ဧသတာ အခန်းကြီး (၄)


၁ထိုအမှုရှိသမျှကိုမော်ဒကဲသိသောအခါ မိမိအဝတ်ကိုဆုတ်၍ ပြားနှင့်လူးလျက်၊ လျှော်တေအဝတ်ကို ဝတ်လျက်၊ မြို့အလယ်သို့သွား၍ ကြီးကျယ်သောအသံနှင့် ငိုကြွေးလေ၏၊၊ ၂လျှော်တေအဝတ်ကို ဝတ်လျက် နန်းတော် တံခါးထဲသို့ အဘယ်သူမျှ မဝင်ရသောကြောင့်၊ နန်းတော်တံခါးရှေ့မှာရပ်နေ၏၊၊ ၃ရှင်ဘုရင်အမိန့် တော်စာရောက်လေ သော အပြည်ပြည်တို့၌ ယုဒလူတို့သည် အလွန်ညည်းတွားခြင်း၊ အစာရှောင်ခြင်း၊ ငိုကြွေးမြည် တမ်းခြင်းကိုပြု၍၊ လူများတို့သည် ပြားနှင့်လျှော်တေအဝတ်၌ အိပ်ကြ၏၊၊ ၄မော်ဒကဲအမှုကို ဧသတာ၏ ကျွန်မတို့နှင့် မိန်းမစိုးတို့သည် ကြားပြောသောအခါ မိဖုရားသည် အလွန်ဝမ်းနည်းလျက်၊ မော်ဒကဲဝတ်သော လျှော်တေကိုပယ်၍ အခြားသော အဝတ်ကိုဝတ်စေခြင်းငှါ ပေးလိုက်သောလည်း၊ မော်ဒကဲသည် မခံမယူဘဲနေ၏၊၊ ၅တဖန်ဧသတာသည် ရှင်ဘုရင်အမိန့် တော်နှင့် ခစားသော မိန်းမစိုးဟာတက်ကိုခေါ်၍ အဘယ်အမှုရှိသနည်း၊၊ အဘယ်ကြောင့် ဤသို့ပြုသနည်းဟု မော်ဒကဲကို မေးစေခြင်းငှါ စေလွှတ်သည်အတိုင်း၊ ၆ဟာထက်သည်မော်ဒကဲရှိရာ နန်းတော်တံခါးရှေ့၊ မြို့တော်လမ်း သို့သွား၍ ၇မော်ဒကဲသည်မိမိ၌ ရောက်သောအမှုရှိသမျှကို၎င်း၊ ဟာမန်သည် ယုဒလူတို့ကို ဖျက်ဆီး ခြင်းငှါ ငွေမည်မျှ ကိုဘဏ္ဍာတော်တိုက်ထဲသို့သွင်းပါမည်ဟု ဂတိထားကြောင်းကို၎င်း၊ ကြားပြောလျက်၊ ၈ယုဒလူ တို့ကိုဖျက်ဆီးခြင်းငှါ၊ ရှုရှနန်းတော်၌ထုတ်သော အမိန့်တော်စာလက်ခံကို ဧသတာအား ပြဘို့ပေး၍ ဧသတာသည် မိမိလူမျိုးအဘို့ တောင်းလျှောက်ခြင်းငှါ၊ ရှင်ဘုရင်ထံတော်သို့ ဝင်ရမည်အကြောင်း မှာလိုက်လေ၏၊၊ ၉ဟာတက်သည်လည်းလာ၍ မော်ဒကဲစကားကို ဧသတာအားပြန်ပြော၏၊၊

၁ဝတဖန်ဧသတာသည် ဟာတက်အားဖြင့်၊ မော်ဒကဲကိုမှာလိုက်သည်ကား၊ ၁၁ယောက်ျားဖြစ်စေ၊ မိန်းမဖြစ်စေ၊ ရှင်ဘုရင်ခေါ်တော်မမူဘဲ အတွင်းတန်တိုင်း၊ ရှင်ဘုရင်ထံတော်သို့ ဝင်မိသောသူသည် အသက်ချမ်းသာရမည် အကြောင်း ရွှေရာဇလှံတံကိုကမ်းတော်မမူလျှင်၊ အမှန်သေရမည်အကြောင်း၊  အမိန့်တော်ရှိသည်ကို ရှင်ဘုရင်၏ ကျွန်တော်မျိုးများနှင့် နိုင်ငံတော်ပြည်သူပြည်သားများအပေါင်း တို့သည်သိကြ၏၊၊ အကျွန်ုပ်ကိုကား အရက်သုံးဆယ် ပတ်လုံး၊ ရှင်ဘုရင်ထံတော်သို့ ခေါ်တော်မမူဟု၊ ၁၂ဧသတာစကားကို မော်ဒကဲအား ပြန်ပြောသောအခါ၊ မော်ဒကဲက အခြားသောယုဒလူအသက်မလွတ်လျှင်၊ ၁၃နန်းတော်၌ နေသော်လည်း သင့်အသက်လွတ်မည်ဟု မထင်နှင့်၊၊ ၁၄ယခုကာလ သင်သည် တိတ်ဆိတ်စွာ နေလျှင် သင့်နှင့်သင်၏ အဆွေအမျိုးသည် ပျက်စီး၍ ယုဒလူတို့အသက်ရှင်ခြင်း၊ ကယ်တင်ခြင်းအကြောင်း တစုံတခုပေါ်လိမ့်မည်၊၊ ယခုအမှုကို ဆောင်ဘို့ရာ သင်သည် မိဖုရားအရာကိုရသည်ဟု ထင် စရာရှိသည်မဟုတ်လောဟု ဧသတာအား ပြန်ပြောစေခြင်းငှါ မှာလိုက်၏၊၊ ၁၅ဧသတာကလည်း ရှုရှန်မြို့၌ရှိသော ယုဒလူအပေါင်းတို့ကို စုဝေးစေခြင်းငှါသွားပါ၊၊ နေ့ညဥ့်မပြတ်သုံးရက်ပတ်လုံးမစား သောက်ဘဲနေ၍ အကျွန်ုပ်အဘို့ အစာရှောင်ခြင်းအကျင့်ကိုကျင့်ကြပါ၊၊ အကျွန်ုပ်သည်လည်း ကျွန်မတို့နှင့် တကွ အစာရှောင်ခြင်းအကျင့်ကို ကျင့်ပါမည်။  ထိုနောက် အာဏာတော်ကို ဆန်ရသော်လည်း၊ ရှင်ဘုရင် ထံတော်သို့ ဝင်မည်၊ သေလျှင် အသေခံပါမည်ဟု မော်ဒကဲအား ပြန်ပြောစေခြင်းငှါ မှာလိုက်သမျှအတိုင်း မော်ဒကဲသည် သွား၍ပြုလေ၏၊