တရားဟောရာကျမ်း အခန်းကြီး (၇)


၁သင်၏ဘုရားသခင်ထာဝရဘုရားသည် သင်သွား၍ ဝင်စားလတံ့သော ပြည်သို့ သင့်ကိုဆောင်သွင်း လျက်၊ ဟိတ္တိလူ၊ ဂိရဂါရှိလူ၊ အာမောရိလူ၊ ခါနာနိလူ၊ ဖေရဇိလူ၊ ဟိဝိလူ၊ ယေဗုသိလူ တည်းဟူသော၊ သင့်ထက်ကြီးမြင့်များ ပြားသော လူမျိုးခုနှစ်မျိုးတို့ကို သင့်ထံကနှင်ထုတ်၍၊ ၂တဖန်သင့်လက်၌ အပ်တော်မူသော အခါ၊ သူတို့ကိုလုပ်ကြံ၍ အကုန်အစင် သုတ်သင်ပယ်ရှင်းရမည်။ သူတို့နှင့် မိဿဟာယမဖွဲ့ရ၊ ကရုဏာကိုမပြရ။

၃သူတို့နှင့် စုံဘက်ခြင်းကိုမပြုရ။ သင်၏သမီးကို သူ၏သားနှင့်၎င်း၊ သင်၏သားကို သူ၏သမီးနှင့်၎င်း ထိမ်းမြားပေးစားခြင်းကို မပြုရ။ ၄အကြောင်းမူကား၊ သူတို့သည် သင်၏သားကို ငါ၌မဆည်းမကပ်စေဘဲ၊ အခြားတပါးသောဘုရားအား ဝတ်ပြုစေခြင်းငှာ သွေးဆောင်ကြလိမ့်မည်။ ထိုအခါ အမျက်ထွက်၍ သင်တို့ကို ချက်ခြင်းဖျက်ဆီးတော်မူလိမ့်မည်။ ၅သို့ဖြစ်၍၊ သူတို့၌ အဘယ်သို့ပြုရမည်နည်းဟူမူကား၊ သူတို့ ယဇ်ပလ္လင်များကို ဖျက်ရမည်။ ရုတ်တုများကို ဖြိုချရမည်၊ အာရှရပင်များကို ခုတ်လှဲရမည်။ ထုသော ရုတ်တုဆင်းတုများကို မီးရှို့ရမည်။ ၆အကြောင်းမူကား၊ သင်သည်သင်၏ ဘုရားသခင်ထာဝရဘုရားအဘို့ သန့်ရှင်းသောအမျိုးဖြစ်၏။ မြေကြီးပေါ်မှာ ရှိသမျှသော လူမျိုးထက် သင်၏ဘုရားသခင် ထာဝရဘုရားပိုင်ထိုက်သော အမျိုးဖြစ်စေခြင်းငှာ သင့်ကိုရွေးချယ်တော် မူပြီ။ ၇သင်သည်အခြားသောလူမျိုးထက်သာ၍ များသောကြောင့်၊ ထာဝရဘုရားသည် သင့်ကိုချစ်၍ ရွေးချယ် တော်မူသည် မဟုတ်။ သင်သည် အခြားသောလူမျိုးတကာတို့ထက်သာ၍ နည်း၏။ ၈ထာဝရဘုရားသည် သင့်ကိုချစ်သောကြောင့်၎င်း၊ သင်၏ဘိုးဘေးတို့အား ကျိန်ဆိုတော်မူသော အကျိန်ကို မဖျက်လိုသောကြောင့်‚ုင်း၊ ကျွန်ခံနေရာ အဲဂုတ္တုပြည် ကို အစိုးရသော ဖါရောဘုရင်လက်မှ အားကြီးသော လက်တော်နှင့် သင့်ကို ရွေးနှုတ်ဆောင်ယူခဲ့တော်မူပြီ။ ၉သို့ဖြစ်၍ သင်၏ဘုရားသခင်ထာဝရဘုရားသည် မှန်သောဘုရား၊ သစ္စာစောင့် သောဘုရား၊ ကိုယ်တော်ကိုချစ်၍ ပညတ်တော်တို့ကို စောင့်ရှောက်သောသူတို့၏ အမျိုးအစဉ်အဆက် အထောင်အသောင်းတိုင်အောင် ပဋိညာဉ်စကားတည်၍ ကရုဏာကိုပြသော ဘုရား၊ ၁ဝကိုယ်တော်ကို မုန်းသော သူတို့ကို ဖျက်ဆီးခြင်းငှာ၊ သူတို့မျက်မှောက်၌ အပြစ်ပေးသော ဘုရားဖြစ်တော်မူ ကြောင်း ကို သိမှတ်လော့။ ကိုယ်တော်ကို မုန်းသောသူတို့ကို အားမနာဘဲ။ သူတို့မျက်မှောက်၌ အပြစ်ပေးတော်မူမည်။ ၁၁သို့ဖြစ်၍ ယနေ့ငါထားသော စီရင်ထုံးဖွဲ့ချက်၊ ပညတ်တရားတို့ကို ကျင့်အံ့သော ငှာစောင့်ရှောက်ရမည်။

၁၂ထိုပညတ်တို့ကို သင်သည်ကျင့်ဆောင်အံ့သောငှာ နားထောင်လျှင်၊ သင်၏ဘုရားသခင်ထာဝရဘုရား သည် သင်၏ဘိုးဘေးတို့အား ကျိန်ဆိုတော်မူသော ပဋိညာဉ်နှင့် ကရုဏာတော်ကို စောင့်တော်မူမည်။ ၁၃သင့်ကိုချစ်သဖြင့် ကောင်းကြီးပေး၍ များပြာစေတော်မူမည်။ သင့်အားပေးခြင်းငှာ၊ သင်၏ဘိုးဘေးတို့အား ကျိန်ဆိုတော်မူသောပြည်၌ သင်ဘွားမြင်သော သားတို့ကို၎င်း၊ သင်၏မြေအသီးအနှံ၊ စပါး၊ စပျစ်ရည်၊ ဆီ၊ နွား၊ အစီးအပွား၊ သိုးစုတို့ကို၎င်း ကောင်းကြီးပေးတော်မူမည်။ ၁၄သင်သည် လူမျိုးတကာတို့ထက် သာ၍ ကောင်းကြီးခံရသောသူဖြစ်၍၊ သင်၌မြုံသော ယောက်ကျားမိန်းမတယောက်မျှ၊ တိရစ္ဆာန်တွင်မြုံသော အထီးအမ တကောင်မျှမရှိရ။ ၁၅ထာဝရဘုရားသည်လည်း၊ အနာရောဂါရှိသမျှတို့ကို သင့်ဆီက ပယ်ရှား၍၊ သင်သိသော အဲဂုတ္တပြည်၏ အနာဆိုးကို သင်၌စွဲစေတော်မမူ။ သင့်ကို မုန်းသောသူ အပေါင်းတို့၌ စွဲစေတော်မူမည်။ ၁၆သင်၏ ဘုရားသခင်ထာဝရဘုရားသည် သင်၌အပ်ပေးတော်မူသော လူမျိုးအပေါင်းကို ဖျက်ဆီးရမည်။ သင်၏မျက်စိသည် သူတို့ကိုမသနားရ။ သူတို့ဘုရားအား ဝတ်မပြုရ။ ဝတ်ပြုလျှင်၊ ထိမိ၍ လဲစရာအကြောင်းဖြစ်လိမ့်မည်။ ၁၇ထိုလူမျိုးတို့သည် ငါ့ထက်သာ၍များ၏။ ငါသည်သူတို့ကို အဘယ်သို့ နှင်ထုတ်နိုင်မည်နည်းဟု သင်သည် စိတ်ထဲမှာ အောက်မေ့လျက်၊ ၁၈သူတို့ကိုမကြောက်ရ။ သင်၏ဘုရားသခင် ထာဝရဘုရားသည် ဖါရောဘုရင်နှင့် အဲဂုတ္တပြည် တပြည်လုံး၌ ပြုတော်မူသော အမှုကို၎င်း၊ ၁၉ကိုယ်တိုင်မြင်၍ ကြီးစွာသော စုံစမ်းခြင်းတို့ကို၎င်း၊ သင်၏ ဘုရားသခင်ထာဝရဘုရားသည် သင့်ကို နှုတ်ဆက်သောအခါ၊  ပြတော်မူသော နိမိတ်လက္ခဏာအံ့ဘွယ်သော အမှုတို့ကို၎င်း၊ အားကြီးသောလက်ရုံးတော်ကို ဆန့်တော်မူခြင်းကို၎င်း၊ စေ့စေ့အောက်မေ့ရမည်။ ထိုနည်းတူ၊ သင်ကြောက်တတ်သော လူမျိုးရှိသမျှတို့၌ သင်၏ဘုရားသခင် ထာဝရ ဘုရားပြုတော်မူမည်။ ၂ဝထိုမှတပါး၊ ကျန်ကြွင်း၍ ပုန်းရှောင်လျက်နေသော သူတို့သည် မပျက်စီးမှီတိုင်အောင်၊ သင်၏ဘုရားသခင် ထာဝရဘုရားသည် ပျားတူများကို သူတို့တွင် စေလွှတ်တော်မူမည်။ ၂၁သူတို့ကြောင့် ထ်ိတ်လန့်ခြင်း မရှိရ။ အကြောင်း မူကား၊ တန်ခိုးကြီး၍ ကြောက်မက်ဖွယ်သောသင်၏ ဘုရားသခင်ထာဝရဘုရားသည် သင်တို့တွင်ရှိတော်မူ၏။ ၂၂သင်၏ဘုရားသခင်ထာဝရဘုရားသည် ထိုလူမျိုးတို့ကို သင့်ထံက တရွေ့ရွေ့ နှင်ထုတ်တော်မူလိမ့်မည်။ တောသားရဲတို့သည် သင့်တဘက်၌ များပြားမည်ကိုစိုးရိမ်၍၊ သူတို့ကိုချက်ခြင်း မပယ်မရှားသင့်။ ၂၃သို့ရာတွင် သင်၏ ဘုရားသခင် ထာဝရဘုရားသည် သူတို့ကိုသင်၌အပ်၍၊ သူတို့မပျက်စီးမှီတိုင်အောင်၊ ကြီးစွာသော ပျက်စီးခြင်းကို စီရင်တော်မူမည်။ ၂၄သူတို့ရှင်ဘုရင်များကို လည်းသင့်လက်၌အပ်တော်မူသဖြင့်၊ သူတို့ဘွဲ့နာမကိုပင် ကောင်းကင်အောက်မှာပယ်ရှင်းရမည်။ သူတို့ကို မဖျက်ဆီးမှီတိုင်အောင် သင့်ရှေ့မှာ အဘယ်သူမျှမရပ်မနေနိုင်ရာ။ ၂၅သူတို့ထုသော ရုပ်တုဆင်းတုဘုရားများကို မီးရှို့ရမည်။ ရုပ်တုဆင်းတု၌ပါသော ရွှေငွေကို မတပ်မက်ရ၊ မသိမ်းမယူရ၊ ယူလျှင်အပြစ်ရောက်မည်ဟု စိုးရိမ်စရာရှိ၏။ သင်၏ဘုရားသခင်ထာဝရ ဘုရားသည် စက်ဆုပ်ရွံရှာတော်မူ၏။ ၂၆စက်ဆုပ်ရွံရှာဘွယ်သောအရာကို သင့်အိမ်ထဲသို့မသွင်းရ။ သွင်းလျှင်၊ သင်သည် ထိုအရာကဲ့သို့ကျိန်အပ်သောအရာဖြစ်မည်ဟု စိုးရိမ်စရာရှိ၏။ ထိုသို့သောအရာကို သင်သည် အကြွင်းမဲ့စက်ဆုပ် ရွံရှာရမည်။ ကျိန်အပ်သောအရာပင်ဖြစ်ပေ၏။