၃ရာ အခန်းကြီး (၄)


၁ရှောလမုန်မင်းကြီးသည် ဣသရေလ နိုင်ငံလုံးကိုစိုးစံလျက်နေတော်မူ၏။ ၂မှူးတော် မတ်တော် ဟူမူကား၊ ယဇ်ပုရောဟိတ်ဇာဒုတ်သားအာဇရိ၊ ၃ရှိရှသား ဧလိဟောရပ်နှင့် အဟိယတို့သည်စာရေး တော်ကြီးဖြစ်၏။ အဟိလုပ်သား ယောရှဖတ်သည် အတွင်းဝန်ဖြစ်၏။ ၄ယောယဒသား ဗေနာယသည် ဗိုလ်ချုပ်မင်းဖြစ်၏။ ဇာဒုတ်နှင့်အဗျာသာတို့သည် ယဇ်ပုရောဟိတ်ဖြစ်၏။ ၅နာသန်သား အာဇာရိသည်ဝန်စာရေးအုပ်ဖြစ်၏။ နာသန်သားဇာဗုဒ်သည် မင်းသားအရာနှင့် တိုင်ပင်မတ်ဖြစ်၏။ ၆အဟိရှာသည်နန်းတော်အုပ်ဖြစ်၏။ အာဗဒသားအဒေါနိရံသည်အခွန်တော်ဝန် ဖြစ်၏။

၇ရှောလမုန်သည် ဣသရေလနိုင်ငံအရပ်ရပ်၌ခန့်ထားသောဝန်စာရေးတကျိပ်နှစ်ယောက်တို့သည် တယောက် တလစီရှင်ဘုရင်နှင့်နန်းတော်သားတို့အဘို့စားစရာကို ပြင်ဆင်ရကြ၏။ ၈သူတို့အမည်ဟူမူကား၊ ဧဖရိမ်တောင်ရပ်မှာ ဟုရ၏သား၊ ၉မာကတ်မြို့၊ ရှာလဗိမ်မြို့၊ ဗက်ရှေမက်မြို့၊ ဧလုမေBာသနန်မြို့မှာ ဒေကာ၏သား၊ ၁ဝစောခေါမြို့၊ ဟေဖာပြည် လုံးနှင့်တကွ အရုဗုတ်မြို့မှာဟေသက်၏သား၊ ၁၁ဒေါရပြည်လုံးကို စီရင်သောသူ ရှေလမုန်၏သမီးတော်တာဖတ်နှင့် စုံဘက်သော အဘိနဒပ်၏သား၊ ၁၂တာနက်မြို့၊ မေဂိဒ္ဒေါမြို့နှင့်တကွဗက်ရှန်မြို့မှ အာဗေလ မဟောလမြို့တိုင်အောင်မက၊ ယုတ်နန်မြို့အလွန်၊ ယေဇရလမြို့အောက်ဇာတနမြို့နှင့်နီးစပ်သော ဗက်ရှန်မြို့နယ်လုံးကို စီရင်သောအဟိလုပ်၏ သားသားဗာန၊ ၁၃ဂိလဒ်ပြည်၌ မနာရှေ၏ သားယာဣရပိုင်သော မြို့များ၊ ဗာရှန်ပြည်၊ အာဂေါဘအရပ်၌မြို့ရိုး၊ ကြေးဝါ တံခါးကျင်နှင့်ပြည့်စုံသောမြို့ကြီး ခြောက်ဆယ်ကို စီရင်သော ဂိလဒ်ပြည်ရာမုတ်မြို့မှ ဂေဗာ၏သား၊ ၁၄မဟာနိမ်မြို့မှာ ဣဒေါ၏သားအဟိနဒပ်၊ ၁၅နဿလိ ခရိုင်ကိုစီရင်သောသူ၊ ရှောလမုန်၏သမီးတော် ဗာသမတ်နှင့်စုံဘက်သော အဟိမတ်၊ ၁၆အာရှာခရိုင်နှင့် အာလုပ်မြို့မှာ ဟုရှဲ၏သားဗာနာ၊ ၁၇ဣသခါခရိုင်မှာ ပါရွာ၏သားယောရှဖတ်၊ ၁၈ဗင်္ယာမိန်ခရိုင်မှာ ဧလာ၏သားရှိမိ၊ ၁၉အာမောရိ ရှင်ဘုရင်ရှိဟုန်၏နိုင်ငံ၊ ဗာရှန်ရှင်ဘုရင်သြဃ၏နိုင်ငံ၊ ဂိလဒ်ပြည်မှာ အခြားသောမင်းမရှိ။ တပါးတည်းစီရင်သော ဥရိ၏သား ဂေဗတည်း။

၂ဝထိုကာလ၌၊ ယုဒအမျိုးနှင့် ဣသရေလအမျိုးသားတို့ သည်အရေအတွက်အားဖြင့် သမုဒ္ဒရာသဲလုံးနှင့် အမျှများပြား၍စားသောက်ပျော်မွေ့လျက်နေကြ၏။ ၂၁ရှောလမုန်သည်လည်း မြစ်ကြီးမှစ၍ ဖိလိတ္တိပြည်၊ အဲဂုတ္တုပြည်တိုင်အောင် တိုင်းနိုင်ငံလုံးကိုအစိုးရသဖြင့်၊ အရပ်ရပ်သားတို့သည် လက်ဆောင်ပဏ္ဍာတို့ကို ဆက်၍၊ ရှောလမုန်လက်ထက်ကာလပတ်လုံး မင်းမှုကို ဆောင်ရွက် ရကြ၏။

၂၂တနေ့တနေ့လျှင် နန်းတော်၌ ကုန်သော ရိက္ခာဟူမူကား၊ ဂျုံမုန့်ညက် ကောရသုံးဆယ်၊ မုယောမုန့်ညက် ကောရခြောက်ဆယ်၊ ၂၃ဆူဖြိုးအောင်ကျွေးသောနွားတဆယ်၊ ကျက်စားရာထဲကနွား နှစ်ဆယ်၊ ဆတ်သမင်ဒရယ် အမျိုးမျိုးကိုမဆိုဘဲသိုးတရာ၊ ဆူဖြိုးအောင် ကျွေးသောငှက်မျိုးတည်း။ ၂၄ရှောလမုန်သည်မြစ်ကြီးအနောက်ဘက်၊ တိဖသမြို့မှ အဇ္ဇာမြို့တိုင်အောင် ရှင်ဘုရင်အပေါင်းတို့ကို အစိုးရသဖြင့် ပတ်ဝန်းကျင်အရပ်တို့၌စစ်မှုစစ်ရေးမရှိ။ ၂၅လက်ထက်တော်ကာလပတ်လုံး၊ ယုဒအမျိုးနှင့် ဣသရေလအမျိုးသားတို့သည် ဒန်မြို့မှစ၍ ဗေရရှေဘမြို့တိုင်အောင်အသီးအ သီးမိမိစပျစ်ပင်၊ မိမိသင်္ဘောသဖန်းပင်အောက်မှာ ငြိမ်ဝပ်စွာနေရကြ၏။

၂၆ရှောလမုန်သည်လည်း၊ ရထားတော်များနှင့် ဆိုင်သော မြင်းတင်းကုပ်လေးတောင်၊ မြင်းစီးသူရဲတသောင်းနှစ်ထောင်ရှိ၏။ ၂၇ဝန်စာရေးတို့သည်လည်းရှောလမုန် မင်းကြီးနှင့်စားပွဲတော်သို့ ဝင်သောသူအပေါင်းတို့အဘို့ တယောက် တလစီစုံလင်စွာပြင်ဆင်ရကြ၏။ ၂၈မုယောစပါး ကို၎င်း၊ မြင်းတော်များ၊ လားတော်များဘို့ မြက်ခြောက်ကို၎င်း၊ အလှည့်သင့်သည်အတိုင်း နေရာအရပ်သို့ ဆောင်ခဲ့ရကြ၏။

၂၉ဘုရားသခင်များစွာသော ဥာဏ်ပညာကို၎င်း၊ သမုဒ္ဒရာသဲလုံးနှင့်အမျှ ကျယ်ဝန်းသောနှလုံးကို ၄င်းပေးတော်မူသည်ဖြစ်၍၊ ၃ဝပညာတော်သည်အရှေ့ပြည်သားပ ညာနှင့်အဲဂုတ္တုပြည်သားပညာကိုလွန်ကဲ၏။ ၃၁ရှောလမုန်သည် ဧဇရဟိတ်အမျိုးဧသန်၊ မဟောလသားဟေမန်၊ ခါလကောလ၊ ဒါရဒအစရှိသော လူအပေါင်းတို့ ထက်သာ၍ပညာရှိသဖြင့်၊ ခပ်သိမ်းသောတိုင်းနိုင်ငံ အရပ်ရပ်၌ ကျော်စောလေ၏။ ၃၂စီရင်တော်မူသော သုတ္တံစကား သုံးထောင်နှင့်သီချင်းတထောင်ငါးခုရှိ၏။ ၃၃လေဗနုန်အာရဇ်ပင်မှစ၍ အုတ်ရိုးနားမှာ ပေါက်တတ်သော ဟု ဿုပ်ပင်တိုင်အောင်မြွတ်ဆို၏။ သားမျိုး၊ ငှက်မျိုး၊ ပိုးကောင်မျိုး၊ ငါးမျိုးတို့၏ အကြောင်းကိုလည်းမြွက်ဆို၏။ ၃၄ရှောလ မုန်မင်း၏ပညာသတင်းကိုကြားသော ရှင်ဘုရင်အမျိုးမျိုးစေလွှတ်သောသူတို့သည် ပညာစကားတော်ကို နားထောင်ခြင်းငှါလာကြ၏။