ဧသတာ အခန်းကြီး (၆)


၁ထိုနေ့ညမှာ ရှင်ဘုရင်သည် စက်တော်ခေါ်၍ မပျော်နိုင်သောကြောင့်၊ နန်းတော်မှတ်စာကိုယူခဲ့ဟု မိန့်တော် မူ၍ ရှေ့တော်၌ ဘတ်ရကြ၏၊၊ ၂ရှင်ဘုရင်အာရွှေရုကို လုပ်ကြံမည်ဟု ရှာကြံသော နန်းတော်မိန်းမစိုး၊ တံခါးစောင့်နှစ် ယောက်၊ ဗိဂသန်နှင့် တေရက်အကြံကို မော်ဒကဲဘော်ပြကြောင်းကို တွေ့လျှင် ၃ရှင်ဘုရင်က ထိုအကြံကို ဘော်ပြသောကြောင့်၊ မော်ဒကဲအား အဘယ်ဆုအဘယ်အရာကိုပေးပြီးနည်းဟု မေးတော်မူ သော်၊ အထံတော်၌ခစားသော ကျွန်တော်တို့က အဘယ်ဆုကို မျှပေးတော်မမူပါသေးဟု ပြန်လျှောက်ကြ၏၊၊ ၄ရှင်ဘုရင်ကလည်း တန်တိုင်းတွင်း၌ အဘယ်သူရှိသနည်းဟု မေးတော်မူလျှင်၊ ဟာမန်သည် မိမိလုပ်နှင့်သောလည်ဆွဲချတိုင်၌ မော်ဒကဲကိုလည်ဆွဲချရမည် အကြောင်း၊ နန်းတော်ပြင် တန်တိုင်းတွင်းသို့ ဝင်မိသည်ဖြစ်၍ ၅ရှင်ဘုရင်၏ ကျွန်တို့က ဟာမန်သည် တန်တိုင်းတော် တွင်း၌ ရှိပါ၏ဟု လျှောက်ကြသော်၊ အထဲသို့ဝင်စေဟု မိန့်တော်မူ၏၊၊ ၆ဟာမန်သည် ဝင်လျှင် ရှင်ဘုရင်က ရှင်ဘုရင် မြှောက်လိုသောသူ၌ အဘယ်သို့ ပြုသင့်သနည်းဟု မေးတော်မူလျှင်၊ ဟာမန်က ငါမှတပါး၊ ရှင်ဘုရင်သာ၍မြှောက် လိုသောသူ တစုံတယောက် ရှိနိုင်သလောဟုစိတ်ထဲမှာ အောက်မေ့လျက်၊ ၇-၈ရှင်ဘုရင် မြှောက်ခြင်းငှါ အလိုတော် ရှိသောသူအဘို့၊ ရှင်ဘုရင် ဝတ်ဆင်တော်မူသော မင်းမြောက်တန်ဆာ၊ ရှင်ဘုရင် စီးတော်မူသော မြင်းတော် ၊ ဆောင်း တော်မူသော ရာဇသရဖူကိုယူခဲ့၍ ၉ထိုတန်ဆာတော်နှင့် မြင်းတော်ကို ဘုန်းကြီးသော မှူးတော်မတ်တော်တပါး၌ အပ်ပြီးမှ၊   ရှင်ဘုရင်မြှောက်ခြင်းငှါ၊ အလိုတော်ရှိသောသူကို ထိုအဝတ်တန်ဆာ တော်နှင့် ဝတ်ဆင်စေ၍၊ မြင်းတော်ကို စီးစေပြီးလျှင်၊ မြို့တော်လမ်းမ၌ ဆောင်သွားလျက်၊ ရှင်ဘုရင်မြှောက်ခြင်းငှါ အလိုတော်ရှိသောသူ၌  ဤသို့ပြု ရသည်ဟု သူ့ရှေ့မှာ ကြွေးကြော်ပါစေဟု ရှင်ဘုရင်အား ပြန်လျှောက်လေ၏၊၊ ၁ဝထိုအခါရှင်ဘုရင်က သင်ပြောသည် အတိုင်း အလျင်အမြန်သွား၍ အဝတ်တန်ဆာနှင့်မြင်း တော်ကိုယူပြီးလျှင် ယုဒအမျိုးသား၊ နန်တော်တံခါးမှူးမော်ဒကဲ ၌ ပြုလော့၊၊ သင်ပြောသမျှတွင် တစုံတခုမျှမလပ်စေနှင့်ဟု ဟာမန်အားမိန့်တော်မူ၏၊၊ ၁၁ထိုအခါ ဟာမန်သည် အဝတ် တန်ဆာတော်နှင့် မြင်းတော်ကိုယူ၍၊ မော်ဒကဲကို ဝတ်ဆင်စေပြီးလျှင်၊ မြင်းတော်စီးစေသဖြင့် မြို့တော်လမ်းမ၌ ဆောင်သွားလျက် ရှင်ဘုရင်မြှောက်ခြင်းငှါ အလိုတော်ရှိသော သူ၌ ဤသို့ပြုရသည်ဟု သူ့ရှေ့မှာ ကြွေးကြော်၏။ ၁၂သို့ပြီးမှ မော်ဒကဲသည် နန်းတော်တံခါး သို့ပြန်လာ၏၊၊ ဟာမန်မူကား ညည်းတွားလျက် ခေါင်းကိုခြုံလျက်၊ မိမိအိမ်သို့ အလျင် အမြန်သွားပြီးလျှင်၊ ၁၃မိမိ၌ ဖြစ်လေသမျှကို မယားဇေရက်နှင့် အဆွေခင်ပွန်းရှိသမျှတို့အား ကြားပြောလေ၏။ မယားဇေရက်နှင့် ဟာမန်၏အဆွေပညာရှိတို့ကလည်း ကိုယ်တော်ရှုံးစရှိသော မော်ဒကဲသည် ယုဒအမျိုးမှန်လျှင်၊ ကိုယ်တော်သည် သူ့ကိုမနိုင်၊၊ သူ့ရှေ့မှာ ဧကန်အမှန်ရှုံးရမည်ဟု ပြန်ပြောကြ၏၊၊ ၁၄ထိုသို့ ပြောဆိုစဉ်တွင်း နန်းတော် မိန်းမစိုးတို့သည်လာ၍ ဧသတာပြင်ဆင်သောပွဲသို့ ဟာမန်ကိုအလျင်အမြန် ခေါ်သွားကြ၏၊၊