမိရထားမှဆင်း၍ ခြေဖြင့်ပြေးလေ၏။ ၁၆ဗာရက်သည် ရထားများ၊ ဗိုလ်ပါစစ်သည်များကို ဂေါအိမ်ပြည် ဟာရောရှက်မြို့တိုင်အောင် လိုက်၍၊ သိသရစစ်သူရဲအပေါင်းတို့သည် တယောက်မျှမကျန်ကြွင်း ထားနှင့် သေကြကုန်၏။
၁၇သိသရသည် ကေနိအမျိုးသား ဟေဗာ၏မယား၊ ယေလ၏တဲသို့ ခြေဖြင့်ပြေး၏။ ထိုကာလ၌ ဟာဇော် ရှင်ဘုရင် ယာဘိန်သည် ဟေဗာအမျိုးသားချင်း ကေနိလူတို့နှင့် မိဿဟာယဖွဲ့လျက် ရှိသတည်း။ ၁၈ယေလသည် သိသရကို ခရီးဦးကြိုပြုခြင်းငှါ ထွက်၍၊ သခင်ဝင်ပါ၊ ကျွန်မဆီသို့ဝင်ပါ။ စိုးရိမ်တော်မမူပါနှင့်ဟု ခေါ်သည်အတိုင်း၊ သူသည်ယေလနေရာတဲထဲသို့ဝင်၍ ယေလသည် သူ့ကိုစောင်နှင့် ခြုံလေ၏။ ၁၉သူကလည်း၊ ငါရေငတ်သည်၊ ရေအနည်းငယ်ကိုပေးပါဟု တောင်းလျှင်၊ မိန်းမသည် နွားနို့ဘူးကိုဖွင့်၍ သောက်စေပြီးမှ တဖန်ခြုံလေ၏။ ၂ဝသူကလည်း၊ တဲတံခါးဝ၌နေပါ။ လူတစုံတယောက်က ယောက်ျားရှိသလောဟု လာ၍ မေးလျှင်မရှိကြောင်းကို ပြောလောဟု မှာထားလေ၏။ ၂၁ထိုအခါ ဟေဗာမယားယေလသည် သိသရမောလျက် အိပ်ပျော်စဉ်တွင်၊ တဲတံသင်တချောင်းနှင့် လက်ရိုက်ကိုကိုင်လျက် သူ့ထံသို့တိတ်ဆိတ်စွာသွား၍ တံသင်ကို မြေ၌စွဲစေသည် တိုင်အောင် သူ၏နားပန်းထဲသို့ ရိုက်သွင်းသဖြင့် သိသရသည်သေ၏။ ၂၂ဗာရက်သည် သိသရကို လိုက်ရှာသောအခါ၊ ယေလထွက်၍ ကျွန်မဆီသို့ဝင်ပါ။ ရှာသောသူကိုပြပါမည်ဟု ကြိုဆိုလျှင်၊ ဗာရက်သည် တဲထဲသို့ဝင်၍၊ သိသရသေလျက်၊ နားပန်း၌တံသင်စူးလျက် ရှိသည်ကိုမြင်လေ၏။ ၂၃ထိုနေ့၌ ထာဝရဘုရားသည် ခါနာန်ရှင်ဘုရင် ယာဘိန်ကို ဣသရေလအမျိုးသားတို့ရှေ့မှာ နှိမ့်ချတော်မူသဖြင့်၊ ၂၄သူတို့သည် ထိုရှင်ဘုရင်ကို မဖျက်ဆီးမှီတိုင်အောင်၊ အစဉ်အောင်လျက်နေကြ၏။
