တရားဟောရာကျမ်း အခန်းကြီး (၃၀)


၁သင့်ရှေ့၌ ငါထား၍ အထက်ဆိုခဲ့ပြီးသမျှသော အရာတည်းဟူသော ကောင်းကြီးမင်္ဂလာနှင့် ကျိန်ခြင်း အမင်္ဂလာတို့သည် သင့်အပေါ်မှာရောက်၍၊ သင်၏ဘုရားသခင်ထာဝရဘုရားသည် သင့်ကိုနှင်ထုတ်တော်မူရာ အပြည်ပြည်တို့၌ ထိုအရာတို့ကို အောက်မေ့လျက်၊ ၂သင်၏ဘုရားသခင်ထာဝ၇ဘုရားထံတော်သို့ပြန်လာ၍၊ ယနေ့ငါ မှာထားသမျှအတိုင်း၊ သင်နှင့်သားသမီးတို့သည် စကားတော်ကို စိတ်နှလုံးအကြွင်းမဲ့ နားထောင်လျင်၊ ၃သင်၏ဘုရား သခင်ထာဝရဘုရားသည် သင်ခံရသော သိမ်းသွင်းခြင်း အမှုကို ကုန်စေမည်အကြောင်း၊ သင့်ကို သနားသဖြင့် တဖန် ပြန်လာ၍၊ အထက်ကအရပ်ရပ်နှင်ထုတ်ရာ အပြည်ပြည်တို့မှ သိမ်းယူတော်မူလိမ့်မည်။ ၄သင်၏လူအချို့တို့သည် မိုဃ်းကောင်းကင်အောက် အဝေးဆုံးသော အရပ်သို့နှင်ထုတ်ခြင်းကို ခံရသော်လည်း၊ ထိုအရပ်မှ သင်၏ဘုရားသခင် ထာဝရဘုရား သိမ်းယူဆောင်ခဲ့တော်မူလိမ့်မည်။ ၅ဘိုးဘေးတို့ ဝင်စားသောပြည်သို့ တဖန်ဆောင်ခဲ့တော်မူသဖြင့်၊ သင်သည် ဝင်စားရလိမ့်မည်။ ထိုအခါ ကျေးဇူးပြုတော်မူပြန်သဖြင့်၊ ဘိုးဘေးများတို့ထက် သင့်ကိုသာ၍ များစေတော် မူလိမ့်မည်။ ၆သင်သည် အသက်ရှင်မည်အကြောင်း၊ သင်၏ဘုရားသခင်ထာဝရဘုရားကို စိတ်နှလုံးအကြွင်းမဲ့ချစ်စေ ခြင်းငှာ၊ သင့်နှလုံးနှင့် သင့်အမျိုး၏နှလုံး အရေဖျားကို လှီးဖြတ်တော်မူလိမ့်မည်။ ၇သင်၏ရန်သူ တည်းဟူသော သင့်ကိုမုန်း၍ ညှင်းဆဲသောသူတို့အပေါ်၌ လည်း၊ အထက်ဆိုခဲ့ပြီးသော ကျိန်ခြင်းအမင်္ဂလာရှိသမျှတို့ကို သက်ရောက် စေတော်မူလိမ့်မည်။ ၈သင်သည်ပြန်လာလျက် ထာဝရဘုရား၏ စကားတော်ကို နားထောင်၍၊ ယနေ့ငါမှာထားသမျှ သော ပညတ်တော်တို့ကို စောင့်ရှောက်လိမ့်မည်။ ၉သင်သည်သင်၏ဘုရားသခင် ထာဝရဘုရား၏ စကားတော်ကို  နားထောင်၍၊ ၁ဝဤပညတ္တိကျမ်းစာ၌ ရေးထားသော စီရင်ထုံးဖွဲ့တော်မူချက်တို့ကို စောင့်ရှောက်လျှင်၎င်း၊ သင်၏ ဘုရာသခင်ထာဝရဘုရားထံတော်သို့ စိတ်နှလုံးအကြွင်းမဲ့ပြန်လာလျှင်၎င်း၊ သင်ပြုလေရာရာ၌ အောင်မည် အကြောင်းနှင့် သင်၏သားသမီး၊ တိရစ္ဆာန်၊ အသီးအနှံတိုးပွားများပြားမည်အကြောင်းကို စီရင်၍ သင့်အကျိုးကိုပြုစုတော် စေတော်မူလိမ့်မည်။ ထာဝရဘုရားသည်သင်၏ဘိုးဘေးတို့၌ အားရဝမ်းမြောက်သကဲ့သို့ သင်၌အားရ ဝမ်းမြောက်၍၊ သင့်အကျိုးကိုပြုစုတော်မူလိမ့်မည်။

၁၁ယနေ့ ငါမှာထားသော ပညတ်တရားတော်သည် သင်နားမလည်နိုင်သောတရားမဟုတ်။ ၁၂သင်နှင့် ဝေးသည်မဟုတ်။ တရားတော်ကို ငါတို့သည်နားထောင်၍ စောင့်ရှောက်မည်အကြောင်း၊ ကောင်းကင်သို့ အဘယ်သူ တက်၍ ငါတို့ ထံသို့ဆောင်ခဲ့လိမ့်မည်နည်းဟု မေးစေခြင်းငှါ ကောင်းကင်၌ ရှိသည်မဟုတ်။ ၁၃တရားတော်ကို ငါတို့သည်နားထောင်၍ စောင့်ရှောက်မည်အကြောင်း၊ ပင်လယ်ကို အဘယ်သူကူး၍ ငါတို့ထံသို့ ဆောင်ခဲ့ လိမ့်မည်နည်းဟုမေးစေခြင်းငှါ၊ ပင်လယ်တဘက်၌ရှိသည်မဟုတ်။ ၁၄တရားတော်သည် သင်စောင့်ရှောက် ဘို့ရာ သင်နှင့် အလွန်နီး၏။ သင်၏နှုတ်၌၄င်း၊ သင်၏နှလုံး၌၄င်းရှိ၏။ ၁၅ကြည့်ပါတော့၊ အသက်ရှင်ခြင်းချမ်းသာနှင့် သေခြင်း ဆင်းရဲတို့ကိုသင်ရှေ့မှာ ယနေ့ငါထား၏။ ၁၆သင်သည် အသက်ရှင်၍ တိုးပွားမည်အကြောင်းနှင့် သင်ဝင်စား လတံ့သောပြည်၌၊ သင်၏ဘုရားသခင် ထာဝရဘုရားသည် သင့်ကို ကောင်းကြီးပေးတော်မူမည် အကြောင်း၊ သင်၏ဘုရားသခင် ထာဝရဘုရားကိုချစ်သဖြင့် နောက်တော်သို့ လိုက်၍၊ စီရင်ထုံးဖွဲ့တော်မူချက် ပညတ်တရားတော် တို့ကို စောင့်ရှောက်လော့ဟုငါမှာထား၏။ ၁၇သို့မ ဟုတ် သင့်နှလုံးလွဲသွားသဖြင့်၊ သင်သည်နားမထောင်ဘဲသူတပါး သွေးဆောင်ရာသို့လိုက်၍၊ အခြားတပါးသောဘုရားတို့ကို ဝတ်ပြုကိုးကွယ် လျှင်။ ၁၈ယော်ဒန်မြစ်ကိုကူး၍ ဝင်စားလတံ့သောပြည်၌ အသက်တာမရှည်၊ ဧကန်အမှန် ပျက်စီးခြင်းသို့ ရောက်လိမ့်မည်ဟု ယနေ့ငါသတိပေး၏။ ၁၉အသက်ရှင်ခြင်း၊ သေခြင်း၊ ကောင်းကြီးပေးခြင်း၊ ကျိန်ခြင်း တို့ကိုသင့်ရှေ့၌ ငါထားသည်ဟု သင့်တဘက်၌ ကောင်းကင်မြေကြီးကို ငါတိုင်တည်၏။

၂ဝသို့ဖြစ်၍၊ သင်နှင့် သင့်အမျိုးအနွယ်သည် အသက်ရှင်မည်အကြောင်းနှင့်၎င်း၊ သင်၏ဘုရားသခင် ထာဝရဘုရားကိုချစ်၍ စကားတော်ကို နားထောင်သဖြင့်၊ အသက်ရှင်ခြင်းအကျိုး၊ အသက်တာရှည်ခြင်း အကျိုးကို ပေးတော်မှုသော ကိုယ်တော်ကို ဆည်းကပ်မှီဝဲမည် အကြောင်းနှင့်၎င်း၊ ထာဝရဘုရားသည် သင်၏ဘိုးဘေး အာဗြဟံ၊ ဣဇာက်၊ ယာကုပ်တို့အား ကျိန်ဆိုတော်မှုသောပြည်၌ နေမည်အကြောင်းနှင့် ယှဉ်သောအသက် တရားကို ရွေးယူလော့ဟု ဣသရေလအမျိုးအားဟောပြော၏။