၎ရာ အခန်ကြီး(၃)


၁ယုဒရှင်ဘုရင် ယောရှဖတ်နန်းစံ ဆယ့်ရှစ်နှစ်တွင်၊ အာဟပ်သား ယောရံသည် ရှမာရိမြို့၌ မင်းပြု၍ ဣသရေလနိုင်ငံကို စိုးစံ၏။ ၂ထိုမင်းသည် ထာဝရဘုရားရှေ့တော်၌ ဒုစရိုက်ကိုပြု၏။ သို့ရာတွင် မိဘကဲ့သို့မပြု။ ခမည်းတော်လုပ်သော ဗာလရုပ်တုကိုပယ်ရှား၏။ ၃သို့သော်လည်း ဣသရေလအမျိုးကို ပြစ်မှားစေသော နေဗတ် ၏သား ယေရောဗောင်ပြုသော ဒုစရိုက်အပြစ်ကိုမရှောင် မှီဝဲ၏။

၎မောဘမင်းကြီး မေရှာသည် သိုးထိန်းကြီးဖြစ်၍၊ ဣသရေလရှင်ဘုရင်အား သိုးသငယ်တသိန်းနှင့် အမွေးပါသော သိုးထီးတသိန်းကို ဆက်ရ၏။ ၅အာဟပ် သေသောအခါ၊ မောဘမင်းကြီးသည် ဣသရေလ ရှင်ဘုရင်ကို ပုန်ကန်လေ၏။ ၆ထိုအခါ ယောရံမင်းကြီးသည် ရှမာရိ မြို့ထဲကထွက်၍ ဣသရေလအမျိုးသား အပေါင်းတို့ကို စာရင်းယူ၏။ ၇ယုဒရှင်ဘုရင် ယောရှဖတ်ထံသို့ လူကိုစေလွှတ်၍၊ မောဘမင်းကြီးသည် ငါ့ကိုပုန်ကန်ပြီ။ မောဘပြည်ကို စစ်တိုက်ခြင်းငှါ ငါနှင့်အတူလိုက်မည်လောဟု မေးလျှင်၊ ယောရှဖတ်က ငါလိုက်မည်။ ငါသည် မင်းကြီးကဲ့သို့ဖြစ်၏။ ငါ့လူတို့သည် မင်းကြီး၏လူကဲ့သို့၎င်း၊ ငါ့မြင်းတို့သည် မင်းကြီး၏မြင်း ကဲ့သို့၎င်း ဖြစ်ကြသည်ဟု ပြန်ပြော၏။ ၈အဘယ်လမ်းဖြင့် စစ်ချီရမည်နည်းဟု မေးသော်၊ ဧဒုံတောလမ်း ဖြင့် ချီရမည်ဟု ပြန်ပြော၏။ ၉ထိုသို့ ဣသရေလရှင်ဘုရင်၊ ယုဒရှင်ဘုရင်၊ ဧဒုံရှင်ဘုရင်တို့သည် ဝိုင်း၍ ခုနစ်ရက်ခရီး သွားကြ၏။ ဗိုလ်ခြေများသောက်စရာ၊ ပါသောတိရစ္ဆာန်များ သောက်စရာရေမရှိ။ ၁ဝဣသရေလရှင်ဘုရင်က၊ ခက်လှပြီ။ ထာဝရဘုရားသည် ဤရှင်ဘုရင် သုံးပါးတို့ကို မောဘလူတို့လက်သို့ အပ်ခြင်းငှါ စုဝေးစေတော်မူသည် တကားဟု ဆို၏။ ၁၁ယောရှဖတ်ကလည်း၊ ထာဝရဘုရား၌ မေးလျှောက်မည်အကြောင်း၊ ထာဝရဘုရား၏ ပရောဖက်တယောက်မျှ မရှိသလောဟု မေးလျှင်၊ ဣသရေလရှင်ဘုရင်၏ ကျွန်တယောက်က၊ ဧလိယလက်ထောက် ရှာဖတ်သား ဧလိရှဲ ရှိပါ၏ဟု လျှောက်သော်၊ ၁၂ယောရှဖတ်က၊ ထာဝရဘုရား၏ နှုတ်ကပတ်တော်သည် သူ၌ ရှိတော်မူသည်ဟု ဆိုလျက်၊ ရှင်ဘုရင်သုံးပါးတို့သည် ဧလိရှဲထံသို့ သွားကြ၏။ ၁၃ဧလိရှဲသည် ဣသရေလရှင်ဘုရင်အားလည်း၊ ငါသည် သင်နှင့် အဘယ်သို့ဆိုင်သနည်း။ သင့်အဘ၏ပရောဖက်၊ သင့်အမိ၏ ပရောဖက်တို့ထံသို့ သွားလော့ဟုဆိုလျင်၊ ဣသရေလ ရှင်ဘုရင်က၊ မဆိုပါနှင့်။ ထာဝရဘုရားသည် ဤရှင်ဘုရင် သုံးပါးတို့ကို မောဘလူတို့လက်သို့ အပ်ခြင်းငှါ စုဝေးစေ တော်မူသည်တကားဟု ဆိုသော်၊ ၁၄ဧလိရှဲက၊ ငါကိုးကွယ်သော ကောင်းကင်ဗိုလ်ခြေအရှင် ထာဝရဘုရား အသက် ရှင်တော်မူသည်အတိုင်း၊ အကယ်၍ ယုဒရှင်ဘုရင် ယောရှဖတ်၏မျက်နှာကို ငါမထောက်လျှင်၊ သင့်ကိုငါမကြည့် မမြင်လို၊ ၁၅စောင်းသမားကိုခေါ်ခဲ့ဟုဆို၍ စောင်းသမားသည် တီးသောအခါ၊ ထာဝရဘုရား၏လက်တော်သည် ဧလိရှဲအပေါ်သို့ရောက်၍၊ ၁၆ထာဝရဘုရား မိန့်တော်မူသည်ကား၊ ဤချိုင့်ပတ်လည်၌ ဆယ်ပေါင်းတို့ကို လုပ်ကြလော။ ၁၇အကြောင်းမူကား၊ သင်တို့နှင် တိရစ္ဆာန်တို့သည် သောက်စရာဘို့ လေမလာ၊ မိုဃ်းမရွာဘဲ ဤချိုင့်သည် ရေနှင့် ပြည့်လိမ့်မည်။ ၁၈ထိုအမှုသည် ထာဝရဘုရား ရှေ့တော်၌သာမညအမှုဖြစ်သေး၏။ မောဘလူတို့ကိုလည်း သင်တို့ လက်သို့ အပ်တော်မူမည်။ ၁၉သင်တို့သည် ခိုင်ခံ့ထူးဆန်းသောမြို့ ရှိသမျှတို့ကို လုပ်ကြံကြလိမ့်မည်။ အသုံးဝင်သော သစ်ပင်ရှိသမျှတို့ကို ခုတ်လှဲကြလိမ့်မည်။ ရေတွင်းရှိသမျှတို့ကို မြေဖို့ကြလိမ့်မည်။ ကောင်းသောမြေကွက် ရှိသမျှ တို့ကို ကျောက်ခဲနှင့်ဖျက်ကြလိမ့်မည်ဟု မိန့်တော်မူ၏။ ၂ဝနံနက်အချိန် ဘောဇဉ်ပူဇော်သက္ကာကို ပူဇော်သောအခါ၊ ရေသည် ဧဒုံလမ်းဖြင့်လာ၍ တပြည်လုံးကိုလွှမ်းလေ၏။

၂၁ရှင်ဘုရင်တို့သည် စစ်ချီ၍ လာကြောင်းကို မောဘပြည်သားအပေါင်းတို့သည် ကြားသောအခါ၊ လက်နက် ဆောင်သော အကြီးအငယ်ရှိသမျှတို့ကို စုဝေးစေ၍၊ ပြည်စွန်းနားမှာတပ်ချကြ၏။ ၂၂နံနက်စောစောထသောအခါ၊ ရေပေါ်မှာ နေရောင်ထင်၍၊ ဤတဘက်၌ ရေသည် အသွေးကဲ့သို့ နီသည်ကို မောဘပြည်သားတို့သည် မြင်ကြလျှင်၊ ၂၃အသွေးဖြစ်၏။ စင်စစ် ရှင်ဘုရင်တို့သည် တယောက်ကိုတယောက် လုပ်ကြံ၍ သေကြပြီ။ သို့ဖြစ်၍ မောဘပြည် သားတို့၊ လုယူကြလော့ဟု ဆိုကြ၏။ ၂၄ဣသရေလတပ်တို့ ရောက်သောအခါ၊ ဣသရေလလူတို့သည် ထ၍ မောဘ ပြည်သားတို့ကို လိုက်သဖြင့် သူတို့သည်ပြေးကြ၏။ ဣသရေလလူတို့သည် မောဘပြည်ထဲသို့တိုင်အောင် လိုက်၍ လုပ်ကြံကြ၏။ ၂၅မြို့တို့ကိုဖြိုဖျက်ကြ၏။ ကောင်းသောမြေကွက် ရှိသမျှတို့အပေါ်မှာ လူအပေါင်းတို့သည် ကျောက်ခဲ ပစ်ချ၍ ဖုံးလွှမ်းကြ၏။ ရေတွင်းရှိသမျှကိုလည်း မြေဖို့၍၊ အသုံးဝင်သော သစ်ပင်ရှိသမျှတို့ကို ခုတ်လှဲကြ၏။ ကိရဟရက်မြို့၌သာ မြို့ရိုးကိုချန်ထားရာတွင်၊ လောက်လွှဲသမားတို့သည် ဝိုင်း၍ပစ်ကြ၏။ ၂၆မောဘမင်းကြီးသည် အတိုက်မခံနိုင် သည်ကို သိသောအခါ၊ ထားကိုကိုင်သောသူ ခုနစ်ရာကိုခေါ်၍ ဧဒုံရှင်ဘုရင်၏ တပ်ကိုဖျက်မည်ဟု အားထုတ်သော် လည်း မဖျက်နိုင်။ ၂၇နောက်မှ မိမိကိုယ်စား နန်းထိုင်သော သားဦးကိုယူ၍ မြို့ရိုးပေါ်မှာ မီးရှို့ရာယဇ်ကို ပြုလေ၏။ ဣသရေလအမျိုးသားတို့သည် သူတပါး အမျက်ထွက်ခြင်းကို ခံရသောကြောင့်၊ ထိုပြည်ကိုထား၍ ကိုယ်ပြည်သို့ ပြန်သွားကြ၏။