မိက္ခာ အခန်းကြီး(၄)


၁နောက်ဆုံးသောကာလ၌ ထာဝရဘုရား၏ အိမ်တော်တည်သောတောင်သည် တောင်ကြီး တောင်ငယ် တို့၏ ထိပ်ပေါ်မှာ မြှောက်၍ တည်လိမ့်မည်။ ခပ်သိမ်းသောလူစုတို့သည် ထိုတောင်သို့ စည်းဝေးကြလိမ့်မည်။ ၂များပြားသောလူမျိုးတို့ကလည်း၊ လာကြလော့။ ထာဝရဘုရား၏ တောင်တော်၊ ယာကုပ်မျိုး၏ ဘုရားသခင့် အိမ်တော်သို့ တက်သွားကြကုန်အံ့။ လမ်းခရီးတော်တို့ကို ပြသသွန်သင်တော်မူ၍၊ ငါတို့သည် ခြေတော်ရာသို့ လိုက်သွားကြမည်ဟု ခရီးသွားလျက် ပြောဆိုကြလိမ့်မည်။ တရားတော်သည် ဇိအုန်တောင်မှ၎င်း၊ ထာဝရဘုရား၏ နှုတ်ကပတ်တော်သည် ယေရုရှလင်မြို့မှ၎င်း ပေါ်ထွက်လိမ့်မည်။ ၃ထာဝရဘုရားသည် များပြားသောလူတို့တွင် တရားစီရင်၍၊ ဝေးစွာနေလျက် အားကြီးသောလူမျိုးတို့ကို ဆုံးမတော်မူသဖြင့်၊ သူတို့ထားလက်နက်များကို ထွန်သွားဖြစ်စေခြင်းငှါ၎င်း၊ လှံများကို တံစဉ်းဖြစ်စေခြင်းငှါ၎င်း ထုလုပ်ကြလိမ့်မည်။ တပြည်ကိုတပြည်စစ်မတိုက်၊ စစ်အတတ်ကိုလည်း နောင်တဖန် မသင်ရကြ။ ၄လူအပေါင်းတို့သည် ကိုယ်ပိုင်သောစပျစ်ပင်၊ ကိုယ်ပိုင်သော သင်္ဘောသဖန်းပင်အောက်မှာ ထိုင်ကြလိမ့်မည်။ ကြောက်စေသောသူ တယောက်မျှမရှိရ။ ကောင်းကင်ဗိုလ်ခြေ အရှင်ထာဝရဘုရား၏ နှုတ်တော်ထွက် အမိန့်တော်ရှိ၏။ ၅လူမျိုးအပေါင်းတို့သည် ကိုယ်ဆိုင်သောဘုရား၏ နာမကို ခိုလှုံလျက် ကျင့်နေတတ်ကြ၏။ ငါတို့မူကား၊ ကိုယ်ဆိုင်သော ဘုရားသခင် ထာဝရဘုရား၏ နာမတော်ကို ကာလ အစဉ်အမြဲ ခိုလှုံလျက် ကျင့်နေကြမည်။ ၆ထာဝရဘုရား မိန့်တော်မူသည်ကား၊ ထိုကာလ၌ ခြေဆွံ့သောသူကို ငါခေါ်မည်။ နှင်ထုတ်ခြင်းကိုခံရသောသူ၊ ငါညှဉ်းဆဲဘူးသောသူတို့ကို ငါစုဝေးစေမည်။ ၇ခြေဆွံ့သောသူကို ငါကျန် ကြွင်းစေမည်။ အဝေးသို့နှင်ထုတ်ခြင်းကို ခံရသောသူသည် ကြီးမားသောလူမျိုး ဖြစ်စေခြင်းငှါ ငါစီရင်မည်။ ထာဝရ ဘုရားသည် ဇိအုန်တောင်ပေါ်မှာ သူတို့ကို ယခုမှစ၍ အစဉ်အမြဲအုပ်ချုပ် စိုးစံတော်မူလိမ့်မည်။ ၈အိုဧဒါလင့်စင်၊ ဇိအုန်သတို့သမီးနေရာကုန်း၊ သင်သည် အစိုးရလိမ့်မည်။ အရင်တည်သော အာဏာတည်ပြန်လိမ့်မည်။ နိုင်ငံတော် သည် ယေရုရှလင်သတို့သမီးလက်သို့တဖန် ရောက်လိမ့်မည်။

၉ယခုမှာ သင်သည်အဘယ်ကြောင့် ကျယ်သောအသံနှင့် အော်ဟစ်သနည်း။ သင်၌ ရှင်ဘုရင်တယောက်မျှ မရှိသလော။ အကြံပေးသော မှူးမတ်ပျောက်ပျက်သလော။ သားဘွားသော မိန်းမကဲ့သို့ သင်သည် ဝေဒနာကို ခံရ ပါသည်တကား။ ၁အို ဇိအုန်သတို့သမီး၊ သားဘွားသောမိန်းမကဲ့သို့ ဝေဒနာကိုခံ၍၊ သားကိုဘွားအံ့သောငှါ အားထုတ်လော့။ ယခုပင် သင်သည်မြို့ထဲကထွက်၍ လယ်ပြင်၌နေရမည်။ ဗာဗုလုန်မြို့တိုင်အောင် သွားရမည်။ ထိုမြို့၌ လွတ်လိမ့်မည်။ ထိုမြို့၌ ထာဝရဘုရားသည် သင့်ကို ရန်သူတို့လက်မှ ရွေးနှုတ်တော်မူလိမ့်မည်။ ၁၁ယခုမှာ လူမျိုးများတို့က၊ ဇိအုန်မြို့သည် ညစ်ညူးပါစေ။ သူ၌ ငါတို့အလိုပြည့်စုံပါစေဟု၊ သင်တဘက်၌ စုဝေးလျက်ဆိုကြ၏။ ၁၂သို့ရာတွင်၊ ထာဝရဘုရား၏ စိတ်တော်ကိုမသိ၊ အကြံအစည်တော်ကို နားမလည်ကြ။ ကောက်လှိုင်းတို့ကို ကောက်နယ်တလင်း၌ စုထားသကဲ့သို့ ထိုသူတို့ကို စုထားတော်မူ၏။ အိုဇိအုန်သတို့သမီး၊ ထ၍နယ်လော့။ သင့်ဦးချိုကို သံဖြင့်၎င်း၊ သင့်ခွါတို့ကို ကြေးဝါဖြင့်၎င်း ငါပြီးစေမည်။ သင်သည် လူမျိုးများတို့ကို ညက်ညက်ချေရမည်။ သူတို့တွင် ရသမျှသော စည်းစိမ်ဥစ္စာကိုယူ၍၊ မြေတပြင်လုံးကို အစိုးပိုင်တော်မူသော အရှင်ထာဝရဘုရားအား ပူဇော်ရမည်။