၆ရာ အခန်းကြီး(၈)


၁ရှောလမုန်သည် ဗိမာန်တော်နှင့်နန်းတော်ကို တည်ဆောက်၍ အနှစ်နှစ်ဆယ်စေ့သောအခါ၊ ၂ဟိရံမင်း ပြန်ပေးသောမြို့တို့ကို ရှောလမုန်ပြုပြင်၍ ဣသရေလအမျိုးသားတို့ကို နေစေ၏။  ၃တဖန် ဟာမတ်ဇောဘမြို့သို့ ချီသွား၍နိုင်လေ၏။ ၄ပြည်ထဲမှာ တာဒမော်မြို့၊ ဟာမတ်  မြို့၌ရှိသမျှသော ဘဏ္ဍာတော်မြို့၊ ၅မြို့ရိုး၊ တံခါး၊ ကန့်လန့်ကျင်နှင့် ခိုင်ခန့်သော အထက်ဗေသောရုန်မြို့နှင့် အောက်ဗေသော ရုန်မြို့တို့ကိုလည်း တည်လေ၏။ ၆ဗာလတ်မြို့နှင့် ဘဏ္ဍာတော်မြို့များ၊ ရထားတော်ထိန်းသော မြို့များ၊ မြင်းတော်ကျွေးသောမြို့များ၊ ယေရုရှလင်မြို့ပတ်လည်၊ လေဗနုန်တောင်ပေါ်၊ နိုင်ငံတော်အရပ်ရပ်၌ တည်ချင် သောမြို့များတို့ကိုလည်း တည်လေ၏။

၇-၈ဣသရေလအမျိုးသား မဖျက်ဆီးသောကြောင့်၊ ပြည်တော်၌ ကျန်ကြွင်းသော တပါးအမျိုးသား၊ ဟိတ္တိ၊ အာမောရိ၊ ဖေရဇိ၊ ဟိဝိ၊ ယေဗုသိအမျိုးအနွယ် သားစဉ်မြေးဆက်အပေါင်းတို့ကို ရှောလမုန်သည် ယနေ့တိုင်အောင် အခွန်ပေးစေ၏။ ၉ဣသရေလအမျိုးသားတို့ကိုကား၊ ရှောလမုန်သည် အမှုတော်ထမ်း ကျွန်မခံစေ။ စစ်သူရဲ၊ မှူးမတ်၊ စစ်ကဲ၊ ရထားတော်အုပ်၊ မြင်းတော်အုပ်အရာ၌ ခန့်ထားတော်မူ၏။ ၁ဝအမှုတော်ထမ်းများကို အုပ်သောသူ၊ ရှောလမုန်မင်း ခန့်ထားသော မှူးမတ်ကြီး နှစ်ရာငါးဆယ်ရှိကြ၏။ ၁၁ဖာရောဘုရင်၏သမီးတော်ကို၊ ရှောလမုန်သည်  ဒါဝိဒ်မြို့မှခေါ်၍ သူ့အဘို့တည်ဆောက် သောနန်းတော်သို့ ဆောင်ခဲ့၏။ အကြောင်းမူကား၊ ထာဝရဘုရား၏ သေတ္တာတော်ရောက်လာသော အရပ်သည် သန့်ရှင်းသောကြောင့်၊ ငါ့မယားသည် ဣသရေလရှင်ဘုရင် ဒါဝိဒ်အိမ်တော်၌ မနေသင့်ဟု သဘောရှိ၏။ ၁၂ဗိမာန် တော်ဦးရှေ့မှာတည်သော ထာဝရဘုရား၏ ယဇ်ပလ္လင်ပေါ်မှာ၊ ရှောလမုန်သည် မောရှေ၏ပညတ်တရားနှင့်အညီ၊ နေ့တိုင်း မည်မျှပူဇော်ရသော မီးရှို့ရာယဇ်ကို ထာဝရဘုရားအား နေ့တိုင်းပူဇော်လေ့ရှိ၏။ ၁၃ထိုမှတပါး ဥပုသ်နေ့နှင့် လဆန်းနေ့၌၄င်း၊ အဇုမပွဲ၊ ခုနစ်သီတင်းပွဲ၊ သကေနေပွဲတည်း ဟူသော တနှစ်တနှစ်လျှင် ဓမ္မပွဲသုံးပွဲခံသောနေ့၌၄င်း ယဇ်ပူဇော်လေ့ရှိ၏။ ၁၄ခမည်းတော်ဒါဝိဒ်စီရင်သည်အတိုင်း၊ ယဇ်ပုရောဟိတ်တို့သည် အလှည့်လှည့် ယဇ်ပုရောဟိတ် အမှုကို၎င်း၊ လေဝိသားတို့သည် နေ့ရက်အစဉ်ပြုသင့်သည်အတိုင်း၊ ယဇ်ပုရောဟိတ်တို့နှင့်ရော၍ ထောမနာသီချင်း ဆိုသဖြင့်၊ မိမိတို့အမှုကို၎င်း၊ တံခါးစောင့်တို့သည် အလှည့်လှည့်တံခါး ရှိသမျှတို့ကို စောင့်ခြင်းအမှုကို၎င်း၊ အသီး အသီးဆောင်ရွက်စေခြင်းငှါ ခန့်ထား၏။ ထိုသို့ ဘုရားသခင်၏လူ ဒါဝိဒ်မှာထားနှင့်သတည်း။ ၁၅အမှုတော်များ၊ ဘဏ္ဍာတော်များနှင့် ဆိုင်သောအရာမှာ ရှင်ဘုရင်မှာထားသမျှအတိုင်း ထိုသူတို့သည် ပြုကြ၏။ ၁၆ထာဝရဘုရား၏ အိမ်တော် အမြစ်မချမှီ လက်စသတ်သည်တိုင်အောင်၊ ရှောလမုန်လုပ်ဆောင်ရန် အမှုရှိသမျှသည် အသင့်ပြင်ဆင်ပြီး ဖြစ်၍၊ အိမ်တော်ကို လက်စသတ်လေ၏။

၁၇တဖန် ရှောလမုန်သည် ဧဒုံပြည်တွင်၊ ပင်လယ်ကမ်းနား၌ ဧဇယုန်ဂါဗာမြို့နှင့် ဧလုတ်မြို့သို့သွား၏။ ၁ဟိရံသည်လည်း ပင်လယ်ကူးသောအမှုကို နားလည်သော မိမိလူများ၊ သင်္ဘောများကို မိမိကျွန်တို့နှင့်အတူ ရှေလမုန်ထံသို့စေလွှတ်သဖြင့်၊ သူတို့သည် ရှေလမုန်မင်း၏ ကျွန်တို့နှင့်အတူ သြဖိရမြို့သို့သွား၍ ရွှေအခွက် လေးရာငါးဆယ်ကို ရှောလမုန်မင်းကြီးထံသို့ ဆောင်ခဲ့ကြ၏။