၎ရာ အခန်းကြီး(၆)


၁ပရောဖက်အမျိုးသားတို့က၊ ကိုယ်တော်နှင့်အတူ ယခုနေသောအရပ်သည် ကျဉ်းမြောင်းပါ၏။ ၂အကျွန်ုပ် တို့သည် ယော်ဒန်မြစ်နားသို့သွားပါရစေ။ ထိုအရပ်၌ ဝိုင်း၍ သစ်သားကိုခုတ်ပြီးလျှင်၊ ကိုယ်နေစရာဘို့ လုပ်ပါရစေ ဟု ဧလိရှဲထံ၌ အခွင့်တောင်းလျှင်၊ သွားကြလော့ဟု အခွင့်ပေး၏။ ၃အချို့ကလည်း မငြင်းပါနှင့်။ ကိုယ်တော် ကျွန်တို့ နှင့်ကြွတော်မူပါဟု တောင်းပန်လျှင်၊ ငါသွားမည်ဟု ဝန်ခံသည်အတိုင်း၊ ၄သူတို့နှင့် အတူ လိုက်လေ၏။ ယော်ဒန်မြစ် နားသို့ ရောက်သောအခါ သစ်သားကိုခုတ်ကြ၏။ ၅တယောက်သောသူသည် ခုတ်စဉ်တွင်၊ ရေထဲသို့ ပုဆိန်ကျ၏။ ခုတ်သောသူကလည်း၊ ခက်လှပြီသခင်။ ထိုပုဆိန်သည် ငှါးခဲ့သောဥစ္စာဖြစ်ပါ၏ဟု အော်ဟစ်လျှင်၊ ၆ဘုရားသခင်၏ လူက၊ အဘယ်မှာကျသနည်းဟု မေးသော်၊ ကျရာအရပ်ကိုပြပြီးမှ၊ ဒုတ်ကိုခုတ်၍ ထိုအရပ်၌ချသဖြင့် ပုဆိန်သည် ပေါလောနေ၏။ ၇ဆယ်ယူလော့ဟု ဧလိရှဲဆိုသည်အတိုင်း၊ တပည့်သည် လက်ကိုဆန့်၍ဆယ်ယူ၏။

၈တဖန်ရှုရိရှင်ဘုရင်သည် ဣသရေလပြည်ကို စစ်တိုက်၍၊ ဤမည်သောအရပ်၊ ဤမည်သောအရင်၌ ငါတို့သည်တပ်ချကြကုန်အံ့ဟု ကျွန်တို့နှင့် တိုင်ပင်သောအခါ၊ ၉ဘုရားသခင်၏ လူသည် ဣသရေလရှင်ဘုရင်ထံသို့ လူကိုစေလွှတ်၍၊ ဤမည်သောအရပ်ကို သတိပြုပါ။ ထိုအရပ်သို့ ရှုရိလူတို့သည် လာကြပြီဟု၊ ၁ဝသတိပေးသော အရပ်သို့ ဣသရေလရှင်ဘုရင်သည် လူကိုစေလွှတ်၍ တကြိမ်နှစ်ကြိမ်မက ရန်သူတို့ကိုရှောင်လေ၏။ ၁၁ထိုအကြောင်း ကြောင့် ရှုရိရှင်ဘုရင်သည် စိတ်ပူပန်၍ ကျွန်တို့ကိုခေါ်ပြီးလျှင်၊ ငါတို့တွင် အဘယ်သူသည် ဣသရေလရှင်ဘုရင်ဘက်၌ နေသည်ကို ငါ့အားမပြဘဲ နေကြသနည်းဟု မေးသော်၊ ၁၂ကျွန်တယောက်က၊ ထိုသို့မဟုတ်ပါအရှင်မင်းကြီး၊ ကိုယ်တော်စက်တော်မူခန်းထဲ၌ မိန့်တော်မူသော စကားကိုပင်၊ ဣသရေလပြည်၌ ရှိသော ပရောဖက် ဧလိရှဲသည်၊ ဣသရေလရှင်ဘုရင်အား ပြန်ပြောတတ်ပါသည်ဟု လျှောက်လေ၏။ ၁၃ရှင်ဘုရင်ကလည်း၊ သူသည်အဘယ်အရပ်၌ ရှိသည်ကိုသွား၍ ချောင်းကြည့်လော့။ သူ့ကိုဘမ်း ဆီးစေခြင်းငှါ ငါစေလွှတ်မည်ဟု မိန့်တော်မူပြီးမှ၊ ဒေါသန်မြို့၌ ရှိပါသည်ဟု လျှောက်လေ၏။ ၁၄ထိုမြို့သို့မြင်းစီးသူရဲ၊ ရထားစီးသူရဲ၊ ဗိုလ်ခြေများကို စေလွှတ်သဖြင့်၊ ညဥ့်အခါ ရောက်၍မြို့ကိုဝိုင်းကြ၏။ ၁၅နံနက်စောစော ဘုရားသခင့် လူ၏ကျွန်သည် ထ၍ပြင်သို့ထွက်သောအခါ၊ မြင်းစီးသူရဲ၊ ရထားစီးသူရဲ၊ ဗိုလ်ခြေတို့သည် မြို့ကိုဝိုင်းလျက်ရှိကြသည် ဖြစ်၍၊ အိုသခင်၊ အဘယ်သို့ ပြုရပါမည်နည်းဟု မိမိသခင်အားဆို၏။ ၁၆ဧလိရှဲကမစိုးရိမ်နှင့်။ ငါတို့ဘက်၌ နေသော သူတို့သည် ရန်သူတို့ဘက်၌ နေသောသူတို့ထက်သာ၍ များကြသည်ဟု ဆိုလျက်၊ ၁၇အိုထာဝရဘုရား၊ ဤသူသည် မြင်နိုင်မည် အကြောင်းသူ၏မျက်စိကိုဖွင့်တော်မူပါဟု ဆုတောင်းသည် အတိုင်းထာဝရဘုရားသည် ထိုလုလင်၏ မျက်စိကိုဖွင့်တော်မူသဖြင့်၊ ဧလိရှဲပတ်လည်၌ တတောင်လုံးသည် မီးမြင်း၊ မီးရထားနှင့် ပြည့်သည်ကို မြင်လေ၏။ ၁၈ရှုရိလူတို့သည် ရောက်လာသောအခါ၊ ဧလိရှဲက၊ အိုထာဝရဘုရား၊ ဤသူတို့၏ မျက်စီမမြင်စေခြင်းငှါ၊ ဒဏ်ခတ်တော် မူပါဟု ဆုတောင်းသည်အတိုင်း၊ ဒဏ်ခတ်တော်မူ၏။ ၁၉ဧလိရှဲကလည်း၊ ဤလမ်းမဟုတ်။ ဤမြို့လည်းမဟုတ်။ ငါ့နောက်သို့လိုက်ကြ။ သင်တို့ရှာသော သူရှိရာသို့ ငါပို့မည်ဟု ဆိုလျက်ရှမာရိမြို့သို့ ပို့လေ၏။ ၂ဝမြို့ထဲသို့ ရောက်ပြီးမှ ဧလိရှဲက၊ အိုထာဝရဘုရား၊ ဤသူတို့သည် မြင်နိုင်မည်အကြောင်း သူတို့၏မျက်စိကို ဖွင့်တော်မူပါဟု ဆုတောင်းသည် အတိုင်း၊ သူတို့၏မျက်စိကိုဖွင့် တော်မူသဖြင့်၊ သူတို့သည် မြင်၍ရှမာရိမြို့ထဲမှာ ရှိသည်ဟု သိကြ၏။ ၂၁ဣသရေလ ရှင်ဘုရင်ကလည်း၊ အဘ၊ ထိုသူတို့ကိုထားနှင့် သတ်ရပါမည်လောဟု ဧလိရှဲအားမေးလျှင်၊ ၂၂မသတ်ပါနှင့်။ ထားနှင့် ခုတ်လျက်၊ လေးနှင့်ပစ်လျက်စစ်တိုက်၍ ဘမ်းမိသော သူတို့ကိုသတ်ရမည်လော။ သူတို့ရှေ့မှာ မုန့်နှင့် ရေကိုထည့်၍ သူတို့သည်စားသောက်ပြီးမှ၊ မိမိတို့သခင်ထံသို့ သွားပါစေဟု ဆိုလျှင်၊ ၂၃များစွာသောစားစရာကိုပြင်ဆင်၍ စားသောက်စေပြီးမှ လွှတ်လိုက်သဖြင့်၊ သူတို့သည် မိမိတို့ သခင်ထံသို့ ပြန်သွားကြ၏။ ထိုနောက်မှ ရှုရိလူတို့သည် အလိုအလျောက်တပ်ဖွဲ့၍ ဣသရေလပြည်သို့ မလာကြ။

၂၄နောက်တဖန် ရှုရိရှင်ဘုရင် ဗင်္ဟာဒဒ်သည် ဗိုလ်ခြေအပေါင်းကို စုဝေးစေသဖြင့် စစ်ချီ၍ ရှမာရိမြို့ကို ဝိုင်းထား၏။ ၂၅ကြာမြင့်စွာ ဝိုင်းထားသောကြောင့်၊ ရှမာရိမြို့၌ အလွန်အစာခေါင်းပါး၍၊ မြည်းခေါင်းတလုံးကို ငွေရှစ် ဆယ်နှင့်၎င်း၊ ပဲကြမ်းတပြည်ကိုငွေငါးကျပ်နှင့် ၄င်းရောင်းရ၏။ ၂၆ဣသရေလရှင်ဘုရင်သည် မြို့ရိုးပေါ်မှာ ရှောက်သွားစဉ်၊ မိန်းမတယောက်က အရှင်မင်းကြီး၊ ကယ်မတော်မူပါဟု အော်ဟစ်၏။ ၂၇ရှင်ဘုရင်က၊ ထာဝရဘုရားကယ်မတော် မမူလျှင်၊ ငါသည် အဘယ်သို့ကယ်မနိုင်မည်နည်း။ စပါးနယ်ရာတလင်း၊ စပျစ်သီးနယ်ရာ ကျင်းထဲက ကယ်မရမည် လောဟူ၍၄င်း၊ ၂၈သင်၌အဘယ်သို့ ဖြစ်သနည်းဟူ၍၄င်း မေးလျှင်၊ မိန်းမက၊ ဤမိန်းမသည် ကျွန်မဆီသို့လာ၍၊ သင့်သားကို ယနေ့ငါတို့စားဘို့အပ်ပါ။ နက်ဖြန်နေ့၌ ငါ့သားကိုစားရမည်ဟု ဆိုသည်အတိုင်း၊ ၂၉ကျွန်မ၏သားကို ပြုတ်၍စားကြပါ။ နက်ဖြန်နေ့၌ ကျွန်မက၊ သင်၏သားကို ငါတို့စားဘို့အပ်ပါဟု တောင်းသော်၊ သူသည် မိမိသားကို ဝှက်ထားပါသည်ဟု လျှောက်လေ၏။ ၃ဝရှင်ဘုရင်သည် ထိုမိန်းမ၏ စကားကိုကြားလျှင်၊ မိမိအဝတ်ကိုဆုတ်လေ၏။ မြို့ရိုးပေါ်မှာရှောက်သွားစဉ် လူတို့သည် ကြည်၍၊ အတွင်း၌လျှော်တေ အဝတ်ဖြင့် ဝတ်တော်မူကြောင်းကို သိမြင်ရကြ၏။ ၃၁ရှင်ဘုရင်ကလည်း၊ ရှာဖတ်သား ဧလိရှဲ၏ ဦးခေါင်းသည် ယနေ့သူ့ကိုယ်နှင့် မကွာဘဲနေလျှင်၊ ထာဝရဘုရားသည် ထိုမျှမက၊ ငါ၌ပြုတော်မူပါစေသော ဟုဆို၏။ ၃၂ဧလိရှဲသည် မိမိအိမ်၌ ထိုင်၍ အသက်ကြီးသူတို့သည် သူနှင့်အတူ ထိုင်ကြစဉ်၊ ရှင်ဘုရင်သည် မိမိရှေ့မှာ လူတယောက်ကို စေလွှတ်၏။ ထိုတမန် မရောက်မှီ ဧလိရှဲက၊ လူသတ်၏ သားသည် ငါ့လည်ပင်းကိုဖြတ်စေခြင်းငှါ၊ စေလွှတ်သည်ကို သိမြင်ကြသလော။ ထိုတမန်ရောက်သောအခါ၊ တံခါးကိုပိတ်၍၊ တံခါးနားမှာ သူ့ကိုဆီးတားကြလော့။ သူ့နောက်မှာ သူ့သခင်ခြေသံ မမြည်သလောဟု၊ ၃၃အသက်ကြီးသူတို့အား ပြော စဉ်တွင်၊ ထိုတမန်သည် ရောက်လာ၏။ ရှင်ဘုရင်ကိုယ်တိုင် ရောက်လျှင်၊ ဤအမှုသည် ထာဝရဘုရားစီရင်သော အမှုဖြစ်၏။ ထာဝရဘုရား၏ ကျေးဇူးကို အဘယ်ကြောင့် မြော်လင့်ရသေးသနည်းဟု ဆိုသော်၊