ဧသတာ အခန်းကြီး (၂)


၁တဖန်ရှင်ဘုရင်အာရွှေရုသည် စိတ်တော်ပြေသောအခါ ဝါရှတိကို၎င်း၊ သူပြုသောအမှုနှင့် သူတဘက်၌ စီရင်သောအမှုကို၎င်း၊ အောက်မေ့တော်မူ၏၊၊ ၂အထံတော်၌ ခစားသောကျွန်တော်တို့ကလည်း အဆင်းလှသော သမီးကညာတို့ကို အရှင်မင်းကြီးအဘို့ ရှာရပါမည်အကြောင်း အခွင့်ပေးတော်မူပါ၊၊ ၃အဆင်းလှသော သမီးကညာ အပေါင်းတို့ကို ရှုရှန်နန်းတော်တွင် အပျိုတော်နေရာသို့ စုဝေးစေ၍ နန်းတော်မိန်းမစိုး၊ အပျိုတော်အုပ်ဟေဂဲ၌ အပ်စေခြင်းငှါ နိုင်ငံတော်အတိုင်းတိုင်း အပြည်ပြည်မင်းအရာရှိ တို့ကို ခန့်ထားတော်မူပါ၊၊ စင်ကြယ်စေခြင်းငှါ ဆေးမျိုးကို အပ်ပေးတော်မူပါ၊၊ ၄နှစ်သက်တော်မူသော သမီးကညာကို မိဖုရားဝါရှတိအရာ၌ ခန့်ထားတော်မူပါဟု လျှောက်သော စကားကို ရှင်ဘုရင်နှစ်သက်၍ ထိုသို့စီရင်တော်မူ၏၊၊

၅ထိုကာလတွင် ရှုရှန်မြို့တော်၌ ဗင်္ယာမိန်အမျိုးကိရှ၊ ရှိမိ၊ ယာဣရတို့မှ ဆင်းသက်သော မော်ဒကဲအမည်ရှိသော ယုဒလူတယောက်ရှိ၏၊၊ ၆ထိုသူသည် ဗာဗုလုန်ရှင်ဘုရင် နေဗုခဒ်နေဇာ သိမ်းသွားသော ယုဒရှင်ဘုရင်ယေခေါနိ မှစ၍ ဘမ်းဆီးသိမ်းသွားခြင်းကို ခံရသောလူစု၌ ပါသတည်း၊၊ ၇ထိုသူသည် ဘထွေးသမီးဟဒဿတည်းဟူသော ဧသတာကို မွေးမြူ၏၊၊ ထိုသတို့သမီးသည် မိဘမရှိ၊ ပုံပြင်ယဉ်ကျေး၍ အသွေးအဆင်းလည်းလှ၏၊၊ မိဘသေသောအခါ မော်ဒကဲသည်ယူ၍ ကိုယ်သမီးကဲ့သို့ မှတ်သတည်း၊၊

၈ရှင်ဘုရင်အမိန့်တော်ကိုထုတ်၍ ကျော်သောအခါ အပျိုများတို့ကို ရှုရှန်နန်းတော်သို့ စုဝေးစေ၍ မိန်းမစိုး ဟေဂဲ၌ အပ်ရာတွင် ဧသတကိုလည်း နန်းတော်သို့ခေါ်ဆောင်၍ ဟေဂဲ၌အပ်ကြ၏၊၊ ၉ဧသတာသည် ဟေဂဲစိတ်နှင့်တွေ့ ၍ မျက်နှာရသဖြင့် ဟေဂဲသည် စင်ကြယ်စေသော ဆေးမျိုးနှင့်ပေးရသော အဝတ်အစားကို အလျင်အမြန်ပေး၏၊၊  နန်းတော်၌ ရွေးကောက်သော ကျွန်မခုနစ်ယောက်တို့ကိုလည်းပေး၍ ဧသာတာနှင့် သူ၏ ကျွန်မတို့ကို အပျိုတော်နန်း တွင် အမြတ်ဆုံးသောနေရာ၌ မြှောက်လေ၏၊၊ ၁ဝဧသတာသည် မိမိအမျိုးနှင့် မိမိဆွေညာတကာကို မဘော်မပြမည် အကြောင်း၊ မော်ဒကဲသတိပေးသည်အတိုင်း မဘော်မပြနေ၏၊၊ ၁၁ဧသတာသည် အဘယ်သို့ရှိသည်ကို၎င်း၊ သူ၌အ ဘယ်သို့ပြုကြလိမ့်မည်ကို ၄င်း၊ မော်ဒကဲသည် သိခြင်းငှါအပျိုတော်နန်းဝင်းရှေ့မှာ နေ့တိုင်းသွားလာ၏၊၊

၁၂ထိုအပျိုတော်တို့ထုံးစံအတိုင်း တစ်နှစ်စေ့သောအခါ တယောက်နောက်တစ်ယောက် အလှည့် သင့်သည်အတိုင်း၊ ရှင်ဘုရင်အာရွှေရုထံ သို့ ဝင်ရ၏၊၊ ခြောက်လပတ်လုံးမုရန်ဆီ၊ ခြောက်လပတ်လုံးနံ့သာမျိုး အစရှိသော စင်ကြယ်စေသော ဆေးမျိုးကိုသုံး၍ စင်ကြယ်ခြင်းအမှုပြီးသည်တိုင်အောင် ထိုမျှကာလကို လွန်စေရ၏၊၊ ၁၃ထိုနောက်မှ အပျိုတော်သည် ရှင်ဘုရင်ထံသို့ဝင်ချိန်ရောက်သောအခါ၊ အလိုရှိသမျှတို့ကို တောင်း၍၊ အပျိုတော်နန်းမှရှင်ဘုရင်နန်း တော်သို့ ယူသွားရ၏။၁၄ညဦးအချိန်၌ဝင်၍ နံနက်အချိန်၌ နန်းတော်မိန်းမစိုး၊ မောင်းမမိဿံအုပ်၊ ရှာရှဂါဇစောင့် သောဒုတိယမိန်းမနန်းသို့ ပြန်ရ၏၊၊ ရှင်ဘုရင်ချစ်၍ နာမည်အားဖြင့် ခေါ်တော်မမူလျှင် နောက်တဖန်အထံတော်သို့ မဝင်ရ၊၊

၁၅မိမိသမီးကဲ့သို့ မော်ဒကဲမွေးမြူသော ဘထွေးအဘိဟဲလသမီး ဧသတာသည် အလှည့်သင့်၍ ရှင်ဘုရင်ထံသို့ ဝင်ရသောအခါ နန်းတော်မိန်းမစိုး၊ အပျိုတော်အုပ်ဟေဂဲစီရင်သော အရာမှတပါး အဘယ်အရာကိုမျှ မတောင်း၊ ဧသတာကို တွေ့မြင်သမျှသော သူတို့သည် ချစ်တတ်ကြ၏၊၊ ၁၆ ထိုသို့ ရှင်ဘုရင်အာရွှေရုသည် နန်းစံခုနစ်နှစ်၊ တေဗက် အမည်ရှိသော ဒသမလတွင် ဧသတာကိုနန်းတော်၌ သိမ်းတော်မူပြီးလျှင် ၁၇ အခြားသော သမီးကညာအပေါင်း တို့ထက် ဧသတာသည် စိတ်တော်ကိုနူးညွတ်စေ၍ အထံတော်၌ မျက်နှာရသဖြင့် ရှင်ဘုရင်သည် အခြားသော မိန်းမတကာ တို့ကို ချစ်သည်ထက် ဧသတာကိုသာ၍ ချစ်သောကြောင့် သူ့ခေါင်းပေါ်မှာ ရာဇသရဖူကို တင်၍ မိဖုရားဝါရှတိအရာ၌ မြှောက်တော်မူ၏၊၊ ၁၈ထိုအခါ ရှင်ဘုရင်သည် ဧသတာပွဲဟူ၍ ကြီးသောပွဲကို မှူးတော်မတ်တော် ကျွန်တော်တို့အဘို့  လုပ်သဖြင့် နိုင်ငံတော်တိုင်းပြည်တို့ကို မင်းမှုလွှတ်၍ စည်းစိမ်တော်နှင့် လျော်စွာ ဆုချတော်မူ၏။ ၁၉သမီးကညာတို့သည် ဒုတိယအချိန်၌ စုဝေးသောအခါ မော်ဒကဲသည် နန်းတော်၌ တံခါးမှူးဖြစ်၏၊၊ ၂ဝဧသတာသည် မော်ဒကဲထံ မွေးမြူခြင်းကို ခံ၍ နေစဉ်အခါ သူ၏စကားကိုနားထောင်သည် နည်းတူ နားထောင်သေးသည် ဖြစ်၍ မော်ဒကဲသတိပေးသည်အတိုင်း မိမိအမျိုး၊ မိမိဆွေညာ တကာတို့ကို မဘော်မပြဘဲနေသတည်း၊၊

၂၁ထိုကာလတွင် မော်ဒကဲသည် နန်းတော်၌ တံခါးမှူးဖြစ်စဉ်၊ ဗိဂသန်နှင့် တေရက်တည်းဟူသော နန်းတော် မိန်းမစိုး၊ တံခါးစောင့်နှစ်ယောက်တို့သည် ဒေါသစိတ်ရှိ၍ ရှင်ဘုရင်အာရွှေရုကို လုပ်ကြံမည်ဟု အားထုတ်ကြ၏၊၊ ၂၂ထိုအမှုကို မော်ဒကဲသိ၍ မိဖုရားဧသတာအားဘော်ပြ၏၊၊ ထိုသို့မော်ဒကဲဘော်ပြ ကြောင်းကို ဧသတာသည် ရှင်ဘုရင် အား လျှောက်လေ၏၊၊ ၂၃ထိုအမှုကိုစစ်ကြော၍အမှန်သိသောအခါ၊ ထိုသူနှစ်ယောက်တို့ကို သစ်ပင်၌ လည်ဆွဲ ချပြီးမှ၊ ရှင်ဘုရင်၊ရှေ့နန်းတော်မှတ်စာ၌ ရေးမှတ်သတည်း၊၊