တရားဟောရာကျမ်း အခန်းကြီး (၆)


၁သင်တို့နှင့် သားမြေးတို့သည် သင်တို့၏ဘုရားသခင်ထာဝရဘုရားကို ကြောက်ရွံ့၍၊ ၂ငါပေးထားသော ပညတ်တရားတော်ရှိသမျှတို့ကို တသက်လုံးစောင့်ရှောက်မည် အကြောင်းနှင့် သင်တို့၏ အသက်တာရှည်စေမည် အကြောင်း၊ သင်တို့သွား၍ ဝင်စားလတံ့သော ပြည်၌ ကျင့်ဘို့ရာ သင်တို့အား ငါသွန်သင်စိမ့်သောငှာ၊ သင်တို့၏ ဘုရားသခင်ထာဝရဘုရားမှာထားတော်မူသော စီရင်ထုံးဖွဲ့ချက် ပညတ်တရားဟူမူကား၊ ၃အိုဣသရေလအမျိုး၊ ဘိုးဘေးတို့၏ ဘုရားသခင်ထာဝရဘုရား ကတိတော်ရှိသည်အတိုင်း၊ သင်သည်နို့နှင့်ပျားရည်စီးသော ပြည်၌ ချမ်းသာရ၍ အလွန်ပွားများမည်အကြောင်း နားထောင်လော့။ သတိနှင့် ကျင့်စောင့်လော့။ ၄အိုဣသရေလအမျိုး၊ နားထောင်လော့။ ငါတို့၏ ဘုရားသခင်ထာဝရဘုရားသည် တဆူတည်းသော ထာဝရဘုရားဖြစ်တော်မူ၏။ ၅သင်၏ ဘုရားသခင်ထာဝရဘုရားကို စိတ်နှလုံးအကြွင်းမဲ့၊ အစွမ်းသတ္တိရှိသမျှနှင့် ချစ်လော့။ ၆ယနေ့ငါမှာထားသော စကားကို နှလုံးသွင်းရမည်။ ၇ထိုစကားကို သင်၏ သားသမီးတို့အား ကြိုးစား၍သွန်သင်ရမည်။ အိမ်၌ထိုင်လျက် နေသည်ဖြစ်စေ၊ ခရီး၌သွားသည်ဖြစ်စေ။ အိပ်လျက်။ ထလျက်ရှိသည်ဖြစ်စေ၊ ထိုစကားကိုပြောရမည်။ ၈ထိုစကားကိုလည်း သင်၏ လက်၌ လက္ခဏာ သက်သေဘို့ရာ၎င်း၊ သင်၏ မျက်စိကြားမှာ သင်းကျစ်ကဲ့သို့၎င်း ချည်ထားရမည်။ ၉အိမ်တံခါး၊မြို့တံခါးတို့၌လည်း ရေးထားရမည်။

၁ဝ၊ ၁၁သင်မတည်သော မြို့ကြီးမြို့မြတ်တို့ကို၎င်း၊ သင်မဖြည့်ဘဲ ကောင်းသောအရာနှင့်ပြည့်သော အိမ်တို့ကို၎င်း၊ သင်မတူးသောရေတွင်းတို့ကို၎င်း၊ သင်မစိုက်မပျိုးသော စပျစ်ဥယျာဉ်နှင့် သံလွင်ပင်တို့ကို၎င်း သင့်အားပေးခြင်းငှာ၊ သင်၏ အဘအာဗြဟံဣဇာက်၊ ယာကုပ်တို့အား ကျိန်ဆိုတော်မူသော ပြည်သို့ သင်၏ဘုရားသခင်ထာဝရဘုရားသည် သင့်ကို ဆောင်သွင်းတော်မူ၍၊ သင်သည်ဝစွာစားလျက် နေရသော အခါ၊ ၁၂ကျွန်ခံနေရာ အဲဂုတ္တပြည်မှ သင့်ကို ကယ်နှုတ်ဆောင်ယူခဲ့သော ထာဝရဘုရားကို မမေ့လျော့မည်အကြောင်း၊ ကိုယ်ကိုကိုယ်သတိပြုလော့။ ၁၃သင်၏ ဘုရားသခင်ထာဝရဘုရားကို ကြောက်ရွံ့ရမည်။ ထိုဘုရားသခင်ကိုသာ ဝတ်ပြုရမည်။ နာမတော်အားဖြင့်လည်း ကျိန်ဆိုခြင်းကို ပြုရမည်။ ၁၄အခြားတပါးသောဘုရား၊ သင့်ပတ်လည်၌ နေသော လူမျိုးတို့၏ ဘုရားကို မဆည်းမကပ်ရ။ ၁၅သင်၏ဘုရားသခင်ထာဝရဘုရားသည် သင်တို့၌အပြစ် ရှိသည်ဟု ယုံလွယ်သောဘုရားဖြစ်တော်မူ၏။ သင်၏ဘုရားသခင်ထာဝရဘုရားသည် သင်ကို့ အမျက်ထွက်၍ မြေကြီးပြင်မှာ သုတ်သင်ပယ်ရှားတော်မူမည်ဟု စိုးရိမ်စရာရှိ၏။ ၁၆သင်သည် မဿာအရပ်၌ပြုသကဲ့သို့၊ သင်၏ဘုရားသခင် ထာဝရဘုရားကို အစုံအစမ်းမပြုရ။ ၁၇သင်၏ဘုရားသခင် ထာဝရဘုရားထားတော်မူသော သက်သေခံချက်၊ စီရင်ချက်၊ ပညတ်တရားတို့ကို ကြိုးစား၍ စောင့်ရှောက်ရမည်။ ၁၈သင်သည် ချမ်းသာရခြင်းငှာ ၄င်း၊ ၁၉ထာဝရဘုရား ဂတိတော်ရှိသည်အတိုင်း၊ ရန်သူအပေါင်းတို့ကို သင့်ရှေ့မှနှင်ထုတ်သဖြင့်၊ သင်၏ ဘိုးဘေးတို့အား ကျိန်ဆို တော်မူသောပြည်မြတ်ကို ဝင်စား၍ နေခြင်းငှာ၎င်း၊ ထာဝရဘုရားရှေ့တော်၌ ဖြောင့်မတ်လျောက်ပတ်သော အမှုတို့ကိုပြုရမည်။

၂ဝနောင်ကာလ၌ သင်၏ သားက၊ ငါတို့ဘုရားသခင်ထာဝရဘုရားထားတော်မူသော ဤသက်သေခံချက်၊ စီရင်ထုံးဖွဲ့ချက်တို့သည် အဘယ်သို့ဆိုလိုသနည်းဟုမေးမြန်လျှင်၊ ၂၁သင်က၊ ငါတို့သည် အဲဂုတ္တပြည်၌ ဖါရောဘုရင်၏ ကျွန်ဖြစ်၍ နေစဉ်အခါ၊ ထာဝရဘုရားသည် အားကြီးသောလက်တော်နှင့် ငါတို့ကို အဲဂုတ္တပြည်မှ နှုတ်ဆောင်တော် မူ၏။ ၂၂ထာဝရဘုရားသည်လည်း၊ ကြီးမားခက်ထန်သော နိမိတ်လက္ခဏာ အံ့ဘွယ်သရဲတို့ကို အဲဂုတ္တပြည် အပေါ်မှာ၎င်း၊ ဖါရောဘုရင်နှင့် နန်းတော်သားတို့ အပေါ်မှာ၎င်း၊ ငါတို့မျက်မှောက်၌ ပြတော်မူပြီးလျင်၊ ၂၃ငါတို့ ဘိုးဘေးတို့အား ကျိန်ဆိုတော်မူသောပြည်သို့ သွင်း၍ နေရာချခြင်းအလို့ငှာ၊ ထိုပြည်မှ နှုတ်ဆောင် တော်မူ၏။ ၂၄ထာဝရဘုရားသည် ယနေ့တိုင်အောင် ကျေးဇူးပြုတော်မူသကဲ့သို့၊ ငါတို့ အသက်ကို စောင့်တော်မူမည်အကြောင်း၊ ငါတို့သည် ကိုယ်အကျိုးကိုထောက်၍၊ ငါတို့ဘုရားသခင်ထာဝရဘုရားကို ကြောက်ရွံ့လျက်၊ ဤပညတ်အလုံးစုံ တို့ကိုကျင့်စေခြင်းငှာ  မှာထားတော်မူ၏။ ၂၅သို့ဖြစ်၍ ငါတို့ဘုရားသခင် ထာဝရဘုရားမှာထာတော်မူသည်အတိုင်း၊ ဤပညတ် အလုံးစုံတို့ကိုရှေ့တော်၌ ကျင့်စေခြင်းငှာ သတိပြုလျှင်၊  ဖြောင့်မတ်ရာသို့ ရောက်ရကြလိမ့်မည်ဟု ပြန်ပြောရမည်။