၆ရာ အခန်းကြီး(၁၁)


၁ရောဗောင်သည် ယေရုရှလင်မြို့သို့ရောက်သောအခါ၊ ဣသရေလအမျိုးကို စစ်တိုက်၍၊ နိုင်ငံတော်ကို ရောဗောင်လက်သို့ ရောက်ပြန်စေခြင်းငှါ၊ ယုဒအမျိုးနှင့် ဗင်္ယာမိန်အမျိုးထဲက ရွေးချယ်သောစစ်သူရဲ တသိန်း ရှစ်သောင်းတို့ကို စုဝေးစေ၏။ ၂သို့ရာတွင် ဘုရားသခင်၏ နှုတ်ကပတ်တော်သည် ဘုရားသခင်၏လူ ရှေမာယသို့ ရောက်၍၊ ၃သင်သည် ရှောလမုန်သား ယုဒရှင်ဘုရင်ရောဗောင်နှင့် ယုဒရိုင်၊ ဗင်္ယာမိန်ခရိုင်၌ရှိသော ဣသရေလလူ အပေါင်းတို့အား ထာဝရဘုရား၏ အမိန့်တော်ကိုဆင့်ဆိုရမည်မှာ၊ ၄သင်တို့ညီအစ်ကိုတို့ကို စစ်တိုက်ခြင်းငှါ ချီ၍ မသွားကြနှင့်။ လူအပေါင်းတို့၊ ကိုယ်နေရာသို့ပြန်သွားကြလော့။ ဤအမှုကိုငါစီရင်ပြီဟု မိန့်တော်မူသော ထာဝရ ဘုရား၏ စကားတော်ကိုနားထောင်၍၊ ယေရောဗောင်ကို စစ်မချီ၊ ပြန်သွားကြ၏။

၅ရောဗောင်သည် ယေရုရှလင်မြို့၌နေ၍၊ ယုဒပြည်၌ ခိုင်ခံ့သော မြို့တို့ကိုပြုစုရာတွင်၊ ၆ဗက်လင်မြို့၊ ဧတံမြို့၊ တေကောမြို့၊ ၇ဗက်ဇုရမြို့၊ ရှောကောမြို့၊ အဒုလံမြို့၊ ၈ဂါသမြို့၊ မရေရှမြို့၊ ဇိဖမြို့၊ ၉အဒေါရိမ်မြို့၊ လာခိရှမြို့၊ အဇေကာမြို့၊ ၁ဝဇောရာမြို့၊ အာဇလုန်မြို့၊ ဟေဗြုန်မြို့တည်းဟူသော ယုဒခရိုင်နှင့် ဗင်္ယာမိန်ခရိုင်တွင် ခိုင်ခံ့သောမြို့တို့ကို ပြုစု လေ၏။ ၁၁ရဲတိုက်များကိုလည်း ခိုင်ခံ့စေ၍၊ အကြီးအကဲနှင့်တကွ ဆီ၊ စပျစ်ရည်များ၊ ရိက္ခများကို သိုထားလေ၏။ ၁၂ယုဒအမျိုးနှင့် ဗင်္ယာမိန်အမျိုးသည် အမှုတော်ကိုထမ်းရွက်သောကြောင့်၊ မြို့အသီးအသီးတို့၌ ဒိုင်းလွှားလှံလက် နက်များကိုထား၍ အလွန်ခိုင်ခံ့စေ၏။ ၁၃ဣသရေလပြည် အရပ်ရပ်၌ရှိသော ယဇ်ပုရောဟိတ်လေဝိသားတို့သည်၊ မိမိတို့နေရာမှ အထံတော်သို့လာကြ၏။ ၁၄လေဝိသားတို့သည်၊ မိမိတို့နေရာဖြစ်သော ပိုင်ထိုက်ရာအရပ်ကိုစွန့်၍၊ ယုဒပြည် ယေရုရှလင်မြို့သို့ ရောက်လာသောအကြောင်း ဟူမူကား၊ ယေရောဗောင်နှင့် သူ၏သားတို့သည်၊ လေဝိ သားတို့ကို ထာဝရဘုရားရှေ့တော်၌ ယဇ်ပုရောဟိတ်အမှုကို စောင့်ရသောအရာမှချ၍၊ ၁၅မြင့်သောအရပ်၊ နတ်ဆိုး၊ မိမိလုပ်သော နွားသငယ်တို့အဘို့၊ ယဇ်ပုရောဟိတ်တို့ကို ခန့်ထားသတည်း။ ၁၆ဣသရေလအမျိုး၏ ဘုရားသခင် ထာဝရဘုရားကို ရှာလိုသောငှါ၊ သဘောချသော သူတို့သည်လည်း၊ ဣသရေလခရိုင်များ ထဲကထွက်၍၊ ဘိုးဘေး တို့၏ဘုရားသခင် ထာဝရဘုရားအား ယဇ်ပူဇော်အံ့သောငှါ၊ လေဝိသားတို့ နောက်သို့လိုက်၍၊ ယေရုရှလင်မြို့သို့ ရောက်လာကြ၏။ ၁၇ထိုသို့သူတို့သည် ယုဒနိုင်ငံကို အားပေး၍ ရှောလမုန်မင်းသား ရောဗောင်ကို သုံးနှစ်ပတ်လုံး ခိုင်ခံ့စေကြ၏။ သုံးနှစ်ပတ်လုံးဒါဝိဒ်လမ်း၊ ရှောလမုန်လမ်းသို့လိုက်ကြ၏။

၁၈ရောဗောင်သည်လည်း ဒါဝိဒ်သား ယေရိမုတ်သမီးမဟာလတ်၊ ယေရှဲသား ဧလျာဘသမီး အဘိဟဲလနှင့် စုံဘက်၍၊ ၁၉ယုရှ၊ ရှမာရိ၊ ဇာဟံ၊ သားသုံးယောက်တို့ကို မြင်ရ၏။ ၂ဝထိုနောက်၊ အဗရှလုံသမီး မာခါနှင်စုံဘက်၍ အဘိယ၊ အတ္တဲ၊ ဇိဇ၊ ရှေလောမိတ်တို့ကိုမြင်ရ၏။ ၂၁ရောဗောင်သည် ခင်ပွန်းတဆယ်ရှစ်ယောက်၊ မောင်းမမိဿံ ခြောက်ဆယ်တို့ကိုသိမ်းယူ၍၊ သားနှစ်ဆယ်ရှစ်ယောက်၊ သမီးခြောက်ဆယ်တို့ကို ရသည်တွင်၊ အဗရှလုံသမီး မာခါ ကို အခြားသောခင်ပွန်း မောင်းမမိဿံအပေါင်း တို့ထက် သာ၍ချစ်သောကြောင့်၊ ၂၂မာခါ၏သား အဘိယကို ရှင်ဘုရင်အရာ၌ ခန့်ထားမည်အကြံရှိ၍၊ ညီအစ်တို့တွင်၊ အကြီးဆုံးဖြစ်စေခြင်းငှါ မြှောက်လေ၏။ ၂၃ပညာသတိနှင့်စီရင်၍၊ ယုဒခရိုင် နှင့် ဗင်္ယာမိန်ခရိုင်အရပ်ရပ်တို့တွင် ခိုင်ခံ့သောမြို့ရှိသမျှတို့၌၊ မိမိသားတို့ကို အနှံ့အပြားနေရာချ၍၊ များစွာသော ရိက္ခကိုသိုထား၏။ မယားအများတို့ကို အလိုရှိ၏။