၅ရာ အခန်းကြီး(၂၇)


၁ရှင်ဘုရင်အမှုတော်ကို စောင့်သောဣသရေလ အမျိုးသားတို့သည် အဆွေအမျိုးသူကြီး၊ လူတထောင်အုပ်၊ တရာအုပ်၊ အရာရှိတို့နှင့်တကွ၊ တနှစ်တွင် တဆယ်နှစ်လအစဉ်အတိုင်း တပ်ဖွဲ့၍၊ တလစီတလစီ အလှည့်လှည့် စောင့်ရသောတပ်သား အမှုထမ်းနှစ်သောင်းလေးထောင်စီ ရှိကြ၏။ ၂ပဌမလတွင် ပဌမတပ်ကို အုပ်သောဗိုလ်မင်းကား၊ ဇာဗဒေလသား ယာရှောဗံနှင့် တပ်သားပေါင်းနှစ်သောင်းလေးထောင်တည်း။ ၃ထိုမင်းသည် ဖာရက်အမျိုးသား ဖြစ်၍၊ ပဌမလတွင် အမှုစောင့်သော တပ်မှူးအပေါင်းတို့ကို အုပ်ရ၏။ ဒုတိယလတွင် အမှုစောင့်သောတပ်ကို အုပ်သောဗိုလ်မင်းကား၊ အဟောဟိအမျိုးသား ဒေါဒဲနှင့်စစ်ကဲမိကလုပ်၊ တပ်သားပေါင်း နှစ်သောင်းလေးထောင် တည်း။ ၅တတိယလနှင့်ဆိုင်သော တတိယတပ်ဗိုလ်မင်းကား၊ ယဇ်ပုယောဟိတ်ကြီး ယောယဒသား ဗေနာယနှင့် တပ်သားပေါင်း နှစ်သောင်းလေးထောင်တည်း။ ၆ထိုမင်းသည် ဗိုလ်စုတွင် ကျော်စောသောသူ၊ ဗိုလ်ချုပ်အရာရှိသော သူဖြစ်၏။ သူ၏သား အမိဇဗဒ်သည်လည်း တပ်မှူးအရာကိုရ၏။ ၇စတုတ္ထလတွင် စတုတ္ထဗိုလ်မင်းကား၊ ယွာဘညီ အာသဟေလ၊ စစ်ကဲကား အာသဟေလသား ဇေဗဒိ၊ တပ်သားပေါင်း နှစ်သောင်းလေးထောင်တည်း။ ၈ပဉ္စမလတွင် ပဉ္စမဗိုလ်မင်းကား ဣဇဟာအမျိုး ရှံဟုတ်၊ တပ်သားပေါင်း နှစ်သောင်းလေးထောင်တည်း။ ၉ဆဋ္ဌမလတွင် ဆဋ္ဌဗိုလ် မင်းကား တေကောမြို့သား၊ ဣကေရှ၏သား ကောရ၊ တပ်သားပေါင်း နှစ်သောင်းလေးထောင်တည်း။ ၁ဝသတ္တမလ တွင် သတ္တမဗိုလ်မင်းကား ဧဖရိမ်အမျိုး၊ ပေလောနိအနွှယ်ဖြစ်သော ဟေလက်၊ တပ်သားပေါင်း နှစ်သောင်းလေး ထောင်တည်း။ ၁၁အဋ္ဌမလတွင် အဋ္ဌမဗိုလ်မင်းကား ဇာရအမျိုး၊ ဣရှသိအနွှယ်ဖြစ်သော သိဗေကဲ၊ တပ်သားပေါင်း နှစ်သောင်းလေးထောင်တည်း။ ၁၂နဝမလတွင် နဝမဗိုလ်မင်းကား ဗင်္ယာမိန်အမျိုး၊ အနေသောသိအနွှယ်ဖြစ်သော အဗျေဇာ၊ တပ်သားပေါင်း နှစ်သောင်းလေးထောင်တည်း။ ၁၃ဒသမလတွင် ဒသမဗိုလ်မင်းကား ဇာရအမျိုး၊ နေတောဖာသိအနွှယ်ဖြစ်သော မဟာရဲ၊ တပ်သားပေါင်း နှစ်သောင်းလေးထောင်တည်း။ ၁၄ဧကဒသမလတွင် ဧကဒသမဗိုလ်မင်းကား ဧဖရိမ်အမျိုး၊ ပိရသောနိအနွှယ်ဖြစ်သော ဗေနာယ၊ တပ်သားပေါင်း နှစ်သောင်းလေးထောင် တည်း။ ၁၅ဒွါဒသမလတွင် ဒွါဒသမဗိုလ်မင်းကား သြသနေလအမျိုး၊ နေတောဖာသိ အနွှယ်ဖြစ်သော ဟေလဒဲ၊ တပ်သားပေါင်း နှစ်သောင်းလေးထောင်တည်း။

၁၆ဣသရေလအမျိုး အသီးအသီးတို့ကို အုပ်သောမင်းဟူမူကား၊ ရုဗင်အမျိုးတွင် ဇိခရိ၏သား ဧလျေဇာ၊ ရှိမောင်အမျိုးတွင် မာခ၏သား ရှေဖတိ။ ၁၇လေဝိအမျိုးတွင် ကေမွေလ၏သား ဟာရှဘိ၊ အာရုန်အမျိုးတွင် ဇာဒုတ်၊ ၁၈ယုဒအမျိုးတွင် ဒါဝိဒ်အစ်ကို ဧလိဟု၊ ဣသခါအမျိုးတွင် မိကေလ၏သား သြမရိ၊ ၁၉ဇာဗုလုန်အမျိုးတွင် သြဗဒိ၏သား ဣရှမာယ၊ နဿလိအမျိုးတွင် အာဇရေလ၏သား ယေရိမုတ်၊ ၂ဝဧဖရိမ်အမျိုးတွင် အာဇဇိ၏သား ဟောရှေ၊ မနာရှေ အမျိုးတဝက်တွင် ပေဒါယ၏သား ယောလ၊ ၂၁ဂိလဒ်ပြည်၌ မနာရှေအမျိုးတဝက်တွင် ဇာခရိ၏သား ဣဒ္ဒေါ၊ ဗင်္ယာမိန်အမျိုးတွင် အာဗနာ၏သား ယာသေလ၊ ၂၂ဒန်အမျိုးတွင် ယေရောဟံ၏သား အာဇရေလ၊ ဤရွေကား ဣသရေလအမျိုးတို့ကို အုပ်သောမင်းပေတည်း။

၂၃ထာဝရဘုရားသည် ဣသရေလအမျိုးတို့ကို မိုဃ်းကောင်းကင်ကြယ်နှင့်အမျှ တိုးပွားများစေတော်မူမည် ဟု ဂတိရှိသောကြောင့်၊ ဒါဝိဒ်သည် အသက်နှစ်ဆယ်မစေ့သောသူတို့ကို စာရင်းမယူဘဲနေ၏။ ၂၄ဇေရုယာသား ယွာဘသည် စာရင်းယူစပြု၍၊ ထိုအပြစ်ကြောင့် အမျက်တော်သည် ဣသရေလအမျိုးပေါ်သို့ သက်ရောက်သော အခါ လက်စမသတ်။ ရေတွက်၍ရသောလူပေါင်းကို ဒါဝိဒ်မင်းကြီး၏ မှတ်စာ၌မသွင်းမမှတ်။

၂၅အဒေလသား အာဇိမာဝက်သည် ဘဏ္ဍာတော်စိုးဖြစ်၏။ သြဇိသား ယောနသန်သည် လယ်ပြင်၊ မြို့ရွာ၊ ရဲတိုက်၌ရှိသော ဘဏ္ဍာတိုက်တို့ကို အုပ်ရ၏။ ၂၆ခေလုပ်သားဧဇရိသည် လယ်ယာလုပ်သောသူတို့ကို အုပ်ရ၏။ ၂၇ရာမမြို့သား ရှိမိသည် စပျစ်ဥယျာဉ်တော်ကို၎င်း၊ ရှိဖမိမြို့သား ဇဗဒိသည် စပျစ်သီးနှင့်စပျစ်ရည်တိုက်တို့ကို၎င်း အုပ်ရ၏။ ၂၈ဂေဒရိလူ ဗာလဟာနန်သည် ချိုင့်တို့၌ရှိသော သံလွင်ပင်နှင့် သဖန်းပင်တို့ကို၎င်း၊ ယောရှသည် ဆီတိုက် တိုက်ကို၎င်း၊ အုပ်ရ၏။ ၂၉ရှာရုန်အရပ်သား ရှိတရဲသည် ရှာရုန်အရပ်၌ ကျက်စားသောနွားစုကို၎င်း၊ အာဒလဲသား ရှာဖတ်သည် ချိုင့်တို့၌ကျက်စားသော နွားစုကို၎င်း အုပ်ရ၏။ ၃ဝဣရှမေလအမျိုးသား သြဗိလသည် ကုလားအုပ် တို့ကို၎င်း၊ မေရောနသိလူ ယေဒေယသည် မြည်းတို့ကို၎င်း၊  ၃၁ဟာဂရအမျိုးသာ ယာဇဇ်သည် သိုးတို့ကို၎င်း အုပ်ရ၏။ ဤသူတို့သည် ဒါဝိဒ်မင်းကြီး၏ ဥစ္စာဘဏ္ဍာ တော်ကို အုပ်ရသောသူပေတည်း။ ၃၂ဒါဝိဒ်၏ဘထွေးတော် ယောနသန်သည် တိုင်ပင်မှူးမတ်ပညာရှိကျမ်းတတ် ဖြစ်၏။ ဟာခမောနိသား ယေဟေလသည် ရှင်ဘုရင်၏သားတော်တို့ အပေါင်းအဘော်ဖြစ်၏။ ၃၃အဟိသောဖေလသည် ရှင်ဘုရင်၏ တိုင်ပင်မှူးမတ်၊ အာခိမြို့သားဟုရှဲသည် ရှင်ဘုရင်၏ အဆွေခင်ပွန်းဖြစ်၏။ ၃၄အဟိသောဖေလ နောက်မှာ အဗျာသာနှင့် ဗေနာယသား ယောယဒသည် နေရာကျ၏။ ယွာဘသည် တပ်တော်ဗိုလ်ချုပ်မင်းဖြစ်၏။