အာမုတ် အခန်းကြီး(၉)


၁တဖန်ငါကြည့်ရှု၍ ဘုရားရှင်သည် ယဇ်ပလ္လင်ပေါ်မှာ ရပ်လျက် မိန့်တော်မူသည်ကား၊ ရှိသမျှသောသူတို့၏ ခေါင်းပေါ်သို့ တံခါးတိုင်လှုပ်၍ ပြိုကျစေခြင်းငှါ တံခါးထုပ်ကို ရိုက်လော့။ သူတို့သားမြေးများကိုလည်း ထားနှင့် ငါကွပ်မျက်မည်။ ပြေးသောသူသည် မလွတ်ရ။ လွတ်သောသူသည်လည်း ချမ်းသာကိုမတွေ့ရ။ ၂မရဏာနိုင်ငံ တိုင်အောင်တွင်းတူသော်လည်း ငါနှုတ်ယူမည်။ မိုဃ်းကောင်ကင်သို့ တက်သော်လည်းငါချမည်။ ၃ကရမေလတောင် ထိပ်၌ ပုန်းရှောင်သော်လည်း၊ ငါရှာ၍ထုတ်မည်။ ငါနှင့်လွတ်အံ့သောငှါ သမုဒ္ဒရာအောက်၌ ပုန်းရှောင်သော်လည်း၊ ငါသည် နဂါးကိုမှာလိုက်၍ ကိုက်စေမည်။ ၄ရန်သူတို့သည်သိမ်းသွားသော်လည်း၊ အခြားသောအရပ်၌ ငါသည် ထားကိုမှာလိုက်၍သတ်စေမည်။ ကျေးဇူးမပြု၊ အပြစ်ပြုခြင်းငှါ သာငါကြည့်ရှုမည်။ ၅ကောင်းကင်ဗိုလ်ခြေ အရှင်ဘုရား သခင်ထာဝရဘုရားသည် မြေကိုထိတော်မူလျှင်၊ မြေသည်အရည်ဖြစ်၍ မြေသားအပေါင်း တို့သည် ညည်းတွားကြ လိမ့်မည်။ မြစ်ကဲ့သို့ တပြည်လုံးထပြီးလျှင်၊ တဖန်အဲဂုတ္တုပြည်လုံးထပြီးလျှင်၊ တဖန်အဲဂုတ္တုမြစ်၌မြုပ်သကဲ့သိ့ မြုပ်လိမ့်မည်။ ၆အထက်အခန်းတော်တို့ကို ကောင်းကင်၌ဆောက်၍၊ အောက်တိုက်တော်ကိုမြေကြီးပေါ်မှာ တည်တော်မူ၏။ သမုဒ္ဒရာနေကိုခေါ်၍ မြေကြီးပြင်၌ သွန်လောင်း တော်မူ၏။ ကောင်းကင်ဗိုလ်ခြေအရှင်ဘုရားသခင် ထာဝရဘုရားတည်းဟူသော ဘွဲ့နာမရှိတော်မူ၏။ ၇အိုဣသရေလအမျိုးသားတို့၊ သင်တို့သည် ငါ၌ကုရှအမျိုးသား ကဲ့သို့ဖြစ်ကြသည်မဟုတ်လော။ ဣသရေလအမျိုးသားကို အဲဂုတ္တုပြည်မှ ငါနှုတ်ဆောင်သကဲ့သို့၊ ဖိလိတ္တိလူတို့ကိုကတ္တောရပြည်မှ၎င်း၊ ရှုရိလူတို့ကိုကိရပြည်မှ၎င်း ငါနှုတ်ဆောင်ပြီမဟုတ်လော့ဟု ထာဝရဘုရားသည် အပြစ်ရှိသောတိုင်း နိုင်ငံကိုကြည့်ရှုလျက်၊ ထိုတိုင်းနိုင်ငံကို မြေကြီးပြင်မှငါသုတ်သင်ပယ်ရှင်းမည်။ သို့သော်လည်း၊ ယာကုပ်အမျိုးကိုရှင်းရှင်းမဖျက်ဆီးဟု မိန့်တော်မူ၏။ ၉တဖန် ငါအမိန့်တော်ရှိသဖြင့်ဆန်ကို ခပ်သိမ်းသော အမျိုးတို့ တွင် ဆန်ခါနှင့်ငါချမည်။ ဆန်တစေ့မျှမြေသို့မကျရ။ ၁ဝဘေးဥပဒ်သည် ငါတို့ကိုမမှီနိုင်။ မဆီးတားနိုင်ဟုဆိုလျက်၊ အပြစ်များသောငါ၏ လူအပေါင်းတို့သည် ထားဖြင့်သေရကြလိမ့်မည်။

၁၁ကျန်ကြွင်းရစ်သော ဧဒုံအမျိုးသားမှစ၍ ငါ၏နာမဖြင့် သမုတ်သော တပါးအမျိုးသား အပေါင်းတို့ကို သိမ်းယူစေခြင်းငှါ၊ လဲလျက်ရှိသော ဒါဝိဒ်၏ တဲကို ထိုကာလ၌ ငါဆောက်တည်ပြန်မည်။ အက်ကဲ့ရာများကို စေ့စပ်မည်။ ပြိုပျက်ရာများကိုလည်း ပြုပြင်ပြီးလျှင်၊ ထိုတဲကိုရှေးကာလ၌ ရှိသကဲ့သို့ မတ်စေပြန်မည်ဟု၊ ဤအမှုအရာကို စီရင်တော်မူသော ထာဝရဘုရား၏ ဗျာဒိတ်တော်ရှိ၏။ ၁၃ထာဝရဘုရား မိန့်တော်မူသည်ကား၊ လယ်ထွန်သော သူသည် စပါးရိတ်သောသူကို၎င်း၊ စပျစ်သီးနယ်သောသူသည် မျိုးစေ့ကြဲသောသူကို၎င်းမှီလျက်၊ တောင်တို့မှ ချိုသောစပျစ်ရည်ယို၍၊ ကုန်းရှိသမျှတို့လည်း အရည်ဖြစ်ရသောကာလ ရောက်လိမ့်မည်။ ၁၄သိမ်းသွားခြင်းကိုခံရသော ငါ၏လူဣသရေလအမျိုးသားတို့ကို တဖန်ငါဆောင်ခဲ့သဖြင့်၊ သူတို့သည် ပျက်စီးသောမြို့များကို ပြုပြင်၍ နေကြလိ့မ်မည်။ စပျစ်ဥယျာဉ်များကို စိုက်၍ စပျစ်ရည်ကို သောက်ကြလိမ့်မည်။ လယ်ယာများကိုပြုစု၍ အသီးတို့ကို စားကြလိမ့်မည်။ ၁၅သူတို့ကို နေရင်းအရပ်၌ ငါစိုက်ထားမည်။ ငါပေးသောပြည်မှ နောက်တဖန်အဘယ်သူမျှ မနှုတ်ရဟု၊ သင်၏ဘုရားသခင်ထာဝရဘုရားမိန့်တော်မူ၏။

 

ပရောဖက်အာမုတ်စီရင်ရေးထားသော အနာဂတ္တိကျမ်းပြီး၏။