၅ရာ အခန်းကြီး(၁၆)


၁ထိုသို့ ဘုရားသခင်၏သေတ္တာတော်ကို ဆောင်ခဲ့၍ ဒါဝိဒ်ဆောက်နှင့်သော တဲအလယ်၌ထားပြီးမှ၊ မီးရှို့ရာယဇ်နှင့် မိဿဟာယယဇ်တို့ကို ဘုရားသခင့်ရှေ့တော်၌ ပူဇော်ကြ၏။ ၂မီးရှို့ရာယဇ်နှင့် မိဿဟာယယဇ် ပူဇော်ခြင်းအမှုကို ဒါဝိဒ်မင်းသည် ပြီးစီးစေသောအခါ၊ ထာဝရဘုရား၏ နာမတော်ကိုမြွက်၍ ပရိသတ်တို့ကို ကောင်းကြီးပေးလေ၏။ ၃ဣသရေလလူယောက်ျားမိန်းမ အပေါင်းတို့အား မုန့်တပြား၊ အမဲသားတတစ်၊ စပျစ်သီး ပျဉ်တပြားစီ ဝေငှတော်မူ၏။

၎တဖန် ထာဝရဘုရား၏ သေတ္တာတော်ရှေ့မှာ အမှုတော်ကိုဆောင်ရွက်၍ ဣသရေလအမျိုး၏ဘုရား သခင် ထာဝရဘုရား၏ ဂုဏ်ကျေးဇူးတော်ကို အလှည့်အတိုင်း ချီးမွမ်းစေခြင်းငှါ ခန့်ထားတော်မူသော လေဝိသားများ ဟူမူကား၊ ၅ခွက်ကွင်းတီးသောအကြီးအကဲ အာသပ်၊ သူ့နောက်စောင်းတယောတီးသော ဇာခရိ၊ ယေလ၊ ရှေမိ၊ ယာမုတ်၊ ယေဟေလ၊ မတ္တိသိ၊ ဧလျာဘ၊ ဗေနာယ၊ သြဗဒေဒုံ၊ ယေလတစုနှင့်၊ ၆ဘုရားသခင်၏ ပဋိညာဉ်သေတ္တာ တော်ရှေ့မှာ အစဉ်တံပိုးမှုတ်သော ယဇ်ပုရေဟိတ်ဗေနာယနှင့် ယဟာဇေလတည်း။

၇ထိုနေ့၌ ဒါဝိဒ်သည် အာသပ်နှင့်သူ့ညီတို့အား အပ်သောထာဝရဘုရား၏ ကျေးဇူးတော်ကို ချီးမွမ်းရာ ဆာလံသီချင်း သစ်ဟူမူကား၊ ၈ထာဝရဘုရား၏ ဂုဏ်ကျေးဇူးတော်ကို ချီးမွမ်းကြလော့။ နာမတော်ကို ပဌနာပြုကြလော့။ အမှုတော် တို့ကို လူများတို့အား ပြသကြလော့။ ၉ထာဝရဘုရားကို သီချင်းဆိုကြလော့။ ဆာလံသီချင်းကိုဆိုကြလော့။ အံ့ဘွယ်သောအမှုတော်အပေါင်းတို့ကို ဟောပြောကြလော့။ ၁ဝသန့်ရှင်းသော နာမတော်၌ ဝါကြွား ဝမ်းမြှောက်ကြလော့။ ထာဝရဘုရားကို ရှာသောသူတို့သည် စိတ်နှလုံးရွှင်လန်းကြစေ။ ၁၁ထာဝရဘုရားနှင့် တန်ခိုးတော်ကို ရှာကြလော့။ မျက်နှာတော်ကို အစဉ်မပြတ်ရှာကြလော့။ ၁၂စီရင်တော်မူသော အံ့ဘွယ်တို့ကို၎င်း၊ ထူးဆန်းသော အမှုတော်တို့နှင့် နှုတ်တော်ထွက်ပညတ်တော် တို့ကို၎င်း၊ အောက်မေ့ကြလော့။ ၁၃ထာဝရဘုရား၏ကျွန် ဣသရေလအမျိုး ရွေးကောက်တော်မူသော ယာကုပ်အနွှယ်တို့၊ ၁၄ကိုယ်တော်မြတ် ထာဝရဘုရားသည် ငါတို့ဘုရားသခင် ဖြစ်တော်မူ၏။ မြေတပြင်လုံး၌ စီရင်ပိုင်တော်မူ၏။ ၁၅-၁၉ငါသည် သင်တို့အမွေခံရာဘို့၊ ခါနာန်ပြည်ကို သင်၌ပေးမည်ဟု  ငါတို့အမျိုးသည် အရေအတွက်အားဖြင့် မများ၊ အလွန်နည်း၍၊ ထိုပြည်၌ ဧည့်သည်ဖြစ်လျက်နေသောအခါ၊ အာဗြဟံ၌ ဂတိထား၍ ဣဇာက်၌ ကျိန်ဆိုတော်မူလျက်၊ ယာကုပ်၌မြဲမြံသောတရား၊ ဣသရေလ၌ နိစ္စထာဝရ ပဋိညာဉ်ဖြစ်စေခြင်းငှါ၊ လူမျိုး အဆက်ဆက် တထောင်တိုင်အောင် မိန့်မြွက်တော်မူသော နှုတ်ကပတ်တည်းဟူသော ဝန်ခံခြင်းတရားတော်ကို အစဉ်အမြဲအောက်မေ့တော်မူ၏။ ၂ဝသူတို့သည် တမြို့မှတမြို့သို့၎င်း၊ တနိုင်ငံမှတနိုင်ငံသို့ ၄င်း၊ လှည့်လည်၍သွားကြသောအခါ၊ ၂၁သူတို့ကိုညှဉ်းဆဲစေခြင်းငှါ အဘယ်သူအားမျှ အခွင့်ပေးတော်မမူ။ သူတို့ အတွက်လည်း ရှင်ဘုရင်တို့ကို ဆုံးမလျက်၊ ၂၂ငါ့ထံ၌  ဘိသိက်ခံသောသူတို့ကို မထိမခိုက်နှင့်။ ငါ့ပရောဖက်တို့ကို အပြစ်မပြုနှင့်ဟု မိန့်တော်မူ၏။

၂၃မြေကြီးသားအပေါင်းတို့၊ ထာဝရဘုရားအား သီချင်းဆိုကြလော့။ ကယ်တင်တော်မူခြင်းရားကို တနေ့ထက် တနေ့ညွှန်ကြားကြလော့။ ၂၄ဘုန်းတော်ကို တပါးအမျိုးသားတို့၌၄င်း၊ အံ့ဘွယ်သောအမှုတော်တို့ကို ခပ်သိမ်းသော လူမျိုးတို့၌၄င်း ဘော်ပြကြလော့။ ၂၅ထာဝရဘုရားသည် ကြီးမြတ်၍၊ အလွန်ချီးမွမ်းဘွယ်ဖြစ်တော် မူ၏။ ဘုရားတကာ တို့ထက် ကြောက်ရွံ့ဘွယ်ဖြစ်တော်မူ၏။ ၂၆တပါးအမျိုးသားတို့၏ ဘုရားရှိသမျှတို့သည် အချည်းနှီးသက်သက် ဖြစ်ကြ၏။ ထာဝရဘုရားဟူမူကား၊ မိုဃ်းကောင်းကင်ကို ဖန်ဆင်းတော်မူ၏။ ၂၇ဘုန်းတန်ခိုးအာနုဘော်သည် ရှေ့တော်၌ရှိ၏။ အစွမ်းသတ္တိနှင့် ဝမ်းမြောက်ခြင်းအကြောင်းလည်း နေတော်မူရာ၌ရှိ၏။ ၂၈လူအမျိုးမျိုးတို့၊ ထာဝရ ဘုရားသည် ဘုန်းတန်ခိုးအစွမ်းသတ္တိ ရှိတော်မူသည်ဟု ဝန်ခံကြလော့။ ရှိတော်မူသည်ဟု ဝန်ခံကြလော့။ ၂၉ထာဝရ ဘုရား၏ နာမတော်သည် ဘုန်းကြီးတော်မူသည်ဟု ဝန်ခံကြလော့။ ပူဇော်သက္ကာကို ဆောင်ခဲ့လျက် ရှေ့တော်သို့ ချဉ်းကပ်ကြလော့။ သန့်ရှင်းသောတန်ဆာကိုဆင်၍ ထာဝရဘုရားကို ကိုးကွယ်ကြလော့။ ၃ဝမြေကြီးသားအပေါင်းတို့၊ ရှေ့တော်၌ ကြောက်ရွံ့ခြင်းရှိကြလော့။ လောကဓါတ်သည် မလှုပ်မရှားနိုင်အောင် မြဲမြံစွာတည်လိမ့်မည်။ ၃၁ကောင်းကင်သည် ဝမ်းမြောက်ခြင်းရှိစေ။ မြေကြီးသည်လည်း ရွှင်လန်းခြင်းရှိစေ။ ထာဝရဘုရား စိုးစံတော်မူပါသည် ဟု တပါးအမျိုးသားတို့တွင် ဟောပြောကြစေ။ ၃၂ပင်လယ်နှင့် ပင်လယ်တန်ဆာသည် အသံဗလံပြုစေ။ လယ်ပြင်နှင့် လယ်ပြင်၌ရှိသမျှ သည်လည်း ဝမ်းမြောက်စေ။ ၃၃ထိုအခါ တော၌ရှိသမျှသော အပင်တို့သည် ထာဝရဘုရားရှေ့ တော်၌ ရွှင်လန်းစွာသီချင်း ဆိုကြလိမ့်မည်။ အကြောင်းမူကား၊ ကိုယ်တော်သည် မြေကြီးသားတို့ကို တရားစီရင် ခြင်းငှါ ကြွလာတော်မူ၏။ ၃၄ထာဝရဘုရားသည် ကောင်းမြတ်တော်မူ၍၊ ကရုဏာတော် အစဉ်အမြဲတည်သောကြောင့်၊ ဂုဏ်ကျေးဇူးကို ချီးမွမ်းကြလော့။ ၃၅အကျွန်ုပ်တို့ကို ကယ်တင်တော်မူသောဘုရား၊ အကျွန်ုပ်တို့သည် သန့်ရှင်းသော နာမတော် ဂုဏ်ကျေးဇူးကိုဝန်ခံ၍ ကျေးဇူးတော်ကို ချီးမွမ်းခြင်း၌ဝါကြွား ဝမ်းမြောက်မည် အကြောင်း အကျွန်ုပ်တို့ကို ကယ်တင်တော်မူပါ။ တပါးအမျိုးသားထဲကနှုတ်၍ စုဝေးစေတော်မူပါဟု မြွက်ဆိုကြ လော့။ ၃၆ဣသရေလအမျိုး၏ ဘုရားသခင် ထာဝရဘုရားသည် ကမ္ဘာအဆက်ဆက် မင်္ဂလာရှိစေသတည်း ဟု သီချင်းဆိုကြသောအခါ၊ လူများအ ပေါင်းတို့သည် အာမင်ဟုဝန်ခံလျက် ထာဝရဘုရား၏ဂုဏ်တော်ကို ချီးမွမ်းကြ၏။

၃၇ထာဝရဘုရား၏ ပဋိညာဉ်သေတ္တာတော်ရှေ့မှာ နေ့တိုင်းဆောင်ရွက်စရာအမှုကို အစဉ်အမြဲဆောင်ရွက် စေခြင်းငှါ၊ အာသပ်နှင့်သူ၏ညီတို့ကို၎င်း၊ ၃၈သြဗဒေဒုံနှင့်ညီခြောက်ကျိပ်ရှစ်ယောက်၊ တံခါးစောင့် ဟောသံနှင့်ယေဒုသုန် သား သြဗဒေဒုံတို့ကို၎င်း၊ သေတ္တာတော်ရှေ့မှာ ထားတော်မူ၏။ ၃၉-၄ဝမီးရှို့ရာယဇ်ပလ္လငိ ပေါ်မှာ နေ့ရက်အစဉ်အတိုင်း၊ နံနက်တခါ၊ ညဦးတခါ၊ ထာဝရဘုရားအား မီးရှို့ရာယဇ်တို့ကိုပူဇော်၍ ဣသရေလအမျိုး၌ ထာဝရဘုရား ထားတော် မူသော ပညတ္တိကျမ်းစာ၌ ပါသမျှအတိုင်း ပြုစေခြင်းငှါ၊ ဂိဗောင်မြို့၌ မြင့်သောအရပ်ပေါ်မှာရှိသော ထာဝရဘုရား၏ တဲတော်ရှေ့တွင် ယဇ်ပုရောဟိတ် ဇာဒုတ်နှင့် သူ၏ညီ ယဇ်ပုရောဟိတ်များကိုလည်း ထားတော်မူ၏။ ၄၁ထာဝရ ဘုရား၏ ကရုဏာတော်သည် အစဉ်အမြဲတည် သောကြောင့် ဂုဏ်ကျေးဇူးတော်ကို ချီးမွမ်းစေခြင်းငှါ၊ ၄၂သီချင်းသည် တို့၏အဆောင်၊ တံပိုး၊ ခွက်ကွင်းအစရှိသော ဘုရားသခင်၏ တုရိယာမျိုးကို ကိုင်သောဟေမန်နှင့် ယေဒုသုန်အစရှိ သော ရွေးကောက်၍ စာရင်းသွင်းသောသူ အခြားတို့ကိုလည်း ထားတော်မူ၏။ ယေဒုသုန်သားတို့သည်လည်း တံခါးစောင့်ဖြစ်ကြ၏။ ၄၃ထိုနောက်မှ လူအပေါင်းတို့သည် မိမိနေရာသို့ ပြန်သွားကြ၏။ ဒါဝိဒ်သည်လည်း နန်းတော် သားတို့ကို ကောင်းကြီးပေး စေခြင်းငှါ သွားတော်မူ၏။