၂ရာ အခန်းကြီး(၂)


၁ထိုနောက်ဒါဝိဒ်က၊ အကျွန်ုပ်သည် ယုဒမြို့တစုံတမြို့သို့သွားရပါမည်လောဟု ထာဝရ ဘုရားထံ တော်၌ မေးလျှောက်လျှင်၊ ထာဝရဘုရားက သွားလော့ဟု မိန့်တော်မူ၏။ ဒါဝိဒ်ကလည်း အဘယ်မြို့သို့ သွားရပါမည်နည်းဟု မေးလျှောက်သော်၊ ဟေဗြုန်မြို့သို၌သွားလော့ဟု မိန့်တော်မူသည့်အတိုင်း၊ ၂ဒါဝိဒ်သည် မယားနှစ်ယောက်၊ ယေဇရေလမြို့သူ အဟိနောင်၊ နာဗလမယား ကရမေလမြို့သူ အဘိဂဲလ တိုနှင့်တကွ သွားလေ၏။ ၃မိမိ၌ပါသော လူများ၊ အိမ်ထောင်များတို့ကိုလည်း ဒါဝိဒ်သည် ခေါ်ခဲ့၍ သူတို့သည် ဟေဗြုန်မြို့ရွာတို့၌နေကြ၏။ ၄တဖန်ယုဒလူတို့သည် လာ၍ ဘိသိတ်ပေးသဖြင့် ဒါဝိဒ်ကို ယုဒရှင်ဘုရင်အရာ၌ ချီးမြှောက်ကြ၏။

၅ဂိလဒ်ပြည် ယာဗက်မြို့သားတို့သည် ရှောလုကို သဂြိုဟ်ပါပြီဟု ဒါဝိဒ်အား ကြားလျှောက်သော်၊ ဂိလဒ်ပြည် ယာဗက်မြို့သားတို့ရှိရာသို့ တမန်တို့ကိုစေလွှတ်၍၊ သင်တို့သည်သင်တို့အရှင်ရှောလု၌ကရုဏာ ကျေးဇူးပြု၍ အလောင်းတော်ကို သဂြိုလ်သောကြောင့်၊ ထာဝရဘုရားပေးတော်မူသော ကောင်းကြီးမင်္ဂလာ ကိုခံရကြပါစေသော။ ၆ထာဝရဘုရားသည် သင်တို့၌ ကရုဏာကျေးဇူး၊ သစ္စာကျေးဇူးပြုတော်မူပါစေသော။ သင်တို့သည်ဤအမှုကို ပြုသောကြောင့် သင်တို့ကျေးဇူးကိုငါလည်းဆပ်မည်။ ၇ယခုမှာ အားယူ၍ ရဲရင့်ခြင်း သတ္တိရှိကြလော့။ သင်တို့ အရှင်ရှောလုသေပြီ။ ယုဒအမျိုးသားတို့သည် ဘိသိက်ပေးသဖြင့်ငါ့ကိုရှင်ဘုရင် အရာ၌ချီးမြောက်ကြပြီဟုမှာလိုက်လေ၏။

၈သို့ရာတွင် ရှောလု၏ဗိုလ်ချုပ်မင်းနေရသားအာဗနာသည်၊ ရှောလုသားဣရှဗောရှက်ကိုယူ၍ မဟာနိမ်မြို့ သို့ဆောင် သွားပြီးလျှင်၊ ၉ဂိလဒ်ပြည်၊ အာရှာအမျိုးသားများ၊ ယေဇရေလမြို့သားများ၊ ဧဖရိမ်ခရိုင်၊ ဗင်္ယာမိန်ခရိုင် အစရှိသောဣသရေလနိုင်ငံလုံးကို အစိုးရသော ရှင်ဘုရင်အရာ၌ မြှောက် လေ၏။ ၁ဝရှောလု၏သား ဣရှဗောရှက် သည် အသက်လေးဆယ်ရှိသော်၊ ဣသရေလနိုင်ငံကိုအစိုးရ၍ နှစ်နှစ်စိုးစံလေ၏။ ယုဒအမျိုးမူကား ဒါဝိဒ်နောက် သို့လိုက်ကြ၏။ ၁၁ဒါဝိဒ်သည် ဟေဗြုန်မြို့၌နေ၍ ယုဒအမျိုးကိုအစိုးရသော နှစ်ပေါင်းကားခုနစ်နှစ်နှင့် ခြောက်လ ဖြစ်သတည်း။

၁၂တဖန်နေရသားအာဗနာသည် ရှောလုသားဣရှဗောရှက်၏ ကျွန်များနှင့်တကွ၊ မဟာနိမ်မြို့မှ ဂိဗောင်မြို့ သို့သွား၍၊ ၁၃ဇေရုယာသားယွာဘနှင့် ဒါဝိဒ်၏ ကျွန်တို့သည် ဆီးကြိုသဖြင့်၊ ဂိဗောင်ရေကန် အနားမှာ ဆုံမိလျက် ရေကန်တဘက်တချက်၌ထိုင်ကြ၏။ ၁၄အာဗနာကလည်း၊ လုလင်တို့သည်ထ၍ ငါတို့ရှေ့မှာကစားကြပါလေစေ ဟုဆိုသော်၊ ယွာဘက ထကြပါလေစေဟု ဆိုသည်အတိုင်း၊ ၁၅ရှောလုသား ဣရှဗော ရှက်၏ လူဗင်္ယာမိန် အမျိုးသား တကျိပ်နှစ်ယောက်နှင့် ဒါဝိဒ်၏ ကျွန်တကျိပ်နှစ်ယောက် တို့သည်၊ ၁၆ထ၍ ကူးလာကြ၏ သူတို့သည် လူချင်း တိုက်၍လူတိုင်းမိမိ တိုက်ဘက်၏ ခေါင်းကို ကိုင်လျက်၊ နံဖေးကို ထားနှင့် ထိုးလျက်တစုတည်းလဲသေကြ၏ သို့ဖြစ်၍ ဂိဗောင်မြို‹နယ်၌ရှိသော ထိုအရပ်ကို ဟေလကသဇ္ဇုရိမ်ဟူသော အမည်ဖြင့် သမုတ်ကြ၏။ ၁၇ထိုနေ့၌ပြင်းစွာစစ်တိုက်၍ အာဗနာနှင့် ဣသရေလ လူတို့သည် ဒါဝိဒ်၏ ကျွန်တို့ရှေ့မှာ ရှုံးကြလေ၏။ ၁၈ဇေရုယာသား သုံးယောက်၊ ယွာဘ၊ အဘိရှဲ၊ အာသဟေလပါကြ၏။ အာသဟေလသည် တော၌ ကျင်လည်သောဒရယ်ကဲ့သို့ လျင်မြန်၏။၁၉အာသဟေလ သည် လက်ျာဘက် လက်ဝဲဘက်သို့မလွဲ အာဗနာကိုလိုက်၏။             ၂ဝအာဗနာသည်နောက်သို့ ကြည့်၍၊ သင်သည် အာသဟေလ မှန်သလောဟု မေးသော်၊ မှန်သည်ဟု ပြန်ပြော၏။ ၂၁အာဗနာက လည်း၊လက်ျာဘက်သော်၎င်း၊ လက်ဝဲဘက်သော်၎င်း၊ လုလင် တယောက်ကို ဘမ်းဆီး၍ သူ၏ လက်နက်စုံကို လုယူတော့ဟု ဆိုသော်လည်း၊ အာသဟေလသည် မလှည့်ဘဲ လိုက်သေး၏။ ၂၂တဖန် အာဗနာက ငါကို မလိုက်နှင့်။ လှည့်သွားတော့။ သင့်ကို မြေပေါ်သို့ အဘယ်ကြောင့် ငါလှဲရမည်နည်း။ သို့ပြုလျင် သင့်အစ်ကိုယွာဘရှေ့မှာ ငါမျက်နှာကို အဘယ်သို့ငါပြနိုင်မည် နည်းဟု ဆိုသော်လည်း၊ ၂၃အာသဟေလသည် နားမထောင်သောကြောင့်၊ အာဗနာသည် နောက်သို့ လှံနှင့်ထိုးလျှင်၊ဝမ်း၌ လှံဖျားဝင်၍ ကျောကို ထုတ်ချင်းဖောက်သဖြင့်၊ အာသဟေလသည် လဲ၍ ထိုအရပ်၌သေ၏။ အာသဟေလလဲ၍သေသော ထိုအရပ်သို့ ရောက်သော သူအပေါင်းတို့သည် ရပ်နေကြ၏။ ၂၄ယွာဘနှင့် အဘိရှဲသည် အာဗနာကို လိုက်၍ ဂိဗောင်တောသို့သွားသော လမ်နား၊ ဂိအာမြို‹ ရှေ့မှာရှိသော အမ္မတောင်သို့ရောက်သော အခါနေဝင်၏၊ ၂၅ဗင်္ဃာမိန်အမျိုးသားတို့သည် အာဗနာနောက်၌ စုဝေး၍ တတပ်တည်းဖွဲ‹လျက် တောင်ပေါ်မှာရပ်နေကြ၏။ ၂၆ထိုအခါ အာဗနာက၊ ယွာဘကို ဟစ်၍ ထားသွားသည် အစဉ်မပြတ်ကိုက်စားရမည်လော။ နောက်ဆုံး၌ ခါးသော အရသာကိုတွေ‹လိမ့်မည်ဟု မသိလော။ လူများတို့သည်ညီအစ်ကိုတို့ကိုမလိုက်၊ ပြန်စေမည် အကြောင်း သင်သည်အဘယ်မျှ ကာလပတ်လုံးမစီရင်ဘဲ နေမည် နည်းဟုဆိုလျင်၊     ၂၇ယွာဘက၊ ဘုရားသခင် အသက်ရှင်တော်မူသည်အတိုင်းသင်မပြောလျင်၊ မိုဃ်းလင်းမှ သာလူများ တို့သည် ညီအစ်ကိုတို့ကို မလိုက်ဘဲနေကြလိမ့်မည်ဟုဆိုလျက်၊ ၂၈တံပိုးမှုတ်၍ လူများတို့သည် ဣသရေလအမျိုးသား တို့ကိုမလိုက်၊ စစ်မတိုက်ဘဲရပ်နေကြ၏၊ ၂၉အာဗနာနှင့် သူ၏လူတို့သည် တညဥ့်လုံး လွင်ပြင်သို့ရှောက်သွား၍ ယော်ဒန်မြစ်ကိုကူးပြီးလျင်၊ ဗိသရုန်ပြည်ကိုလွန်၍ မဟာနိမ်မြို့သို့ရောက်ကြ၏။ ၃ဝယွာဘသည်လည်းအာဗနာ ကိုလိုက်ရာမှ ပြန်၍ လူအပေါင်းတို့ကို စုဝေးစေသောအခါ၊ အာသဟေလနှင့် ဒါဝိဒ်၏ ကျွန်တကျိပ်ကိုးယောက် တို့သည် မရှိဆုံးကြပြီ။ ၃၁ဒါဝိဒ်၏ ကျွန်တို့သည် ဗင်္ဃာမိန်အမျိုးသား၊ အာဗနာ၏ လူသုံးရာခြောက်ဆယ် တို့ကိုသေအောင် လုပ်ကြံကြပြီ။ ၃၂အာသဟေလ၏ အလောင်းကိုထမ်းသွား၍ ဗက်လင်မြို‹၌ရှိသော သူအဘ၏ သင်္ချိုင်းတွင် သဂြုင်္ိဟ် ကြ၏။ ယွာဘနှင့် သူ၏လူတို့သည် တညဥ့်လုံးသွား၍ မိုဃ်းလင်းစတွင် ဟေဗြုန်မြို‹သို့ ရောက်ကြ၏။