ထွက်မြောက်ရာကျမ်း အခန်းကြီး (၂၉)


၁သူတို့သည် ငါ့ရှေ့၌ ယဇ်ပုရောဟိတ်အမှုကိုဆောင်ရွက်မည်အကြောင်း၊ အဘယ်သို့သန့်ရှင်းစေရမည် နည်း ဟူမူကား၊ အပြစ်မပါသော နွားသငယ်အထီးနှင့် သိုးနှစ်ကောင်တို့ကို၎င်း၊ ၂တဆေးမပါသော ဂျုံမုန့်၊ တဆေးမပါဘဲ ဆီနှင့်လုပ်သောဂျုံမုန့်ပြား၊ တဆေးမပါဘဲ ဆီနှင့်လူးသော ဂျုံမုန့်ကြွပ်တို့ကို၎င်း၊ ယူရမည်။ ၃ထိုမုန့်များကို တောင်းတလုံး ထဲ၌ထည့်ပြီးမှ၊ နွားတကောင်၊ သိုးနှစ်ကောင် နှင့်တကွ ဆောင်ခဲ့ရမည်။ ၄အာရုန်နှင့်သူ၏သားတို့ကို၊ ပရိသတ်စည်း ဝေးရာတံခါးနားသို့ ခေါ်ခဲ့၍၊ ရေချိုးရမည်။ ၅အဝတ်တန်ဆာများကို ယူ၍၊ အင်္ကျီ၊ ဝတ်လုံ၊ သင်တိုင်း၊ ရင်ဖုံးနှင့် အာရုန်ကိုဝတ်စေ၍၊ ထူးဆန်းသော သင်တိုင်း ရင်စည်းနှင့်စည်းရမည်။ ၆သူ၏ခေါင်းပေါ်မှာ ဗေါင်းကိုတင်၍၊ ဗေါင်း၌သန့်ရှင်းသော သင်းကျစ်ကိုတပ်ရမည်။ ၇ထိုအခါ လိမ်းစရာဆီကိုယူ၍ သူ၏ခေါင်းပေါ်၌ လောင်းသဖြင့် သူ့ကိုလိမ်းရမည်။ ၈သူ၏ သားတို့ကိုလည်း ခေါ်ခဲ့၍၊ အင်္ကျီဝတ်စေရမည်။ ၉ခါးပန်းကိုလည်းစည်း၍၊ ဦးထုပ်ကိုလည်းဆောင်းစေပြီးလျှင်၊ သူတို့သည် ထာဝရပညတ်တော် အတိုင်း ယဇ်ပုရောဟိတ်အရာကို ဆိုင်ရမည်။ ထိုသို့အာရုန်နှင့် သူ၏သားတို့ကို၊ ယဇ်ပုရောဟိတ်အရာ၌ ခန့်ထားရမည်။

၁ဝထိုနောက်နွားထီးတကောင်ကို ပရိသတ်စည်းဝေးရာ တဲတော်ရှေ့သို့ဆောင်ခဲ့၍အာရုန်နှင့် သူ၏သား တို့သည်၊ မိမိတို့လက်ကို နွားခေါင်းပေါ်မှာ တင်ရကြမည်။ ၁၁ပရိသတ်စည်းဝေးရာတဲတော်တံခါးနားမှာ ထာဝရ ဘုရား ရှေ့တော်၌ ထိုနွားကိုသတ်ရမည်။ ၁၂အသွေးကိုယူ၍ ယဇ်ပလ္လင်ဦးချိုတို့၌ လက်ညှိုးနှင့် ထည့်ပြီးမှ၊ ကြွင်းသောအသွေးကို ယဇ်ပလ္လင်ခြေရင်းနား၌၊ သွန်ရမည်။ ၁၃အအူကိုဖုံးသော ဆီဥရှိသမျှ၊ အသည်းပေါ်၌ရှိသော အမြှေး၊ ကျောက်ကပ် နှစ်ခုနှင့် ကျောက်ကပ်ဆီဥကိုယူ၍ ယဇ်ပလ္လင်ပေါ်မှာ မီးရှို့ရမည်။ ၁၄နွား၏ အသား၊ အရေ၊ ချေးနုကိုကား၊ တပ်ပြင်မှာ မီးရှို့ရမည်။ အပြစ်ဖြေရာယဇ်ဖြစ်၏။

၁၅သိုးထီးတကောင်ကိုလည်းယူ၍၊ အာရုန်နှင့် သူ၏သားတို့သည်၊ မိမိတို့လက်ကိုသိုးခေါင်းပေါ်မှာ တင်ရမည်။ ၁၆ထိုသိုးကိုသတ်ပြီးလျှင် အသွေးကိုယူ၍ ယဇ်ပလ္လင်အပေါ်နားပတ်လည်၌ဖြန်းရမည်။ ၁၇သိုးကိုလည်း အပိုင်းပိုင်းဖြတ်၍ ဝမ်းထဲ၌ရှိသော အရာနှင့် ခြေတို့ကို ဆေးကြောပြီးလျှင်၊ ခေါင်းနှင့် သားတစ်များကို စုထား၍၊ ၁၈သိုးတကောင်လုံးကို ယဇ်ပလ္လင်ပေါ်မှာ မီးရှို့ရမည်။ ထာဝရဘုရားအား မီးရှို့သောယဇ်ဖြစ်၏။ ထာဝရဘုရားအား မီးဖြင့်ဆက်ကပ်၍၊ မွှေးကြိုင်သော ပူဇော်သက္ကာဖြစ်၏။

၁၉အခြားသောသိုးကိုလည်းယူ၍၊ အာရုန်နှင့်သူ၏သားတို့သည် မိမိတို့လက်ကို သိုးခေါင်းပေါ်မှာ တင်ရမည်။ ၂ဝထိုသိုးကိုသတ်ပြီးလျင် အသွေးကိုယူ၍ အာရုန်၏ လက်ျာနားပျဉ်း၌၄င်း၊ သူ၏သားတို့၏ လက်ျာနားပျဉ်း၌၄င်း၊ သူတို့၏  လက်ျာလက်မ၌၄င်း၊ လက်ျာခြေ မ၌၄င်းထည့်၍၊ ယဇ်ပလ္လင်ပေါ်ပတ်လည်၌ ဖြန်းရ၍မည်။ ၂၁ယဇ်ပလ္လင်ပေါ်မှာ ရှိသော အသွေးနှင့် လိမ်းစရာဆီကိုယူ၍ အာရုန်နှင့် သူ၏အဝတ်၌၄င်း၊ သူ၏သားတို့နှင့် သူတို့အဝတ်၌၄င်း ဖြန်းသဖြင့်၊ အာရုန်မှစ၍ သားများ၊ အဝတ်များတို့သည် သန့်ရှင်းကြ လိမ့်မည်။ ၂၂ထိုသိုးသည် အရာ၌ခန့်ထားရာသိုး ဖြစ်သောကြောင့်၊ ဆီဥ၊ အမြီး၊ အအူကိုဖုံးသောဆီဥ၊ အသဲပေါ်၌ရှိသောအမြှေး၊ ကျောက်ကပ်နှစ်ခုနှင့် ကျောက်ကပ် ကိုဖုံးသောဆီဥ၊ လက်ျာပခုံး၊ ၂၃ထာဝရဘုရားရှေ့ တော်၌ ထားသော တဆေးနှင့်မုန့်တောင်းထဲက မုန့်တလုံး၊ ဆီနှင့် လုပ်သော မုန့်ပြားတပြား၊ မုန်ကြွပ်တချပ်ကို ယူ၍၊ ၂၄အာရုန်လက်၊ သူ၏သားတို့လက်၌ ထိုအရာတို့ကို ထားပြီးလျှင်၊ ထာဝရဘုရားရှေ့တော်၌ ချီလွှဲ၍၊ ချီလွှဲသော ပူဇော်သက္ကာပြုရမည်။ ၂၅ထိုအရာတို့ကို သူတို့လက်မှခံယူ၍၊ ထာဝရ ဘုရားရှေ့တော်တွင် မွှေးကြိုင်သောအနံ့ ဖြစ်စေခြင်းငှါ၊ ယဇ်ပလ္လင်၌ မီးရှို့ရာယဇ်အပေါ်မှာ ရှို့ရမည်။ ထာဝရဘုရား အား မီးဖြင့်ပြုသော ပူဇော်သက္ကာဖြစ်၏။ ၂၆အာရုန်၏အရာ၌ ခန့်ထားရာ သိုး၏ရင်ပတ်ကိုယူ၍၊ ထာဝရဘုရား ရှေ့တော်၌ ချီလွှဲသဖြင့်၊ ချီလွှဲသောပူဇော်သက္ကာပြုပြီးမှ၊ သိုး၏ရင်ပတ်သည် သင်၏အဘို့ဖြစ်ရမည်။ ၂၇ထိုသို့ အာရုန်နှင့် သူတို့၏အရာ၌ ခန့်ထားရာ သိုးထဲက၊ ချီလွှဲသော ပူဇော်သက္ကာပြု၍၊ ချီလွှဲသောရင်ပတ်ကို၎င်း၊ ချီမြှောက်သော ပူဇော်သက္ကာပြု၍၊ ချီမြှောက်သောပခုံးကို၎င်း၊ သန့်ရှင်းစေပြီးမှ၊ ၂၈ထိုရင်ပတ်၊ ပခုံးတို့သည် ထာဝရပညတ်တော် အတိုင်း၊ ဣသရေလအမျိုးသားလှူသော အာရုန်၏အဘို့၊ သူ့သားတို့၏အဘို့ ဖြစ်ရမည်။ ဣသရေလအမျိုးသား ပြုသော မိဿဟာယယဇ်ထဲက၊ ထာဝရဘုရားရှေ့တော်၌ မြှောက်၍၊ မြှောက်ရာပူဇော်သက္ကာ ဖြစ်၏။

၂၉အာရုန်၏ သန့်ရှင်းသောအဝတ်တန်ဆာကို၊ သူ၏သားတို့သည် အမွေခံသဖြင့်၊ ဆီလိမ်းခြင်းမင်္ဂလာနှင့် ယဇ်ပုရောဟိတ်အရာ၌ ခန့်ထားသောအခါ၊ ဝတ်ဆင်ရမည်။ ၃ဝအာရုန်ကိုယ်စား ယဇ်ပုရောဟိတ်လုပ်သော သားသည်၊ သန့်ရှင်းရာဌာန၌ အမှုတော်ကို ဆောင်ခြင်းငှါ၊ ပရိသတ်စည်းဝေးရာ တဲတော်သို့ဝင်သောအခါ၊ ခုနစ်ရက် ပတ်လုံးဝတ်ဆင်ရမည်။

၃၁အရာ၌ခန့်ထားရာ သိုး၏အသားကိုယူ၍၊ သန့်ရှင်းရာဌာန၌ ပြုတ်ပြီးမှ၊ ၃၂အာရုန်နှင့် သူ၏သားတို့သည် ထိုအသားကို၎င်း၊ တောင်းထဲ၌ရှိသော မုန့်ကို၎င်း၊ ပရိသတ်စည်းဝေးရာ တဲတော်တံခါးနားမှာ စားရကြမည်။ ၃၃သူတို့ကို သန့်ရှင်းစေ၍၊ အရာ၌ခန့်ထားစေခြင်းငှါ၊ အပြစ်ဖြေရာ မင်္ဂလာပြုခြင်းနှင့်ဆိုင်သော အရာတို့ကို၊ သူတို့သည် စားရကြမည်။ ထိုအရာတို့သည် သန့်ရှင်းသောကြောင့်၊ မဆိုင်သောသူ မစားရ။ ၃၄အရာ၌ ခန့်ထားရာနှင့်ဆိုင်သော အမဲသားဖြစ်စေ၊ မုန့်ဖြစ်စေ၊ နံနက်တိုင်အောင် ကျန်ကြွင်းလျှင်၊ ထိုအကြွင်းကို မီးရှို့ရမည်။ သန့်ရှင်းသောကြောင့်၊ အဘယ်သူမျှမစားရ။ ၃၅ထိုသို့ ငါပညတ်သမျှအတိုင်း အာရုန်နှင့် သူ၏သားတို့အားပြု၍၊ ယဇ်ပရောဟိတ်အရာ၌ ခန့်ထားခြင်းမင်္ဂလာကို၊ ခုနစ်ရက်ပတ်လုံး ဆောင်ရမည်။ ၃၆ထိုမှတပါး၊ အပြစ်ဖြေခြင်းအလိုငှါ၊ နေ့တိုင်း နွားထီး တကောင်ကို ပူဇော်၍၊ အပြစ်ဖြေရာယဇ်ပြုရမည်။ ထိုသို့ယဇ်ပလ္လင်အဘို့ အပြစ်ဖြေခြင်းကို ပြုပြီးမှ၊ ပလ္လင်ကို စင်ကြယ်စေရမည်။ ထိုနောက် သန့်ရှင်းစေခြင်းငှါ ဆီနှင့်လိမ့်ရမည်။ ၃၇ခုနစ်ရက်ပတ်လုံး ယဇ်ပလ္လင်ဘို့ အပြစ်ဖြေခြင်း ကိုပြု၍ သန့်ရှင်းစေပြီးမှ၊ အလွန်သန့်ရှင်းသော ယဇ်ပလ္လင်ဖြစ်၍၊ ထိုပလ္လင်နှင့်တွေ့သမျှသော အရာတို့သည် သန့်ရှင်းသောအရာ ဖြစ်ရမည်။

၃၈ယဇ်ပလ္လင်ပေါ်မှာ ပူဇော်ရသောအရာဟူမူကား၊ အခါမလည်သော သိုးသငယ်နှစ်ကောင်ကိုယူ၍၊ ၃၉နေ့တိုင်း အစဉ်မပြတ် နံနက်ယံ၌တကောင်၊ ညဦးယံ၌ တကောင်ကို ပူဇော်ရမည်။ ၄ဝသိုးသငယ်တကောင်ကို ပူဇော်သောအခါ၊ သံလွင်သီးကိုထောင်း၍၊ ရသော သံလွင်ဆီသုံးလောဃနှင့် ရောသောမုန့်ညတ် တသြမဲကို၎င်း၊ သွန်းလောင်းရာ ပူဇော်သက္ကာဘို့ စပျစ်ရည်သုံးလောဃကို၎င်း၊ သိုးသငယ်နှင့်အတူ ပူဇော်ရမည်။ ၄၁အခြားသော သိုးသငယ်ကို ညဦးယံ၌ ပူဇော်သောအခါ၊ နံနက်ယံ၌ ဘောဇဉ်ပူဇော်သက္ကာ၊ သွန်းလောင်းရာပူဇော်သက္ကာ ပါသည်နည်းတူပါလျက်၊ ထာဝရဘုရားအား မီးနှင့်ဆက်ကပ်၍၊ မွှေးကြိုင်သော ပူဇော်သက္ကာပြုရမည်။ ၄၂ထိုသို့ သင်တို့ သားစဉ်မြေးဆက် တို့သည် သင်နှင့်ငါတွေ့၍နှုတ်ဆက်ရာအရပ်၊ ထာဝရဘုရား ရှေ့တော်၌၊ ပရိသတ်စည်း ဝေးရာ တဲတော်တံခါးနားမှာ အစဉ်မပြတ် မီးရှို့သောယဇ်ကို ပူဇော်ရကြမည်။ ၄၃ထိုအရပ်၌ ဣသရေလ အမျိုးသားတို့နှင့် ငါတွေ့၍၊ ငါ့ဘုန်းတော် အားဖြင့် သူတို့ကို သန့်ရှင်းစေမည်။ ၄၄ငါ့ရှေ့၌ ယဇ်ပုရောဟိတ်အမှုကို ဆောင်စေခြင်းငှါ၊ အာရုန်နှင့် သူ၏သား တို့ကို၎င်း၊ ပရိသတ်စည်းဝေးရာ တဲတော်ကို၎င်း၊ ယဇ်ပလ္လင်ကို၎င်း၊ ငါသန့်ရှင်းစေမည်။ ၄၅ဣသရေလအမျိုးသား တို့တွင် ငါနေ၍၊ သူတို့၏ဘုရားဖြစ်မည်။ ၄၆ငါသည် သူတို့တွင် နေခြင်းငှါ၊ သူတို့ကို အဲဂုတ္တုပြည်ထဲက ကယ်နှုတ် ဆောင်ယူခဲ့သော သူတို့၏ဘုရားသခင် ထာဝရဘုရား ဖြစ်ကြောင်းကို သူတို့သိကြလိမ့်မည်။ ငါသည် သူတို့ဘုရား သခင် ထာဝရဘုရားဖြစ်၏ဟု မောရှေအား မိန့်တော်မူ၏။