ထွက်မြောက်ရာကျမ်း အခန်းကြီး (၁)


၁မိမိတို့အိမ်သူအိမ်သားပါလျက်၊ အဘယာကုပ်နှင့် အတူ အဲဂုတ္တုပြည်သို့ရောက်လာသော ဣသရေလ သားတို့၏ အမည်ဟူမူကား၊ ၂ရုဗင်၊ ရှိမောင်၊ လေဝိ၊ ယုဒ၊ ၃ဣသခါ၊ ဇာဗုလုန်၊ ဗင်္ယာမိန်၊ ၄ဒန်၊ နဿလိ၊ ဂဒ်၊ အာရှာတည်း။ ၅ယာကုပ်အမျိုးသား ပေါင်းကား၊ ခုနစ်ဆယ်တည်း။ ယောသပ်သည်အဲဂုတ္တုပြည်၌ရှိနှင့်သတည်း။

၆ယောသပ်နှင့် အစ်ကိုများမှစ၍၊ ထိုကာလအမျိုးသား အပေါင်းတို့သည်သေကြကုန်၏။ ၇ဣသရေလ အမျိုး သားတို့သည် သားကိုဘွား၍ အလွန်တိုးပွါးများပြားသဖြင့်၊ အလွန်အားကြီး၍ တပြည်လုံးနှံ့ပြားကြလေ၏။

၈ထိုနောက်မှ အဲဂုတ္တုပြည်၌ ယောသပ်ကို မသိသော ရှင်ဘုရင်သစ်ပေါ်လာ၏။ ၉ထိုရှင်ဘုရင်ကလည်း၊ ဣသရေလအမျိုးသားတို့သည် ငါတို့ထက်သာ၍များကြ၏။ သာ၍အားကြီးကြ၏။ ၁ဝလာကြ၊ သူတို့ကို လိမ္မာစွာ ပြုကြစို့။ သို့မဟုတ် သူတို့သည် များပြားကြလိမ့်မည်။ နောက်တခါ စစ်မှုရောက်လျှင် ငါတို့ရန်သူဘက်သို့ ဝင်စား၍ ငါတို့ကိုတိုက်သဖြင့်၊ ပြည်တော်ထဲက ထွက်သွားကြလိမ့်မည်ဟု မိမိလူတို့အားဆိုလေ၏။ ၁၁ထိုကြောင့် အဲဂုတ္တုမင်း တို့သည်၊ ကျပ်တည်းစွာ နှိပ်စက်ညှဉ်းဆဲစေခြင်းငှါ အအုပ်ချုပ် ခန့်ထားကြ၏။ ဣသရေလလူတို့သည်၊ ဘဏ္ဍာတော် သိုထားဘို့၊ ပိသုံမြို့နှင့် ရာမသက်မြို့ကို တည်ဆောက်ရကြ၏။ ၁၂သို့သော်လည်း၊ နှိပ်စက်ခြင်းကို ခံရသည်အတိုင်း၊ တိုးပွါး များပြားလျက်ရှိကြ၏။ သူတို့ကြောင့် အဲဂုတ္တုလူတို့သည် စိတ်ညစ်၍၊ ၁၃အလွန်ကြမ်း တမ်းစွာ ညှဉ်းဆဲကြ၏။ ၁၄သရွတ်နှင့် အုတ်လုပ်သောအမှု၊ လယ်လုပ်သော အမှုအမျိုးမျိုး၌ ခဲယဉ်းစွာစေခိုင်း၍ အလွန်ဆင်းရဲ ပင်ပန်းစေကြ၏။ စေခိုင်းလေရာရာ၌လည်း ခဲယဉ်းစွာစေခိုင်းကြ၏။

၁၅ရှိဖရနှင့် ပုအာအမည်ရှိသော ဟေဗြဲဝမ်းဆွဲမတို့ကို၊ အဲဂုတ္တုရှင်ဘုရင်က၊ ၁၆သင်တို့သည် ဟေဗြဲမိန်းမတို့ အား ဝမ်းဆွဲလုပ်၍ မွေးရာအရပ်၌ စောင့်နေသော အခါ၊ ယောက်ျားဖြစ်လျှင် သေစေ၊ မိန်းမဖြစ်လျှင်၊ အသက်ရှင် စေဟု အမိန့်တော်ရှိ၏။ ၁၇ဝမ်းဆွဲမတို့သည် ဘုရားသခင်ကို ကြောက်ရွံ၍၊ အဲဂုတ္တုရှင်ဘုရင် မိန့်တော်မူသည် အတိုင်းမပြု၊ ယောက်ျားတို့ကိုအသက်ချမ်းသာပေးကြ၏။ ၁၈အဲဂုတ္တုရှင်ဘုရင်သည်လည်း၊ ဝမ်းဆွဲမတို့ကို ခေါ်၍ သင်တို့သည် အဘယ်ကြောင့် ဤသို့ပြုသနည်း။ ယောက်ျားတို့ကို အဘယ်ကြောင့် အသက်ချမ်းသာပေးသနည်း ဟု မေးစစ်သော်၊ ၁၉ဝမ်းဆွဲမတို့က၊ ဟေမြဲ မိန်းမတို့သည်၊ အဲဂုတ္တုမိန်းမကဲ့သို့မဟုတ်၊ သန်စွမ်းသောကြောင့်၊ ဝမ်းဆွဲမရောက်မှီ သားကိုဘွားတတ်ကြ၏ဟု ပြန်လျှောက်လေ၏။ ၂ဝထိုကြောင့်ဘုရားသခင်သည် ဝမ်းဆွဲမတို့ကို ကျေးဇူးပြုတော်မူ၏။ ထိုလူအမျိုးသည်လည်း များပြား၍ အလွန်အားကြီးကြလေ၏။ ၂၁ဝမ်းဆွဲမတို့သည် ဘုရားသခင် ကိုကြောက်ရွံ့သောကြောင့်၊ သူတို့အိမ်သူအိမ်သားများ ကိုပြုစုတော်မူ၏။ ၂၂ဖါရောဘုရင်ကလည်း၊ ဣသရေလအမျိုး သားတို့တွင်၊ ဘွားမြင်သောသူငယ်ယောက်ျားအပေါင်းတို့ကို မြစ်ထဲသို့ချပစ်စေ။ မိန်းမကိုမူကား အသက်ရှင်စေဟု မိမိလူအပေါင်းတို့ကိုမှာထားတော်မူ၏။