ထွက်မြောက်ရာကျမ်း အခန်းကြီး (၄)


၁မောရှေကလည်း၊ ထိုသူတို့သည် အကျွန်ုပ်ကိုမယုံ၊ အကျွန်ုပ်စကားကိုနားမထောင်ဘဲ နေ၍၊ ထာဝရဘုရားသည် သင့်အားထင်ရှားတော်မမူဟု ဆိုကြပါလိမ့်မည် ဟုပြန်လျှောက်လေ၏။ ၂ထာဝရဘုရား ကလည်း၊ သင်၏လက်၌ အဘယ်အရာရှိသနည်းဟု မေးတော်မူလျှင်၊ လှံတံရှိပါ၏ ဟုလျှောက်၏။ ၃မြေပေါ်မှာ ပစ်ချလော့ဟု မိန့်တော်မူသည် အတိုင်းပစ်ချသဖြင့်၊ လှံတံသည် မြွေဖြစ်၍၊ မောရှေသည် သူ့ရှေ့မှပြေးလေ၏။ ၄ထာဝရဘုရားကလည်း၊ သင့်လက်ကို ဆန့်၍ သူ့အမြီးကို ကိုင်ဘမ်းလော့ဟု မိန့်တော်မူသည် အတိုင်း၊ မောရှေသည်လက်ကိုဆန့်၍ ဘမ်းမိသဖြင့်၊ သူ၏ လက်၌လှံတံဖြစ်ပြန်လေ၏။ ၅သို့ပြုလျှင် သူတို့ဘိုးဘေးများ၏ ဘုရားသခင်၊ အာဗြဟံ၏ဘုရား၊ ဣဇာက်၏ဘုရား၊ ယာကုပ်၏ဘုရား တည်းဟူသောထာဝရဘုရားသည် သင့်အားထင်ရှားတော်မူကြောင်းကို ထိုသူတို့သည် ယုံကြလိမ့် မည်ဟုမိန့်တော်မူ၏။

၆တဖန်ထာဝရဘုရားက၊ သင်၏လက်ကို သင်၏ ရင်ခွင်သို့ သွင်းလော့ဟု မိန့်တော်မူသည်အတိုင်း၊ လက်ကို ရင်ခွင့်သို့သွား၍ထုတ်ပြန်သောအခါ၊ လက်သည် မိုဃ်းပွင့် အဆင်းကဲ့သို့ နူလေ၏။ ၇တဖန် သင်၏လက်ကို သင့်ရင်ခွင် သို့သွင်းဦးလော့ဟု မိန့်တော်မူသည်အတိုင်း၊ တဖန်လက်ကို ရင်ခွင်သို့သွင်း၍ ထုတ်ပြန်သောအခါ၊ ပကတိအသား ဖြစ်ပြန်လေ၏။ ၈ထိုသူတို့သည် သင့်ကိုမယုံ၊ ပဌမ နိမိတ် သက်သေကို နားမထောင်လျှင်၊ နောင်ဖြစ် သော နိမိတ် သက်သေကို ယုံကြလိမ့်မည်။ ၉သို့မဟုတ် ထိုနိမိတ်နှစ်ပါး ကိုမယုံ၊ သင်၏စကားကိုနားမထောင်လျှင်၊ သင်သည် မြစ်ရေအချို့ကို ယူ၍ကုန်းပေါ်မှာသွန်းလော့။ ထိုသို့မြစ်ထဲက ယူသောရေသည် ကုန်းပေါ်မှာ အသွေး ဖြစ်လိမ့်မည်ဟု မိန့်တော်မူ၏။

၁ဝမောရှေကလည်း၊ အိုဘုရားရှင်၊ အကျွန်ုပ်သည် နှုတ်သတ္တိမရှိပါ။ အထက်ကလည်း မရှိပါ။ ကိုယ်တော် ကျွန်အား မိန့်တော်မူသောအခါ၌ပင်မရှိပါ။ နှုတ်လေးသောသူ၊ စကားနှေးနှေး ပြောတတ်သောသူဖြစ်ပါ၏ဟု ထာဝရဘုရား အားလျှောက်ဆို၏။ ၁၁ထာဝရဘုရားကလည်း၊ လူ၏နှုတ်ကို အဘယ်သူဖန်ဆင်းသနည်း။ စကားအ သောသူ၊ နားပင်းသောသူ၊ မျက်စိမြင်သောသူ၊ မမြင်သောသူတို့ကို အဘယ်သူ ဖန်ဆင်းသနည်း။ ငါထာဝရဘုရား ဖန်ဆင်း သည်မဟုတ်လော။ ၁၂သို့ဖြစ်၍ ယခုသွားလော့။ သင်၏နှုတ်၌ငါရှိ၍၊ သင်သည် အဘယ်သို့ပြောရမည်ကို သွန်သင် မည်ဟု မိန့်တော်မူ၏။ ၁၃မောရှေကလည်း၊ အိုဘုရားရှင်၊ အလိုတော်ရှိသောသူ၏ လက်တွင် ပေးလိုက်တော်မူပါဟု လျှောက်သော်၊ ၁၄ထာဝရဘုရားသည် မောရှေအားအမျက်တော်ထွက်၍၊ လေဝိလူ အာရုန်သည် သင်၏အစ်ကိုဖြစ် သည်မဟုတ်လော။ သူသည်ကောင်းမွန်စွာပြောတတ်သည်ကို ငါသိ၏။ သူသည်လည်း သင့်ကိုခရီးဦးကြိုပြုခြင်းငှါ ယခုလာ၏။ တွေ့မြင်သောအခါ ဝမ်းမြောက်လိမ့်မည်။ ၁၅သင်သည် သူနှင့် စကားပြော၍၊ သူပြောစရာစကားကို ပေးရမည်။ သင်၏နှုတ်၌၄င်း၊ သူ၏နှုတ်၌၄င်း ငါရှိ၍၊ သင်တို့သည် အဘယ်သို့ပြုရမည်ကို သွန်သင်မည်။ ၁၆သူသည်လည်း လူတို့ရှေ့မှာ သင်၏စကား ပြန်လုပ်၍၊ သင်၏နှုတ်ကိုယ်စား ဖြစ်လိမ့်မည်။ သင်သည်လည်းသူ၏ ဘုရားသခင်ကိုယ်စား ဖြစ်လိမ့်မည်။  ၁၇သင်သည်နိမိတ်သက်သေတို့ကို ပြလတံ့သော ဤလှံတံကိုလည်း၊ သင်၏လက်၌ကိုင်ရမည်ဟု မိန့်တော်မူ၏။

၁၈မောရှေသည်လည်း ယောက္ခမ ယေသရောထံသို့ ပြန်သွား၍၊ အဲဂုတ္တုပြည်၌ရှိသော ကျွန်ုပ်အမျိုးသားချင်း တို့သည် အသက်ရှင်သေး သလောဟု ကြည့်ရှုခြင်းငှါ၊ သူတို့ရှိရာသို့ ကျွန်ုပ်သွားရသော အခွင့်ကိုပေးပါလော့ဟု ဆိုသော်၊ ယေသရောက၊ ငြိမ်ဝပ်စွာသွားလော့ဟု ပြန်ဆိုလေ၏။ ၁၉ထာဝရဘုရားကလည်း၊ အဲဂုတ္တုပြည်သို့ ပြန်သွားလော့။ သင်၏အသက်ကိုရှာသောသူ အပေါင်းတို့သည် သေကြပြီဟု မိဒျန်ပြည်၌ မောရှေအား မိန့်တော်မူ၏။ ၂ဝထိုအခါ၊ မောရှေသည် မယားနှင့် သားနှစ်ယောက်တို့ကိုယူ၍ မြည်းကိုစီးစေသဖြင့်၊ ဘုရားသခင်၏ လှံတံတော်ကို လက်စွဲလျက်၊ အဲဂုတ္တုပြည်သို့ ပြန်လေ၏။ ၂၁ထာဝရဘုရားကလည်း၊ သင်သည်အဲဂုတ္တုပြည် သို့သွား၍ ရောက်လျှင်၊ သင်၌ငါအပ်သောအံ့ဘွယ်သောအမှု အလုံးစုံတို့ကို ဖါရောဘုရင်ရှေ့မှာ ပြလော့။ ထိုသို့ပြသော်လည်း သူ၏နှလုံးကို ငါခိုင်မာစေ၍၊ သူသည်ဣသရေလလူတို့ကို မလွှတ်ဘဲနေလိမ့်မည်။ ၂၂ဖါရော ဘုရင်ကိုလည်း ထာဝရ ဘုရားက ဣသရေလသည် ငါ့သားဖြစ်၏။ ငါ့သားဦးဖြစ်၏။ ၂၃ငါ့သားသည် ငါ့အား ဝတ်ပြုသော အခွင့်ရှိစေခြင်းငှါ လွှတ်လော့။ မလွှတ်ဘူးဟု ငြင်းလျှင်၊ သင်၏သား၊ သင်၏သားဦးကိုပင် ငါကွပ်မျက်မည်ဟု မိန့်တော်မူကြောင်းကို ဆင့်ဆိုလောဟု မောရှေအားမှာထားတော်မူ၏။

၂၄ခရီးသွားစဉ်တွင်၊ စားခန်းစရပ်၌ ထာဝရဘုရားသည် မောရှေကိုတွေ့၍ ကွပ်မျက်ခြင်းငှါ ရှာကြံတော်မူ၏။ ၂၅ထိုအခါ၊ ဇိပေါရသည်ထားကိုယူ၍သား၏ အရေဖျားကိုလှီးဖြတ်ပြီးမှ၊ လင်၏ခြေရင်း၌ပြပ်ဝပ်လျက်၊ အကယ်စင်စစ် သင်သည် အကျွန်ုပ်၌အသွေးနှင့်ယှဉ်သောလင်ဖြစ်သည်ဟု ဆို၏။ ၂၆ထိုအခါ မောရှေကိုလွှတ်တော်မူ၏။ မယားက လည်း၊ အရေဖျားလှီး မင်္ဂလာကြောင့်၊ သင်သည်အကျွန်ုပ်၌ အသွေးနှင့် ယှဉ်သောလင်ဖြစ်၏ဟု ဆိုသတည်း။

၂၇ထာဝရဘုရားကလည်း၊ မောရှေကို ခရီးဦးကြိုပြုခြင်းငှါ တောသို့သွားလော့ဟု အာရုန်အား မိန့်တော်မူ သည်အတိုင်း၊ အာရုန်သည် သွားလျှင်၊ ဘုရားသခင်၏ တောင်ပေါ်၌ မောရှေကိုတွေ့၍ နမ်းခြင်းကိုပြု၏။ ၂၈မောရှေ သည်လည်း၊ မိမိကိုစေလွှတ်တော်မူသော ထာဝရဘုရား၏ စကားတော်အလုံးစုံတို့ကို၎င်း၊ မှာထားတော်မူသမျှ သော နိမိတ်သက်သေတို့ကို၎င်း၊ အာရုန်အားကြားပြောလေ၏။

၂၉ထိုသူညီနောင်နှစ်ပါးတို့သည် သွား၍ ဣသရေလ အမျိုးသား အသက်ကြီးသူတို့ကို စုဝေးစေပြီးလျင်၊ ၃ဝအာရုန် သည် မောရှေအား ထာဝရဘုရားမိန့်တော်မူသော စကားတော် အလုံးစုံတို့ကို ပြန်ပြော၍၊ လူတို့ရှေ့မှာ နိမိတ်သက်သေတို့ကို ပြလေ၏။ ၃၁ထိုလူများတို့သည် ယုံကြည်၏။ ထာဝရဘုရားသည် ဣသရေလအမျိုးသား တို့ကို အကြည့်အရှုကြွတော်မူသည်ကို၎င်း၊ သူတို့ ခံရသောဆင်းရဲခြင်းကို မှတ်တော်မူသည်ကို၎င်း ကြားသော အခါ၊ ဦးညွတ် ချ၍ကိုးကွယ်ကြ၏။