၆ရာ အခန်းကြီး(၁၅)


၁ဘုရားသခင်၏ ဝိညာဉ်တော်သည် သြဒက်သားအာဇရိအပေါ်သို့ သက်ရောက်၍၊ ၂အာဇရိသည် အာသ မင်းကို ကြိုဆိုခြင်းငှါသွားလျက်၊ အိုအာသမင်း၊ အိုယုဒအမျိုးနှင့် ဗင်္ယာမိန်အမျိုးသားအပေါင်းတို့၊ ငါ့စကားကို နားထောင်ကြလော့။ သင်တို့သည် ထာဝရဘုရားဘက်၌ နေလျှင်၊ နေစဉ်ကာလ၊ ထာဝရဘုရားသည် သင်တို့နှင့် အတူရှိတော်မူမည်။ ထာဝရဘုရားကိုရှာလျှင် အတွေ့ခံတော်မူမည်။ စွန့်လျှင်သင်တို့ကို စွန့်တော်မူမည်။ ၃ကြာမြင့် သောကာလပတ်လုံး၊ ဣသရေလအမျိုး၌ မှန်သောဘုရားမရှိ။ သြဝါဒပေးတတ်သော ယဇ်ပုရောဟိတ်မရှိ။ တရားလဲ မရှိဘဲနေ၍၊ ၄ဘေးရောက်သဖြင့်၊ သူတို့သည် ဣသရေလအမျိုး၏ ဘုရားသခင် ထာဝရဘုရားထံတော်သို့ ပြန်လာ၍၊  ရှာကြသောအခါ အတွေ့ခံတော်မူ၏။ ၅ရှေးကာလ၌ ထွက်သောသူ၊ ဝင်သောသူသည် ချမ်းသာမရ။ အတိုင်းတိုင်း အပြည်ပြည်သားအပေါင်းတို့သည် အလွန်ဆင်းရဲခြင်းကို ခံရကြ၏။ ၆တနိုင်ငံနှင့်တနိုင်ငံ၊ တမြို့နှင့်တမြို့ကိုထကြ၍၊ ဘေးအမျိုးမျိုးအားဖြင့်၊ ဘုရားသခင်ဆုံးမတော်မူ၏။ ၇သင်တို့မူကား အားယူကြလော့။ လက်အားမလျော့စေနှင့်။ သင်တို့ကျင့်သည် အတိုင်း အကျိုးကိုခံရကြမည်ဟု မြွက်ဆို၏။

၈ထိုစကားနှင့် ပရောဖက်သြဒက်၏ အနာဂတ္တိစကားကို အာသမင်းသည် ကြားသောအခါ၊ ရဲရင့်ခြင်းသို့ ရောက်၍ ယုဒပြည်နှင့် ဗင်္ယာမိန်အရပ်ရပ်တို့၌၄င်း၊ ဧဖရိမ်တောင်ပေါ်မှာ တိုက်ယူသော မြို့တို့၌၄င်း၊ စက်ဆုပ်ဘွယ် သောအရာရှိသမျှတို့ကို ပယ်ရှား၍၊ ဗိမာန်တော်ဦးရှေ့တွင် ရှိသော ထာဝရဘုရား၏။ ယဇ်ပလ္လင်ကိုပြုပြင်လေ၏။ ၉ယုဒအမျိုးနှင့် ဗင်္ယာမိန်အမျိုးသားအပေါင်းတို့ကို၎င်း၊ ဧဖရိမ်ခရိုင်၊ မနာရှေခရိုင်၊ ရှိမောင်ခရိုင်ထဲကထွက်သော တပါး အမျိုးသားတို့ကို၎င်း စုဝေးစေ၏။ အာသမင်း၏ ဘုရားသခင်ထာဝရဘုရားသည်၊ သူနှင့်အတူရှိတော်မူကြောင်းကို၊ ဣသရေလအမျိုးသားအများတို့သည် သိမြင်လျှင်၊ ထိုမင်းဘက်သို့ဝင်စားကြ၏။ ၁ဝအာသမင်းနန်းစံဆယ်ငါးနှစ် တတိယလတွင် ယေရုရှင်မြို့၌ စုဝေး၍၊ ၁၁ဆောင်ခဲ့သောလက်ရဥစ္စာထဲက နွားခုနစ်ရာ၊ သိုးခုနစ်ထောင်တို့ကို ထာဝရ ဘုရားအား ပူဇော်ကြ၏။ ၁၂ဘိုးဘေးတို့၏ ဘုရားသခင်ထာဝရဘုရားကို စိတ်နှလုံးအကြွင်းမဲ့ရှာပါမည်ဟူ၍၄င်း၊ ၁၃ဣသရေလအမျိုး၏ ဘုရားသခင်ထာဝရဘုရားကို မရှာသောသူ၊ ယောကျာ်းမိန်းမအကြီး အငယ်မည် သည်ကား၊ အသေသတ်ခြင်းကိုခံရမည်ဟူ၍၄င်း၊ ၁၄ကြွေးကြော်သံ၊ တံပိုးနှဲခရာ မှုတ်သံနှင့်တကွ၊ ကြီးသောအသံဗလံပြုလျက်၊ ထာဝရဘုရားအားကျိန်ဆို၍ ဝန်ခံခြင်းပဋိညာဉ်ဖွဲ့ကြ၏။ ၁၅ယုဒလူအပေါင်းသည် ထိုသို့ကျိန်ဆိုခြင်းကိုပြုသောအခါ၊ ဝမ်းမြောက်ကြ၏။ အကြောင်းမူကား၊ စိတ်နှလုံးအကြွင်းမဲ့ကျိန်ဆို၍၊ အလိုဆန္ဒအားကြီးသည်နှင့်၊ ထာဝရဘုရားကို ရှာသောကြောင့် အတွေ့ခံတော်မူ၏။ အရပ်ရပ်၌ ငြိမ်သက်ခြင်းအခွင့်ကို ပေးတော်မူ၏။

၁၆အာသမင်းကြီး၏ အဘွားတော်မာခါသည်၊ အာရှရပင်အောက်မှာ ရုပ်တုကိုလုပ်သောကြောင့်၊ မိဖုရားအရာ ကိုနှုတ်၍၊ ရုပ်တုကိုဖျက်စီးကျော်နင်းပြီးလျှင်၊ ကေဒြုန်ချောင်းနားမှာ မီးရှို့တော်မူ၏။ ၁၇မြင့်သောအရပ်တို့ကို ဣသရေလပြည်၌ မပယ်ရှားသော်လည်း၊ လက်ထက်တော်ကာလပတ်လုံး အာသစိတ်နှလုံးသည် စုံလင်ခြင်းရှိ၏။ ၁၈ခမည်းတော်လှူသောဥစ္စာ၊ ကိုယ်တိုင်လှူသောဥစ္စာ ရွှေ၊ ငွေတန်ဆာများကို ဗိမာန်တော်ထဲသို့ သွင်းထားတော်မူ၏။ ၁၉နောက်တဖန် နန်းစံသုံးဆယ်ငါးနှစ်တိုင်အောင် စစ်တိုက်ခြင်းမရှိ။