သုတ္တံ အခန်းကြီး(၃)


၁ငါ့သား၊ ငါပေးသောတရားကိုမမေ့နှင့်။ငါ့ပညတ်တို့ကို သင်၏ နှလုံးစောင့်ရှောက်ပါစေ။ ၂အကြောင်းမူကား၊ ပညတ်တရားသည် အသက်တာရှည်သော ကာလနှစ်ပေါင်းများကို၎င်း၊ ငြိမ်ဝပ်ခြင်းကို၎င်း၊ တိုးပွားစေလိုက်မည်။ ၃ကရုဏာတရားနှင့် သစ္စာတရားကို သင်နှင့်မကွာစေနှင့်။ ထိုတရားတို့ကို သင်၏ လည်ပင်း၌ ဆွဲထားလော့။ နှလုံးအင်း စာရင်း၌ ရေးသွင်းလော့။ ၄ထိုသို့ပြုလျှင် ဘုရားသခင်ရှေ့၊ လူတို့ရှေ့မှာ မျက်နှာရ၍၊ ကျေးဇူးကိုခံရလိမ့်မည်။

၅ထာဝရဘုရားကို စိတ်နှလုံးအကြွင်းမဲ့ ကိုးစားလော့။ ကိုယ်ဥာဏ်ကို မမှီမပြုနှင့်။ ၆သွားလေရာ၌ ထာဝရ ဘုရား ကို မျက်မှောက်ပြုလော့။ သို့ပြုလျှင် သင်၏ လမ်းခရီးတို့ကို ပဲ့ပြင်တော်မူမည်။ ၇ငါသည် ပညာရှိ၏ဟု ကိုယ်ကို မထင်နှင့်။ ထာဝရဘုရားကို ကြောက်ရွံ့၍ ဒုစရိုက်ကိုရှောင်လော့။ ၈သို့ပြုလျှင်၊ သင်၏ အကြောတို့သည် အားသန်၍၊ အရိုးတို့သည် ခြင်ဆီနှင့် ပြည့်စုံကြလိမ့်မည်။  ၉သင်သည် ကိုဥစ္စာနှင့် အဦးသီးသော အသီးအနှံရှိသမျှကို ထာဝရ ဘုရားအား ပူဇော်လော့။ ၁ဝသို့ပြုလျှင်၊ သင်၏ စပါးကျီတို့သည် ကြွယ်ဝ၍၊ စပျစ်သီးနယ်ရာတန်ဆာတို့ကို အသစ် သောစပျစ်ရည်လျှံလိမ့်မည်။ ၁၁ငါ့သား၊ ထာဝရဘုရား ဆုံးမတော်မူခြင်းကို မမှတ်ဘဲမနေနှင့်။ သင်၏ အပြစ်ကို စစ်ဆေး တော်မူသောအခါ စိတ်မပျက်စေနှင့်။ ၁၂ထာဝရဘုရားသည် ချစ်တော်မူသောသူကို ဆုံးမတော်မူတတ်၏။ နှစ်သက် တော်မူသော သားကို ဒဏ်ခတ်တော်မူတတ်၏။

၁၃ဥာဏ်ပညာကို ရှာ၍ရသောသူသည် မင်္ဂလာရှိ၏။ ၁၄အကြောင်းမူကား၊ ပညာကုန်သွယ်ခြင်းသည် ငွေကုန်သွယ်ခြင်းထက် သာ၍ကောင်း၏။ ပညာကုန်သွယ်၍ရသော အမြတ်လည်း ရွှေစင်ထက် သာ၍ကောင်း၏။ ၁၅ပညာသည် ပတ္တမြားထက်သာ၍ အဖိုးထိုက်ပေ၏။ နှစ်သက်ဖွယ်သမျှသော အရာတို့သည် ထိုရတနာကို မပြိုင်နိုင် ကြ။ ၁၆သူ၏ လက်ျာလက်၌ အသက်တာရှည်သောကာလ၊ လက်ဝဲလက်၌ စည်းစိမ်နှင့်ဂုဏ်အသရေရှိ၏။ ၁၇ပညာ လမ်းတို့သည် သာယာသောလမ်း၊ ပညာလမ်းခရီးရှိသမျှတို့သည် ငြိမ်ဝပ်လျှက်ရှိကြ၏။ ၁၈ပညာကို ကိုင်ဆွဲသော သူသည် အသက်ကိုပင်ရပြီ။ လက်မလွှတ်သောသူသည် မင်္ဂလာရှိ၏။ ၁၉ထာဝရဘုရားသည် ပညာတော်အားဖြင့် မြေကြီးကို တည်၍၊ ဥာဏ်တော်အားဖြင့် မိုဃ်းကောင်းကင်ကို ပြင်ဆင်တော်မူပြီ။ ၂ဝသိပ္ပံအတတ်တော်အားဖြင့် နက်နဲသော အရပ်အက်ကွဲ၍၊ မိုဃ်းတိမ်မှလည်း နှင်းရည်ကျတတ်၏။ ၂၁ငါ့သား၊ ပညာရတနာနှင့် သမ္မာသတိကို သင့်မျက်မှောက်မှမကွာစေဘဲ၊ အစဉ်စောင့်ရှောက်လော့။  ၂၂သို့ပြုလျှင် ၊ ထိုရတနာတို့သည် သင်၏ ဝိညာဉ်၌အသက်၊ သင်၏ လည်ပင်း၌ ဂုဏ်သရေဖြစ်လိမ့်မည်။ ၂၃သင်သည် ခရီးသွားရာ၌ ဘေးမရှိ။ ခြေမတိုက်မိဘဲ သွားလိမ့်မည်။ ၂၄အိပ်သောအခါ ကြောက်စရာမရှိရ။ ကောင်းမွန်စွာ အိပ်ပျော်ရလိမ့်မည်။ ၂၅ လျှင်မြန်သော ဘေးနှင့် လူဆိုးတွေ့တတ် သော ပျက်စီးရာဘေးကို ကြောက်စရာမရှိရ။ ၂၆အကြောင်းမူကား၊ ထာဝရဘုရားသည် သင်ယုံကြည်ကိုးစားရာဖြစ်၍၊ သင်၏ခြေကို မကျော့မိစေခြင်းငှာ စောင့်မတော်မူလိမ့်မည်။

၂၇ကျေးဇူးကို ခံသင့်သောသူတို့အား ကျေးဇူးပြုရသော အခွင့်ရှိလျှင် မပြုဘဲမနေနှင့်။ ၂၈အိမ်နီးချင်းကို ပေးစရာရှိလျက်ပင်၊ သွားတော့။ တဖန်လာဦးတော့။ နက်ဖြန်မှ ငါပေးမည်ဟုမပြောနှင့်။ ၂၉စိုးရိမ်ခြင်းမရှိဘဲ သင့်အနားမှာနေသော အိမ်နီးချင်း၌ မကောင်းသောအကြံကိုမကြံနှင့်။ ၃ဝသင်၌ အပြစ်မပြုသောသူကို အကြောင်းမရှိဘဲ ရန်မတွေ့နှင့်။ ၃၁ညှဉ်းဆဲတတ်သောသူ၏ စည်းစိမ်ကို မတောင့်တနှင့်။ သူလိုက်သော လမ်းတစ်စုံတစ်ခုကိုမျှ အလိုမ ရှိနှင့်။ ၃၂အကြောင်းမူကား၊ ထာဝရဘုရားသည် သဘောကောက်သော သူတို့ကို စက်ဆုပ် ရွံ့ရှာတော်မူ၏။ ဖြောင့်မတ်သော သူတို့မူကား၊ ကိုယ်တော်နှင့် မိဿဟာယ ဖွဲ့ရသောအခွင့်ရှိကြ၏။ ၃၃ မတရားသောသူ၏ နေရာသည် ထာဝရဘုရားကျိန်တော်မူခြင်းကို တွေ့တတ်၏။ တရားသောသူ၏နေရာကိုကား ကောင်းကြီးပေးတော်မူ၏။ ၃၄အကယ်စင်စစ်ကဲ့ရဲ့တတ်သော သူတို့ကို ကဲ့ရဲ့တော်မူ၏။ စိတ်နှိမ့်ချသောသူတို့အားကား၊ ကျေးဇူးပြုတော်မူ၏။ ၃၅ပညာရှိသောသူတို့သည် ဘုန်းအရေကို အမွေခံရ၍၊ မိုက်သောသူတို့မူကား၊ အရှက်ကွဲခြင်းကို ထမ်းသွားကြရလိမ့်မည်။