သုတ္တံ အခန်းကြီး(၁)


၁-၄ပညာတရား၊ နည်းဥပဒေသတရားကိုသိ၍၊ ဉာဏ်နှင့်ယှဉ်သောစကားကို နားလည်မည် အကြောင်း၊ ပညာသွန်သင်ခြင်း၊ ဖြောင့်မတ်စွာ ကျင့်ခြင်း၊ တရားသဖြင့် စီရင်ခြင်း၊ လျစ်လျူစွာ ဆုံးဖြတ်ခြင်းအမှုအရာ၌ လေ့ကျက် မည်အကြောင်း၊ မိုက်သောသူသည် လိမ္မာ၍၊ လူပျိုသည် ပညာသတိနှင့် ပြည့်စုံမည့်အကြောင်း၊ ဒါဝိဒ်၏ သားတော်ဖြစ်သော ဣသရေလရှင်ဘုရင် ရှောလမုန်စီရင်သော သုတ္တံစကားဟူမူကား၊ ၅-၆ပညာရှိသောသူသည် နားထောင်သဖြင့်၊ ပညာအတတ် တိုးပွားရလိမ့်မည်၊ ဥာဏ်ကောင်းသောသူသည် သုတ္တံစကားအနက်အဓိပ္ပါယ်ကို၎င်း၊ ပညာရှိဟော ပြော၍ နက်နဲသောစကား တို့ကို၎င်း၊ နားလည်သော နိဿရည်းဆရာ အဖြစ်သို့ ရောက်ရလိမ့်မည်။

၇ထာဝရဘုရားကို ကြောက်ရွံ့သော သဘောသည်ပညာ၏ အချုပ်အခြာဖြစ်၏။ လူမိုက်တို့သည် ပညာနှင့် ဥပဒေသကို အထီမဲ့မြင်ပြုတတ်ကြ၏။ ၈ငါ့သား၊ အဘ၏ နည်းဥပဒေသကို နားထောင်တော့။ အမိ၏ တရားကိုလည်း မပယ်နှင့်။ ၉ထိုနည်းဥပဒေသတရားတို့သည် သင်၏ ခေါင်း၌ တင့်တယ်သော ဦးရစ်၊ သင်၏လည်ပင်း၌ ပတ်ရစ်သော လည်ဆွဲဖြစ်ကြလိမ့်မည်။

၁ဝငါ့သား၊ လူဆိုးတို့သည် သင့်ကို သွေးဆောင်လျှင် ဝန်မခံနှင့်။ ၁၁သူတို့က ငါတို့နှင့်အတူ လိုက်တော့။ သူ့အသက်ကို သတ်အံ့သောငှာစောင့်ကြစို့။ အချည်းနှီးအပြစ်လွတ်သောသူတို့ကို ချောင်းမြောင်းကြစို့။ ၁၂သင်္ချိုင်း တွင်းသို့ ဆင်းသောသူတို့ကဲ့သို့တကိုယ်လုံးပါလျက်၊ အသက်ရှင်လျက်ရှိသော ထိုသူတို့ကို မရဏာနိုင်ငံမျိုသကဲ့သို့ မျိုကြစို့။ ၁၃အဘိုးထိုက်သော ဘဏ္ဍာအမျိုးမျိုးကိုတွေ့၍ လုယူသောဥစ္စာနှင့် ငါတို့အိမ်ကိုပြည့် စေကြမည်။ ၁၄ ငါတို့နှင့် ပေါင်းဘော်တော့။ ရသောဥစ္စာကို အညီအမျှ ပိုင်ကြစို့ဟု ဆိုသော်လည်း၊ ၁၅ငါ့သား၊ သူတို့နှင့် အတူ မလိုက်နှင့်။သူတို့ သွားသောလမ်းကို ရှောင်လော့။ ၁၆အကြောင်းမူကား၊ သူတို့ခြေသည် ဒုစရိုက်ပြုရာသို့ ပြေး၍၊ လူအသက်ကို သတ်ခြင်းငှာ လျင်မြန်၏။ ၁၇အကယ်စင်စစ် ငှက်မျက်မှောက်၌ ပိုက်ကွန်ကိုဖြန့်ထားလျှင် အကြံမမြောက်ရာ။ ၁၈လူဆိုးတို့သည် ကိုယ်အသွေးကို သွန်အံ့သောငှါ စောင့်၍၊ ကိုအသက်ကို သတ်အံ့သောငှာ ချောင်းမြောင်း တတ်ကြ၏။ ၁၉မတရားသော စီးပွားကိုရှာသောသူအပေါင်းတို့သည် ထိုသို့သော အကျိုးကိုခံရ၍၊ ထိုစီးပွားသည် မိမိအရှင်၏ အသက်ကို သတ်တတ်၏။

၂ဝပညာသည်ပြင်မှာ ကြွေးကြော်၍၊ လမ်းခရီးတို့၌ မိမိစကားသံကိုလွှင့်တတ်၏။ ၂၁လူစည်းဝေးရာ အဦး၌၄င်း  မြို့တံခါးဝတို့၌၄င်း၊ မြို့ထဲ၌၄င်းခေါ်၍ မြွက်ဆိုသောစကားဟူမူကား၊ ၂၂အိုလူမိုက်တို့၊ သင်တို့သည် မိုက်သောအကျင့်ကို နှစ်သက်လျက်၊ ကဲ့ရဲ့သောသူတို့သည် ကဲ့ရဲ့ခြင်း၌ မွေ့လျော်လျက်၊  မိုက်မဲသော သူတို့သည် ပညာအတတ်ကိုမုန်းလျက်  အဘယ်မျှကာလပတ်လုံး နေကြလိမ့်မည်နည်း။ ၂၃ငါဆုံးမသော စကားကို နားထောင်၍ ပြောင်းလဲကြလော့။ ငါ့ဝိညာဉ်ကို သင်တို့အပေါ်သို့ ငါသွန်းလောင်း၍၊ ငါ့စကား၏အနက်အဓိပ္ပါယ်ကို နားလည်စေမည်။

၂၄ငါသည်ခေါ်၍ သင်တို့သည် ငြင်းပယ်သောကြောင့်၎င်း၊ ငါ့လက်ကိုဆန့်၍ အဘယ်သူမျှမမှတ်သော ကြောင့်၎င်း၊ ၂၅ငါသတိပေးခြင်းရှိသမျှကိုသင်တို့သည်ပယ်၍၊ ငါဆုံးမသောစကားတခွန်းကိုမျှ နားမခံဘဲ နေသောကြောင့်၎င်း၊၂၆သင်တို့သည် ဘေးဥပဒ်နှင့် တွေ့ကြုံသောအခါ ငါရယ်မည်။ ကြောက်မက်ဖွယ်သော အမှုရောက်သောအခါ ငါပြက်ယယ်ပြုမည်။ ၂၇သင်တို့ ကြောက်မက်ဘွယ်သော အမှုသည် သုတ်သင်ပယ်ရှင်းခြင်း အမှုကဲ့သို့၎င်း၊ သင်တို့ပျက်စီးခြင်းအမှုသည် လေပြင်းမုန် တိုင်းကဲ့သို့၎င်း၊ ရောက်လာ၍၊ သင်တို့သည်ဆင်းရဲခြင်း၊ ပူပန်ခြင်းနှင့် တွေ့ကြုံသောအခါ၊ ၂၈ထို အမှုရောက်သော သူတို့သည် ငါ့ကိုခေါ်သော်လည်းငါမထူး။ ငါ့ကိုကြိုးစား၍ ရှာသော်လည်း မတွေ့ရကြ။ ၂၉အကြောင်း မူကား၊ သူတို့သည် ပညာအတတ်ကိုမုန်းကြ၏။ ထာဝရဘုရားကို ကြောက်ရွံ့သောသဘောကို အလိုမရှိကြ။ ၃ဝငါသတိပေးခြင်းကို အလျှင်နားမခံကြ။ ငါဆုံးမခြင်းရှိသမျှကို မထီမဲ့မြင်ပြုကြ၏။ ၃၁ထိုကြောင့်သူတို့သည် ကိုယ်ကျင့် ခြင်း၏ အကျိုးအပြစ်ကို စား၍၊ ကိုယ်ကြံသောအကြံတို့နှင့် ဝကြလိမ့်မည်၊၊ ၃၂ဥာဏ်တိမ်သောသူတို့သည် လမ်းလွဲသဖြင့် အသက်ဆုံးတတ်ကြ၏၊ မိုက်သောသူတို့သည် သတိလစ်သောအားဖြင့် ပျက်စီးခြင်းသို့ ရောက်တတ်ကြ၏။ ၃၃ငါ့စကားကိုနားထောင်သောသူ မူကားလုံခြုံစွာနေ၍၊ ဘေးကိုမကြောက်ဘဲ ငြိမ်ဝပ်လိမ့်မည်။