ထွက်မြောက်ရာကျမ်း အခန်းကြီး (၄ဝ)


၁တဖန် ထာဝရဘုရားသည်၊ မောရှေအား မိန့်တော်မူသည်ကား၊ ၂သင်သည် ပဌမလ၊ မဌမနေ့၌ ပရိသတ် စည်းဝေးရာတဲတော်ကို ဆောက်ရမည်။ ၃တဲတော်အထဲ၌၊ သက်သေချက်သေတ္တာကို သွင်းထား၍၊ အတွင်းကုလား ကာဖြင့် ကွယ်ကာရမည်။ ၄စားပွဲကိုလည်း သွင်း၍ စားပွဲပေါ်မှာပြင်ဆင်ရသမျှတို့ကို ပြင်ဆင်ရမည်။ မီးခုံကိုလည်း သွင်း၍၊ မီးခွက်တို့ကို ထွန်းရမည်။ ၅နံ့သာပေါင်းရှို့ရာ ရွှေပလ္လင်ကို သက်သေခံချက်သေတ္တာရှေ့၌ တည်ထား၍၊ တဲတော်တံခါးဝကာသော ကုလားကာကို ဆွဲကာရမည်။ ၆ယဇ်ကောင်ရှို့ရာပလ္လင်ကိုလည်း ပရိသတ်စည်းဝေးရာ တဲတော်တံခါးရှေ့၌ တည်ထားရမည်။ ၇အင်တုံကိုလည်း ပရိသတ်စည်းဝေးရာတဲတော်နှင့် ယဇ်ပလ္လင်စပ်ကြားမှာ တည်ထား၍၊ အင်တုံ၌ ရေကိုထည့်ရမည်။ ၈တဲတော်ပတ်လည်ဝင်းကို ထူ၍၊ ဝင်းတံခါးဝကာသော ကုလားကာကို ဆွဲကာရမည်။ ၉လိမ်းရန်ဆီကိုယူ၍၊ တဲတော်နှင့် တဲတော်၌ရှိသမျှတို့ကို လိမ်းသဖြင့်၊ တဲတော်နှင့် တဲတော်တန်ဆာ ရှိသမျှတို့ကို သန့်ရှင်းစေရမည်။ ထိုတဲတော်သည် သန့်ရှင်းရလိမ့်မည်။ ၁ဝယဇ်ကောင်ရှို့ရာပလ္လင်နှင့် တန်ဆာရှိသမျှ တို့ကိုလိမ်း၍ သန့်ရှင်းစေသဖြင့်၊ ထိုပလ္လင်သည် အလွန်သန့်ရှင်းသော ပလ္လင်ဖြစ်ရမည်။ ၁၁အင်တုံနှင့်ခြေထောက် ကိုလည်းလိမ်း၍ သန့်ရှင်းစေရမည်။ ၁၂အာရုန်နှင့် သူ၏သားတို့ကို ပရိသတ်စည်းဝေးရာ တံခါးနားသို့ ခေါ်ခဲ့၍ ရေချိုးရမည်။ ၁၃အာရုန်သည် ငါ့ရှေ့၌၊ ယဇ်ပုရောဟိတ်အမှုကို ဆောင်ရွက်အကြောင်း၊ သန့်ရှင်းသောအဝတ်နှင့် ဝတ်စေ၍ ဆီလိမ်းသဖြင့် သန့်ရှင်းစေရမည်။ ၁၄သူ၏သားတို့သည်လည်း ငါ့ရှေ့၌ ယဇ်ပုရောဟိတ်အမှုကို ဆောင်ရွက် မည်အကြောင်း သူတို့ကိုခေါ်ခဲ့၍ အင်္ကျီဝတ်စေလျက်၊ သူတို့အဘကို ဆီလိမ်းသကဲ့သို့၊ သူတို့ကိုဆီလိမ်းရမည်။ ၁၅အကယ်စင်စစ် သူတို့ဆီလိမ်းခြင်းဘိသိက်သည် သားစဉ်မြေးဆက်ပတ်လုံး၊ ထာဝရ ယဇ်ပုရောဟိတ် အရာ ဖြစ်သတည်းဟု၊ ၁၆ထာဝရဘုရား မိန့်တော်မူသမျှအတိုင်း မောရှေပြုလေ၏။

၁၇သက္ကရာဇ်နှစ်ခု၊ ပဌမလ၊ ပဌနေ့၌ မောရှေသည် တဲတော်ကိုဆောက်လေ၏။ ၁၈ထာဝရဘုရား မှာထား တော်မူသည်အတိုင်း၊ ခြေစွပ်များကို နေရာချ၍၊ ပျဉ်ပြားများကို ထောင်ပြီးလျှင်၊ ကန့်လန့်ကျင်များကို လျှို၍၊ တိုင်တို့ကို ထူလေ၏။ ၁၉တဲတော်အပေါ်မှာ တဲကိုဖြန့်မိုး၍ ထိုတဲအပေါ်မှာလည်း အထပ်ထပ်မိုးပြန်လေ၏။ ၂ဝထာဝရဘုရား မှာထားတော်မူသည်အတိုင်း၊ သက်သေခံချက်ကို သေတ္တာထဲမှာ သွင်းထား၍၊ သေတ္တာကွင်းတို့၌ ထမ်းဘိုးကိုလျှို၍၊ သေတ္တာပေါ်အဖုံးကို တင်ပြီးမှ၊ ၂၁သေတ္တာကို တဲတော်၌သွင်း၍ ကွယ်ကာရာအတွင်း ကုလားကာကို ကာထားသဖြင့်၊ သက်သေခံချက်သေတ္တာကို ကွယ်ကာလေ၏။ ၂၂ထာဝရဘုရား မှာထားတော် မူသည်အတိုင်း၊ စားပွဲကိုလည်း ပရိသတ်စည်းဝေးရာ တဲတော်အတွင်း မြောက်ဘက်နား ကုလားကာပြင်မှာ ထား၍၊ ၂၃စားပွဲပေါ်မှာ ထာဝရဘုရား ရှေ့တော်၌ မုန့်ကိုပြင်ဆင်လေ၏။ ၂၄ထာဝရဘုရား မှာထားတော်မူသည် အတိုင်း၊ မီးခုံကိုလည်း ပရိသတ်စည်းဝေးရာ တဲတော်အတွင်း၊ တောင်ဘက်နား စားပွဲဆိုင်ရာတွင်ထား၍၊ ၂၅ထာဝရဘုရားရှေ့တော်၌ မီးခွက်များကိုထွန်းလေ၏။ ၂၆ထာဝရဘုရား မှာထားတော်မူသည်အတိုင်း၊ ရွှေပလ္လင် ကိုလည်း ပရိသတ်စည်းဝေးရာ တဲတော်အတွင်း၊ ကုလားကာပြင်မှာ ထား၍၊ ၂၇ထိုပလ္လင်ပေါ်၌ မွှေးသော နံ့သာပေါင်းကို မီးရှို့လေ၏။ ၂၈တဲတော်တံခါးဝ၌လည်း၊ ကုလားကာကို ဆွဲကာလေ၏။ ၂၉ထာဝရဘုရား မှာထားတော်မူသည်အတိုင်း၊ မီးရှို့ရာယဇ်ပလ္လင်ကိုလည်း၊ ပရိသတ် စည်းဝေးရာ တဲတော်တံခါးရှေ့မှာ တား၍၊ ထိုပလ္လင်ပေါ်၌ မီးရှို့ရာယဇ်ကို၎င်း၊ ဘောဇဉ်ပူဇော်သက္ကာကို၎င်း ပူဇော်လေ၏။ ၃ဝအင်တုံကိုလည်း ပရိသတ် စည်းဝေးရာတဲနှင့် ယဇ်ပလ္လင်စပ်ကြားမှာ ထား၍၊ ဆေးစရာရေကို အင်တုံ၌ထည့်လေ၏။ ၃၁ထာဝရဘုရား မှာထားတော်မူသည်အတိုင်း၊ မောရှေနှင့် အာရုန်မှစ၍ သူ၏သားတို့သည် ပရိသတ်စည်းဝေးရာ တဲတော်အထဲသို့ ဝင်သော်၎င်း၊ ၃၂ယဇ်ပလ္လင်အနီးသို့ ချဉ်းကပ်သော်၎င်း၊ လက်ခြေတို့ကို ဆေးရကြ၏။ ၃၃တဲတော်နှင့် ယဇ်ပလ္လင် ပတ်လည် ဝင်းကိုထူ၍၊ ဝင်းတံခါးဝ၌ကာသော ကုလားကာကို ဆွဲလေ၏။ ထိုသို့မောရှေသည် အလုပ်ကိုပြီးစီး စေသတည်း။

၃၄ထိုအခါ မိုဃ်းတိမ်သည် ပရိသတ်စည်းဝေးရာတဲတော်ကို လွှမ်းမိုး၍၊ ထာဝရဘုရား၏ ဘုန်းတော်သည် တဲတော်ကိုဖြည့်လေ၏။ ၃၅ထိုသို့မိုဃ်းတိမ်သည် ပရိသတ်စည်းဝေးရာ တဲတော်အပေါ်၌ နေသောကြောင့်၊ မောရှေ သည် အထဲသို့မဝင်ရ။ ထာဝရဘုရား၏ ဘုန်းတော်သည် တဲတော်ကို ဖြည့်လျက်နေ၏။ ၃၆ဣသရေလ အမျိုးသားတို့သည် ခရီးသွားလေရာရာတွင်၊ မိုဃ်းတိမ်သည် တဲတော်အပေါ်မှ ကွာမြောက်သောအခါ ခရီးသွားကြ၏။ ၃၇မိုဃ်းတိမ် မကွာမမြောက်လျှင်၊ မကွာမမြောက်မှီနေ့တိုင်အောင်၊ ခရီးမသွားဘဲနေကြ၏။ ၃၈ခရီးသွားလေရာရာတွင် ဣသရေလ အမျိုးသားအပေါင်းတို့ ရှေ့မှောက်၌ ထာဝရဘုရား၏ မိုဃ်းတိမ်သည် နေ့အခါတဲတော်အပေါ်မှာ တည်နေ၏။ ညဥ့်အခါ မီးလျှံဖြစ်လျက် တည်နေလေသတည်း။

 

မောရှေစီရင်ရေးထားသော ထွက်မြောက်ရာကျမ်းပြီး၏။