၎ရာ အခန်းကြီး(၁၅)


၁ဣသရေလရှင်ဘုရင် ယေရောဗောင်နန်းစံ နှစ်ဆယ်ခုနစ်နှစ်တွင်၊ ၂ယုဒရှင်ဘုရင် အာမဇိသား သြဇိသည် အသက်တဆယ်ခြောက်နှစ်ရှိသော်၊ နန်းထိုင်၍ ယေရုရှလင်မြို့၌ ငါးဆယ်နှစ်နှစ်စိုးစံလေ၏။ မယ်တော်ကား၊ ယေရုရှလင်မြို့သူ ယေခေါရိအမည်ရှိ၏။ ၃ထိုမင်းသည် ခမည်းတော်အာမဇိ ပြုသမျှအတိုင်း ထာဝရဘုရား ရှေတော်၌ တရားသောအမှုကိုပြု၏။ ၄သို့ရာတွင် မြင့်သောအရပ်တို့ကို မပယ်ရှားသောကြောင့်၊ လူတို့သည် ထိုအရပ်တို့၌ ယဇ်ပူဇော်၍ နံ့သာပေါင်းကို မီးရှို့ကြ၏။ ၅ထာဝရဘုရားသည် ဒဏ်ခတ်တော်မူသဖြင့်၊ ရှင်ဘုရင်သည် သေသည် တိုင်အောင် နူနာစွဲ၍ ခြားနားသောနန်း၌ နေရ၏။ သားတော်ယောသံသည် နန်းတော်ကိုအုပ်၍ နိုင်ငံတော်အမှုကို စီရင်ရ၏။ ၆သြဇိပြုမူသော အမှုအရာကြွင်းလေသမျှတို့သည် ယုဒရာဇဝင်၌ ရေးထားလျက်ရှိ၏။ ၇သြဇိသည် ဘိုးဘေးတို့နှင့် အိပ်ပျော၍ သူတို့နှင့်အတူ ဒါဝိဒ်မြို့၌ သင်္ဂြိုဟ်ခြင်းကိုခံလေ၏။ သားတော်ယောသံသည် ခမည်း တော်အရာ၌ နန်ထိုင်၏။

၈ယုဒရှင်ဘုရင် သြဇိနန်းစံ သုံးဆယ်ရှစ်နှစ်တွင် ယေရောဗောင်သား ဇာခရိသည် ရှမာရိမြို့၌ မင်းပြု၍ ဣသရေလနိုင်ငံကို စိုးစံ၏။ ၉ထိုမင်းသည် ဘိုးဘေးပြုသည်အတိုင်း၊ ထာဝရဘုရားရှေ့တော်၌ ဒုစရိုက်ကိုပြု၍၊ ဣသရေလအမျိုးကို ပြစ်မှားစေသော နေဗတ်သား ယေရောဗောင်၏ ဒုစရိုက်အပြစ်တို့ကို မစွန့်ဘဲနေ၏။ ၁ဝရာဖတ် သား ရှလ္လုံသည် ဇာခရိမင်းတဘက်၌ သင်းဖွဲ့၍ လူများရှေ့မှာ သေအောင်လုပ်ကြံပြီးလျှင် သူ၏အရာ၌ နန်းထိုင်၏။ ၁၁ဇာခရိပြုမူသော အမှုအရာကြွင်းလေသမျှတို့သည် ဣသရေလ ရာဇဝင်၌ ရေးထားလျက်ရှိ၏။ ၁၂ထိုသို့ ထာဝရ ဘုရားက သင်၏သားမြေး လေးဆက်တိုင်အောင် ဣသရေလနိုင်ငံ ရာဇပလ္လင်ပေါ်မှာ ထိုင်ရမည်ဟု ယေဟုအား မိန့်တော်မူသော စကားတော် ပြည့်စုံသတည်း။

၁၃ယုဒရှင်ဘုရင် သြဇိနန်းစံသုံးဆယ်ကိုးနှစ်တွင် ရှလ္လုံသည် နန်းထိုင်၍၊ ရှမာရိမြို့၌ တလစိုးစံလေ၏။ ၁၄ဂါဒိသား မေနဟင်သည် တိရဇမြို့မှ ရှမာရိမြို့သို့သွား၍ ယာဖတ်သား ရှလုံကို သေအောင်လုပ်ကြံပြီးလျှင်၊ သူ၏အရာ၌ နန်းထိုင်၏။ ၁၅ရှလ္လုံပြုမူသောအမှုအရာ ကြွင်းလေသမျှတို့နှင့် သင်းဖွဲ့ခြင်းအရာသည် ဣသရေလရာဇဝင်၌ ရေးထား လျက်ရှိ၏။ ၁၆ထိုအခါ မေနဟင်သည် တိဖသမြို့နှင့် မြို့သားများ တိရဇမြို့အလွန် တိဖသမြို့နယ်များတို့ကို လုပ်ကြံ၏။ မြို့တံခါးကို သူ့အားမဖွင့်သောကြောင့် လုပ်ကြံ၍ ကိုယ်ဝန်ဆောင်သော မိန်းမအပေါင်းတို့၏ ဝမ်းကိုခွဲလေ၏။

၁၇ယုဒရှင်ဘုရင် သြဇိနန်းစံ သုံးဆယ်ကိုးနှစ်တွင်၊ ဂါဒိသား မေနဟင်သည် နန်းထိုင်၍၊ ရှမာရိမြို့၌ ဣသရေလ နိုင်ငံကို ဆယ်နှစ်စိုးစံလေ၏။ ၁၈ထိုမင်းသည် ထာဝရဘုရားရှေ့တော်၌ ဒုစရိုက်ကိုပြု၍၊ ဣသရေလအမျိုးကို ပြစ်မှား စေသော နေဗတ်သား ယေရောဗောင်၏ဒုစရိုက်အပြစ်တို့ကို မစွန့်လွှတ်ဘဲနေ၏၊

၁၉အာရှုရိရှင်ဘုရင် ပုလသည် ဣသရေလပြည်ကို တိုက်လာ၏။ မေနဟင်သည် မိမိအာဏာတည်စေမည် အကြောင်း၊ ပုလမင်းမစစေခြင်းငှါ၊ ငွေအခွက်တသောင်းကို ဆက်ရမည်။ ၂ဝအာရှုရိရှင်ဘုရင်အား ဆက်စရာဘို့ မေနဟင်သည် ဣသရေလအမျိုး၌ ငွေခွဲ၍၊ ရတတ်သောသူတိုင်း အကျပ်ငါးဆယ်စီပေးရ၏။ ထိုကြောင့် အာရှုရိ ရှင်ဘုရင်သည် မနေ၊ မိမိပြည်သို့ပြန်သွား၏။ ၂၁မေနဟင်ပြုမူသော အမှုအရာကြွင်းလေသမျှတိုသည် ဣသရေလ ရာဇဝင်၌ ရေးထားလျက်ရှိ၏။ ၂၂မေနဟင်သည် ဘိုးဘေးတို့နှင့် အိပ်ပျော်၍ သားတော်ပေကဟိသည် ခမည်းတော် အရာ၌ နန်းထိုင်၏။

၂၃ယဒရှင်ဘုရင် သြဇိနန်းစံငါးဆယ်တွင်၊ မေနဟင်သား ပေကဟိသည် နန်းထိုင်၍ ရှမာရိမြို့၌ ဣသရေလ နိုင်ငံကို နှစ်နှစ်စိုးစံလေ၏။ ၂၄ထိုမင်းသည် ထာဝရဘုရားရှေ့တော်၌ ဒုစရိုက်ကိုပြု၍ ဣသရေလအမျိုးကို ပြစ်မှာစေ သော နေဗတ်သားယေရောဗောင်၏ ဒုစရိုက်အပြစ်တို့ကို မစွန့်ဘဲနေ၏။ ၂၅အမှုတော်ထမ်းတပ်မှူး၊ ရေမလိသား ပေကာသည် ပေကဟိတဘက်၌ သင်းဖွဲ့၍၊ အာဂေါဘနှင့် အရေဟအစရှိသော ဂိလဒ်ပြည်သား ငါးကျိပ်ပါလျက်၊ ရှမာရိမြို့၌ နန်းတော်ထဲမှာ သေအောက်လုပ်ကြံ၍ သူ၏အရာ၌နန်းထိုင်၏။ ၂၆ပေကဟိပြုမူသော အမှုအရာကြွင်းလေသမျှတို့သည် ဣသရေလရာဇဝင်၌ ရေးထားလျက် ရှိ၏။

၂၇ယုဒရှင်ဘုရင် သြဇိနန်းစံငါးဆယ်နှစ်နှစ်တွင်၊ ရေမလိသား ပေကာသည် နန်းထိုင်၍ ရှမာရိမြို့၌ ဣသရေလ နိုင်ငံကို အနှစ်နှစ်ဆယ်စိုးစံလေ၏။ ၂ဝထိုမင်းသည် ထာဝရဘုရား ရှေ့တော်၌ ဒုစရိုက်ကိုပြု၍၊ ဣသရေလအမျိုးကို ပြစ်မှားစေသော နေဗတ်သား ယေရောဗောင်၏ ဒုစရိုက်အပြစ်တို့ကို မစွန့်ဘဲနေ၏။ ၂၉ဣသရေလရှင်ဘုရင် ပေကာ လက်ထက်၊ အာရှုရိရှင်ဘုရင် တိဂလတ်ပိလေသာသည် လာ၍ ဣယုန်မြို့၊ အဗေလဗက်မာခါမြို့၊ ယာနောမြို့၊ ကေဒေရှမြို့၊ ဟာဇော်မြို့နှင့်တကွ ဂိလဒ်ပြည်၊ ဂါလိလဲပြည်၊ နဿလိပြည်သားအပေါင်းတို့ကို လုပ်ကြံ၍ အာရှုရိ ပြည်သို့ သိမ်းသွား၏။ ၃ဝသြဇိသား ယောသံနန်းစံနှစ်ဆယ် တွင် ဧလာသားဟောရှေသည် ရေမလိသား ပေကာမင်း တဘက်၌ သင်ဖွဲ့၍ သေအောင်လုပ်ကြံပြီးမှ သူ၏အရာ၌ နန်းထိုင်၏။ ၃၁ပေကာပြုမူသောအမှုအရာ ကြွင်းလေသမျှ တို့သည် ဣသရေလရာဇဝင်၌ ရေးထားလျက်ရှိ၏။

၃၂ဣသရေလရှင်ဘုရင် ရေမလိသား ပေကာနန်းစံနှစ်နှစ်တွင်၊ ယုဒရှင်ဘုရင် အောဇိသား ယောသံသည် အသက်နှစ်ဆယ်ငါးနှစ်ရှိသော် နန်းထိုင်၍၊ ၃၃ယေရုရှလင်မြို့၌ ဣသရေလနိုင်ငံကို တဆယ်ခြောက်နှစ် စိုးစံလေ၏။ မယ်တော်ကား၊ ဇာဒုတ်သမီး ယေရုရှာအမည်ရှိ၏။ ၃၄ထိုမင်းသည် ခမည်းတော် သြဇိကျင့်သမျှအတိုင်း၊ ထာဝရ ဘုရားရှေ့တော်၌ တရားသောအမှုကို ပြု၏။ ၃၅သို့ရာတွင် မြင့်သောအရပ်တို့ကို မပယ်ရှားသောကြောင့်၊ လူတို့သည် ထိုအရပ်တို့၌ ယဇ်ပူဇော်၍၊ နံ့သာပေါင်းကို မီးရှို့ကြ၏။ ထိုမင်းသည် ဗိမာန်တော်အထက် တံခါးကိုလုပ်လေ၏။ ၃၆ယောသံပြုမူသောအမှုအရာ ကြွင်းလေသမျှတို့သည် ယုဒရာဇဝင်၌ ရေးထားလျက်ရှိ၏။ ၃၇ထိုကာလတွင် ထာဝရ ဘုရားသည် ရှုရိရှင်ဘုရင် ရေဇိန်နှင့် ရေမလိသားပေကာကို ယုဒပြည်သို့ စေလွှတ်တော်မူ၏။ ၃၈ယောသံသည် ဘိုးဘေးတို့နှင့်အိပ်ပျော်၍၊ သူတို့နှင့်အတူ အဘဒါဝိဒ်မြို့၌ သင်္ဂြိုဟ်ခြင်းကို ခံလေ၏။ သားတော်အာခတ်သည် ခမည်းတော်အရာ၌ နန်းထိုင်၏။