ထွက်မြောက်ရာကျမ်း အခန်းကြီး (၂၃)


၁သင်သည် မှားသောသိတင်းစကားကို မကြားမပြောရ။ မတရားသောသူတို့နှင့် ဝိုင်းညီ၍ မမှန်သော သက်သေကို မခံရ။ ၂လူများနောက်သို့လိုက်၍ မတရားသဖြင့်မပြုရ။ တရားတွေ့သည်အမှုမှာ ကြီးသောသူဘက်၌ နေ၍၊ တရားလမ်းမှလွဲစေခြင်းငှါ မပြောရ။ ၃ဆင်းရဲသောသူဘက်၌လည်း မငဲ့ကွက်ရ။ ၄သင်သည် ရန်သူ၏ မြင်းနွား လမ်းလွဲသည်ကို တွေ့မြင်လျှင် အမှန်ပြန်ပို့ရမည်။ ၅သင့်ကိုမုန်းသောသူ၏ မြည်းသည်၊ မိမိဆောင်ရွက်သောဝန် အောက်မှာ လဲနေသည်ကိုတွေ့မြင်လျှင်၊ မမစဘဲနေနိုင်သလော။ အမှန်ဝိုင်းညီ၍ မစရမည်။ ၆သင်၌ ဆင်းရဲသောသူ သည် တရားတွေ့သောအခါ၊ သူ့ကိုမတရားသဖြင့် မစီရင်ရ။ ၇မဟုတ်မမှန်သောအမှုကို ရှောင်ရမည်။ အပြစ်မရှိသော သူ၊ ဖြောင့်မတ်သောသူကို မကွပ်မျက်ရ။ အကြောင်းမူကား၊ ငါသည် မတရားသောသူကို အပြစ်မလွှတ်။ ၈သင်သည် တံစိုးမစားရ။ တံစိုးသည် ပညာရှိတို့၏မျက်စေ့ကို ကွယ်စေ၍၊ ဖြောင့်မတ်သောသူတို့၏ စကားကို လွဲစေတတ်၏။ ၉တကျွန်းတနိုင်ငံသားဖြစ်သော ဧည့်သည်ကို မညှဉ်းဆဲရ။ သင်တို့သည် အဲဂုတ္တုပြည်၌ ဧည့်သည်ဖြစ်ခဲ့ဘူးသော ကြောင့်၊ ဧည့်သည်၏စိတ်သဘောကို သိကြ၏။

၁ဝခြောက်နှစ်ပတ်လုံး လယ်လုပ်၍ အသီးကိုသိမ်းရမည်။ ၁၁သတ္တမနှစ်တွင် လယ်ကိုမလုပ်ဘဲ အလွတ်ထား ရမည်။ သို့ပြုလျှင် ဆင်းရဲသောအမျိုးသားချင်းတို့သည်၊ စားရသောအခွင့်ရှိလိမ့်မည်။ ကြွင်းသောအရာကိုလည်း၊ မြေတိရစ္ဆာန်တို့သည် စားရကြလိမ့်မည်။ ထိုနည်းတူ၊ စပျစ်ဥယျာဉ်၊ သံလွင်ဥယျာဉ်ကိုလည်း ပြုရမည်။ ၁၂ခြောက်ရက် ပတ်လုံး အလုပ်လုပ်ရမည်။ သတ္တမနေ့ရက်၌ ငြိမ်ဝပ်စွာနေရမည်။ သို့ပြုလျှင် သင်၏နွားမြည်း တို့သည် ငြိမ်ဝပ်စွာ နေသောအခွင့်ရှိလိမ့်မည်။ သင်၏ငယ်သားများ၊ ဧည့်သည်များတို့လည်း သက်သာရကြ လိမ့်မည်။ ၁၃ငါပညတ်သမျှ တို့၌ သတိပြုကြလော့။ အခြားသောဘုရား၏နာမကို မမြွက်မဆိုနှင့်။ သင်၏နှုတ်ထဲက မြွက်သံကို သူတပါးမကြား စေနှင့်။

၁၄တနှစ်တွင်သုံးကြိမ် ငါ့အဘို့ပွဲခံရမည်။ ၁၅ငါမှာထားခဲ့ပြီးသည်အတိုင်း၊ အဗိဗလချိန်းချက်သော နေ့ရက် အချိန်၌ အဇုမပွဲကိုခံ၍၊ ခုနစ်ရက်ပတ်လုံး တဆေးမဲ့သောမုန့်ကို စားရမည်။ အကြောင်းမူကား၊ ထိုလတွင် သင်သည် အဲဂုတ္တုပြည်က ထွက်လာသတည်း။ ထိုပွဲကိုခံစဉ် ငါ့ထံသို့ အဘယ်သူမျှ လက်ချည်းမပေါ်မလာရ။ ၁၆လယ်လုပ်၍ အသီးအနှံကို သိမ်းစရာရှိသည်ကာလ၊ သိမ်းပွဲကို၎င်း၊ လယ်လုပ်၍ အသီးအနှံကိုသိုထား သည်ကာလ၊ နှစ်လဲသော အခါ၊ သိုထားပွဲကို၎င်း ခံရမည်။ ၁၇သင်တို့တွင် ယောက်ျားအပေါင်းတို့သည်၊ တနှစ်လျှင် သုံးကြိမ် ထာဝရအရှင် ဘုရားသခင့်ရှေ့တော်၌ မျက်နှာပြရကြမည်။ ၁၈ငါ့ယဇ်ကောင်၏အသွေးကို၊ တဆေးပါသော မုန့်နှင့်ရော၍ မပူဇော်ရ။ ငါ့ယဇ်ကောင်ဆီဥကို နံနက်တိုင်အောင်မကြွင်းစေရ။ ၁၉သင်၏မြေ၌ အဦးသီးသော အသီးအနှံအကောင်းဆုံးကို၊ သင်၏ဘုရားသခင် ထာဝရဘုရား၏ အိမ်တော်ထဲသို့ ဆောင်သွင်းရမည်။ ဆိတ်သငယ်ကို အမိနို့ရည်မပြုတ်မချက်ရ။

၂ဝကြည်ရှု့လော့။ လမ်းခရီး၌ သင့်ကိုစောင့်ရှောက်၍၊ ငါပြင်ဆင်နှင့်သောအရပ်သို့ ပို့စေခြင်းငှါ၊ ကောင်းကင် တမန်ကို သင့်ရှေ့၌ ငါစေလွှတ်၏။ ၂၁ထိုတမန်ကို ရိုသေစွာပြုလော့။ စကားတော်ကို နားထောင်လော့။ အာဏာ တော်ကို မဆန်နှင့်။ သင်တို့ပြစ်မှားသောအပြစ်ကို သူသည်မလွှတ်။ ငါ့နာမသည် သူ၌တည်ရှိ၏။ ၂၂အကယ်စင်စစ် သင်သည်သူ့စကားကိုနားထောင်၍ ငါပညတ်သမျှအတိုင်းပြုလျှင်၊ သင်၏ရန်သူတို့ကို ငါသည်ရန်ဘက်ပြုမည်။ သင့်ကိုဆီးတားသောသူတို့ကိုလည်း ငါဆီးတားမည်။ ၂၃ငါ့တမန်သည် သင့်ရှေ့၌သွား၍ သင့်ကို အာမောရိလူ၊ ဟိတ္တိလူ၊ ဖေရဇိလူ၊ ခါနနိလူ၊ ဂိရဂါရှိလူ၊ ဟိဝိလူ၊ ယေဗုသိလူတို့ ရှိရာသို့ဆောင်သွင်း၍၊ သူတို့ကိုပယ်ရှင်းမည်။ ၂၄သူတို့ဘုရား များကို ဦးမချဝတ်မပြုရ။ သူတို့ဘာသာအတိုင်း မကျင့်ရ။ သူတို့ကို အကုန်အစင်မှောင်လှဲ၍၊ ရုပ်တုဆင်းတုများကိုလည်း ရှင်းရှင်းဖြိုဖျက်ရမည်။ ၂၅သင်တို့၏ဘုရားသခင် ထာဝရဘုရားကို ဝတ်ပြုရမည်။ သင်၏မုန့်ကို၎င်း၊ ရေကို၎င်း၊ ကောင်းကြီးပေးတော်မူမည်။ အနာရောဂါကိုလည်း သင်၏အထဲက နှုတ်ယူပယ်ရှားတော်မူမည်။ ၂၆သင်၏ပြည်တွင် ကိုယ်ဝန်ပျက်သော သတ္တဝါ၊ မြုံသောသတ္တဝါနှင့် ကင်းလွတ်လိမ့်မည်။ သင်၏အသက်တန်းကို ငါစုံလင်စေမည်။ ၂၇ငါ့ကို ကြောက်တတ်သောသဘောကို သင့်ရှေ့သို့ ငါစေလွှတ်၍၊ သင်ရောက်လေရာရာအရပ်၌ ခပ်သိမ်းသောလူမျိုးကို ငါဖျက်ဆီးမည်။ သင်၏ရန်သူအပေါင်းတို့ကို နောက်သို့လှည့်စေမည်။ ၂၈ပျားတူများကိုလည်း သင့်ရှေ့သို့ငါစေလွှတ်၍ သူတို့သည် ဟိဝိလူ၊ ခါနနိလူ၊ ဟိတ္တိလူတို့ ကို သင့်ရှေ့မှာ နှင်ထုတ်ကြလိမ့်မည်။ ၂၉ထိုလူများကို တနှစ်ချင်းတွင် သင့်ရှေ့မှာ ငါမနှင်ထုတ်။ သို့ပြုလျှင် ပြည်သည် လူဆိတ်ညံ၍ သားရဲသည် သင့်တဘက်၌ များပြားလိမ့်မည်။ ၃ဝသင်သည် တိုးပွား၍ တပြည်လုံးကို ဝင်စားသည်တိုင်အောင် သူတို့ကိုသင့်ရှေ့မှာ ဖြည်းဖြည်းငါနှင်ထုတ်မည်။ ၃၁သင်နေရာနယ်အပိုင်းအခြားကို၊ ဧဒုံပင်လယ်မှသည် ဖိလိတ္တိပင်လယ်တိုင်အောင်၎င်း၊ တောမှသည် မြစ်တိုင်အောင် ၄င်း ငါမှတ်သားမည်။ ထိုအရပ်သားများကို သင့်လက်သို့ငါအပ်၍၊ သင်သည်နှင်ထုတ်ရလိမ့်မည်။ ၃၂သူတို့နှင့်၎င်း၊ သူတို့ဘုရားများ နှင့်၎င်း၊ သင်သည်မိဿဟာယမဖွဲ့ရ။ ၃၃သင်သည် ငါ့ကိုပြစ်မှားစေခြင်းငှါ၊ သူတို့သည် ပြုမည်ကို စိုးရိမ်စရာရှိ သောကြောင့်၊ သူတို့သည် သင့်ပြည်၌ မနေရကြ။ သင်သည် သူတို့ဘုရားကို ဝတ်ပြုလျှင်၊ ထိမိ၍လဲစရာ အကြောင်း အမှန်ဖြစ်လိမ့်မည်ဟု မောရှေအားမိန့်တော်မူ၏။