၆ရာ အခန်းကြီး(၁)


၁ဒါဝိဒ်၏သားတော် ရှေလမုန်သည်၊ မိမိဘုရားသခင် ထာဝရဘုရားမစတော်မူခြင်း၊ အလွန်မြှောက် တော်မူခြင်းကျေးဇူးကြောင့်၊ မိမိအာဏာတော် တည်ကြည်မြဲမြံသောအခါ၊ ၂လူတထောင်အုပ်၊ တရာအုပ်၊ တရားသူကြီး၊ ဣသရေလမင်းအပေါင်းတို့နှင့် အဆွေအမျိုးသူကြီး အစရှိသော ဣသရေလအမျိုးသား အပေါင်းတို့ကိုခေါ်၍၊ ၃တော၌ထာဝရဘုရား၏ကျွန် မောရှေလုပ်ခဲ့သော ဘုရားသခင်၏ ပရိသတ်စည်းဝေးရာ တဲတော်သည် ဂိဗောင်မြို့တွင် မြင့်သောအရပ်၌ရှိသည်ဖြစ်၍ ထိုအရပ်သို့ ပရိသတ်အပေါင်းတို့နှင့်အတူ သွားတော်မူ၏။ ၄ဘုရားသခင်၏ သေတ္တာ တော်ကိုကား ဒါဝိဒ်ပြင်ဆင်သောအရပ်၊ ယေရုရှလင်မြို့၌ ဆောက်လုပ်နှင့်သောတဲသို့ ကိရယတ်ယာရိမ်မြို့မှ ဆောင်ခဲ့သော်လည်း၊ ၅ဟုရသားဖြစ်သော ဥရိ၏သား ဗေဇလေလလုပ်ခဲ့သော ကြေးဝါယဇ်ပလ္လင်ကို ထာဝရဘုရား ရှေ့မှာထားသောကြောင့်၊ ရှောလမုန်နှင့် ပရိသတ်တို့သည် ထိုယဇ်ပလ္လင်သို့ သွားကြ၏။ ၆ထိုသို့ ပရိသတ်စည်းဝေးရာ တဲတော်တော်ရှေ့၊ ထာဝရဘုရားရှေ့တော်၌ရှိသေား ကြေးဝါယဇ်ပလ္လင်သို့ ရှောလမုန်ရောက်၍ ထိုပလ္လင်ပေါ်မှာ မီးရှို့ရာယဇ် တထောင်ကို ပူဇော်လေ၏။

၇ထိုညဥ့်တွင် ဘုရားသခင်သည် ရှောလမုန်အားထင်ရှားလျက်၊ ငါပေးရမည့်ဆုကိုတောင်းလော့ဟု မိန့်တော် မူ၏။ ၈ရှေလမုန်ကလည်း၊ ကိုယ်တော်သည် အကျွန်ုပ်အဘဒါဝိဒ်၌ များစွာသောကျေးဇူးကို ပြုတော်မူပြီ။ အဘအရာ ၌လည်း အကျွန်ုပ်ကို နန်းထိုင်စေတော်မူပြီ။ ၉ယခုမှာ အိုထာဝရအရှင်ဘုရားသခင်၊ မြေမှုန့်များသကဲ့သို့ အရေအတွက် အားဖြင့်များပြားသောလူတို့၏ ရှင်ဘုရင်အရာ၌ အကျွန်ုပ်ကို မြှောက်တော်မူသောကြောင့် အဘဒါဝိဒ်၌ထားသော ဂတိတော်ကို တည်စေတော်မူပါ။ ၁ဝအကျွန်ုပ်သည် ဤလူတို့ရှေ့မှာ ဝင်နိုင်မည်အကြောင်း ဥာဏ်ပညာကို ပေးသနား တော်မူပါ။ ဤမျှလောက်များစွာသော ကိုယ်တော်၏လူတို့ကို အဘယ်သူသည် ကိုယ်အလိုအလျောက် တရားစီရင် နိုင်ပါမည်နည်းဟု တောင်းလျှောက်၏။ ၁၁ဘုရားသခင်ကလည်း၊ သင်သည်ထိုသို့အောက်မေ့၍ စည်းစိမ်ဥစ္စာ ဂုဏ် အသရေကိုမတောင်း၊ ရန်သူတို့၏အသက်ကိုလည်း မတောင်း၊ တာရှည်သောအသက်ကိုလည်း မတောင်း၊ ငါခန့် ထားသရွေ့ သင်အစိုးရသော ငါ၏လူမျိုးကို တရားစီရင်ခြင်းငှါ တတ်နိုင်သောဥာဏ်ပညာကိုသာ ကိုယ်အဘို့ တောင်းသောကြောင့်၊ ၁၂ဥာဏ်ပညာကိုငါပေး၏။ ထိုမှတပါး သင့်ရှေ့မှာ ဖြစ်ဘူးသောရှင်ဘုရင်နှင့် ရှေ့နောက်၌ ဖြစ်လတံ့သော ရှင်ဘုရင်တယောက်မျှ မမှီနိုင်မည်အကြောင်း၊ စည်းစိမ်ဥစ္စာ၊ ဂုဏ်အသရေ ကိုလည်း ငါပေးမည်ဟု မိန့်တော်မူ၏။ ၁၃ထိုအခါ ရှောလမုန်သည် ဂိဗောင်မြို့တွင် မြင့်သောအရပ်၌ရှိသော ပရိသတ်စည်းဝေးရာ တဲတော် ရှေ့မှသည် ယေရုရှလင်မြို့သို့ ပြန်သွား၍၊ ဣသရေလပြည်ကို အုပ်စိုးလျက် နေတော်မူ၏။

၁၄ထိုနောက် ရှောလမုန်သည် ရထားများ၊ မြင်းစီးသူရဲများကို ဆည်းဖူး၍၊ ရထားတထောင်နှင့် လေးရာ၊ မြင်းစီးသူရဲ တသောင်းနှစ်ထောင်ရှိ၏။ ရထားထိန်းမြို့တို့၌၄င်း၊ ယေရုရှလင်မြို့အထံတော်၌၄င်း ထား၏။ ၁၅ရှင်ဘုရင်သည် ယေရုရှလင်မြို့၌ ရွှေငွေကိုကျောက်ခဲကဲ့သို့၎င်း၊ အာရဇ်ပင်တို့ကို လွင်ပြင်၌ပေါက်သော သဖန်းပင်ကဲ့သို့၎င်း၊ များပြားစေ၏။ ၁၆ရှောလမုန်ထံသို့ မြင်းများကိုအဲဂုတ္တုပြည်၊ ကောမြို့မှ ဆောင်ခဲ့ရ၏။ ရှင်ဘုရင်ကုန်သည်တို့သည် အဘိုးပေးလျက် ကောမြို့၌ခံယူရကြ၏။ ၁၇အဲဂုတ္တုပြည်မှ ရထားတခုကို ငွေခြောက်ပိဿာနှင့်၎င်း၊ မြင်းတစီးကို တပိဿာငါးဆယ်နှင့်၎င်း ရောင်းမြဲရှိ၏။ ထိုသို့ ဟိတ္တိမင်းကြီနှင့် ရှုရိမင်းကြီးအပေါင်းတို့သည် အဲဂုတ္တုရထားနှင့် မြင်းရထားတို့ကို ရတတ်ကြ၏။