၆ရာ အခန်းကြီး(၂၈)


၁အာခတ်သည် အသက်နှစ်ဆယ်ရှိသော်၊ နန်းထိုင်၍ ယေရုရှလင်မြို့၌ တဆယ်ခြောက်နှစ် စိုးစံလေ၏။ ထိုမင်းသည် အဘဒါဝိဒ်ကဲ့သို့မကျင့်၊ ထာဝရဘုရားရှေ့တော်၌ တရားသောအမှုကိုမပြု။ ၂ဣသရေလရှင်ဘုရင်တို့ လိုက်သောလမ်းသို့ လိုက်၍၊ ဗာလဘုရားအဘို့ ရုပ်တုဆင်းတုများကို သွန်းလေ၏။ ၃ထာဝရဘုရားသည် ဣသရေလ အမျိုးသားရှေ့မှ နှင်ထုတ်တော်မူသော တပါးအမျိုးသားတို့၏ ရွံရှာဘွယ်ထုံးစံအတိုင်း၊ ဟိန္နုံသားချိုင့်၌ နံ့သာပေါင်း ကိုမီးရှို့၍၊ မိမိသားတို့ကိုလည်း မီးဖြင့်ပူဇော်၏။ ၄မြင့်သောအရပ်၊ တောင်ပေါ်၊ သစ်ပင်အောက်တို့၌ ယဇ်ပူဇော်၍၊ နံ့သာပေါင်းကို မီးရှို့တတ်၏။ ၅ထိုကြောင့်၊ သူ၏ဘုရားသခင် ထာဝရဘုရားသည် သူ့ကိုရှုရိရှင်ဘုရင်လက်သို့ အပ်တော်မူသဖြင့်၊ ရှုရိလူတို့သည် လုပ်ကြံလျက်၊ များစွာသောလူတို့ကို ဘမ်းဆီး၍၊ ဒမာသက်မြို့သို့ သိမ်းသွားကြ၏။ ၆တဖန် ဣသရေလရှင်ဘုရင်လက်သို့ အပ်တော်မူသဖြင့်၊ ထိုရှင်ဘုရင် ရေမလိသားပေကာသည် ကြမ်းတမ်းစွာ လုပ်ကြံ၍၊ ရဲရင့်သော ယုဒအမျိုးသား တသိန်းနှစ်သောင်းကို တနေ့ခြင်းတွင်သတ်လေ၏။ အကြောင်းမူကား၊ သူတို့ သည် ဘိုးဘေးတို့၏ ဘုရားသခင် ထာဝရဘုရားကို စွန့်ကြသတည်း။ ၇ခွန်အားကြီးသော ဧဖရိမ်သားဇိခရိသည်၊ ရှင်ဘုရင်သာ မာသေယ၊ နန်းတော်အုပ်  အာဇရိကံ၊ ရှင်ဘုရင်နောက် ဒုတိယမင်းဧလကာနကို သတ်၏။ ၈ဣသရေလ အမျိုးတို့သည်လည်း မိမိတို့နှင့်ပေါက်ဘော်တော်သော ယောက်ျား၊ မိန်းမ၊ သား၊ သမီးပေါင်းနှစ်သိန်းကို ဘမ်းဆီး သိမ်းသွားကြ၏။ များစွာသောဥစ္စာကိုလည်း လုယူ၍ ရှမာရိမြို့သို့ ဆောင်သွားကြ၏။

၉သြဒက်အမည်ရှိသော ထာဝရဘုရား၏ ပရောဖက်တပါးရှိ၍၊ ရှမာရိမြို့သို့ပြန်လာသော တပ်ကိုဆီးကြိုလျက်၊ ဘိုးဘေးတို့၏ ဘုရားသခင် ထာဝရဘုရားသည် ယုဒပြည်ကို အမျက်တော်ထွက်သော ကြောင့်၊ သင်တို့လက်၌ အပ်တော်မူသဖြင့်၊ သင်တို့သည် မိုဃ်းကောင်းကင်သို့ထိသော ဒေါသအဟုန်နှင့် သူတို့ကို သတ်ကြပြီတကား။ ၁ဝယခုတွင်လည်း၊ ယုပြည်သည်၊ ယေရုရှလင်မြို့သား ယောက်ျားမိန်းမတို့ကို အစေခံကျွန်လုပ်၍၊ နှိပ်စက်မည့်အကြံ ရှိကြသည်တကား။ သို့ပြုလျင် သင်တို့၏ဘုရားသခင် ထာဝရဘုရားကို ပြစ်မှားရာသို့ ရောက်သည်မဟုတ်လော။ ၁၁ငါ့စကားကို နားထောင်ကြလော့။ သင်တို့သည် ယခုဘမ်းဆီး၍ သိမ်းယူခဲ့သော သင်တို့၏ညီအစ်ကိုများကို လွှတ်လိုက်ကြလော့။ သို့မဟုတ် ထာဝရဘုရား၏ ပြင်းစွာသောအမျက်တော်သည် သင်တို့အပေါ်မှာ သက်ရောက် လိမ့်မည်ဟု သတိပေး၏။ ၁၂ထိုအခါ ဧဖရိမ်အမျိုးသား အကြီးအကဲ၊ ယောဟနန်သား အာဇရိ၊ မေရှိလေမုတ်သား ဗေရခိ၊ ရှလ္လုံသား ဟေဇကိ၊ ဟာဒလဲသား အာမသာတို့သည် စစ်တိုက်ရာမှလာသောသူတို့ကို ဆီးတား၍၊ ၁၃သင်တို့သိမ်းယူခဲ့သော သူတို့ကို ဤမြို့ထဲသို့မသွင်းရ။ ငါတို့သည် ထာဝရဘုရားကို ပြစ်မှားပြီ။ အပြစ်ရင်းအပေါ် မှာထပ်၍ ပြစ်မှားစေဦးမည်ဟု သင်တို့ကြံစည်ကြသည်တကား။ ယခုတွင် ငါတို့အပြစ်ကြီးလှ၏။ ဣသရေလအမျိုး၌ ပြင်းစွာ အမျက်ထွက်လျက်ရှိသည်ဟု ဆိုသောကြောင့်၊ ၁၄စစ်သူရဲတို့သည် သိမ်းယူခဲ့သောလူများနှင့် လုယူခဲ့သော ဥစ္စာများကို မင်းတို့ရှေ့၊ ပရိသတ်တို့ရှေ့မှာ ထားကြ၏။ ၁၅အထက်ဆိုခဲ့ပြီးသောသူတို့သည် ထလျက်၊ သိမ်းယူခဲ့သော သူတို့ကိုခေါ်၍၊ အဝတ်မရှိသောသူတို့ကို လက်ရဥစ္စာဖြင့် ဝတ်စေကြ၏။ ခြေနင်းကို စီးစေကြ၏။ စားသောက်စရာ ဘို့ ပေးကြ၏။ ဆီနှင့်လိမ်းစေကြ၏။ အားမရှိသောသူ အပေါင်းတို့ကို မြည်းပေါ်မှာတင်၍၊ သူတို့ပေါက်ဘော်ရှိရာ ယေရိခေါမြို့တည်းဟူသော စွံပလွံပင်မြို့သို့ ပို့ပြီးမှ၊ ရှမာရိမြို့သို့ ပြန်သွားကြ၏။

၁၆ထိုအခါ  အာရှုရိရှင်ဘုရင်လာ၍ ကူမစေခြင်းငှါ၊ အာခတ်မင်းကြီးသည် သံတမန်ကိုစေလွှတ်လေ၏။ ၁၇အကြောင်းမူကား၊ ဧဒုံလူတို့သည် လာပြန်သဖြင့်၊ ယုဒပြည်ကိုလုပ်ကြံ၍၊ လူများကို ဘမ်းဆီးသိမ်းသွား ကြပြီ။ ၁၈ဖိလိတ္တိလူတို့သည်လည်း၊ နိုင်ငံအောက်ပိုင်းနှင့် ယုဒပြည်တောင်ပိုင်း၌ရှိသော မြို့တို့ကိုတိုက်၍၊ ဗက်ရှေမက်မြို့၊ အာဇလုန်မြို့၊ ဂေဒရုတ်မြို့၊ ရှောခေါမြို့ရွာ၊ တိမနာမြို့ရွာ၊ ဂိမဇောမြို့ရွာများကို ယူ၍ နေရာချကြ၏။ ၁၉ယုဒရှင်ဘုရင် အာခတ်ကြောင့် ထာဝရဘုရားသည် ယုဒပြည်ကိုအလွန်နှိမ့်ချ၏။ ထိုမင်းသည် ယုဒပြည်၏အဝတ်တန်ဆာကို ချွတ်၍၊ ထာဝရဘုရားကို ကြမ်းတမ်းစွာပြစ်မှား၏။ ၂ဝအာရှုရိရှင်ဘုရင် တိဂလတ်ပိလေသာ လာသော်လည်း အားကိုမပေး၊ သာ၍ဆင်းရဲစေ၏။ ၂၁အကြောင်းမူကား၊ အာခတ်သည် ဗိမာန်တော်ဘဏ္ဍာနှင့် နန်းတော်ဘဏ္ဍာမှစ၍၊ မှူးမတ်အိမ် တို့၌ရှိသော ဥစ္စာများကို ခွဲပြီးလျှင်၊ အာရှုရိရှင်ဘုရင်အား ပေးသော်လည်း၊ ထိုဘုရင်သည် ကျေးဇူးပြန်၍မပြု။ ၂၂အာခတ်မင်းကြီးသည် ဆင်းရဲဒုက္ခခံရသောအခါ ထာဝရဘုရားကို သာ၍ပြစ်မှား၏။ ၂၃ငါ့ကိုဒဏ်ပေးသော ဒမာသက် မြို့၏ ဘုရားတို့ကို ငါဆည်းကပ်မည်ဟူ၍၄င်း၊ ရှုရိရှင်ဘုရင်ကိုးကွယ်သော ဘုရားတို့သည် ကျေးဇူးပြုတတ်သော ကြောင့်၊ ငါ၌လည်း ကျေးဇူးပြုစေခြင်းငှါ၊ ထိုဘုရားတို့အား ယဇ်ပူဇော်မည်ဟူ၍၄င်း ဆိုသော်၊ ထိုဘုရားတို့သည် အာခတ်မင်းနှင့် ဣသရေလအမျိုး အကျိုးနဲစရာအကြောင်းဖြစ်သတည်း။ ၂၄တဖန် အာခတ်သည် ဗိမာန်တော် တန်ဆာတို့ကို စုထား၍ အပိုင်းပိုင်း ချိုးဖျက်၏။ ဗိမာန်တော်တံခါးတို့ကိုလည်း ပိတ်ထား၏။ ယေရုရှလင်မြို့ ထောင့်များ၌ ယဇ်ပလ္လင်တို့ကို တည်၏။ ၂၅အခြားတပါးသော ဘုရားတို့အား နံ့သာပေါင်းကို မီးရှို့စရာဘို့ ယုဒမြို့ အသီးအသီးတို့၌ မြင့်သောအရပ်တို့ကို တည်၍ ဘိုးဘေးတို့၏ ဘုရားသခင် ထာဝရဘုရား၏ အမျက်တော်ကို နှိုးဆော်လေ၏။

၂၆အာခတ်ကျင့်ကြံပြုမူသော အမှုအရာကြွင်းလေမျှ အစအဆုံးတို့သည် ယုဒရာဇဝင်နှင့် ဣသရေလရာဇဝင် ၌ ရေးထားလျက်ရှိ၏။ ၂၇အာခတ်သည် ဘိုးဘေးတို့နှင့် အိပ်ပျော်၍ ယေရုရှလင်မြို့၌ သင်္ဂြိုဟ်ခြင်းကိုခံရသော်လည်း ဣသရေလရှင်ဘုရင်တို့သင်္ချိုင်း၌ မသင်္ဂြိုဟ်ကြ။ သားတော်ဟေဇကိသည် ခမည်းတော်အရာ၌ နန်းထိုင်၏။