၆ရာ အခန်းကြီး(၂၄)


၁ယောရှသည် အသက်ခုနစ်နှစ်ရှိသော်၊ နန်းထိုင်၍ ယေရုရှလင်မြို့၌ အနှစ်လေးဆယ်စိုးစံ၏။ မယ်တော်ကား၊ ဗေရရှေဘမြို့သူ ဇိဗိအမည်ရှိ၏။ ၂ယဇ်ပုရောဟိတ်ယောယဒ လက်ထက်ကာလပတ်လုံး၊ ယောရှသည် ထာဝရဘုရား ရှေ့တော်၌ တရားသောအမှုကိုပြု၏။ ၃ယောယဒပေးစားသော မိန်းမနှစ် ယောက်နှင့် စုံဘက်၍ သားသမီးတို့ကို မြင်ရ၏။

၎ထိုနောက်မှ၊ ယောရှသည် ဗိမာန်တော်ကိုပြုပြင်မည်အကြံရှိလျက်၊ ယဇ်ပုရောဟိတ်လေဝိသား တို့ကို စုဝေးစေ၍၊ သင်တို့ဘုရားသခင်၏။ အိမ်တော်ကို ပြုပြင်ခြင်းငှါ၊ ယုဒမြို့တို့ကိုလှည့်လည်သဖြင့်၊ နှစ်တိုင်းအစဉ် ဣသရေလူအပေါင်းတို့မှ ငွေကိုခံယူ၍၊ အမှုပြီးအောင်ကြိုးစားအားထုတ်ကြလော့ဟု မိန့်တော်မူ၏။ သို့သော်လည်း၊ လေဝိသားတို့သည် မကြိုးစားဘဲနေကြ၏။ ၆တဖန်ရှင်ဘုရင်သည် ယဇ်ပုရောဟိတ်အကြီး ယောယဒကိုခေါ်၍၊ သက်သေခံတော်မူချက်၊ တဲတော်အဘို့၊ ထာဝရဘုရား၏ ကျွန်မောရှေနှင့် စည်းဝေးရာဣသရေလပရိသတ် ပြုသည်နည်းတူ၊ လေဝိသားတို့သည် ယေရုရှလင်မြို့မှစ၍၊ ယုဒပြည်အရပ်ရပ်တို့မှ ငွေကိုခံယူ၍၊ ဆောင်ခဲ့ရမည် အကြောင်း၊ အဘယ်ကြောင့်မမှာထားဘဲ နေသနည်းဟု မေးတော်မူ၏။ ၇အဓမ္မမိန်းမ အာသလိ၏ သားတို့သည် ဗိမာန်တော်ကို ဖြိုဖျက်၍၊ ဗိမာန်တော်၌ပူဇော်သော ဘဏ္ဍာရှိသမျှတို့ကိုလည်း၊ ဗာလဘုရားတို့အား ပူဇော်ကြ၏။ ၈ရှင်ဘုရင်အမိန့်တော်အတိုင်း၊ သေတ္တာကိုလုပ်၍၊ ဗိမာန်တော်ပြင်၊ တံခါးနားမှာထားကြ၏။ ၉ဘုရားသခင်၏ ကျွန်မောရှေသည် တောမှာဣသရေလအမျိုး၌ ငွေခွဲသည်အတိုင်း၊ ထာဝရဘုရားအထံတော်သို့ ဆောင်ခဲ့ရမည်ဟု ယေရုရှလင်မြို့မှစ၍ ယုဒပြည်အရပ်ရပ်မှစ၍ ကြော်ငြာကြ၏။ ၁ဝမင်းများနှင့်ပြည်သူပြည်သားများ အပေါင်းတို့သည်၊ ဝမ်းမြောက်သောစိတ်နှင့် ဆောင်ခဲ့၍၊ လက်စသတ်သည်တိုင်အောင်၊ သေတ္တာထဲသို့ သွင်းထားကြ၏။ ၁၁ထိုသေတ္တာကို လေဝိသားတို့သည် ဘဏ္ဍာတော်တိုက်ထဲသို့သွင်း၍၊ ငွေများသည်ကို သိမြင်လျှင်၊ ရှင်ဘုရင်၏ စာရေးတော်ကြီးနှင့် ယဇ်ပုရောဟိတ်၏ စာရေးသည် လာ၍၊ ငွေကိုထုတ်ယူပြီးမှ သေတ္တာကို သူ့နေရာ၌ထားပြန်၏။ ထိုသို့နေတိုင်းပြု၍၊ များစွာသောငွေကိုစုထားကြ၏။ ၁၂ရှင်ဘုရင်နှင့် ယောယဒသည် ဗိမာန်တော်၏ အမှုတော်စောင့်တို့၌ ထိုငွေကိုအပ်၍၊ ဗိမာန်တော်ကိုပြုပြင်စေခြင်းငှါ၊ ပန်းရန်သမား၊ လက်သမား၊ ပန်းပဲသမား၊ ပန်းတဉ်းသမားတို့အားပေးဝယ်ကြ၏။ ၁၃အလုပ်လုပ်သော သူတို့သည် ကြိုးစား၍ ပြုပြင်သဖြင့်၊ ဗိမာန်တော်ကို ပကတိအဖြစ်၌ ခိုင်ခံ့စေကြ၏။ ၁၄လက်စသတ်သောအခါ၊ ကျန်ကြွင်းသောငွေကို ရှင်ဘုရင်နှင့် ယောယဒထံသို့ ယူခဲ့၍၊ ထိုငွေနှင့် ဗိမာန်တော်၌ အမှုတော်ကို ဆောင်ရွက် ပူဇော်ရန်တန်ဆာ၊ ရွှေဖလား၊ ငွေဖလား၊ ဇွန်များကို လုပ်ကြ၏။ ယောယဒလက်ထက် ကာလပတ်လုံး၊ ဗိမာန်တော်၌ မီးရှို့ရာယဇ်ကို အစဉ်ပူဇော်ကြ၏။ ၁၅ယောယဒသည် အို၍ကာလ ပြည့်စုံရာရောက်လျက်၊ အသက်တရာသုံးဆယ် ရှိသော်သေ၍၊ ၁၆ဒါဝိဒ်မြို့မှာ ရှင်ဘုရင်တို့တွင် သင်္ဂြိုဟ်ခြင်းကိုခံလေ၏။ အကြောင်းမူကား၊ ဣသရေလအမျိုးတွင် ဘုရားသခင်၌၄င်း၊ အိမ်တော်၌၄င်း၊ ကျေးဇူးပြုသောသူဖြစ်သတည်း။

၁၇ယောယဒသေသောနောက်၊ ယုဒမင်းတို့သည် ရှင်ဘုရင်ထံတော်သို့လာ၍ ရှိခိုးကြ၏။ သူတို့စကားကို ရှင်ဘုရင်နားထောင်သဖြင့်၊ ၁၈သူတို့သည်ဘိုးဘေးတို့၏ ဘုရားသခင်ထာဝရဘုရား၏ အိမ်တော်ကိုစွန့်၍၊ အာရှရပင်နှင့် ရုပ်တုတို့ကို ဝတ်ပြုကြ၏။ ထိုအပြစ်ကြောင့် အမျက်တော်သည် ယုဒပြည်နှင့် ယေရုရှလင်မြို့အပေါ်မှာ သက်ရောက် လေ၏။ ၁၉သူတို့ကိုထာဝရဘုရားထံတော်သို့ သွေးဆောင်စေခြင်းငှါ၊ ပရောဖက်တို့ကိုစေလွှတ်တော်မူ၍၊ ပရောဖက်တို့သည် သက်သေခံသော်လည်း၊ သူတို့သည် နားမထောင်ကြ။ ၂ဝတဖန် ဘုရားသခင်၏ ဝိညာဉ်တော်သည် ယဇ်ပုရောဟိတ် ယောယဒသား ဇာခရိအပေါ်မှာ သက်ရောက်၍၊ သူသည်ပရိသတ်အလယ် မြင့်သောအရပ်၌ ရပ်လျက်၊ ဘုရားသခင်မိန့်တော်မူသည်ကား၊ သင်တို့သည်ကိုယ်အကျိုးကိုပျက်စေခြင်းငှါ၊ ထာဝရဘုရား၏ ပညတ် တော်တို့ကို အဘယ်ကြောင့်လွန်ကျူးကြသနည်း။ သင်တို့သည် ထာဝရဘုရားကိုစွန့်သောကြောင့်၊ သင်တို့ကိုလည်း စွန့်တော်မူပြီဟု မြွက်ဆို၏။ ၂၁လူများတို့သည် သူ့ကိုမကောင်းသောအကြံနှင့် တိုင်ပင်၍၊ ရှင်ဘုရင်အမိန့်တော်နှင့် ဗိမာန်တော်အတွင်း၌ ကျောက်ခဲနှင့်ပစ်၍ သတ်ကြ၏။ ၂၂ထိုသို့ ယောရှမင်းကြီးသည် ဇာခရိအဘ၊ ယောယဒပြုသော ကျေးဇူးကို မအောက်မေ့၊ သားကိုသတ်လေသည်တကား။ ဇာခရိသေသောအခါ၊ ဤအမှုကို ထာဝရဘုရားသည် ကြည်ရှု့စစ်ကြောတော်မူမည်ဟု ဆို၏။

၂၃ထိုနေ့အဆုံး၌၊ ရှုရိတပ်သားတို့သည် စစ်ချီ၍ လာကြသဖြင့်၊ ယုဒပြည်ယေရုရှလင်မြို့သို့ ရောက်မှ၊ မှူးမတ် အရာရှိအပေါင်းတို့ကို သုတ်သင်ပယ်ရှင်း၍၊ လက်ရဥစ္စာရှိသမျှတို့ကို ဒမာသက်ရှင်ဘုရင်ထံသို့ ပေးလိုက်ကြ၏။ ၂၄ယုဒလူတို့သည် ဘိုးဘေးတို့၏ ဘုရားသခင် ထာဝရဘုရားကို စွန့်သောကြောင့်၊ များပြားသော အလုံးအရင်းဖြစ် သော်လည်း၊ နည်းသောရှုရိတပ်အလုံးအရင်းလက်သို့ ထာဝရဘုရား အပ်တော်မူ၍၊ ရှုရိလူတို့သည် ယောရှကို တရားစီရင်ကြ၏။ ၂၅ရန်သူထွက်သွားသောအခါ၊ ယောရှသည် ကြီးစွာသောဒုက္ခကိုခံရလျက်၊ နေရစ်သည်ဖြစ်၍၊ ယဇ်ပုရောဟိတ်ယောယဒသားတို့ကို သတ်သော အပြစ်ကြောင့်၊ မိမိကျွန်တို့သည် သင်းဖွဲ့၍၊ သာလွန်ပေါ်မှာ သေအောင်လုပ်ကြံကြ၏။ ထိုမင်းကို ဒါဝိဒ်မြို့၌ သင်္ဂြိုဟ်သော်လည်း၊ ရှင်ဘုရင်တို့တွင် မသင်္ဂြိုဟ်။ ၂၆လုပ်ကြံသောသူကား၊ အမ္မုန်အမျိုးသမီး ရှိမတ်သား၊ ယောဇဗဒ်နှင် မောဘအမျိုးသမီး ရှိမရိပ်သား ရဟောဇဗဒ် တည်း။ ၂၇ယောရှသည် သားရှိခြင်းအရာ၊ လေးသောအမှုကိုထမ်းခြင်းအရာ၊ ဗိမာန်တော်ကို ပြုပြင်ခြင်းအရာတို့သည် ရာဇဝင်နှင့် စပ်သောစာ၌ ရေးထားလျက်ရှိ၏။ သားတော်အာမဇိသည် ခမည်းတော်အရာ၌နန်းထိုင်၏။