နာဟုံ အခန်းကြီး(၂)


၁ဖျက်ဆီးသောသူသည် သင့်ရှေ့သို့ရောက်လာပြီ။ သင်၏ရဲတိုက်ကို သတိပြုလော့။ လမ်းကိုစောင့်လော့။ ကိုယ်ခါးကိုခိုင်စေလော့။ ကျပ်ကျပ်အားယူလော့။ ၂အကြောင်းမူကား၊ ထာဝရဘုရား သည် ဣသရေလ၏ဘုန်းကဲ့သို့ ယာကုပ်၏ဘုန်းကို ပြုပြင်တော်မူ၏။ သုတ်သင်သောသူတို့သည် ယာကုပ်အမျိုးကို သုတ်သင်၍ သူ၏အခက်အလက် တို့ကို ပယ်ရှင်ကြပြီ။ ၃သူရဲတို့သည် နီသောဒိုင်းလွှားကိုဆောင်၍၊ နီသောအဝတ်ကိုဝတ်ကြ၏။ ခင်းကျင်းသောနေ့၌ ရထားတို့သည် သံလက်နက်နှင့်တောက်ပ၍၊ လှံတံတို့သည် အလွန်လှုပ်ရှားကြ၏။ ၄ရထားတို့သည် လမ်း၌ဟုန်း ဟုန်းမြည်၍၊ လမ်းမတို့၌ တောင်မြောက်ပြေးကြ၏။ မီးရှုးအဆင်းအရောင်ရှိ၍၊ လျှပ်စစ်ကဲ့သို့ပြေးကြ၏။ ၅စစ်သူရဲ တို့ကို နှိုးဆော်တော်မူ၏။ သူတို့သည် ချီသွားစဉ် သူတပါးကို တွန်းချကြ၏၊ မြို့ရိုးသို့အလျင်အမြန်သွား၍ ပြအိုးတို့ကို ပြင်ဆင်ကြ၏။ ၆မြစ်တံခါးပွင့်လျင်၊ နန်းတော်သည် ကွယ်ပျောက်၏။ နိနေဝေသတို့သမီးကို အဝတ်ချွတ်၍ ထုတ်ရမည်။ ၇အပျိုတော်တို့သည် ချိုးကဲ့သို့ကူ၍ ရင်ပတ်ကိုတီးလျက် လိုက်ရကြ၏။ ၈ရှေးကာလမှစ၍ နိနေဝေမြို့သည် ရေကန် ကဲ့သို့ဖြစ်၏။ ယခုမူကား၊ ရေတို့သည်စီးထွက်ကြ၏။ ရပ်ကြ။ ရပ်ကြဟု ဟစ်သော်လည်း အဘယ်သူမျှပြန်၍မကြည့်။ ၉ငွေကိုလုယူကြ။ ရွှေကိုလည်းလုယူကြ။ နှစ်သက်ဘွယ်သော တန်ဆာများကို ရွှေတိုက်တော်ထဲက ထုတ်၍မကုန် နိုင်။ ၁ဝမြို့တော်သည် ဟင်းလင်းနေရ၏။ ဥစ္စာမရှိ၊ လူဆိတ်ညံလျက်ဖြစ်၏။ မြို့သားအပေါင်းတို့သည် စိတ်ပျက်လျက်၊ ဒူးချင်းထိခိုက်လျက်၊ အလွန်ခါးကိုက်လျက်၊ မျက်နှာမည်းလျက်ရှိကြ၏။

၁၁ခြင်္သေ့နေရာအရပ်၊ ခြင်္သေ့ပျိုစားစရာအရပ်၊ ခြင်္သေ့၊ ခြင်္သေ့မ၊ ခြင်္သေ့ကလေးတို့သည် အဘယ်သူမျှ မကြောက်စေဘဲ၊ ကျင်လည်ရာအရပ်သည် အဘယ်မှာရှိသနည်း။ ၁၂ခြင်္သေသည် သားငယ်များဘို့ ကိုက်ဖြတ်လျက်၊ ခြင်္သေမတို့လည်ပင်းကို ညှစ်လျက်၊ လုယူဖျက်ဆီးသောအကောင်များကို ဆောင်ခဲ့၍ မိမိမှီခိုရာတွင်းတို့ကို ပြည့်စေ တတ်၏။ ၁၃ကောင်းကင်ဗိုလ်ခြေ အရှင်ထာဝရဘုရား မိန့်တော်မူသည်ကား၊ သင့်တဘက်၌ ငါနေ၏။ သင်၏ရထား တို့ကို မီးခိုးထဲမှာမီးရှို့မည်။ သင်၏ခြင်္သေ့ပျိုတို့ကို ထားခြင့်ဖျက်ဆီးမည်။ သင်လုယူသောဥစ္စာကို မြေကြီးမှပယ်ရှင်း မည်။ သင်၏သံတမန်တို့ စကားသံကို နောက်တဖန် အဘယ်သူမျှမကြားရ။