၆ရာ အခန်းကြီး(၃၅)


၁တဖန် ယောရှိမင်းသည် ယေရုရှလင်မြို့၌ ထာဝရဘုရားအဘို့ ပသခါပွဲကိုခံတော်မူ၍ ပဌမလ တဆယ်လေးရက်နေ့တွင်၊ ပသခါ သိုးသငယ်ကိုသတ်ကြ၏။ ၂ယဇ်ပုရောဟိတ်တို့ကို မိမိတို့အရာ၌ခန့်ထား၍၊ ဗိမာန်တော်အမှုကို စောင့်စေခြင်းငှါနှိုးဆော်တော်မူ၏။ ၃ဣသရေလအမျိုးရှိသမျှကိုသွန်သင်၍၊ ထာဝရဘုရား အဘို့ သန့်ရှင်းသောလေဝိသားတို့ကိုခေါ်၍၊ ဣသရေလရှင်ဘုရင် ဒါဝိဒ်သား ရှောလမုန် တည်ဆောက်သော အိမ်၌သန့်ရှင်း သောသေတ္တာတော်ကို သွင်းထားကြလော့။ နောက်တဖန် သေတ္တာတော်ကို မထမ်းဘဲ၊ သင်တို့၏ ဘုရားသခင်ထာဝရ ဘုရားအမှု၊ ဘုရားသခင်၏လူ ဣသရေလအမျိုး၏ အမှုကို ထမ်းကြလော့။ ၄ဣသရေလရှင်ဘုရင် ဒါဝိဒ်မှတ်စာ၊ သားတော်ရှောလမုန်မှတ်စာနှင့် အညီ သင်းဖွဲ့သည်အတိုင်း၊ အဆွေအမျိုးအလိုက် ကိုယ်ကိုပြင်ဆင်၍၊ ၅ပြည်သူပြည်သားဖြစ်သော သင်တို့ညီအစ်ကိုအဘတို့ အဆွေအမျိုးနှင့် လေဝိသားအဆွေအမျိုး အသီးအသီးနေရာ ရှိသည်အတိုင်း၊ သန့်ရှင်းရာဌာနာတော်၌ ရပ်နေကြလော့။ ၆ထိုသို့ ပသခါသိုးသငယ်ကိုသတ်၍ ကိုယ်ကိုသန့်ရှင်းစေ ကြလော့။ သင်တို့ ညီအစ်ကိုတို့သည် မောရှေအား ဖြင့် ထာဝရဘုရား မှာထားတော်မူသည် အတိုင်းပြုစေခြင်းငှါ၊ သူတို့ကိုလည်းပြင်ဆင်ကြလော့ဟု မိန့်တော်မူ၏။ ၇စည်းဝေးသောသူ အပေါင်းတို့သည် ပသခါပွဲခံစရာဘို့၊ ယောရှိမင်း သည် မိမိဥစ္စာ၊ သိုးသငယ်၊ ဆိတ်သငယ် သုံးသောင်းနှင့် နွားသုံးထောင်ကို ပေးတော်မူ၏။ ၈မှူးမတ်တို့သည်လည်း၊ စေတနာစိတ်ရှိ၍ လူများ၊ ယဇ်ပုရောဟိတ်၊ လေဝိသားတို့အားပေးကြ၏။ ဗိမာန်တော်မှူးဟိလခိ၊ ဇာခရိ၊ ယေဟေလ သည်လည်း၊ ပသခါပွဲကိုခံစရာဘို့ သိုးဆိတ်နှစ်ထောင် ခြောက်ရာနှင့် နွားသုံးရာကိုယဇ်ပုရောဟိတ်တို့အားပေးကြ၏။  ၉လေဝိသားအကြီးအကဲ ၊ ကောနနိ၊ ရှေမာယ၊ ဟာရှဘိ၊ ယေယေလ၊ ယောဇဗဒ်၊ နာသနေလနှင့် သူ၏ညီများတို့သည်လည်း၊ ပသခါပွဲခံစရာဘို့ သိုးဆိတ်ငါးထောင်နှင့် နွားငါးရာကို လေဝိသားတို့အား ပေးကြ၏။ ၁ဝထိုသို့ရှင်ဘုရင်အမိန့်တော်အတိုင်း၊ ဝတ်ပြုစရာ ပြင်ဆင်၍ ယဇ်ပုရောဟိတ်တို့သည် မိမိတို့နေရာ၌ရပ်၍၊ လေဝိသား တို့သည်မိမိတို့ အမှုကိုဆောင်ရွက်ကြ၏။ ၁၁ပသခါသိုးသငယ်ကိုသတ်၍၊ ယဇ်ပုရောဟိတ်တို့သည် အသွေးကိုလက်နှင့် ဖြန်းလျက်၊ လေဝိသားတို့သည် အရေကိုခွါလျက်ပြုကြ၏။ ၁၂မောရှေကျမ်းစာ၌ ရေးထားသည်အတိုင်း၊ ထာဝရဘုရား အားပူဇော်စရာဘို့ လူများအဆွေအမျိုးအလိုက် အသီးအသီးတို့အားပေးဝေခြင်းငှါ၊ မီးရှို့ရာယဇ်များနှင့် နွားများကို ခွဲထားကြ၏။ ၁၃ထုံးဖွဲ့တော်မူသည်အတိုင်း၊ ပသခါသိုးသငယ်ကို မီးနှင့်ကင်ကြ၏။ သန့်ရှင်းသော ပူဇော်သက္ကာ အခြားတို့ကို မြေအိုး၊ သံအိုး၊ သံကရား၌ ပြုတ်၍ လူအပေါင်းတို့အား အလျင်အမြန်ဝေဖန်ကြ၏။ ၁၄ထိုနောက်မှ ကိုယ်အဘို့နှင့် ယဇ်ပုရောဟိတ်အဘို့ကို ပြင်ဆင်ကြ၏။ အာရုန်သား ယဇ်ပုရောဟိတ်တို့သည် ညဦးတိုင်အောင် မီးရှို့ရာယဇ်နှင့် ဆီဥကိုပူဇော်လျက် နေရသောကြောင့်၊ လေဝိသားတို့သည် ကိုယ်အဘို့ကို၎င်း၊ အာရုန်သား ယဇ်ပုရောဟိတ်အဘို့ကို၎င်း ပြင်ဆင်ကြ၏။ ၁၅ဒါဝိဒ်နှင့် ရှင်ဘုရင်၏ ပုရောဖက်အာသပ်၊ ဟေမန်၊ ယေဒုသုန် တို့စီရင် သည်အတိုင်း၊ အာသပ်အမျိုးသား သီချင်းသည်တို့သည် မိမိတို့နေရာ၌ ရှိကြ၏။ တံခါးစောင့်တို့သည် မိမိတို့အမှု ကိုမရှောင်၊ တံခါးရှိသမျှတို့ကို စောင့်ကြ၏။ သူတို့ညီအစ်ကို လေဝိသားတို့သည် သူတို့အဘို့ပြင်ဆင်ကြ၏။ ၁၆ထိုသုို့ ယောရှိမင်းကြီးမိန့်တော်မူသည်အတိုင်း ပသခါပွဲကိုခံ၍၊ ထာဝရဘုရား၏ ယဇ်ပလ္လင်ပေါ်မှာ မီးရှို့ရာယဇ်တို့ကို ပူဇော်ခြင်းငှါ ထာဝရဘုရားအားပြုရသော ဝတ်အလုံးစုံကို၊ ထိုနေ့ခြင်းတွင် ပြင်ဆင်ကြ၏။ ၁၇စည်းဝေးသော ဣသရေလအမျိုးသားတို့သည် ထိုအခါပသခါပွဲကို၎င်း၊ အဇုမပွဲကို၎င်း၊ ခုနစ်ရက်ပတ်လုံး ခံကြ၏။ ၁၈ယောရှိမင်းနှင့် ယဇ်ပုရောဟိတ်၊ လေဝိသား၊ စည်းဝေးသောယုဒပြည်၊ ဣသရေလပြည်သား၊ ယေရုရှလင်မြို့သားအပေါင်းတို့ခံသော ထိုပသခါပွဲကဲ့သို့သော ပွဲကိုပရောဖက် ရှမွေလလက်ထက်မှစ၍၊ ဣသရေလနိုင်ငံ၌ မခံ။ ထိုသို့သော ပသခါပွဲကို ဣသရေလရှင်ဘုရင်တယောက်မျှမခံ။ ၁၉ယောရှိမင်း နန်းစံဆယ်ရှစ်တွင် ထိုပသခါပွဲကိုခံကြ၏။

၂ဝထိုနောက်မှ၊ ယောရှိသည် ဗိမာန်တော်ကို ပြင်ဆင်ပြီးမှ၊ အဲဂုတ္တုရှင်ဘုရင် နေခေါသည် ဥဖရတ်မြစ်နား၊ ခါခေမိတ်မြို့သို့စစ်ချီသည်တွင်၊ ယောရှိမင်းသည်ဆီးတားခြင်းငှါ၊ ထွက်လေ၏။ ၂၁အဲဂုတ္တုရှင်ဘုရင်က၊ အိုယုဒရှင်ဘုရင်၊ သင်သည် ငါနှင့်အဘယ်သို့ဆိုင်သနည်း။ သင့်ကိုယနေ့ငါစစ်ချီသည် မဟုတ်။ ငါနှင့် စစ်တိုက်ဘက်ဖြစ်သော အမျိုးကိုစစ်ချီ၏။ ငါအလျင်အမြန်ပြုမည်အကြောင်း ဘုရားသခင်မှာထားတော်မူပြီ။ ငါဘက်၌ရှိသော ဘုရားသခင်ကို ဆန့်ကျင်ဘက်မပြုဘဲနေလော့။ သို့မဟုတ်သင့်ကို ဖျက်ဆီးတော်မူပြီဟု သံတမန်စေလွှတ်၍၊ မှာလိုက်လေ၏။ ၂၂သို့ရာတွင်ယောရှိသည် မလွှဲမရှောင်၊ နေခေါဆင့်ဆိုသော ဘုရားသခင်၏ အမိန့်တော်ကို နားမထောင်၊ စစ်တိုက်ခြင်းငှါ၊ ခြားနားသောအယောင်ကိုဆောင်လျက်၊ မေဂိဒ္ဒေါချိုင့်၌ စစ်ပွဲထဲသို့ဝင်လေ၏။ ၂၃လေးသူရဲတို့သည် ယောရှိမင်းကို ပစ်၍မှန်သဖြင့်၊ မင်းကြီးကငါ့ကိုဆောင်သွားလော့။ ပြင်းစွာအထိအခိုက်ခံရသည်ဟု ကျွန်တို့အား ဆိုလျှင်၊ ၂၄ကျွန်တို့သည် ရထားတော်ပေါ်ကချ၍၊ ဒုတိယရထားတော်ပေါ်၌တင်ပြီးလျှင် ယေရုရှလင်မြို့သို့ ဆောင်သွားသောအခါ၊ အနိစ္စရောက်၍ ဘိုးဘေးတို့သင်္ချိုင်း၌ သင်္ဂြိုဟ်ခြင်းကိုခံလေ၏။ ယုဒပြည်သူ၊ ယေရုရှလင်မြို့သားအပေါင်းတို့သည်၊ ယောရှိမင်း အနိစ္စရောက်သောကြောင့်၊ ငိုကြွေးမြည်တမ်းခြင်းကိုပြုကြ၏။ ၂၅ယေရမိသည်လည်း မြည်တမ်းသော စကားကိုစီရင်၍၊ သီချင်းသည် ယောက်ျားမိန်းမရှိသမျှတို့သည်၊ ယနေ့တိုင်အောင် ယောရှိမင်းကိုအောက်မေ့လျက်၊ ထိုမြည်တမ်းသော စကားကို သုံးဆောင်သဖြင့်၊ ဣသရေလထုံးစံဖြစ်လေ၏။ ထိုစကားသည် မြည်တမ်းစာ၌ ရေထား လျက်ရှိသတည်း။

၂၆ယောရှိပြုမူသော အမှုအရာကြွင်းလေသမျှတို့နှင့် ထာဝရဘုရား၏ ပညတ္တိကျမ်း၌ ရေးထားသည်အတိုင်း၊ ကျေးဇူးပြုခြင်း၊ ၂၇အကျင့်ကျင့်ခြင်း၊ အရာအစအဆုံးတို့သည်၊ ဣသရေလရာဇဝင်နှင့် ယုဒရာဇဝင်၌ ရေးထားလျက် ရှိ၏။