၆ရာ အခန်းကြီး(၁၂)


၁ရောဗောင်မင်းသည် မိမိနိုင်ငံကိုတည်စေ၍ အားကြီးသောအခါ၊ ဣသရေလအမျိုးရှိသမျှနှင့်တကွ ထာဝရ ဘုရား၏တရားတော်ကို စွန့်၍၊ ၂ထာဝရဘုရားကို ပြစ်မှားသောကြောင့်၊ ရောဗောင်မင်းကြီးနန်းစံ ငါးနှစ်တွင်၊ ၃အဲဂုတ္တု ရှင်ဘုရင် ရှိရှက်သည် ရထားတထောင်နှစ်ရာ၊ မြင်းစီးသူရဲခြောက်သောင်း၊ မရေတွက်နိုင်သော အဲဂုတ္တုပြည်သားများ၊ လိဗုပြည်သား၊ သုကိပြည်သား၊ အဲသယောပိပြည်သား တို့နှင့်တကွ ယေရုရှလင်မြို့သို့ စစ်ချီ၍၊ ၄ယုဒပြည်၌ ခိုင်ခံ့ သောမြို့တို့ကို တိုက်ယူပြီးမှ၊ ယေရုရှလင်မြို့သို့ ရောက်လေ၏။

၅ထိုအခါ ရှိရှက်မင်းကြောင့်၊ ယေရုရှလင်မြို့၌ စုဝေးသော ယုဒမင်းများထံ၊ ရောဗောင်မင်းထံတော်သို့ ပရောဖက် ရှေမာယသည် လာ၍၊ ထာဝရဘုရား မိန့်တော်မူသည်ကား၊ သင်တို့သည် ငါ့ကိုစွန့်သောကြောင့်၊ ငါသည်သင်တို့ကို ရှိရှက်မင်းလက်သို့ အပ်လေပြီဟု အမိန့်တော်ကိုဆင့်ဆိုလျှင်၊ ၆ရှင်ဘုရင်နှင့် ယုဒမင်းတို့က၊ ထာဝရဘုရား ဖြောင့်မတ်တော်မူသည်ဟုဆို၍၊ မိမိတို့ကိုနှိမ့်ချကြ၏။ ၇ထိုသို့နှိမ့်ချကြောင်းကို ထာဝရဘုရားမြင်လျင်၊ နှုတ်ကပတ်တော်သည် ရှေမာယသို့ရောက်၍၊ သူတို့သည် နှိမ့်ချကြပြီ။ ထိုကြောင့် သူတို့ကို ငါမဖျက်ဆီး၊ အနည်း ငယ်သောချမ်းသာကိုပေးမည်။ ရှိရှက်လက်ဖြင့် ယေရုရှလင်မြို့အပေါ်သို့ ငါ့အမျက်ကို မသွန်းလောင်းရ။ ၈သို့ရာတွင် ငါ့ထံ၌ အမှုထမ်းခြင်း၊ တပါးအမျိုးသား ရှင်ဘုရင်ထံ၌ အမှုထမ်းခြင်းကို ပိုင်းခြား၍သိစေခြင်းငှါ၊ ရှိရှက်မင်းထံ၌ ကျွန်ခံရကြမည်ဟု  မိန့်တော်မူ၏။ ၉အဲဂုတ္တုရှင်ဘုရင်ရှိရှက်သည် ယေရုရှလင်မြို့သို့ရောက်၍၊ ဗိမာန်တော်ဘဏ္ဍာ နှင့်နန်းတော်ဘဏ္ဍာ ရှိသမျှကိုသိမ်းသွား၏။ ရှောလမုန်လုပ်သော ရွှေဒိုင်းရှိသမျှကိုလည်း ယူသွား၏။ ၁ဝရောဗောင် မင်းကြီးသည် ရွှေဒိုင်းအစား၊ ကြေးဝါဒိုင်းတို့ကိုလုပ်၍၊ နန်းတော်တံခါးစောင့်၊ ကိုယ်ရံတော်မှူး၌အပ်လေ၏။ ၁၁ရှင်ဘုရင်သည် ဗိမာန်တော်သို့သွားသောအခါ၊ ကိုယ်ရံတော်သားတို့သည် ဒိုင်းတို့ကိုဆောင်၍၊ နောက်တဖန် မိမိတို့စောင့်ရာ အခန်းမှာပြန်ထားကြ၏။ ၁၂ထိုသို့ရှင်ဘုရင်သည် ကိုယ်ကိုနှိမ့်ချသောအခါ၊ ထာဝရဘုရား သည် သူ့ကိုရှင်းရှင်းမဖျက်ဆီးမည်အကြောင်း၊ အမျက်တော်ကို လွှဲတော်မူ၏။ ယုဒပြည်သည်လည်း၊ ပြည်မှုပြည်ရေး သာယာသဖြင့်၊ ၁၃ရောဗောင်မင်းကြီးသည် ယေရုရှလင်မြို့၌ ကိုယ်ကိုခိုင်ခံ့စေ၍ စိုးစံသေး၏။

၁၄ရောဗောင်သည် နန်းထိုင်သောအခါ၊ အသက်လေးဆယ်တနှစ်ရှိ၏။ ထာဝရဘုရားသည် နာမတော် တည်စရာဘို့၊ ဣသရေလခရိုင်များတို့အထဲက ရွေးကောက်သော ယေရုရှလင်မြို့၌၊ ဆယ်ခုနစ်နှစ်စိုးစံလေ၏။ မယ်တော်က အမ္မုန်အမျိုးသား၊ နေမအမည်ရှိ၏။ ထာဝရဘုရားကို ရှာလိုသောငှါ၊ မိမိသဘောမချသော ကြောင့်၊ ဒုစရိုက်အမှုကိုပြု၏။ ၁၅ရောဗောင်ပြုမူသော အမှုအရာအစအဆုံးတို့သည်၊ ပရောဖက်ရှေမာယ၏ ကျမ်းနှင့်၊ ပရောဖက် ဣဒ္ဒေါစီရင်သော သားစဉ်မြေးဆက်စာရင်း၌ ရေးထားလျက်ရှိ၏။ ရောဗောင်နှင့် ယေရောဗောင်တို့သည် အသက် ရှည်သမျှကာလပတ်လုံး ရန်ဘက်ပြုကြ၏။ ၁၆ရောဗောင်သည်လည်း၊ ဘိုးဘေးတို့နှင့်အိပ်ပျော်၍ ဒါဝိဒ်မြို့၌သင်္ဂြိုဟ် ခြင်းကိုခံလေ၏။ သားတော်အဘိယသည် ခမည်းတော်အရာ၌ နန်းထိုင်၏။