တရားဟောရာကျမ်း အခန်းကြီး (၂၀)


၁သင်သည် ရန်သူတို့ကိုစစ်တိုက်ခြင်းငှါ ချီသွားသောအခါ၊ ကိုယ်ထက်သာ၍များသော မြင်း၊ ရထား၊ လူတို့ကိုမြင် သော်လည်းမကြောက်နှင့်။ သင့်ကို အဲဂုတ္တုပြည်မှနှုတ်ဆောင်သောသင်၏ဘုရားသခင်ထာဝရဘုရား သည် သင့်ဘက် ၌ ရှိတော်မူ၏။ ၂စစ်တိုက်ချိန်နီးသောအခါ၊ ယဇ်ပုရောဟိတ်တို့သည်ချဉ်း၍၊ ၃အိုဣသရေလ အမျိုးသားတို့၊ ယနေ့ သင်တို့သည် စစ်တိုက်ခြင်းငှါ ရန်သူတို့ကိုချဉ်းပြီ။ သူတို့ကြောင့် စိတ်ပျက်ခြင်း၊ ကြောက်ရွံ့ခြင်း၊ တုန်လှုပ်ခြင်း၊ ထိတ်လန့်ခြင်းမရှိကြနှင့်။ ၄အကြောင်းမူကား၊ သင်တို့၏ဘုရားသခင်ထာဝရ ဘုရားသည် ရန်သူတို့ကို စစ်တိုက်၍ သင်တို့ကို ကယ်တင်ခြင်း အလိုငှါ၊ သင်တို့နှင့်အတူကြွတော်မူသည်ဟု လူတို့အား ပြောဆိုရ ကြမည်။ ၅ဗိုလ်တို့ကလည်း၊ အိမ်သစ်ကိုဆောက်၍ ဘုရားသခင်၌မအပ်ရသေးသော သူရှိလျှင်၊ မိမိအိမ်သို့ပြန်၍အပ် ပါလေစေ။ သို့မဟုတ်စစ်တိုက်ရာတွင် သေ၍အခြားသောသူသည် ထိုအိမ်ကိုအပ်လိမ့်မည်ဟု စိုးရိမ်စရာရှိ၏။ ၆စပျစ်ဥယျာဉ်ကိုစိုက်၍စပျစ်သီးကိုမစားရသေးသောသူ ရှိလျှင် မိမိအိမ်သို့ ပြန်သွားပါလေစေ။ သို့မဟုတ် စစ်တိုက် ရာတွင်သေ၍ အခြားသောသူသည် ထိုစပျစ်သီးကို စားလိမ့်မည်ဟု စိုးရိမ်စရာရှိ၏။ ၇မိန်းမနှင့်လက်ထပ်၍ မသိမ်းရ သေးသောသူရှိလျှင်၊ မိမိအိမ်သို့ပြန်သွားပါလေစေ။ သို့မဟုတ် စစ်တိုက်ရာတွင်သေ၍ အခြားသောသူသည် ထိုမိန်းမကိုသိမ်းလိမ့်မည်ဟု စိုးရိမ်စရာရှိသည်ဟု လူများတို့အားပြောရ ကြမည်။ ၈တဖန်လည်း၊ ဗိုလ်တို့က ကြောက်တတ်သောသဘောရှိ၍ စိတ်ပျက်သော သူရှိလျှင်၊ မိမိအိမ်သို့ပြန်သွား ပါလေစေ။ သို့မဟုတ်လျှင် ထိုသူစိတ်ပျက်သကဲ့သို့သူ၏ အဘော်တို့သည် စိတ်ပျက်ကြလိမ့်မည်ဟု စိုးရိမ်စရာရှိသည် ဟုလူအများတို့အား ပြောရကြမည်။ ၉ဗိုလ်တို့သည်လူများတို့အား ထိုသို့ပြောပြီးမှ တပ်မှူးတို့သည်လူများကိုစစ်ချီစေရမည်။

၁ဝသင်သည်မြို့တစုံတမြို့ကိုတိုက်ခြင်းငှါချဉ်းသောအခါ၊ စစ်ငြိမ်းမည် အကြောင်းကို ဟစ်ကြော်ရမည်။ ၁၁ထို မြို့သည်စစ်ငြိမ်းရာ စကားပြေကို ပြန်ပြော၍ မြို့တံခါးကိုဖွင့်ထားလျှင်၊ ထိုမြို့၌ရှိသောသူအပေါင်းတို့သည် သင့်အား အခွန်ပေး၍ သင့်အမှုကိုထမ်းရကြမည်။ ၁၂သို့မဟုတ်စကားပြေမပြောဘဲ သင့်ကိုစစ်တိုက်လျှင်၊ ထိုမြို့ကိုဝိုင်းထား၍၊ ၁၃သင်၏ဘုရားသခင်ထာဝရဘုရားသည် သင့်လက်၌ အပ်တော်မူသောအခါ၊ ယောက်ျား ရှိသမျှ တို့ကို ထားနှင့် လုပ်ကြံရမည်။ ၁၄မိန်းမ၊ သူငယ်၊ တိရစ္ဆာန်အစရှိသောမြို့၌တွေ့သော ဥစ္စာရှိသမျှကို ကိုယ်ဘို့သိမ်း၍၊ သင်၏ဘုရားသခင် ထာဝရဘုရားပေးတော်မူသော သင်၏ရန်သူလက်မှရသော ဥစ္စာကိုစားရ မည်။ ၁၅ဤလူမျိုးနေသော မြို့မှတပါး သင်နှင့်ဝေးသော မြို့ရှိသမျှတို့အား ထိုသို့ပြုရမည်။ ၁၆သင်၏ဘုရားသခင် ထာဝရ ဘုရားသည် သင့်အမွေခံစရာဘို့၊ ဤလူမျိုးနေရာ မြို့တို့၌ အသက်ရှူသော လူသတ္တဝါ တစုံတယောက်ကိုမျှအသက်မရှင်စေရ။ ၁၇၊၁၈ဟတ္တိလူ၊  အာမောရိလူ၊ ခါနနိလူ၊ ဖေရဇိလူ၊ ဟိဝိလူ၊ ယေဗုသိ လူတို့သည် မိမိတို့ ဘုရားများ၌ပြုသော စက်ဆုပ်ရွံရှာဘွယ် အမှုတို့ကိုသင့်အားသွန်သင်၍၊ သင်သည်သင်၏ ဘုရားသခင် ထာဝရဘုရားကိုမပြစ်မှား မည်အကြောင်း သင်၏ ဘုရားသခင် ထာဝရဘုရား မှာထားတော်မူသည် အတိုင်း၊ ထိုလူမျိုးအပေါင်းတို့ကို ရှင်းရှင်း ဖျက်ဆီးရမည်။ ၁၉သင်သည် မြို့တစုံ တမြို့ကို တိုက်ယူခြင်းငှါ ကြာမြင့်စွာ ဝိုင်းထားလျှင်၊ သစ်ပင်များကိုမခုတ်မဖြတ်ရ။ မြေ၌ပေါက်သော အပင်တို့သည် လူအသက်မွေးဘို့ရာ ဖြစ်သောကြောင့် အသီးကိုသာ စားရမည်။ မြို့ကိုဝိုင်းထားရာ အမှုကိုဆောင်၍ အပင် ကိုမလှဲရ။ ၂ဝသို့ရာတွင် မစားရသော သစ်ပင်တို့ကို ခုတ်လှဲ၍၊ သင်နှင့်စစ်တိုက်သော မြို့ကိုမအောင်မှီတိုင်အောင်၊ စစ်တိုက်စရာ တန်ဆာတို့ကို ဆောက်လုပ်ရသောအခွင့်ရှိ၏။