၆ရာ အခန်းကြီး(၃၂)


၁ထိုအမှုများတို့ကို လက်စသတ်သည်နောက်၊ အာရှုရိရှင်ဘုရင် သနာခရိပ်သည်၊ ယုဒပြည်သို့ စစ်ချီ၍ ခိုင်ခံ့သောမြို့တို့ကို ဝိုင်းထားလျက် တိုက်ယူခြင်းငှါ အားထုတ်လေ၏။ ၂ထိုသို့ သနာခရိပ်သည်လာ၍၊ ယေရုရှလင် မြို့ကို တိုက်မည့်အကြံရှိကြောင်းကို ဟေဇကိမင်းသည် သိမြင်လျင်၊ ၃မြို့ပြင်၌ရှိသော စမ်းရေကိုဖြတ်ခြင်းငှါ မှူးမတ်၊ စစ်သူကြီးတို့နှင့်တိုင်ပင်၍၊ သူတို့သည် ဝိုင်းလုပ်ကြ၏။ ၄အာရှုရိရှင်ဘုရင်တို့ သည်လာ၍၊ များစွာသောရေကို အဘယ် ကြောင့်တွေ့ရမည်နည်းဟု လူများတို့သည်ဆိုလျက်၊ စုဝေး၍ စမ်းရေတွင်း ရှိသမျှကိုပိတ်ကြ၏။ ပြည်အလယ်၌စီးသော ချောင်းရေကိုလည်း ဖြတ်ကြ၏။ ၅ဟေဇကိသည်လည်း ကိုယ်ကိုခိုင်ခံ့စေ၏။ ပြိုသောမြို့ရိုးရှိသမျှကို ပြုပြင်၍၊ ရဲတိုက် တို့နှင့် တညီတည်းတည်၏။ ပြင်မြို့ရိုးကိုလည်းတည်၏။ ဒါဝိဒ်မြို့၌ မိလ္လောရဲတိုက်ကိုလည်း ပြုပြင်၍၊ များစွာသော လှံလက်နက်ဒိုင်းလွှားတို့ကိုလည်း လုပ်လေ၏။ ၆လူများတို့တွင် တပ်မှူးတို့ကိုခန့်ထား၍၊ မြို့လမ်းမ၌ စုဝေးစေသဖြင့်၊ အားပေးသောစကားကိုပြောလျက်၊ ၇ခွန်အားယူ၍ ရဲရင့်ခြင်းရှိကြလော့။ အာရှုရိရှင်ဘုရင်နှင့် သူ၌ပါသော အလုံး အရင်းအပေါင်းတို့ကြောင့် မကြောက်ကြနှင့်။ စိတ်မပျက်ကြနှင့်။ ငါတို့ဘက်၌ နေသောသူတို့သည်၊ သူ့ဘက်၌နေ သောသူတို့ထက် သာ၍များကြ၏။ ၈သူ့ဘက်၌ လူလက်ရုံးရှိ၏။ ငါတို့ဘက်၌ ထောက်မ၍၊ စစ်ကူတော်မူသော ငါတို့၏ဘုရားသခင် ထာဝရဘုရား ရှိတော်မူသည်ဟု မိန့်တော်မူ၏။ လူများတို့သည် ယုဒရှင်ဘုရင် ဟေဇကိ၏ စကားကို ကိုးစွားကြ၏။

၉ထိုနောက် အာရှုရိရှင်ဘုရင် သနာခရိပ်သည် ဗိုလ်ခြေအပေါင်းတို့နှင့်တကွ လာခိရှမြို့ကို ဝိုင်းထားစဉ်တွင်၊ မိမိကျွန်အချို့ကို ယေရုရှလင်မြို့၊ ယုဒရှင်ဘုရင် ဟေဇကိထံသို့၎င်း၊ ယေရုရှလင်မြို့၌ရှိသော ယုဒလူအပေါင်းတို့ ရှိရာသို့၎င်း စေလွှတ်၍၊ ၁ဝအာရှုရိရှင်ဘုရင် သနာခရိပ် မိန့်တော်မူသည်ကား၊ သင်တို့သည် ယေရုရှလင်မြို့၌ ဝိုင်း ထားခြင်းကို ခံခြင်းငှါ၊ အဘယ်သို့ ခိုလှုံကြသနည်း။ ၁၁ဟေဇကိက၊ ငါတို့၏ ဘုရားသခင် ထာဝရဘုရားသည် ငါတို့ကို အာရှုရိရှင်ဘုရင်လက်မှ ကယ်လွှတ်တော်မူမည်ဟုဆိုလျက်၊ မွတ်သိပ်ခြင်း၊ ရေငတ်ခြင်းအားဖြင့် အသေခံရသည် တိုင်အောင်၊ ကိုယ်ကိုစွန့်ပစ်စေခြင်းငှါ၊ သင်တို့ကို ဖြားယောင်းသည်မဟုတ်လော။ ၁၂ထိုဟေဇကိသည် ထာဝရ ဘုရား၏ မြင့်သောအရပ်ဌာနနှင့် ယဇ်ပလ္လင်တို့ကိုပယ်၍၊ သင်တို့သည် တခုတည်းသော ယဇ်ပလ္လင်ရှေ့မှာ ကိုးကွယ် ရမည်။ ထိုယဇ်ပလ္လင်ပေါ်မှာ နံ့သာပေါင်းကို မီးရှို့ရမည်ဟု ယုဒပြည်သူ ယေရုရှလင်မြို့သားတို့ကို မိန့်တော်မူပြီ မဟုတ်လော။ ၁၃ငါနှင့် ငါ့ဘိုးဘေးတို့သည် အတိုင်းတိုင်းအပြည်ပြည်တို့၌ အဘယ်သို့ပြုသည်ကို သင်တို့မသိကြ သလော။ အတိုင်းတိုင်းအပြည်ပြည် ဘုရားတို့သည် မိမိတို့ပြည်များကို ငါ့လက်မှကယ်လွှတ်ခြင်းငှါ တတ်စွမ်းနိုင်သ လော။ ၁၄ငါ့ဘိုးဘေးအကုန်အစင် ဖျက်ဆီးသောတိုင်းနိုင်ငံတို့၏ ဘုရားတို့တွင်၊ အဘယ်မည်သောဘုရားသည် မိမိ ပြည်ကို ငါ့လက်မှ ကယ်လွှတ်ဘူးသနည်း။ သင်တို့၏ဘုရားသည် သင်တို့ကို ငါ့လက်မှ အဘယ်သို့ကယ်လွှတ်မည် နည်း။ ၁၅သို့ဖြစ်၍၊ ဟေဇကိသည် သင်တို့ကိုမလှည့်စားစေနှင့်။ ထိုသို့ မဖျားယောင်းစေနှင့်။ သူ့စကားကို မယုံကြ နှင့်။ အခြားသောတိုင်းနိုင်ငံ၌ ကိုးကွယ်သောဘုရားမည်မျှသည် မိမိပြည်ကို ငါ့လက်မှ၎င်း၊ ငါ့ဘိုးဘေးလက်မှ၎င်း၊ မကယ်မလွှတ်နိုင်။ ထိုမျှမက၊ သင်တို့၏ဘုရားသည် သင်တို့ကိုငါ့လက်မှ မကယ်မလွှတ်နိုင်ဟု မှာလိုက်လေ၏။ ၁၆သူ့ကျွန်တို့သည် ထာဝရအရှင်ဘုရားသခင်တဘက်၊ ဘုရားသခင်၏ကျွန် ဟေဇကိတဘက်၌ သာ၍ပြောဆိုကြ၏။ ၁၇ထိုမှတပါး အခြားသောတိုင်းနိုင်ငံ ဘုရားတို့သည်၊ မိမိလူများကို ငါ့လက်မှ မလွှတ်နိုင်သည်နည်းတူ၊ ဟေဇကိ ကိုးကွယ်သောဘုရားသည်၊ သူ၏လူများကို ငါ့လက်မှ မကယ်လွှတ်ရဟု ဣသရေလအမျိုး၏ ဘုရားသခင် ထာဝရ ဘုရားကို ကဲ့ရဲ့ပြစ်တင်သောစာကိုရေး၍ ပေးလိုက်သေး၏။ ၁၈တဖန် မြို့ရိုးပေါ်မှာရှိသော ယေရုရှလင်မြို့သားတို့ကို ခြိမ်းချောက်နှောက်ရှက်၍ မြို့ကိုတိုက်ယူနိုင်အောင်၊ ယုဒဘာသာစကားအားဖြင့် ကျယ်သောအသံနှင့် ကြွေးကြော် ကြ၏။ ၁၉လူတို့လက်ဖြင့်လုပ်သောဘုရား၊ မြေကြီးသားများကိုးကွယ်သော ဘုရားတို့နှင့် ယေရုရှလင်မြို့ ဘုရားသခင် ကိုရော၍ ကဲ့ရဲ့ကြ၏။

၂ဝထိုအကြောင်းကြောင့်၊ ဟေဇကိမင်းကြီးနှင့် အာမုတ်သား ပရောဖက်ဟေရှာယသည် ဆုတောင်း၍၊ ကောင်းကင်ဘုံသို့ ဟစ်ခေါ်သဖြင့်၊ ၂၁ထာဝရဘုရား စေလွှတ်တော်မူသော ကောင်းကင် တမန်သည် အာရှုရိရှင်ဘုရင် တပ်၌ ခွန်အားကြီးသောသူရဲများ၊ တပ်မှူး၊ စစ်ကဲများအပေါင်းတို့ကို သုတ်သင်ပယ်ရှင်းလေ၏။ ရှင်ဘုရင်သည် မျက်နှာပျက်လျက်၊ မိမိပြည်သို့ပြန်သွား၏၊ မိမိဘုရား၏ ဗိမာန်သို့ရောက်သောအခါ၊ မိမိသားရင်းတို့သည် ထားနှင့် သတ်ကြ၏။ ၂၂ထိုသို့ ထာဝရဘုရားသည်  ဟေဇကိနှင့် ယေရုရှလင်မြို့သားတို့ကို၊ အာရှုရိရှင်ဘုရင်လက်မှ၎င်း၊ အခြားသောရန်သူလက်မှ၎င်း ကယ်လွှတ်၍၊ အရပ်ရပ်၌စောင့်မတော်မူ၏။ ၂၃အများသောသူတို့သည် ယေရုရှလင် မြို့သို့ ထာဝရဘုရားအဘို့ ပူဇော်သက္ကာကို၎င်း၊ ယုဒရှင်ဘုရင်ဟေဇကိထံသို့ လက်ဆောင်ပဏ္ဍာကို၎င်း၊ ဆောင်ခဲ့ ကြသဖြင့်၊ ဟေဇကိသည် ထိုကာလမှစ၍ ခပ်သိမ်းသောလူမျိုးရှေ့မှာ ဘုန်းကြီးတော်မူ၏။

၂၄ထိုကာလအခါ ဟေဇကိမင်းသည် သေနာစွဲ၍ ထာဝရဘုရားအား ဆုတောင်းသဖြင့်၊ ဗျာဒိတ်တော်နှင့် ထူးဆန်းသောတန်ခိုးတော်ကို ခံရ၏။ ၂၅သို့ရာတွင် ဟေဇကိသည် မိမိခံရသော ကျေးဇူးတော်နှင့် အထိုက်အလျောက် မကျင့်၊ ထောင်လွှားသောစိတ်ရှိ၏။ ထိုကြောင့် သူ၌၄င်း၊ ယုဒပြည်နှင့် ယေရုရှလင်မြို့၌၄င်း၊ အမျက်တော်ထွက်လေ၏။ ၂၆သို့ရာတွင် ဟေဇကိသည် မိမိစိတ်ထောင်လွှားသော အပြစ်ကြောင့်၊ ယေရုရှလင်မြို့သားတို့နှင့်တကွ ကိုယ်တိုင် ကိုယ်ကိုနှိမ့်ချသောကြောင့်၊ လက်ထက်တော် ကာလတွင်၊ ထာဝရဘုရား၏ အမျက်တော်မသက်ရောက်။

၂၇ဟေဇကိသည် များစွာသောစည်းစိမ်ဥစ္စာ ဂုဏ်အသရေရှိ၏။ ရွှေ၊ ငွေ၊ ကျောက်မြတ်၊ နံ့သာမျိုး၊ ဒိုင်းလွှား၊ နှမြောဘွယ်သောတန်ဆာ သိုထားရာဘဏ္ဍာတိုက်များကို တည်လေ၏။ ၂၈စပါးကျီများ၊ ဆီ၊ စပျစ်ရည်သိုထားရာ တိုက်များ၊ တိရစ္ဆာန်မျိုးတင်းကုပ်များ၊ သိုးခြံများကိုလည်း လုပ်လေ၏။ ၂၉ကိုယ်အဘို့ မြို့တို့ကိုတည်၍ များစွာသော သိုးနွားတို့ကိုလည်း ဆည်းဖူးလေ၏။ ဘုရားသခင်သည် များစွာသောဥစ္စာကို ပေးသနားတော်မူ၏။ ၃ဝထိုမှတပါး၊ ဟေဇကိသည် ဂိဟုန်အထက်ချောင်းကိုပိတ်၍၊ ဒါဝိဒ်မြို့အနောက်ဘက်သို့ တည့်တည့်စီးစေ၏။ ထိုသို့ ဟေဇကိသည် ပြုလေရာရာ၌ အကြံထမြောက်၏။

၃၁သို့ရာတွင် နိုင်ငံတော်၌ဖြစ်သော အံ့ဘွယ်သောအမှုကို မေးမြန်းစေခြင်းငှါ၊ ဗာဗုလုန်မင်းတို့သည် သံတမန် ကို စေလွှတ်သောအမှုမှာ၊ ဟေဇကိမင်း၏သဘောကို အကုန်အစင်သိခြင်းငှါ၊ ဘုရားသခင်သည် စုံစမ်း၍ အလွတ် ထားတော်မူ၏။

၃၂ဟေဇကိပြုမူသော အမှုအရာ ကြွင်းလေသမျှနှင့် ကျေးဇူးပြုခြင်းအရာသည် အာမုတ်သာ ပရောဖက် ဟေရှာယ၏ ရူပါရုံကျမ်း၊ ယုဒရာဇဝင်၊ ဣသရေလရာဇဝင်၌ ရေးထားလျက်ရှိ၏။ ၃၃ဟေဇကိသည် ဘိုးဘေးတို့နှင့် အိပ်ပျော်၍၊ ဒါဝိဒ်၏သားတော် မြေးတော်တို့သင်္ချိုင်းတွင် အမြတ်ဆုံးသောသင်္ချိုင်း၌ သင်္ဂြိုဟ်ခြင်းကို ခံလေ၏။ ယုဒပြည်သူ ယေရုရှလင်မြို့သား အပေါင်းတို့သည် ဟေဇကိအနိစ္စ ရောက်သောအခါ၊ ဂုဏ်အသရေကို မြှောက် ကြ၏။ သားတော် မနာရှေသည် ခမည်းတော်အရာ၌ နန်းထိုင်၏။