ဧဇရ အခန်းကြီး(၇)


၁-၅ထိုနောက်၊ ပေရသိရှင်ဘုရင် အာတဇေရဇ်လက်ထက်၌၊ ယဇ်ပုရောဟိတ်အကြီး အာရုန်၊ ဧလာဇာ၊ ဖိနဟတ်၊ အဘိရွှ၊ ဗုက္ကိ၊ သြဇိ၊ ဇေရဟိ၊ မေရာယုတ်၊ အာဇရိ၊ အာမရိ၊ အဟိတုတ်၊ ဇာဒုတ်၊ ရှလ္လုံ၊ ဟိလခိ၊ အာဇရိ၊ စရာယတို့မှ ဆင်းသက်သောသူ၊ ၆ဣသရေလအမျိုး၏ ဘုရားသခင်ထာဝရဘုရား ပေးတော်မူသော မောရှေ၏ ပညတ္တိကျမ်းစာကို လေ့ကျက်သောဆရာဖြစ်သော သူဧဇရသည် ဗာဗုလုန်မြို့မှထွက်သွား၏။ ထိုသူတောင်းသမျှကို သူ၏ဘုရားသခင် ထာဝရဘုရားတန်ခိုးတော်ကြောင့် ရှင်ဘုရင်ပေးသနားတော်မူ၏။ ၇အာတဇေရဇ်မင်းကြီးနန်းစံခုနစ် ခုနှစ်တွင်၊ အချို့သောဣသရေလအမျိုးသား၊ ယဇ်ပုရောဟိတ်၊ လေဝိသား၊ သီချင်းသည်၊ တံခါးစောင့်၊ ဘုရားကျွန် တို့သည်လည်း ယေရုရှလင်မြို့သို့ လိုက်သွားကြ၏။ ၈ရှင်ဘုရင်နန်းစံခုနစ်နှစ်၊ ပဉ္စမလတွင် ဧဇရသည် ယေရုရှလင်မြို့သို့ရောက်လေ၏။ ၉ပဌမလတရက်နေ့တွင်၊ ဗာဗုလုန်မြို့မှထွက်၍ ပဉ္စမလတရက်နေ့တွင်၊ မိမိဘုရားသခင် တန်ခိုး ကျေးဇူးတော်ကြောင့်၊ ယေရုရှလင်မြို့သို့ရောက်လေ၏။ ၁ဝအကြောင်းမူကား၊ ဧဇရသည်ထာဝရဘုရား၏ တရားတော်ကို စစ်ဆေးစောင့်ရှောက်ခြင်းငှါ၎င်း၊ စီရင်ထုံးဖွဲ့တော်မူချက်တို့ကို ဣသရေလအမျိုး၌ သွန်သင်ခြင်းငှါ၎င်း၊ သဘောကျသောသူဖြစ်၏။

၁၁ထာဝရဘုရား၏ ပညတ်စကားနှင့် ဣသရေလအမျိုး၌ ထုံးဖွဲ့တော်မူချက်တို့ကို လေ့ကျက်သော ဆရာ ယဇ်ပုရောဟိတ် ဧဇရအား၊ အာတဇေရဇ်မင်းကြီးပေးတော်မူသော အမိန့်တော်စာချက်ဟူမူကား၊ ၁၂ဘုရင်တို့၏ ဘုရင် အာတဇေရဇ်သည် ကောင်းကင်ဘုံ၏ အရှင်ဘုရားသခင့် တရားကျမ်းတတ်ဆရာ၊ ယဇ်ပုရောဟိတ် ဧဇရ၌ ခပ်သိမ်းသောမင်္ဂလာဖြစ်စေသောဟူ၍ ဤမည်သောကာလတွင် မှာလိုက်၏။ ၁၃ငါ့နိုင်ငံ၌ရှိသော ဣသရေလအမျိုးသား၊ ယဇ်ပုရောဟိတ်၊ လေဝိသားတို့တွင် ယေရုရှလင်မြို့သို့ ကိုယ်အလိုအလျောက် သွားချင်သောသူရှိသမျှတို့သည် သင်နှင့်အတူ လိုက်သွားရမည်အကြောင်း ငါအမိန့်တော်ရှိ၏။ ၁၄အကြောင်းမူကား၊ သင်၏ ဘုရားသခင့် တရားကို သင်လေ့ကျက်သည် အတိုင်း၊ ယုဒပြည် ယေရုရှလင်မြို့၌ တရားအမှုများကို မေးမြန်းစစ်ဆေးစေခြင်းငှါ၎င်း၊ ၁၅ယေရုရှလင်မြို့မှာ ကျိန်းဝပ်တော်မူသော ဣသရေလအမျိုး၏ ဘုရားသခင်အား၊ ရှင်ဘုရင်နှင့် အတွင်းဝန်တို့သည် ကြည်ညိုသောစိတ်နှင့် ပူဇော်သော ရွှေငွေနှင့် တကွ၊ ၁၆ဣသရေလအမျိုးသား၊ ယဇ်ပုရောဟိတ်တို့သည် ယေရုရှလင်မြို့၏ ဘုရားအိမ်တော်အဘို့ အလိုလိုလှူ၍ ဗာဗုလုန်ပြည်၌ သင်ရနိုင်သမျှသော ရွှေငွေကိုဆောင်သွား စေခြင်းငှါ၎င်း၊ ရှင်ဘုရင်နှင့် အတွင်းဝန်ခုနစ်ပါးစေလွှတ်၏။ ၁၇ထိုငွေကိုယူပြီးလျှင်၊ နွား၊ သိုးထီး၊ သိုးသငယ်နှင့်တကွ၊ ဘောဇဉ်ပူဇော်သက္ကာ၊ သွန်းလောင်းရာပူဇော်သက္ကာတို့ကို အလျင်အမြန် ဝယ်၍၊ ယေရုရှလင်မြို့ရှိသော သင်တို့၏ ဘုရားအိမ်တော် ယဇ်ပလ္လင်ပေါ်မှာ ပူဇော်ရမည်။ ၁၈ကျန်ကြွင်းသော ရွှေငွေကို သင်နှင့်သင့်ညီအစ်ကိုတို့ ပြုချင်သမျှ အတိုင်း၊ သင်တို့၏ ဘုရားသခင်အလိုတော်နှင့် အညီပြုလော့။ ၁၉သင်၏ ဘုရားအိမ်တော် ဝတ်ပြုစရာဘို့ သင်၌ အပ်ပေးသောတန်ဆာများကိုလည်း၊ ယေရုရှလင်မြို့၏ ဘုရားသခင့်ရှေ့တော်တွင် သိုထားလော့။ ၂ဝသင်၏ ဘုရားသခင့် အိမ်တော်ဘို့ လိုသေးသောအရာ၊ ဝယ်သင့်သမျှတို့ကို ဘဏ္ဍာတော်ထဲက ထုတ်၍ ဝယ်လော့။ ၂၁ကောင်းကင်ဘုံ၏ အရှင်ဘုရားသခင့်တရားကို လေ့ကျက်သောဆရာ၊ ယဇ်ပုရောဟိတ် ဧဇရတောင်းသမျှအတိုင်း၊ ၂၂ငွေအခွက် တထောင်၊ ဂျုံဆန်ကောရ တရာ၊ စပျစ်ရည် ဗတ်တရာ၊ ဆီ ဗတ်တရာနှင့် တကွ ဆားမည်မျှမဆို၊ မြစ်အနောက်ဘက်၌ နေသော အခွန်အဝန်အပေါင်းတို့သည် အလျင်အမြန်ပေးရမည်အကြောင်း၊ ငါအရှင်ဘုရင် အာတဇေရဇ် အမိန့်တော်ရှိ၏။ ၂၃ကောင်းကင်ဘုံ၏ အရှင်ဘုရားသခင် မှာထားတော်မူသမျှအတိုင်း၊ ထိုဘုရားသခင်၏ အိမ်တော် အဘို့ ကြိုးစား၍လုပ်ဆောင်စေ။ ရှင်ဘုရင်နှင့် ဆွေတော်မျိုးတော်အပေါ်သို့ အဘယ်ကြောင့် အမျက်တော်သက် ရောက်ရသနည်း။ ၂၄ထိုမှတပါး၊ ယဇ်ပုရောဟိတ်၊ လေဝိသား၊ သီချင်းသည်၊ တံခါးစောင့်၊ ဘုရားကျွန်၊ ဘုရားသခင်၏ အိမ်တော်အမှုစောင့် တစုံတယောက်၌မျှ ငွေတော်ကိုမခွဲစေနှင့်။ အခွန်တော်အကောက်တော်ကို မခံမယူစေနှင့်ဟု ငါမှာလိုက်၏။ ၂၅သင်ဧဇရသည်လည်း၊ သင်၏ဘုရားသခင် တရားကို နားလည်သော၊ မြစ်အနောက်ဘက်သား အပေါင်းတို့တွင်၊ တရားမှုကိုစီရင်စေခြင်းငှါ၎င်း၊ မသိသောသူတို့ကို သွန်သင်စေခြင်းငှါ၎င်း၊ မင်းများ၊ တရားသူကြီး များကို သင်၏ဘုရားသခင့် ဥာဏ်နှင့် သင်ပြည့်စုံသည်အတိုင်း ခံထားလော့။ ၂၆သင်၏ ဘုရားသခင့်တရားနှင့် ရှင်ဘုရင် အမိန့်တော်ကို ငြင်းဆန်သောသူမည်သည်ကား၊ အသေသတ်ခြင်း၊ နှင်ထုတ်ခြင်း၊ ဥစ္စာသိမ်းယူခြင်း၊ ထောင်ထဲမှာ လှောင်ထားခြင်းတည်းဟူသော ရာဇဝတ်တစုံတခုကို အလျင်အမြန်ခံစေဟု အမိန့်တော်စာ၌ ပါသတည်း။

၂၇ယေရုရှလင်မြို့၏ ဗိမာန်တော်ကို တင့်တယ်စေမည်အကြံကို ရှင်ဘုရင်စိတ်နှလုံးထဲသို့ သွင်းပေး တော်မူထသော၊ ရှင်ဘုရင်ရှေ့၊ အတွင်းဝန်များ၊ ဗိုလ်များရှေ့မှာ ငါ့အားအခွင့်ပေးတော်မူသော၊ ဘိုးဘေးတို့၏ ဘုရားသခင် ထာဝရဘုရားသည် မင်္ဂလာရှိတော်မူစေသတည်း။ ၂၈ထိုသို့ငါ၏ ဘုရားသခင်ထာဝရဘုရား တန်ခိုးတော်ကြောင့်၊ ငါသည်ခွန်အားရှိ၍ ငါနှင့်အတူလိုက်သွားရသော ဣသရေလအကြီးအကဲတို့ကို စုဝေးစေ၏။