၂ရာ အခန်းကြီး(၉)


            ၁တဖန်ဒါဝိဒ်က၊ ငါသည်ယောနသန်အတွက် ကျေးဇူးပြုစရာအခွင့်ရှိစေခြင်ငှါ၊ ရှောလုအဆွေအမျိုး တစုံ တယောက်ကျန်ကြွင်းသေးသလော့ဟုမေးသော်၊ ၂ဇိဘအမည်ရှိသော ရှောလု၏အဆွေအမျိုးနှင့် ဆိုင်သော ကျွန်တယောက်ကိုအထံတော်သို့သွင်း၍ ရှင်ဘုရင်က၊ သင်သည်ဇိဘမှန်သလော့ဟု မေးလျှင်၊ ကိုယ်တော် ကျွန်မှန်ပါသည်ဟု ပြန်လျှောက်လေ၏။ ၃ရှင်ဘုရင်ကလည်း၊ ဘုရားသခင့်လိုတော် အတိုင်းငါကျေးဇူးပြုစရာအခွင့် ရှိစေခြင်းငှါ၊ ရှောလုအဆွေအမျိုးတစုံတယောက်မျှ မရှိသလောဟုမေးလျှင် ဇိဘက၊ ယောနသန်၌ ခြေဆွံ့သော သားတယောက်ရှိပါသေး၏ ဟုလျှောက်သော်၊ ၄ရှင်ဘုရင်က၊ သူသည်အဘယ်မှာရှိသနည်းဟု မေးပြန်လျှင်၊ ဇိဘက၊ လောဒေဗာရွာ၊ အမျေသားမာခိရအိမ်၌ရှိပါသည်ဟု လျှောက်၏။ ၅ထိုခါဒါဝိဒ်သည် စေလွှတ်၍ ရှောလု၏ သားဖြစ်သော ယောနသန်၏သားမေဖိဗောရှက်ကို၊ လောဒေဗာရှာ၊ အမျေလသားမာခိရအိမ်မှခေါ်ခဲ့၍၊ ၆သူသည် အထံတော်သို့ရောက်သောအခါ ပြပ်ဝပ်လျက် ရှိခိုးလေ၏။ ဒါဝိဒ်ကလည်း၊ မေဖိဗောရှက်ဟုခေါ်လျှင်၊ ကိုယ်တော်ကျွန်ရှိပါသည်ဟု လျှောက်လေ၏။ ၇ဒါဝိဒ်ကလည်း ကစိုးရိမ်နှင့်။သင်၏အဘယောနသန်အတွက် ငါသည် သင်၌ဆက်ဆက် ကျေးဇူးပြုမည်။ သင့်အဘို့ ရှောလုပိုင်သမျှသော မြေကိုငါပြန်ပေးမည်။ သင်သည်နေ့တိုင်းအစဉ် ငါ့စား ပွဲ၌စားရမည်ဟု ဆိုသော်၊ ၈မေဖိဗောရှက်က၊ ကျွန်တော်ကဲ့သို့ဖြစ်ရသော ခွေးသေကောင်ကိုကိုယ်တော်ကြည့်ရှုရ မည် အကြောင်း၊ ကိုယ်တော်ကျွန်သည်အဘယ်သို့သောသူဖြစ်ပါသနည်းဟု ဦးချ၍ ပြန်လျှောက်၏။ ၉ထိုအခါ ရှင်ဘုရင်သည် ရှောလု၏ ကျွန်ဇိဘကိုခေါ်၍၊ ရှောလုနှင့်သူ၏ အဆွေအမျိုးများပိုင်ထိုက်သမျှတို့ကို သင့်သခင်၏ သားအားငါပေးပြီး။ ၁ဝသင်သည် သင်၏သားကျွန်တို့နှင့်တကွ လယ်လုပ်၍ သင့်သခင်၏သား စားစရာဘို့ အသီးအနှံ ကိုသွင်းရမည်။ သို့ရာတွင်သင့်သခင်၏သားမေဖိဗောရှက်သည် နေ့တိုင်းအစဉ် ငါ့စားပွဲ၌ အစာစားရမည်ဟု မိန့်တော်မူ၏။ ဇိဘ၌ သားတဆယ်ငါးယောက်နှင့် ကျွန်နှစ်ဆယ်ရှိ၏။ ၁၁ဇိဘကလည်း၊ ကျွန်တော် သခင်အရှင်မင်းကြီးသည် ကိုယ်တော်ကျွန်ကိုမှာထားတော်မူသည်သမျှအတိုင်း၊ ကိုယ်တော်ကျွန်ပြုပါမည်ဟု နားတော်လျှောက်လေ၏။ ထိုနာက်မေဖိဗောရှက်သည်ရှင်ဘုရင်၏ သားရင်း ကဲ့သို့ စားပွဲတော်၍ အစာစားရ၏။ ၁၂မေဖိဗောရှက်၍ မိက္ခာအမည်ရှိသော သားငယ်တယောက်ရှိ၏။ ဇိဘအိမ်၌ နေသောသူ အပေါင်းတို့သည်လည်း မေဖိဗောရှက်၏ ကျွန်ဖြစ်ကြ၏။ ၁၃ထိုသို့မေဖိဗောရှက်သည် ယေရုရှလင်မြို့၌နေ၍ရှင်ဘုရင်၏စားပွဲတော်၌ နေ့တိုင်းအစဉ်စားရ၏။ ခြေနှစ်ဘက်ဆွံ့သောသူဖြစ်၏။