၂ရာ အခန်းကြီး(၁)


၁ရှောလုသေသောနောက်၊ ဒါဝိဒ်သည် အာမလက်လူတို့ကိုလုပ်ကြံရာမှပြန်လာ၍၊ ဇိကလတ်မြို့၌ နှစ်ရက်နေပြီးလျှင်၊ ၂သုံးရက်မြောက်သောနေ့တွင် လူတယောက်သည် မိမိအဝတ်ကို ဆုတ်လျက်၊ မိမိခေါင်းပေါ်မှာ မြေမှုန့်ကိုတင်လျက်၊ ရှောလုတပ်ကလာ၍၊ ဒါဝိဒ်ထံသို့ရောက်သော်၊ မြေပေါ်မှာပြပ်ဝပ်လျက် ရှိခိုး၏။ ၃ဒါဝိဒ်ကလည်း၊ အဘယ်အရပ်ကလာသနည်းဟု မေးလျှင်၊ ထိုသူကကျွန်တော်သည် ဣသရေလ တပ်က ပြေး၍လာပါသည်ဟု လျှောက်လေ၏။ ၄ဒါဝိဒ်ကလည်း၊ အမှုကားအဘယ်သို့နည်း။ ငါ့အား ပြောပြပါလောဟု မေးလျှင်၊ သူက၊ ဣသရေလလူ တို့သည် စစ်တိုက်ရာတွင် ပြေး၍အများတို့သည် လဲလျက်သေပါပြီ။ ရှောလုနှင့် သားတော်ယောနသန်လည်း သေပါပြီဟု ပြန်လျှောက်လေ၏။ ၅ထိုသိတင်းကို ကြားပြောသော လုလင်အား ဒါဝိဒ်ကရှောလုနှင့် သားတော် ယောနသန်သေကြောင်းကို သင်သည် အဘယ်သို့သိသနည်းဟု မေးပြန်လျှင်၊ ထိုလုလင်က ကျွန်တော်သည် ဂိလဗော တောင်ပေါ်သို့ အလိုလိုရောက်သောအခါ၊ ရှောလုသည် လှံတော်ကိုထောင်၍ နေပါ၏။ ရထားစီးသူရဲ မြင်းစီးသူရဲ တို့သည် ပြင်းထန်စွာလိုက်ကြ၏။ ၇ရှောလုသည်နောက်တော်သို့ကြည့်သဖြင့်၊ ကျွန်တော်တို့မြင်၍ ခေါ်ပါ၏။ ၈ကျွန်တော်ရှိပါသည်ဟု လျှောက်သောအခါ၊ သင်သည်အဘယ်သူနည်းမေးလျှင်၊ ကျွန်တော်သည် အာမလက်လူ ဖြစ်ပါသည်ဟု ပြန်လျှောက်ပါ၏။ ၉ရှောလုကလည်း၊ ငါ့ထံသို့လာ၍ ငါကိုသတ်ပါတော့။ ငါ့အသက်မသေနိုင် သောကြောင့် ပြင်းစွာသောဝေဒနာကို ခံရ၏ဟု ဆိုသည်အတိုင်း၊ ၁ဝလဲသောနောက် အသက်မရှင်နိုင်သည်ကို ကျွန်တော်သိလျှင် သူ့ထံသို့သွား၍ သတ်ပါ၏။ ခေါင်းတော်၌ ဆောင်းသောဦးရစ်နှင့် လက်ရုံးတော်၌ ဝတ်သော လက်ကောက်ကို ချွတ်ယူပြီးလျှင်၊ ကျွန်တော်သခင့်ထံတော်သို့ ဆောင်ခဲ့ပါသည်ဟု လျှောက်လေ၏။ ၁၁ထိုအခါ ဒါဝိဒ်သည် မိမိအဝတ်ကို ဆွဲဆုတ်၍၊ သူ့၏လူအပေါင်းတို့သည် ထိုနည်းတူ ပြုကြ၏။ ၁၂ရှောလုမှစ၍ သားတော် ယောနသန်၊ ထာဝရဘုရား၏လူများ၊ ဣသရေလအမျိုးသားတို့သည် ထားဖြင့်လဲသေသောကြောင့်၊ သူတို့အတွက် ညဦးတိုင်အောင် ငိုကြွေးမြည်းတမ်း၍ အစာကိုရှောင်ကြ၏။ ၁၃ထိုသိတင်းကိုကြားပြောသော လုလင်အား၊ ဒါဝိဒ်က၊ သင်သည်အဘယ်အရပ်လာသနည်းဟု မေးလျှင်၊ ထိုသူက ကျွန်တော်သည် တပါးအမျိုးသား အာမလက်လူဖြစ် ပါ၏ဟု ပြန်လျှောက်သော်၊ ၁၄ဒါဝိဒ်က၊ ထာဝရဘုရားအခွင့်နှင့် ဘိသိက်ခံသောသူကို သတ်ခြင်းငှါ၊ သင့်လက်ကို အဘယ်သို့ဆန်ဝံ့သနည်းဟု ဆိုလျက်၊ ၁၅လုလင်တယောက်ကိုခေါ်၍ သူ့ကိုသွားသတ်တော့ဟု ဆိုသည်အတိုင်း၊ လုလင်သည် လုပ်ကြံ၍သတ်လေ၏။ ၁၆ဒါဝိဒ်ကလည်း၊ သင်၏အသွေးသည် သင့်ခေါင်းပေါ်မှာတည်စေ။ ထာဝရဘုရား အခွင့်နှင့် ဘိသိက်ခံသောသူကို ကျွန်တော်သတ်ပါပြီဟု သင့်နှုတ်သည် သင့်တဘက်၌ သက်သေခံလေပြီဟု ဆို၏။

 

၁၇ဒါဝိဒ်သည် ရှောလုနှင့် သားတော်ယောနသန်ကြောင့် ငိုကြွေးမြည်းတမ်း၍၊ ၁၈ယုဒအမျိုးသားတို့ အား၊ သင်ဆယ်သော လေးသီချင်းတည်းဟူသော ယာရှာစာ၌ပါသော သီချင်းစကားဟူမူကား၊ ၁၉အိုဣသရေလ ဂုဏ်အသရေ၊ သင်၏မြင့်သောအရပ်တို့၌ သင်သည်အသေခံလေပြီ။ သူရဲတို့သည် လဲသေကြပြီတကား။ ၂ဝထိုသိတင်း ကို ဂါသမြို့၌မပြောကြနှင့်။ အာရှကေလုန်မြို့လမ်းတို့၌ မကြားမပြော ကြနှင့်။ ဖိလိတ္တိအမျိုးသမီးတို့သည် ဝမ်းမြောက် ၍ အရေဖျားလှီးခြင်းကို မခံသော အမျိုးသမီးတို့သည် ရွင်လန်းကြလိမ့်မည်ဟု စိုးရိမ်စရာရှိ၏။ ၂၁အို ဂိလဗောတောင် တို့၊ သင်တို့အပေါ်မှာ နှင်းမကျစေနှင့်။ မိုဃ်းမရွာစေနှင့်။ ပူဇော်စရာအသီးကိုသီးသော လယ်ကွက်မရှိစေနှင့်။ အကြောင်းမူကား၊ ထိုအရပ်၌ သူရဲဆောင်သော ဒိုင်းတည်းဟူသော ရှောလုဆောင်သော ဒိုင်းလွှာ၊ ဆီနှင့် လိမ်းပြီး သောလက်နက်တော်ကို ရှုတ်ချလေပြီတကား။ ၂၂သူရဲတို့၏ အသွေး၊ ခွန်အားကြီးသောသူတို့၏ ဆီဥမှ ယောနသန်၏ လေးသည်နောက်သို့မလှန်။ ရှောလု၏ထားတော်သည် ကိုယ်ချည်းပြန်၍ မလာတတ်။ ၂၃ရှောလုနှင့် ယောနသန်သည် ချစ်တတ်သောသဘောရှိ၍ အသက်ရှင်စဉ်အခါ မိတ်ဆွေဖြစ်လျက်၊ အသက်သေသောအခါ တယောက်နှင့် တယောက်မကွာဘဲလျက်နေကြ၏။ သူတို့သည် ရွှေလင်းတထက်မြန်၍ ခြင်္သေ့ထက် ခွန်းအားကြီးကြ၏။ ၂၄အိုဣသရေလအမျိုးသမီးတို့၊ ရှောလုကို ငိုကြွေးကြလော့။ သင်တို့ကို လှသောကမ္ဗလာ နီနှင့် ဝတ်စေ၍၊ သင်တို့အဝတ်၌လည်း ရွှေတန်ဆာနှင့် ဆင်စေတော်မူ၏။ ၂၅စစ်တိုက်ပွဲ၌ သူရဲတို့သည် လဲသေကြပြီ။ အိုယောနသန်၊ သင်၏မြင့်သောအရပ်တို့၌ သင်သည် အသေခံလေပြီတကား။ ၂၆ငါ့ညီ ယောနသန်၊ သင့်ကြောင့် ငါညှိုးငယ်ခြင်းရှိ၏။ သင်သည်ငါ့မိတ်ဆွေကြီးဖြစ်၍၊ ငါ့ကိုချစ်သောမေတ္တာသည် အံ့သြဘွယ်သောမေတ္တာ၊ မိန်းမကိုချစ်တတ်သော မေတ္တာထက်သာ၍၊ အားကြီးသောမေတ္တာဖြစ်၏။ ၂၇သူရဲတို့သည် လဲသေကြပြီတကား။ စစ်တိုက်လက်နက်တို့သည် ဆုံးကြပြီတကားဟု ပါသတည်း။