ထွက်မြောက်ရာကျမ်း အခန်းကြီး (၁၂)


၁ထာဝရဘုရားသည် အဲဂုတ္တုပြည်၌ မောရှေနှင့် အာရုန်တို့အား မိန့်တော်မူသည်ကား၊ ၂ဤလသည် သင်တို့၌ လဦးတည်းဟူသော နှစ်စဉ်တွင် ပဌမလဖြစ်ရမည်။ ၃သင်တို့သည် ဣသရေလအမျိုး ပရိသတ်အပေါင်း တို့ကို မှာထားရသော စကားဟူမူကား၊ ဤလဆယ်ရက်နေ့၌ သင်တို့ရှိသမျှသည်၊ မိမိအိမ်ထောင် အသီးအသီး အတိုင်း တအိမ်ထောင်လျှင် သိုးသငယ်တကောင်စီ ယူရမည်။ ၄အိမ်ထောင်ငယ်၍ သိုးသငယ်တကောင်နှင့် အတန်လျှင်၊ နီးစပ်သော အိမ်နီးချင်းနှင့်စပ်ဘက်၍ လူမည်မျှရှိသည်ဟု ရေတွက်ပြီးလျှင်၊ တကောင်ကို စားလောက်သောသူများ ကိုထောက်၍ သိုးသငယ်တကောင်ကိုယူရမည်။ ၅သိုးသငယ်ဖြစ်စေ၊ ဆိတ်သငယ်ဖြစ်စေ၊ သင်တို့ယူသော အကောင်သည် အပြစ်မပါ၊ အခါမလည်သော အထီးဖြစ်ရမည်။ ၆ထိုသိုးသငယ်တို့ကို၊ ထိုလဆယ်လေးရက် တိုင်အောင် စောင့်ထားပြီးမှ၊ ညဦးအချိန်၌ ဣသရေလအမျိုးအစည်းအဝေး ပရိသတ်အပေါင်း တို့သည် သတ်ရကြမည်။ ၇သိုးသငယ်၏ အသားကိုစားရသောအိမ်၏ တံခါးထုပ်နှင့် တံခါးတိုင်နှစ်ဘက်၌၊ သိုးသငယ်၏အသွေးကိုယူ၍ ထိုးရမည်။ ၈အသားကိုမီးနှင့်ကင်းပြီးမှ၊ ထိုညဥ့်ခြင်းတွင် တဆေးမပါသောမုန့်၊ ခါးသောဟင်းသီးဟင်းရွက်နှင့် စားရမည်။ ၉အသားစိမ်းသည်ဖြစ်စေ၊ ရေနှင့်ပြုတ်သည်ဖြစ်စေမစားရ။ ခေါင်း၊ ခြေထောက်၊ အသည်း၊ နှလုံးစသည်တို့နှင့်တကွ မီးကင်ပြီးမှ စားရမည်။ ၁ဝနံနက်တိုင်အောင် ထိုအသားကို မကြွင်းစေရ။ အနည်းငယ်ကြွင်းလျှင် မီးနှင့် ရှို့ရမည်။ ၁၁အဘယ်သို့ စားရမည်နည်းဟူမူကား၊ ခါးစည်းကိုစည်းလျက်၊ ခြေနင်းကိုစီးလျက်၊ တောင်ဝေးကိုကိုင်လျက်၊ အလျှင်အမြန် စားရ မည်။ ထာဝရဘုရား၏ ပသခါဖြစ်သတည်း။ ၁၂အကြောင်းမူကား၊ ယနေ့ညဥ့်တွင် အဲဂုတ္တုပြည်ကိုငါသည် ထုတ်ချင်း ခပ်သွား၍၊ အဲဂုတ္တုပြည်၌ရှိသော လူတို့၏ သားဦးများနှင့် တိရစ္ဆာန်တို့၏ သားဦးများအပေါင်းတို့ကို ဒဏ်ခတ်၍၊ အဲဂုတ္တုပြည်၏ ဘုရားတို့ကို တရားစီရင် မည်။ ငါသည် ထာဝရဘုရားဖြစ်၏။ ၁၃သိုးသငယ်၏ အသွေးသည် သင်တို့ နေရာအိမ်၌ သင်တို့၏ လက္ခဏာ သက်သေဖြစ်၍၊ ထိုအသွေးကို ငါမြင်သောအခါ၊ သင်တို့ကို ငါလွန်သွားမည်။ ထိုသို့အဲဂုတ္တုပြည်ကို ငါသည်ဒဏ်ခတ်သောအခါ၊ ဖျက်ဆီးခြင်းဘေးဥပဒ်သည် သင်တို့ကို မသင့်မရောက်ရ။ ၁၄ဤနေ့ ရက်သည်လည်း သင်တို့အောက်မေ့စရာဘို့ဖြစ်၍၊ သင်တို့၏အမျိုးအစဉ်အဆက်မပြတ် ဤနေ့ရက်၌ ထာဝရဘုရား အား ပွဲခံရကြမည်။ ပညတ်တော်ရှိသည်ဖြစ်၍၊ ထိုပွဲကို အစဉ်အမြဲခံရကြမည်။ ၁၅ခုနစ်ရက်ပတ်လုံး တဆေးမပါသော မုန့်ကို စားရမည်။ ပဌမနေ့ရက်၌ တဆေးကိုအိမ်များမှ ပယ်ရမည်။ ပဌမနေ့မှစ၍ ခုနစ်ရက်နေ့တိုင်အောင်၊ တဆေးပါသောမုန့်ကို စားသောသူမည်သည်ကား၊ ဣသရေလ အမျိုးမှ ပယ်ရှင်းခြင်းကို ခံရမည်။ ၁၆ပဌမနေ့၌၄င်း၊ ခုနစ်ရက်နေ့၌၄င်း၊ ဓမ္မစည်းဝေးခြင်းကို ပြုရမည်။ ထိုနေ့ရက်၌ လူတိုင်းစားခြင်းကိစ္စနှင့် ဆိုင်သော အလုပ်အဆောင်မှတပါး အခြားသောအလုပ်ကိုမလုပ်မဆောင်ရ။ ၁၇ထိုအဇုမပွဲကို ခံရသောအကြောင်းဟူမူကား၊ ထိုနေ့ရက်၌ သင်တို့ဗိုလ်ခြေများကို၊ အဲဂုတ္တုပြည်ထဲက ငါနှုတ်ဆောင်သည်ဖြစ်၍၊ ထိုအကြောင်းကြောင့် ပညတ်တော်ရှိသည်အတိုင်း၊ သင်တို့၏ အမျိုးအစဉ်အဆက်မပြတ် ထိုနေ့ရက်ကို အမြဲစောင့် ရကြမည်။ ၁၈ပဌမလဆယ်လေးရက်နေ့ ညဦးမှစ၍ နှစ်ဆယ်တရက်နေ့ ညဦးတိုင်အောင်၊ သင်တို့သည် တဆေးမပါ သောမုန့်ကိုစားရကြမည်။ ၁၉ခုနစ်ရက်ပတ်လုံး သင်တို့အိမ်များ၌ တဆေးမရှိရ။ တဆေးပါသော မုန့်ကိုစားသောသူ မည်သည်ကား၊ တကျွန်းတနိုင်ငံသားဖြစ်စေ၊ ပြည်သားဖြစ်စေ၊ ဣသရေလအမျိုးပရိသတ်မှ ပယ်ရှင်းခြင်းကို ခံရမည်။ ၂ဝသင်တို့နေ့ရာအရပ်ရပ်တို့၌ တဆေးပါသောမုန့်ကို မစားရ။ တဆေးမပါသောမုန့်ကိုသာစားရမည် ဟုမိန့်တော်မူ၏။

၂၁ထိုအခါ မောရှေသည် ဣသရေလအမျိုးအသက်ကြီးသူ အပေါင်းတို့ကိုခေါ်၍၊ သင်တို့သည်အိမ်ထောင် များ အသီးအသီးကိုယ်စီကိုယ်စီ သိုးသငယ်တို့ကို ယူ၍ ပသခါပွဲတို့ သတ်ကြလော့။ ၂၂ဟုဿုပ်ပင်ညွန့် တစည်းကို ယူ၍ အင်တုံ၌ ထည့်သောအသွေးထဲမှာ နစ်ပြီးလျှင်၊ တံခါးထုပ်တံခါးတိုင် နှစ်ဘက်တို့ကို ထိုးသုတ်ကြလော့။ ထိုနောက်မှ နံနက်တိုင်အောင် အဘယ်သူမျှ မိမိအိမ်တံခါးပြင်သို့ မထွက်မသွားရ။ ၂၃အကြောင်းမူကား၊ ထာဝရဘုရားသည် အဲဂုတ္တုလူတို့ကို ဒဏ်ခတ်ခြင်းငှါ ထုတ်ချင်းခတ်သွားတော်မူမည်။ တံခါးထုပ်နှင့် တံခါးတိုင် နှစ်ဘက်၌ရှိသော အသွေးကိုမြင်သောအခါ၊ ထာဝရဘုရားသည် တံခါးကိုလွန်သွားတော်မူမည်။ ဖျက်ဆီးသော သူသည် သင်တို့ကို ဒဏ်ခတ်ခြင်းငှါ၊ အိမ်ထဲသို့ဝင်ရသောအခွင့်ကို ပေးတော်မမူ။ ၂၄သင်တို့နှင့်သင်တို့၏ သားများ၌ ပညတ်တော်ရှိသည်ဖြစ်၍၊ ဤအမှုကိုအစဉ်အမြဲ စောင့်ရကြမည်။ ၂၅ဂတိတော်ရှိသည်အတိုင်း၊ ထာဝရဘုရား ပေးတော်မူလတံ့သောပြည်သို့ သင်တို့သည် ရောက်ကြသောအခါ ဤဝတ်ကိုပြုရမည်။ ၂၆သင်တို့၏သားမြေးတို့က၊ ဤဝတ်ကိုပြု၍ အဘယ်သို့ဆိုလိုသနည်းဟု မေးမြန်းကြလျှင်၊ ၂၇ထာဝရဘုရားသည် အဲဂုတ္တုလူတို့ကို ဒဏ်ခတ်၍၊ ငါတို့အိမ်များကို ချမ်းသာပေးတော်မူသောအခါ အဲဂုတ္တုပြည်၌ ဣသရေလ အမျိုးသားတို့၏ အိမ်များကို လွန်သွားတော်မူသော  ထာဝရဘုရား၏ ပသခါယဇ်ဖြစ်သတည်း ဟုပြန်ပြောရကြ မည်ဟု မောရှေဆိုပြီးလျှင်၊ ထိုသူတို့သည် ဦးညွတ်ချ၍ကိုးကွယ်ကြ၏။ ၂၈ထိုသို့မောရှေနှင့် အာရုန်တို့ကို ထာဝရဘုရားမှာထားတော်မူသည် အတိုင်း၊ ဣသရေလအမျိုးသားတို့သည် ပြုကြ၏။

၂၉သန်းခေါင်းအချိန်၌၊ ထာဝရဘုရားသည် နန်းထိုင်သော ဖါရောဘုရင်၏ သားဦးမှစ၍ ထောင်ထဲမှာ အချုပ်ခံရသောသူ၏ သားဦးတိုင်အောင်၊ အဲဂုတ္တုပြည်၌ သားဦးရှိသမျှကို၎င်း၊ တိရစ္ဆာန်တို့၏သားဦးရှိသမျှကို၎င်း ဒဏ်ခတ်တော်မူ၏။ ၃ဝထိုညဥ့်တွင်၊ ဖါရောဘုရင်နှင့် သူ၏ကျွန်များ၊ အဲဂုတ္တုလူများတို့သည် ထကြ၍၊ အသေကောင် ကင်းသောအိမ်တအိမ်မျှမရှိသောကြောင့်၊ အဲဂုတ္တုပြည်၌ကြီးစွာသော ငိုကြွေးခြင်းဖြစ်လေ၏။ ၃၁ထိုညဥ့်ခြင်းတွင် မောရှေနှင့် အာရုန်ကို ခေါ်တော်မူလျှင်၊ သင်တို့မှစ၍ ဣသရေလအမျိုးသားတို့၊ ထ၍ငါ့လူစုထဲက ထွက်သွားကြ လော့။ သင်တို့ တောင်းသည်အတိုင်း ထာဝရဘုရားအားသွား၍ ဝတ်ပြုကြလော့။ ၃၂သင်တို့တောင်းသည်အတိုင်း သိုးနွား များကိုယူ၍ သွားကြလော့။ ငါ့ကိုလည်း ကောင်းကြီးပေးကြလော့ဟု မိန့်တော်မူ၏။ ၃၃အဲဂုတ္တုလူတို့ ကလည်း၊ ငါတို့ရှိသမျှသည် အသေကောင်ဖြစ်ကြပြီဟု ဆိုလျက်၊ ဣသရေလလူတို့ကို အဲဂုတ္တုပြည်ထဲက အလျင်အမြန်လွှတ်ခြင်းငှါ ကျပ်ကျပ်နှိုးဆော်ကြ၏။ ၃၄ထိုလူတို့သည် တဆေးမရောသေးသော မုန့်စိမ်းကိုယူ၍ မုန့်နယ်သောခွက်တို့ကိုလည်း အဝတ်နှင့် တကွထုပ်၍ ထမ်းကြ၏။ ၃၅မောရှေစီရင်သည်အတိုင်း၊ ဣသရေလ အမျိုးသားတို့သည် ငွေတန်ဆာ၊ ရွှေတန်ဆာ၊ အဝတ်တန်ဆာများကို အဲဂုတ္တုလူတို့၌တောင်းကြ၏။ ၃၆တောင်းသည်အတိုင်းလည်း၊ ပေးချင်သောစေတနာစိတ်ကို အဲဂုတ္တုလူတို့အား ထာဝရဘုရားပေးတော်မူသဖြင့်၊ အဲဂုတ္တုလူတို့၏ ဥစ္စာများကို လုယူကြ၏။

၃၇ဣသရေလအမျိုးသားမိန်းမနှင့် သူငယ်ကိုမဆိုဘဲ၊ ယောက်ျားအရေအတွက် အားဖြင့် ခြောက်သိန်းခန့် မျှရှိ သောသူတို့သည်၊ ရာမသက်မြို့မှ ထွက်၍ သုကုတ်အရပ်သို့ခရီးသွားကြ၏။ ၃၈အမျိုးမျိုးသော လူအများ တို့သည်လည်း၊ သိုးနွားအစရှိသော များစွာသော တိရစ္ဆာန်တို့နှင့်တကွ လိုက်ကြ၏။ ၃၉တဆေးမရောဘဲ အဲဂုတ္တုပြည်မှ ဆောင်ခဲ့သော မုန့်စိမ်းကိုယူ၍၊ တဆေးမပါသောမုန့်ကိုဖုတ်ရကြ၏။ အကြောင်းမူကား၊ အဲဂုတ္တုပြည်၌ မနွှဲမဖင့် အနှင်ခံရသောကြောင့်၊ ကိုယ်စားစရာကို မပြင်မှီကြ။

၎ဝဣသရေလအမျိုးသားတို့သည် အဲဂုတ္တုပြည်၌ ဧည်သည်ဖြစ်၍၊ တည်နေကြသော ကာလနှစ်ပေါင်းလေး ရာသုံးဆယ် ဖြစ်သတည်း။ ၄၁အနှစ်လေးရာသုံးဆယ် စေ့သောနေ့ခြင်းတွင်၊ ထာဝရဘုရား၏ ဗိုလ်ခြေအပေါင်း တို့သည်၊ အဲဂုတ္တုပြည်မှ ထွက်သွားကြ၏။ ၄၂အဲဂုတ္တုပြည်မှ နှုတ်ဆောင်တော်မူသော အတွက်ကြောင့်၊ ထိုနေ့ညဥ့်ကို အထူးသဖြင့် ထာဝရဘုရား၌ စောင့်စရာကောင်း၏။ ဣသရေလအမျိုးသားတို့၏ အမျိုးအစဉ် အဆက်မပြတ်စောင့်ရသော ထာဝရဘုရား၏ ညဥ့်ကား၊ ဤသည်ညဥ့်ပေတည်း။

၄၃ပသခါပွဲတရားဟူမူကား၊ တပါးအမျိုးသားမစားရ။ ၄၄သို့ရာတွင် ငွေနှင့်ဝယ်သော ကျွန်သည် အရေဖျားလှီး  မင်္ဂလာကို ခံပြီးလျှင် စားရ၏။ ၄၅တကျွန်းတနိုင်ငံသားဖြစ်စေ၊ အခစားသောကျွန်ဖြစ်စေ၊ မစားရ။ ၄၆တအိမ်တည်း၌ တကောင်ကိုစားရ၏။ အသားကိုအိမ်ပြင်သို့ ယူမသွားရ။ အရိုးကိုလည်း မချိုးရ။ ၄၇ဣသရေလ အမျိုးသား ပရိသတ် အပေါင်းတို့သည် ထိုပွဲကိုခံရကြမည်။ ၄၈သင်တို့ထံမှာတည်းခိုသော တပါးအမျိုးသားသည် ထာဝရဘုရားအဘို့ ပသခါ ပွဲကိုခံခြင်းငှါ အလိုရှိလျှင်၊ သူ၌ရှိသော ယောက်ျားအပေါင်းတို့သည် အရေဖျားလှီး မင်္ဂလာကို ခံကြစေ။ သို့ပြီးမှ ထိုသူသည်ပြည်သားသကဲ့သို့ ဖြစ်သောကြောင့်၊ ချဉ်း၍ထိုပွဲသို့ ဝင်စေ။ အရေဖျားလှီး မင်္ဂလာကို မခံသောသူမည် သည်ကား၊ ထိုပွဲ၌ဝင်၍မစားရ။ ၄၉အမျိုးသားချင်းဖြစ်သောသူ၊ သင်တို့တွင် တည်းခိုသောတပါးအမျိုးသားဖြစ်သော သူတို့သည်၊ တပါးတည်းသောတရားနှင့် ဆိုင်ကြ၏ဟု ထာဝရဘုရားသည် မောရှေနှင့် အာရုန်၌ ပညတ်ထားတော် မူ၏။ ၅ဝထိုသို့မောရှေနှင့် အာရုန်၌ ထာဝရဘုရားပညတ်ထားတော်မူသည် အတိုင်း၊ ဣသရေလအမျိုးသားအပေါင်း တို့သည် ပြုကြ၏။ ၅၁ထိုနေ့ခြင်းတွင်ထာဝရဘုရားသည်၊ ဣသရေလ အမျိုးသား ဗိုလ်ခြေတို့ကို အဲဂုတ္တုပြည်မှ ဆောင်သွားတော်မူပြီးလျှင်၊