သုတ္တံ အခန်းကြီး(၅)


၁ -၂ငါ့သား၊ သင်သည် သမ္မာသတိရှိ၍၊ သင်၏ နှုတ်ခမ်းသည် သိပ္ပံအတတ်ကို စောင့်မည်အကြောင်း၊ ငါ့ပညာကို မှတ်ကျုံး၍၊ ငါပေးသော ဥာဏ်သို့ သင့်နားကိုလှည့်လော့။ ၃အကြောင်းမူကား၊ အမျိုးပျက်သော မိန်းမ၏ နှုတ်ခမ်း သည် ပျားလပို့ကဲ့သို့ ယိုတတ်၍၊ သူပြောသောစကားသည် ဆီထက်ချောသော်လည်း၊ ၄အဆုံး၌ကား၊ သူသည် တင်းခါးရွက်ကဲ့သို့ခါး၍၊ သန်လျက်နှင့် အမျှထက်၏။ ၅သူ၏ ခြေတို့သည် သေခြင်းသို့ ဆင်း၍၊ သူသွားရာ လမ်းသည် မရဏာနိုင်ငံသို့ ရောက်တတ်၏။ ၆သင်သည် အသက်လမ်းကို မဆင်ခြင်ရအောင်၊ သူ့ထုံးစံဓလေ့တို့သည် တရွေ့ရွေ့ပြောင်းလဲသဖြင့်၊ သင်သည်နားမလည်နိုင်ရ။ ၇သို့ဖြစ်၍ ငါ့သားတို့၊ ငါ့စကားကို နားထောင်ကြလော့။ ငါ ဟောပြောချက်တို့ကို မပယ်ကြနှင့်။ ၈ထိုသို့သောမိန်းမတို့ကို ဝေးစွာရှောင်သွားလော့။ သူ့နေရာတံခါးဝသို့ မချဉ်းနှင့်။ ၉သို့မဟုတ် သင်သည်ကိုယ်ဂုဏ်အသရေကို သူတပါး၌၄င်း၊ ကိုယ်အသက်ကို ကြမ်းတမ်းသောသူတို့၌၄င်း၊ ကိုယ်အသက်ကို ကြမ်းတမ်းသောသူတို့၌၄င်း အပ်လိမ့်မည်။ ၁ဝတပါးအမျိုးသားတို့သည်သင်၏ စည်းစိမ်နှင့် ပြည့်ဝ ကြလိမ့်မည်။ သင်လုပ်၍ ရသောဥစ္စာသည် တပါးအမျိုးသားအိမ်သို့ရောက်လိမ့်မည်။ ၁၁နောက်ဆုံး၌ သင့်အသား၊ သင့်ကိုယ်ကာယ ဆွေးမြေ့သောအခါ၊ ၁၂ငါသည် သွန်သင်ခြင်းကို မုန်းလေပြီ တကား။ ဆုံးမခြင်းကို စိတ်နှလုံးထဲမှာ မထီမဲ့မြင်ပြုလေပြီတကား။ ၁၃ငါ့ဆရာတို့၏စကားကို နားမထောင်ဘဲ၊ ငါ့အား သွန်သင်သောသူတို့၏ စကားကို နားမခံဘဲနေလေပြီတကား။ ၁၄စည်းဝေးသော ပရိသတ်များအလယ်၌ ဒုစရိုက်မျိုးကို ကုန်စင်လုသည်တိုင်အောင် ငါပြုလေပြီတကားဟု မြည်တမ်းရလိမ့်မည်။

၁၅ကိုယ်ဆိုင်သော ရေအိုးကို သုံး၍၊ ကိုယ်ရေတွင်းထဲက ထွက်သော စမ်းရေကို သောက်လော့။  ၁၆သင်၏ စမ်းရေများပြား၍၊ လမ်းများအနားမှာစီသော မြစ်များဖြစ်စေလော့။ ၁၇တပါးအမျိုးသားနှင့် ပေါင်းဘက်၍မဆိုင်စေဘဲ၊ ကိုယ်တပါးတည်းသာဆိုင်စေလော့။ ၁၈သင်၏ စမ်းရေတွင်း၌ မင်္ဂလာရှိစေ၍၊ အသက်အရွယ်ပျိုစဉ်ကာလ၊ ပေါင်းဘော် သောမယားနှင့် အတူပျော်မွေ့လော့။ ၁၉သူသည် စုံမက်တတ်သော သမင်းမ၊ နှစ်လိုဘွယ်သော ဒရယ်မ ကဲ့သို့ဖြစ်၍၊ သူ၏ သားမြတ်တို့သည် သင်၏ အလိုဆန္ဒကို အစဉ်ပြေစေ၍၊ သူ့ကို ချစ်သောစိတ်နှင့် အစဉ်ယစ်မူး လျက်နေလော့။ ၂ဝငါ့သား၊ သင်သည် အမျိုးပျက်သော မိန်းမနှင့် အဘယ်ကြောင့် ယစ်မူးသနည်း။ ပြည်တန်ဆာမ၏ ရင်ပတ်ကို အဘယ်ကြောင့် ဘက်ယမ်းသနည်း။ ၂၁လူသွားလာသမျှသောလမ်းတို့သည် ထာဝရဘုရားမျက်မှောက်တော်၌ရှိကြ ၍၊ သွားလာသမျှသော အခြင်းအရာတို့ကို စူးစမ်းတော်မူ၏။ ၂၂အဓမ္မလူသည် မိမိပြုသော ဒုစရိုက် အပြစ်ဖြင့် ဘမ်းမိခြင်း၊ မိမိအပြစ်ကြိုးတို့ဖြင့် ချည်နှောင်ခြင်းကို ခံရလိမ့်မည်။ ၂၃သူသည် အလွန်မိုက်သောကြောင့် မှားယွင်း၍၊ သွန်သင်ခြင်းကို မခံရဘဲသေသွားရလိမ့်မည်။