ထွက်မြောက်ရာကျမ်း အခန်းကြီး (၅)


၁ထိုနောက်မှ၊ မောရှေနှင့်အာရုန်သည် ဖါရောဘုရင်ထံသို့ ဝင်၍၊ ဣသရေလအမျိုး၏ ဘုရားသခင်ထာဝရ ဘုရားက၊ ငါ၏လူတို့သည်တော၌ ငါ့အဘို့ပွဲခံစေခြင်းငှါ လွှတ်ရမည်ဟု မိန့်တော်မူကြောင်းကို လျှောက်၏။ ၂ဖါရော မင်းကလည်း၊ ထာဝရဘုရား၏စကားကို နားထောင်၍၊ ဣသရေလအမျိုးသားတို့ကိုငါလွှတ်စေခြင်းငှါ ထိုဘုရားကား အဘယ်သူနည်း။ ထာဝရဘုရားကို ငါမသိ၊ ဣသရေလအမျိုးသားတို့ကို ငါမလွှတ်ဟုဆိုလေ၏။ ၃သူတို့ကလည်း၊ ဟေဗြဲလူတို့၏ ဘုရားသခင်သည် ကျွန်တော်တို့နှင့် တွေ့တော်မူပြီ။ တောသို့ သုံးရက်ခရီးသွား၍၊ ကျွန်တော်တို့ ဘုရားသခင် ထာဝရဘုရားအား ယဇ်ပူဇော်ရသော အခွင့်ကိုပေးတော်မူပါ။ သို့မဟုတ် ကာလနာဘေး၊ ထားဘေးတစုံတခုဖြင့် ကျွန်တော်တို့ကို ဒဏ်ခတ်တော်မူလိမ့်မည်ဟု လျှောက်ဆို၏။ ၄အဲဂုတ္တုရှင် ဘုရင်ကလည်း၊ မောရှေနှင့် အာရုန်၊ သင်တို့သည် ဤလူများတို့ကိုအဘယ်ကြောင့် အလုပ်ပြတ်စေသနည်း။ အမှုတော်ကို သွား၍ ဆောင်ရွက်ကြဟု မိန့်တော်မူ၏။ ၅တဖန်လည်း ပြည်တော်၌ ထိုလူတို့သည် ယခုများကြ၏။ အမှုမထမ်းစေခြင်းငှါ သင်တို့သည်အခွင့်ပေး ကြသည်တကားဟု ဖါရောဘုရင်ဆို၍၊ ၆ထိုနေ့ခြင်းတွင် အအုပ်အချုပ်၊ အကြပ်အဆော်တို့ကိုခေါ်ပြီးလျှင်၊ ၇အုတ်လုပ် စရာဘို့ကောက်ရိုးကို လူတို့အားအရင်ပေးသကဲ့သို့မပေးနှင့်။ သူတို့သည် ကောက်ရိုးကို ကိုယ်ဘို့ရှာယူကြစေ။ ၈အုတ်ကိုကား၊ အရေအတွက်အားဖြင့် အရင်ကဲ့သို့လုပ်စေရမည်၊ အလျှင်းမလျော့စေနှင့်။ သူတို့သည်ပျင်းရိကြ၏။ ထိုကြောင့်သွား၍ငါတို့ဘုရားသခင်အား ယဇ်ပူဇော်ကြစို့ဟု ကြွေးကြော်တတ်ကြ၏။ ၉သို့ဖြစ်၍စည်းကြပ်လျက် လုပ်စေကြ။ ပင်ပန်းစေကြ။ လူမိုက်စကားကို နားမထောင် စေနှင့်ဟု မိန့်တော်မူ၏။ ၁ဝအအုပ်အချုပ်အကြပ် အဆော်တို့သည် ထွက်၍၊ ဖါရောဘုရင်ကကောက်ရိုးကိုငါမပေး။ ၁၁ကောက်ရိုးကိုတွေ့နိုင်ရာအရပ်၌ရှာကြ။ သို့သော်လည်း လုပ်ရသော အလုပ်အလျှင်းမလျော့ရဟု အမိန့်တော် ရှိသည်ဟု လူတို့အားပြန်ကြားကြ၏။ ၁၂သို့ဖြစ်၍ လူတို့သည်ကောက်ရိုး အတွက်အမှိုက်ကို ရှာယူခြင်းငှါ အဲဂုတ္တုပြည် တရှောက်လုံးတွင် အရပ်ရပ်ကွဲပြားကြ၏။ ၁၃အုပ်ချုပ်သောသူတို့ကလည်း၊ ကောက်ရိုးကိုရသည် ကာလ၌ နေ့တိုင်းလုပ်ရသည်အတိုင်း၊ ပြီးအောင်လုပ်ကြဟု သူတို့ကိုနှိုးဆော်ကြ၏။ ၁၄ဖါရောမင်း ၏ အအုပ်အချုပ်တို့သည် ခန့်ထားသော ဣသရေလအမျိုး အကြပ်အဆော် တို့ကို သင်တို့သည်အရင်ကလုပ်သည် အတိုင်း၊ ယနေ့နှင့် မနေ့၌အုတ်လုပ်ရသောအမှုကို အဘယ်ကြောင့် မပြီးစီးစေကြသနည်းဟု စစ်၍ရိုက်ကြ၏။ ၁၅ထိုအခါ၊ ဣသရေလအမျိုး အကြပ်အဆော်တို့သည်၊ ဖါရောမင်း ထံသို့သွား၍၊ ကိုယ်တော်သည်ကိုယ်တော် ကျွန်တို့ကို အဘယ်ကြောင့်ဤသို့စီရင်တော်မူသနည်း။ ၁၆ကိုယ်တော်ကျွန် တို့အား၊ ကောက်ရိုးကိုမပေး၊ အုပ်ချုပ်သော သူတို့ကလည်း၊ အုတ်ကိုလုပ်ကြဟု ဆိုသဖြင့်၊ ကျွန်တော်တို့သည် အရိုက်ခံ ရကြပါ၏။ ကိုယ်တော်လူတို့၌သာ အပြစ်ရှိပါသည်ဟု အော်ဟစ်ကြ၏။ ၁၇ဖါရောဘုရင်ကလည်း၊ သင်တို့သည် ပျင်းရိသည်၊ ပျင်းရိသည်။ ထိုကြောင့်ငါတို့သည် သွား၍ ထာဝရ ဘုရားအား ယဇ်ပူဇော်ကြစို့ဟု သင်တို့ဆိုတတ်ကြ၏။ ၁၈သို့သောကြောင့် ယခုသွား၍ လုပ်ကြ။ ကောက်ရိုးကိုမပေးရ။ သို့သော်လည်း အုတ်ကိုပေးမြဲပေးရမည်ဟု မိန့်တော်မူ၏။

၁၉ထိုသို့နေ့တိုင်းလုပ်ရသော အုတ်အရေအတွက်၌ အလျှင်းမလျော့ရဟု အမိန့်တော်ရှိသည်ဖြစ်၍၊ ဣသရေ လအမျိုး အကြပ်အဆော်တို့သည် မိမိတို့၌ အမှုကြီးရောက်ကြောင်းကို သိမြင်၏။ ၂ဝဖါရောမင်းထံမှ ထွက်သွားကြစဉ်၊ လမ်း၌ စောင့်လျက်နေသော မောရှေနှင့်အာရုန်ကိုတွေ့လျှင်၊ ၂၁ထာဝရဘုရားသည် သင်တို့ကို ကြည်ရှု၍၊ စီရင်တော် မူပါစေသော။ အကြောင်းမူကား၊ ဖါရောမင်းနှင့် အမှုတော်ထမ်းအပေါင်းတို့သည် ငါတို့ကို ရွံရှာစေခြင်းငှါ၎င်း၊ ငါတို့ကို သတ်ရသောအခွင့် ရှိစေခြင်းငှါ၎င်း သင်တို့သည် ပြုကြပြီတကားဟု ဆိုကြ၏။ ၂၂မောရှေသည်လည်း၊ ထာဝရဘုရား ထံတော်သို့သွား၍၊ အိုဘုရားရှင်၊ ကိုယ်တော်သည် ဤလူမျိုးကို အဘယ်ကြောင့် ညှဉ်းဆဲတော်မူသနည်း။ အကျွန်ုပ်ကို အဘယ်ကြောင့် စေလွှတ်တော်မူသနည်း။ ၂၃အကျွန်ုပ်သည် ကိုယ်တော်အခွင့်နှင့် ပြောခြင်းငှါ၊ ဖါရောမင်းထံသို့ဝင်သည်နေ့မှစ၍၊ သူသည် ဤလူမျိုးကို ညှဉ်းဆဲပါပြီ။ ကိုယ်တော်သည် ကိုယ်တော်၏ လူတို့ကို အလျှင်းကယ်လွှတ်တော်မမူပါဟုလျှောက်၏။