ထွက်မြောက်ရာကျမ်း အခန်းကြီး (၂၅)


၁ထာဝရဘုရားကလည်း၊ ဣသရေလအမျိုးသားတို့သည်၊ ၂ငါ့အားလက်ဆောင် ပÀာကိုဆောင်ခဲ့ရမည် အကြောင်းဆင့်ဆိုလော့။ ကြည်ညိုသော စေတနာစိတ်နှင့် ငါ့အားလှူသမျှသောသူတို့၌ သင်သည်အလှူကိုခံရ မည်။ ၃ခံရသောအလှူဟူမူကား၊ ရွှေ၊ ငွေ၊ ကြေးဝါ၊ ၄ပြာသောအထည်၊ မောင်းသောအထည်၊ နီသောအထည်၊ ပိတ်ချော၊ ဆိတ်မွေး။ ၅အနီဆိုးသောသိုးရေ၊ တဟာရှသားရေ၊ အကာရှသစ်သား။ ၆လိမ်းရန်ဆီဘော်ဘို့၊ မီးရှို့ရာနံ့သာပေါင်း မွေးဘော်ဘို့ရာ၊ နံ့သာမျိုး၊ မီးထွန်းစရာဆီ၊ ၇ရှဟံကျောက်၊ ယဇ်ပုရောဟိတ် သင်တိုင်းနှင့် ရင်ဖွဲ့၌စီစရာကျောက်မြတ် တည်းဟူသော အလှူကိုခံရမည်။ ၈ငါသည်သင်တို့တွင် ကျိန်းဝပ်ရာဘို့ သန့်ရှင်းရာဌာန ကိုလုပ်ကြစေ။ ၉ငါပြသမျှသော တဲတော်ပုံ၊ တဲတော်တန်ဆာပုံနှင့် အညီလုပ်ရမည်။

၁ဝအလျားနှစ်တောင်ထွာ၊ အနံတတောင်ထွာ၊ စောက်တတောင်ထွာ ရှိသောသေတ္တာကို၊ အကာရှသား နှင့် လုပ်၍၊ သေတ္တာအတွင်းအပြင်ကိုရွှေစင်နှင့် မွမ်းမံရမည်။ ၁၁သေတ္တာအပေါ်နားပတ်လည်၌ ကွပ်သော ရွှေတန်ဆာကိုလည်း လုပ်ရမည်။ ၁၂ရွှေလေးကွင်းကို သွန်း၍၊ သေတ္တာလေးထောင့်၌ တမျက်နှာ နှစ်ကွင်းစီတပ်ရမည်။ ၁၃အကာရှသား ထမ်းဘိုးကိုလုပ်၍ ရွှေနှင့် မွမ်းမံပြီးမှ၊ ၁၄သေတ္တာထမ်းစရာဘို့ တဘက် တချက် ရွှေကွင်းထဲသို့ လျှိုထားရမည်။ ၁၅ထိုထမ်း ဘိုးကိုလည်း သေတ္တာရွှေကွင်းထဲက မနှုတ် အစဉ်ရှိစေရမည်။ ၁၆ငါပေးသော သက်သေခံချက်ကို၊ ထိုသေတ္တာထဲမှာ ထားရမည်။

၁၇အလျားနှစ်တောင်ထွာ၊ အနံတတောင်ထွာရှိသော သေတ္တာအဖုံးကိုလည်း ရွှေနှင့်လုပ်ရမည်။ ၁၈ရွှေခေရုဗိမ် နှစ်ပါးကိုလည်း သေတ္တာအဖုံးတွင် အလျားတဘက်တချက်၌ ထုလုပ်ရမည်။ ၁၉ထိုခေရုဗိမ်နှစ်ပါးကို သေတ္တာဖုံးကိုယ်ထဲ ကထုတ်၍၊ သေတ္တာဖုံးအပေါ်၌ တဘက်တပါးစီလုပ်ပြီးလျှင်၊ ၂ဝခေရုဗိမ်နှစ်ပါးတို့သည် မျက်နှာချင်းဆိုင်၍၊ သေတ္တာဖုံး ကိုရှုလျက်၊ မိမိအတောင်ကိုဖြန့်၍သေတ္တာဖုံးကို မိုးရမည်။ ၂၁သေတ္တာအဖုံးကို သေတ္တာပေါ်မှာ တင်ရမည်။ ငါပေးသော သက်သေခံချက်ကိုလည်း သေတ္တာထဲမှာထားရမည်။ ၂၂ထိုအရပ်၌ ငါသည်သင်နှင့်တွေ့၍၊ သက်သေခံချက်ထားသော သေတ္တာဖုံးအပေါ်၊ ခေရုဗိမ်နှစ်ပါးစပ်ကြားမှာ သင်နှင့်နှုတ်ဆက် သဖြင့်၊ ဣသရေလအမျိုးသားတို့၌ ဆင့်ဆိုရာသမျှတို့ ကိုစီရင်မည်။

၂၃အလျားနှစ်တောင်၊ အနံတတောင်၊ အမြင့်တတောင်ထွာရှိသော စားပွဲကိုလည်း အကာရှသားနှင့် လုပ်၍၊ ၂၄ရွှေစင်နှင့် မွမ်းမံရမည်။ စားပွဲအပေါ်နားပတ်လည်၌ ကွပ်သောရွှေတန်ဆာကို၎င်း၊ ၂၅အနံလက် တဝါးရှိသော ခါးပန်း ကို၎င်း၊ ခါးပန်းအပေါ်နားပတ်လည်၌ ကွပ်သောရွှေတန်ဆာကို၎င်းလုပ်ရမည်။ ၂၆ရွှေလေးကွင်း ကိုလည်းလုပ်၍၊ ခြေထောက်လေးခုအထက် စားပွဲလေးထောင့်၌ တပ်ရမည်။ ၂၇ထိုရွှေကွင်းတို့သည် ခါးပန်းပေါ်မှာ ရှိ၍၊ စားပွဲထမ်းစရာ ထမ်းဘိုးနေရာဖြစ်ရမည်။ ၂၈စားပွဲထမ်းစရာအကာရှသား ထမ်းဘိုးကိုလုပ်၍ ရွှေနှင့် မွမ်းမံရမည်။ ၂၉စားပွဲနှင့် ဆိုင်သော လင်ပန်း၊ ဇွန်း၊ အင်တုံ၊ လောင်းစရာဖလားများကိုလည်း ရွှေစင်နှင့် လုပ်ရမည်။ ၃ဝငါ့ရှေ့၊ စားပွဲပေါ်မှာ ရှေ့တော်မုန့်ကို အစဉ်တင်ရမည်။

၃၁မီးခုံးကိုလည်း ရွှေစင်နှင့်လုပ်၍၊ မီးခုံတိုင် အစရှိသောအလက်များ၊ ခွက်များ၊ ဘူးသီးများ၊ ကြာပွင့်များတို့ကို တစပ်တည်းထုရမည်။ ၃၂မီးခုံးတိုင်တဘက်တချက်သုံးလက်စီထွက်၍၊ အလက်ခြောက်လက် ရှိရမည်။ ၃၃မီးခုံးတိုင်ထဲ ကထွက်သောအလက်သုံးလက်တွင်၊ တလက်တလက်၌ ဘူးကြာပွင့်နှင့် တကွ၊ ဗာတံသီးနှင့် ပုံတူသောခွက်သုံးခွက် ရှိရမည်။ ၃၄မီးခုံးတိုင်၌လည်း ဘူးကြာပွင့်နှင့်တကွ၊ ဗာတံသီးနှင့် ပုံတူသော ခွက်လေးခွက်ရှိရမည်။ ၃၅မီးခုံတိုင်ထဲက ထွက်သောအလက်ခြောက်လက်ရှိသည်အတိုင်း၊ အလက်နှစ်ဘက် အောက်၌လည်း ဘူးသီးတလုံးစီရှိရမည်။ ၃၆ဘူးများ၊ အလက်များတို့ကို တကိုယ်တစပ်တည်းဖြစ်စေ၍၊ မီးခုံးတကိုယ်လုံးကို ရွှေစင်နှင့် ထုလုပ်ရမည်။ ၃၇မီးခွက်ခုနစ်လုံးကို လည်းလုပ်ရမည်။ စားပွဲကိုလင်းစေခြင်းငှါ ထိုမီးခွက်ကို ထွန်းရမည်။ ၃၈မီးညှပ်ခံစရာခွက်တို့သည်လည်း ရွှေစင်ဖြစ်ရမည်။ ၃၉မီးခုံနှင့် မီးခုံတန်ဆာရှိသမျှတို့ကို၊ ရွှေစင်အခွက်တဆယ်နှင့် လုပ်ရမည်။ ၄ဝတောင်ပေါ်မှာ သင့်အားပြခဲ့ပြီးသောပုံ နှင့်ညီလျော်စွာလုပ်ခြင်းငှါ သတိပြုရမည်။