ထွက်မြောက်ရာကျမ်း အခန်းကြီး (၃၉)


၁သန့်ရှင်းရာဌာန၌ အမှုတော်ကို ဆောင်သောအခါ၊ ဝတ်ရသောအဝတ်ကို၎င်း၊ အာရုန်ဝတ်ဘို့ သန့်ရှင်း သောအဝတ်ကို၎င်း၊ ထာဝရဘုရားသည် မောရှေအား မှာထားတော် မူသည်အတိုင်း၊ ပြာသော အထည်၊ မောင်းသော အထည်၊ နီသောအထည်နှင့်လုပ်လေ၏။ ၂ပြာသောအထည်၊ မောင်းသောအထည်၊ နီသောအထည်၊ ပိတ်ချောနှင့် ယဇ်ပုရောဟိတ်သင်တိုင်းကို လုပ်ရာတွင်၊ ၃ရွှေကို အပြားခတ်၍ ရွှေကြိုးကို လှီးပြီးမှ၊ ပြာသောအထည်၊ မောင်းသော အထည်၊ နီသောအထည်၊ ပိတ်ချောတို့ကို ထူးဆန်းစွာ အပြောက်ထိုးလေ၏။ ၄သိုင်းကြိုးနှစ်ပင်ကိုလုပ်၍ သင်တိုင်း အပေါ်နားချင်း တွဲမိစေခြင်းငှါ၊ တဘက်တချက်ကို ဆွဲချုပ်လေ၏။ ၅ထာဝရဘုရားသည် မောရှေအား မှာတော်မူသည် အတိုင်း၊ သင်တိုင်းအပေါ်နား၌ ထူးဆန်းသောရင်စည်း ကိုလည်း သင်တိုင်းကိုယ်ကဲ့သို့ ရွှေနှင့်၎င်း၊ ပြာသော အထည်၊ မောင်းသောအထည်၊ နီသောအထည်၊ ပိတ်ချောတို့နှင့်၎င်း လုပ်လေ၏။ ၆ရှဟံကျောက်နှစ်လုံးကိုသွေး၍ တံဆိပ်ပေါ်မှာ အက္ခယာတင်သကဲ့သို့ ဣသရေလအမျိုး၏ နာမည်တို့ကို အက္ခယာတင်ပြီးမှ၊ ရွှေကျောက်အိုး၌ ထည့်လေ၏။ ၇ထာဝရဘုရားသည် မောရှေအား မှာထားတော်မူသည် အတိုင်း၊ ဣသရေလအမျိုးသားတို့ကို အောက်မေ့ဘို့ရာ၊ ထိုကျောက်နှစ်လုံးကို သင်တိုင်းသိုင်းကြိုးအပေါ်မှာ တပ်လေ၏။

၈ရွှေနှင့်၎င်း၊ ပြာသောအထည်၊ မောင်းသောအထည်၊ နီသောအထည်၊ ပိတ်ချောနှင့်၎င်း၊ သင်တိုင်းကို လုပ်သည်နည်းတူ၊ ရင်ဖုံးကိုထူးဆန်းစွာလုပ်လေ၏။ ၉ရင်ဖုံးနှစ်ထပ်ခေါက်လျက်၊ အလျားတထွာ၊ အနံတထွာ၊ စတုရန်း လေးထောင့်ဖြစ်၏။ ၁ဝထိုရင်ဖုံး၌ ကျောက်မြတ်ကို လေးတန်းစီလေ၏။ ပဌမအတန်းကား ကျောက်နီ၊ ဥဿဘယား၊ ပတ္တမြား။ ၁၁ဒုတိယအတန်းကား မြ၊ နီလာ၊ စိန်။ ၁၂တတိယအတန်းကား ဝှါကိသု၊ မဟူရာ၊ ဂေါမိတ်။ ၁၃စတုတ္ထအတန်း ကား မျက်ရွဲ၊ ကြောင်၊ နဂါးသွဲ့ဖြစ်၍၊ အသီးအသီးတို့ကို ရွှေအိုး၌ စီလေ၏။ ၁၄ဣသရေလအမျိုး တဆယ်နှစ်မျိုး ရှိသည်အတိုင် တံဆိပ်ပေါ်မှာ အက္ခယာတင်သကဲ့သို့၊ ထိုကျောက်တို့၌ ထိုတစ်ဆယ်နှစ်ပါးသော နာမည်အသီးအသီး တို့ကို တင်လျက် ကျောက်တလုံးလျှင် နာမည်တပါးစီပါ၏။ ၁၅-၁၈ရင်ဖုံးအပေါ်ထောင့်နှစ်ခု၌၊ ရွှေကွင်းနှစ်ကွင်းကို၎င်း၊ ရွှေကျောက်အိုး နှစ်လုံးကို၎င်း၊ ကျစ်သောရွှေကြိုးနှစ်ပင်ကို၎င်း လုပ်ပြီးမှ၊ ထိုရွှေကွင်း၌ တပ်၍ သင်တိုင်းသိုင်းကြိုး အပေါ်မှာရှိသော ကျောက်အိုးတို့၌ တွဲလေ၏။ ၁၉တဖန် ရွှေနားကွင်းကိုလုပ်၍ သင်တိုင်းအောက်နားမှာရှိသော ရင်ဖုံးအောက်ထောင့် နှစ်ခု၌ တပ်လေ၏။ ၂ဝအခြားသောရွှေနှစ်ကွင်းကိုလည်း လုပ်၍ သင်တိုင်းအရှေ့ဘက် အောက်နားနှင့် ထူးဆန်းသောရင်စည်း အပေါ်နားဆက်မှီရာတွင် သင်တိုင်ကို တဘက်တချက်၌ တပ်လေ၏။ ၂၁ရင်ဖုံးရွှေနှစ်ကွင်းကို၊ သင်တိုင်းရွှေနှစ်ကွင်းနှင့်တွဲ၍ ပြာသောကြိုးဖြင့် ပြီးစေ၏။ ထိုသို့ ထာဝရဘုရားသည်၊ မောရှေအား မှာထားတော်မူသည်အတိုင်း၊ ရင်ဖုံးသည် ထူးဆန်းသော ရင်စည်းအပေါ်မှာဆွဲ၍ သင်တိုင်းနှင့်မကွာဘဲ အမြဲနေလေ၏။

၂၂ထိုမှတပါး၊ ပြာသောအထည်ကို ရက်ပြီးမှ၊ သင်တိုင်းနှင့်ဆိုင်သော ဝတ်လုံကို ထိုအထည်နှင့်သာ လုပ်လေ၏။ ၂၃ဝတ်လုံ၌ ခြေစွပ်ပါ၍ လည်စွပ်ကို မစုတ်စေခြင်းငှါ၊ သံချပ်လည်စွပ်ကွပ်သကဲ့သို့ ကွပ်လေ၏။ ၂၄ပြာသော အထည်၊ မောင်းသောအထည်၊ နီသောအထည်၊ ပိတ်ချောနှင့်လုပ်သော သလဲသီးများကို၎င်း၊ ၂၅ရွှေစင်ဆည်းလည်း များကို၎င်း၊ ဝတ်လုံအောက်စွန်းနား ပတ်လည်၌၊ ၂၆သလဲသီးတလုံး၊ ဆည်းလည်းတလုံးစီ ထားလျက် အစဉ်အတိုင်း ဆွဲထားသဖြင့်၊ ထာဝရဘုရားသည် မောရှေအား မှာထားတော်မူသည်အတိုင်း အမှုတော်ကိုဆောင်ရသော ဝတ်လုံ ကို လုပ်၍ပြီးလေ၏။

၂၇တဖန် ထာဝရဘုရားသည် မောရှေအား မှာထားတော်မူသည်အတိုင်း၊ အာရုန်နှင့် သူ၏သားတို့အဘို့ ရက်သော ပိတ်ချောအင်္ကျီများကို၎င်း၊ ၂၈ပိတ်ချောဗေါင်းကို၎င်း၊ တင့်တယ်သော ပိတ်ချောဦးထုတ်များကို၎င်း၊ ပိတ်ချောပေါင်းဘီ များကို၎င်း၊ ၂၉ချယ်လှယ်သော ပိတ်ချော၊ အထည်ပြာ အထည်မောင်း၊ အထည်နီဖြင့်ပြီးသော ခါးပန်းကို၎င်း လုပ်လေ၏။ ၃ဝမောရှေအား ထာဝရဘုရား မှာထားတော်မူသည်အတိုင်း၊ သန့်ရှင်းသော သင်းကျစ်ပြား ကိုလည်း ရွှေစင်နှင့်လုပ်၍ တံဆိပ်ပေါ်မှာ အက္ခရာတင်သကဲ့သို့ ထာဝရဘုရားအား သန့်ရှင်းခြင်းဟု အက္ခရာတင်၍၊ ၃၁ပြာသောကြိုးနှင့် ဗေါင်းအပေါ်နား၌ တည်ထားလေ၏။

၃၂ထိုသို့ မောရှေအား ထာဝရဘုရား မှာထားတော်မူသည်အတိုင်း၊ ဣသရေလအမျိုးသားတို့သည် ပြု၍ ပရိသတ်စည်းဝေးရာ တဲတော်အလုပ်ရှိသမျှကို ပြီးစီးကြ၏။ ၃၃ထိုအခါ ဣသရေလအမျိုးသားတို့သည် တဲတော်နှင့် အပေါ်တဲမှစ၍၊ ရွှေချောင်း၊ ပျဉ်ပြား၊ ကန့်လန့်ကျင်၊ တိုင်၊ ခြေစွပ်တည်းဟူသော တဲတော်တန်ဆာ ရှိသမျှကို၎င်း၊ ၃၄အနီဆိုးသော သိုးရေအမိုး၊ တဟာရှသားရေအမိုး၊ ကွယ်ကာရာအတွင်း ကုလားကာကို၎င်း၊ ၃၅သက်သေခံချက် သေတ္တာနှင့် သူ၏ထမ်းဘိုး၊ သူ၏အဖုံးကို၎င်း၊ ၃၆စားပွဲမှစ၍ စားပွဲတန်ဆာနှင့် ရှေ့တော်မုန့်ကို၎င်း၊ ၃၇စင်ကြယ်သော မီးခုံမှစ၍ ပြင်ဆင်ရသောမီးခွက်များ၊ မီးခုံတန်ဆာရှိသမျှနှင့် မီးထွန်းစရာဆီကို၎င်း၊ ၃၈ရွှေယဇ်ပလ္လင်၊ လိမ်းရန်ဆီ၊ မီးရှို့ရာနံ့သာပေါင်းမွှေး၊ တဲတော်တံခါးဝ ကာစရာကုလားကာကို၎င်း၊ ၃၉ကြေးဝါယဇ်ပလ္လင်၊ ကြေးဝါဆန်ခါ၊ ပလ္လင် ထမ်းဘိုး အစရှိသော တန်ဆာရှိသမျှကို၎င်း၊ အင်တုံနှင့် သူ၏ခြေထောက်ကို၎င်း၊ ၄ဝဝင်းကုလားကာ၊ ဝင်းတိုင်၊ ခြေစွပ်၊ ဝင်းတံခါးဝကာစရာ ကုလားကာကြိုးများ၊ တံသင်များကို၎င်း၊ တဲတော်အတွင်း၌ အမှုတော်ကို ဆောင်စရာတန်ဆာ၊ ပရိသတ်စည်းဝေးရာ တဲတော်တန်ဆာ ရှိသမျှကို၎င်း၊ ၄၁သန့်ရှင်းရာဌာန၌ အမှုတော်ကို ဆောင်သောအခါ ဝတ်ရ သောအဝတ်၊ ယဇ်ပုရောဟိတ်အမှုကို ဆောင်သောအခါ၊ ယဇ်ပုရောဟိတ် အာရုန်ဝတ်ဘို့ သန့်ရှင်းသောအဝတ်၊ သူ၏သားဝတ်ရသော အဝတ်ကို၎င်း၊ ၄၂ထာဝရဘုရားသည် မောရှေအား မှာထားတော်မူသည်အတိုင်း ပြီးစီးအောင် လုပ်ပြီးမှ မောရှေထံသို့ ဆောင်ခဲ့ကြ၏။ ၄၃ထာဝရဘုရား မှာထားတော်မူသည်အတိုင်း၊ အလုပ်ရှိသမျှကို ပြီးစီးစေခြင်း ငှါ၊ လုပ်ကြောင်းကို မောရှေသိမြင်သောအခါ သူတို့ကို ကောင်းကြီးပေးလေ၏။