ထွက်မြောက်ရာကျမ်း အခန်းကြီး (၂၇)


၁တနည်းကား၊ အလျားငါးတောင်၊ အနံငါးတောင်ရှိ၍ စတုရန်းလေးထောင့်ဖြစ်သော ယဇ်ပလ္လင်ကို၊ အကာရှ သားနှင့် လုပ်ရမည်။ အမြင့်လည်း သုံးထောင်ရှိရမည်။ ၂ယဇ်ပလ္လင် လေးထောင့်အပေါ်မှာ၊ ဦးချိုလေးချောင်းကို အကာရှသားနှင့် လုပ်၍ ကြေးဝါနှင့်မွမ်းမံရမည်။ ၃ပြာခံစရာအိုးနှင့် တကွ တူးရွင်းပြား၊ အင်တုံ၊ အမဲသားချိတ်၊ လင်ပန်း အစရှိသော ယဇ်ပလ္လင်နှင့် ဆိုင်သော တန်ဆာရှိသမျှတို့ကို ကြေးဝါနှင့် လုပ်ရမည်။ ၄ကြေးဝါဆန်ခါကို၎င်း၊ ဆန်ခါလေး ထောင့်အပေါ်မှာ ကြေးဝါလေးကွင်းကို၎င်း လုပ်ပြီးလျှင်၊ ၅ယဇ်ပလ္လင်ခါးပန်း အောက်၊ အလယ်၌ထားရမည်။ ၆ယဇ်ပလ္လင်ထမ်းစရာ အကာရှသား ထမ်းဘိုးတို့ကို လုပ်၍ ကြေးဝါနှင့် မွမ်းမံပြီးမှ၊ ၇ယဇ်ပလ္လင်ကိုထမ်းစရာဘို့ တဘက် တချက်ကွင်းများ၌ လျှိုထားရမည်။ ၈တောင်ပေါ်မှာသင့်အား ပြသည်အတိုင်း၊ ထိုယဇ်ပလ္လင်ကို အပေါ်အောက် ဟင်းလင်းဖြစ်စေခြင်းငှါ၊ ပျဉ်ပြားနှင့်လုပ်ရမည်။

၉တဲတော်ဝင်းကာရန်မူကား၊ အလျားအတောင်တရာရှိသော ပိတ်ချောနှင့် တောင်ဘက်၌ကုလားကာကို လုပ်ရမည်။ ၁ဝထိုကုလားကာဘို့တိုင်နှစ်ဆယ်၊ တိုင်ခြေစွပ်နှစ်ဆယ်ကို ကြေးဝါနှင့်လုပ်၍ တိုင်တံစို့၊ တိုင်တန်းတို့ကို ငွေဖြင့် ပြီးစေရမည်။ ၁၁ထိုနည်းတူ၊ မြောက်ဘက်၌ ကာရန်အလျား အတောင်တရာရှိသော ကုလားကာနှင့် တကွ ငွေတံစို့၊ ငွေတန်းပါသောကြေးဝါထိုင်နှစ်ဆယ်၊ ကြေးဝါခြေစွပ်နှစ်ဆယ်ရှိရမည်။ ၁၂ဝင်းအနောက်ဘက် အနံ၌ကာရန်၊ အလျားအတောင်ငါးဆယ်ရှိသောကုလားကာနှင့်တကွ တိုင်တဆယ်၊ ခြေစွပ်တဆယ်ရှိရမည်။ ၁၃ဝင်းအရှေ့ဘက်၌ လည်း အနံအတောင်ငါးဆယ်ရှိရမည်။ ၁၄တံခါးဝ တဘက်တချက်၌ ကာရန်၊ အလျားဆယ်ငါးတောင်ရှိသော ကုလား ကာနှင့် တကွတိုင်သုံးတိုင်၊ ၁၅ခြေစွပ်သုံးခုရှိရမည်။ ၁၆ဝင်းတံခါးဝ၌ကာရန်၊ ပြာသောအထည်၊ မောင်းသောအထည်၊ နီသောအထည်၊ ပိတ်ချောဖြင့်ပြီး၍၊ ချယ်လှယ်သောကုလားကာအတောင်နှစ်ဆယ်နှင့် တကွတိုင်လေးတိုင်ခြေစွပ် လေးခုရှိရမည်။ ၁၇ဝင်းပတ်လည်၌ တိုင်ရှိသမျှ တို့သည် ငွေတံစို့၊ ငွေတန်း၊ ကြေးဝါ ခြေစွပ်နှင့် ပြည့်စုံရမည်။ ၁၈ဝင်းသည် အလျားအတောင်တရာ၊ အနံငါးဆယ်၊ အမြင့်ငါးတောင်ရှိ၍၊ ပိတ်ချောနှင့် ကြေးဝါခြေစွပ်ဖြင့် ပြီးရမည်။ ၁၉အမှုတော် ထမ်းဘို့တဲတော်အသုံးအဆောင်ရှိသမျှကို၎င်း၊ တဲတော်တံသင်၊ ဝင်းနှင့် ဆိုင်သောတံသင်ရှိသမျှကို၎င်း၊ ကြေးဝါနှင့် လုပ်ရမည်။

၂ဝပရိသတ်စည်းဝေးရာတဲတော်တွင်၊ သက်သေခံချက်ထားရာ အရပ်ကိုကာသော ကုလားကာပြင်မှာ၊ မီးခုံ ၌အစဉ်မပြတ်မီးထွန်းစရာဘို့၊ သံလွင်သီးကို ထောင်း၍ယူသော သံလွင်ဆီစစ်ကို၊ ဣသရေလအမျိုးသားတို့သည် ဆောင်ခဲ့ရကြမည် အကြောင်းဆင့်ဆိုလော့။ ၂၁အာရုန်နှင့် သူ၏သားတို့သည်၊ ညဦးမှသည် နံနက်တိုင်အောင်၊ ထာဝရဘုရားရှေ့တော်၌ ထိုအမှုကို စီရင်ရမည်။ ဣသရေလအမျိုးတို့သည်၊ သားအစဉ်အဆက်စောင့်ရသော ပညတ် တော်ဖြစ်သတည်း။