၆ရာ အခန်းကြီး(၂၃)


၁ခုနစ်နှစ်မြောက်သောအခါ၊ ယောယဒသည် ကိုယ်ကိုခိုင်ခံ့စေ၍၊ တပ်မှူးများ၊ ယေရောဟံသား အာဇရိသည် ယောဟနန်သား ဣရှမေလ၊ သြဗက်သား အာဇရိ၊ ၊ အဒါယသား မာသေယ၊ ဇိခရိသား ဧလိရှဖတ်တို့နှင့် သင်းဖွဲ့ လေ၏။ ၂ထိုသူတို့သည် ယုဒပြည်၌ လှည့်လည်သဖြင့်၊ ယုဒမြို့အရပ်ရပ်ထဲက လေဝိသားများနှင့် ဣသရေလ အဆွေအမျိုးသူကြီးများကို စုဝေးစေ၍၊ ယေရုရှလင်မြို့သို့ပြန်လာကြ၏။ ၃စည်းဝေးသောသူအပေါင်းတို့သည် ဗိမာန်တော်၌ ရှင်ဘုရင်နှင့် ပဋိညာဉ်ဖွဲ့ကြ၏။ ယောယဒကလည်း၊ ရှင်ဘုရင်သားတော်ကို ကြည်ရှုကြလော့။ ထာဝရဘုရားသည် ဒါဝိဒ်မျိုးကိုမိန့်တော်မူသည်အတိုင်း၊ ရှင်ဘုရင်သားတော် စိုးစံရမည်။ ၄သင်တို့ပြုရသောအမှု ဟူမူကား၊ ဥပုသ်နေ့၌ ဝင်သောယဇ်ပုရောဟိတ်သား လေဝိသား သုံးစုတစုတို့သည် တခါးစောင့်လုပ်ရမည်။ ၅တစုသည်နန်းတော်ကိုစောင့်ရမည်။ တစုသည်သုရတံခါးကို စောင့်ရမည်။ လူအပေါင်းတို့သည် ဗိမာန်တော်တံတိုင်း တို့အတွင်း၌ နေရကြမည်။ ၆ယဇ်ပုရောဟိတ်များနှင့် အမှုတော်စောင့် လေဝိသားများမှတပါး၊ အဘယ်သူမျှ ဗိမာန်တော်ထဲသို့ မဝင်စေနှင့်။ သူတို့သည်သန့်ရှင်းသောကြောင့် ဝင်ရကြမည်။ အခြားသောသူအပေါင်းတို့သည် ထာဝရဘုရား ဘက်၌ စောင့်နေရကြမည်။ ၇လေဝိသားတိုင်း မိမိလက်နက်ကိုကိုင်လျက်၊ ကိုယ်တော်မြတ်ကို ဝိုင်း၍၊ အိမ်တော်ထဲသို့ဝင်သမျှသော သူတို့ကိုသတ်ရမည်။ ရှင်ဘုရင်ထွက်ဝင်တော်မူသောအခါ၊ နောက်တော်သို့ လိုက်ရမည်ဟု မှာထားလေ၏။ ၈ထိုသို့ ယဇ်ပုရောဟိတ် ယောယဒမှာထားသမျှတိုင်း၊ လေဝိသားများနှင့် ယုဒအမျိုးသားအပေါင်းတို့သည် ပြု၍၊ ယဇ်ပုရောဟိတ်ယောယဒသည် ဖွဲ့မြဲဖွဲ့သော အသင်းတို့ကို မဖျက်သောကြောင့် ဥပုသ်နေ့၌ ထွက်ရသောသူနှင့် ဝင်ရသောသူအသီးအသီးတို့ကို ခေါ်ထားကြ၏။ ၉ဗိမာန်တော်၌ ရှိသောဒါဝိဒ်မင်းကြီး ၏ လှံများနှင့် ဒိုင်းလွှားများကို၊ ယဇ်ပုရောဟိတ် ယောယဒသည် ထုတ်၍၊ လူတရာအုပ်တို့အား အပ်လေ၏။ ၁ဝအသီးအသီးလက်နက်ကိုင်သော သူအပေါင်းတို့ကို ရှင်ဘုရင်ပတ်လည်၊ ယဇ်ပလ္လင်အနားနှင့် ဗိမာန်တော်၌ လက်ျာထောင့်မှစ၍ လက်ဝဲထောင်တိုင်အောင် နေရာချထားလေ၏။ ၁၁ထိုအခါ ရှင်ဘုရင်သားတော်ကို ပြင်သို့ထုတ်၍၊ ရာဇသရဖူနှင့် ပညတ္တိကျမ်းကို တင်လျက်၊ ရှင်ဘုရင်အရာ၌ မြှောက်ကြ၏။ ယောယဒနှင့် သူ၏သားတို့သည် ဘိသိက်ပေး၍၊ ရှင်ဘုရင်အသက်တော်ရှင်စေသတည်းဟု ကြွေးကြော်ကြ၏။

၁၂အာသလိသည် လူများပြည့်၍ ရှင်ဘုရင်ထံ၌ ချီးမွမ်းသံကို ကြားလျှင်၊ လူများရှိရာ ဗိမာန်တော်သို့သွား၍၊ ၁၃ရှင်ဘုရင်သည် ဗိမာန်တော်ဝင်ဝ၊ တိုင်နားရပ်လျက်၊ မှူးတော်မတ်တော်များနှင့်၊ တံပိုးမှုတ်သောသူများတို့သည် ရှင်ဘုရင်အနားတော်၌ ရပ်လျက်၊ ပြည်သူပြည်သားများတို့သည် ဝမ်းမြောက်၍၊ တံပိုးမှုတ်လျက် သီးချင်းသည်တို့သည် တုရိယာအမျိုးမျိုးကိုကိုင်၍၊ ထောမနာသီချင်းကို ဆိုလျက် ရှိကြသည်ကိုမြင်လျင်၊ မိမိအဝတ်ကိုဆုတ်၍ ပုန်ကန်မှုပါ တကားဟု အော်ဟစ်လေ၏။ ၁၄ယဇ်ပုရောဟိတ်ယောယဒကလည်း၊ ဗိမာန်တော်ထဲမှာ မသေစေနှင့်။ တပ်ပြင်သို့ ထုပ်ကြ။ သူ့ဘက်မှာနေသောသူကို ထားနှင့်သတ်ကြဟု လူတရာအုပ်တပ်မှူးတို့ကိုမှာထားနှင့် သည်အတိုင်း၊ ၁၅အာသလိကို ဘမ်းဆီးလျက်၊ နန်းတော်သို့သွားသော၊ မြင်းလမ်းဝသို့ရောက်သောအခါ၊ သတ်ကြ၏။

၁၆ရှင်ဘုရင်နှင့် လူအပေါင်းတို့သည် ထာဝရဘုရား၏ လူဖြစ်ရမည်အကြောင်း၊ ယောယဒသည် မိမိထံ၌ ပဋိညာဉ်ဖွဲ့စေ၏။ ၁၇လူအပေါင်းတို့သည် ဗာလကျောင်းသို့သွား၍ ဖြိုဖျက်ကြ၏။ ယဇ်ပလ္လင်များနှင့် ရုပ်တုများကို ချိုးဖဲ့၍၊ ယဇ်ပလ္လင်တို့ရှေ့မှာ ဗာလယဇ်ပုရောဟိတ် မဿန်ကို သတ်ကြ၏။ ၁၈မောရှေပညတ္တိကျမ်း၌ ပါသည်အတိုင်း၊ ထာဝရဘုရားအား မီးရှို့ရာယဇ်တို့ကို ပူဇော်ခြင်း၊ ဒါဝိဒ်စီရင်သည်အတိုင်း၊ ရွှင်လန်းစွာသီချင်းဆိုခြင်းအမှုကို ပြုစေခြင်းငှါ၊ ဗိမာန်တော်၌ ဒါဝိဒ်ခွဲထားသော ယဇ်ပုရောဟိတ်လေဝိသားတို့သည် ဗိမာန်တော်မှုများကို ဆောင်ရွက်မည်အကြောင်း၊ ယောယဒစီရင်လေ၏။ ၁၉မသန့်ရှင်းသော လက္ခဏာတစုံတခုရှိသော သူကိုမဝင်စေခြင်းငှါ၊ ဗိမာန်တော်တံခါးစောင့်တို့ကိုလည်း ခန့်ထားလေ၏။ ၂ဝလူတရာအုပ်၊ မှူးမတ်၊ အကြီးအကဲ၊ ပြည်သူပြည်သား အပေါင်းတို့ကိုခေါ်လျက်၊ မြင့်သောတံခါးလမ်းဖြင့်၊ ရှင်ဘုရင်ကိုဗိမာန်တော်မှ နန်းတော်သို့ပို့ဆောင်၍၊ ရာဇပလ္လင်တော် ပေါ်မှာတင်ကြ၏။ ၂၁နန်းတော်နားမှာ အာသလိကိုသတ်ပြီးမှ၊ ပြည်သူပြည်သားအပေါင်းတို့သည် ဝမ်းမြောက်၍၊ တစ်မြို့လုံး၌လည်း၊ ငြိပ်ဝပ်ခြင်းရှိ၏။