ဧသတာ အခန်းကြီး (၉)


၁ရှင်ဘုရင်အမိန့်တော်အတိုင်း စီရင်ရသော အချိန်နီး၍ ယုဒအမျိုး၏ ရန်သူတို့က ငါတို့နိုင်မည်ဟု မြော်လင့် သောနေ့၊ အမှုပြောင်းလဲ၍ ယုဒလူတို့သည် မနာလိုသောသူတို့ကို နိုင်သောနေ့ရက်တည်းဟူသော အာဒါမည်သော ဒွါဒသမလတဆယ်သုံးရက်နေ့တွင်၊ ၂ရှင်ဘုရင်အာရွှေရု၏ နိုင်ငံတော် အပြည်ပြည်အမြို့မြို့၌ နေသော ယုဒလူတို့သည်  ညှဉ်းဆဲလိုသော သူတို့ကို ဆီးတားခြင်းငှါ စုဝေးကြ၏၊၊ ပြည်သူပြည်သား အပေါင်းတို့သည် ကြောက်ရွံ့သောကြောင့်  အဘယ်သူမျှ ရန်မပြုဝံ့ဘဲနေကြ၏၊၊ ၃အပြည်ပြည်ကို အုပ်စိုးသောမင်း၊ ကိုယ်စားတော်မင်း၊ မြို့ဝန်မင်း၊ အမှုတော်စောင့်  အရာရှိအပေါင်းတို့သည် မော်ဒကဲကို ကြောက်ရွံ့သောကြောင့်၊ ယုဒလူတို့ကို မစကြ၏၊၊ ၄အကြောင်းမူကား၊ မော်ဒကဲသည် နန်းတော်တွင် ဘုန်းကြီးလျက်၊ အတိုင်းတိုင်းအပြည်ပြည်၌ သိတင်းနှံ့ပြား၍ တနေ့ထက် တနေ့ကြီးမြင့်ရာသို့ ရောက်သတည်း၊၊ ၅ထိုနေ့တွင် ယုဒလူတို့သည် ရန်သူအပေါင်းတို့ကို ထားနှင့်လုပ်ကြံသတ်ဖြတ်ဖျက်ဆီး၍၊ မနာလို သော သူတို့၌ ပြုချင်သမျှပြုကြ၏၊၊ ၆ရှုရှန်မြို့တော်၌ လူငါးရာတို့ကို လုပ်ကြံသတ်ဖြတ်ကြ၏၊၊

၇-၁ဝယုဒအမျိုး၏ ရန်သူဟမ္မေဒါသသားဖြစ်သော ဟာမန်၏သားတကျိပ်တည်းဟူသော ပါရှန္ဒာသ၊ ဒါလဖုန်  အာသပါသ၊ ပေါရသ၊ အာဒလိ၊ အာရိဒါသ၊ ပါမရှာတ၊ အရိသဲ၊ အရိဒဲ၊ ဝါဇေဇာသတို့ကိုလည်း သတ်ကြ၏၊၊ သို့ရာတွင် သူတို့ဥစ္စာကို မသိမ်းမယူဘဲ နေကြ၏၊၊

၁၁ထိုနေ့၌ရှုရှန်မြို့တော်တွင် သေသောသူစာရင်းကို ရှင်ဘုရင်ရှေ့တော်မှာပြကြ၏၊၊ ၁၂ရှင်ဘုရင်သည် မိဖုရား ဧသတာကိုခေါ်၍၊ ယုဒလူတို့သည် ရှုရှန်မြို့တော်၌ ဟာမန်သားတကျိပ်နှင့်တကွ လူငါးရာတို့ကို လုပ်ကြံသတ်ဖြတ် ကြပြီ၊၊ နိုင်ငံတော်တွင် အခြားသော အပြည်ပြည်တို့၌ အဘယ်သို့ပြုကြပြီနည်း၊၊ သင်သည် အဘယ်အလိုရှိသေး သနည်း၊၊ အလိုရှိသည်အတိုင်း ငါပြုမည်၊၊ အဘယ်ဆုကို တောင်းချင်သေးသနည်း၊၊ တောင်းသမျှကို ငါပေးမည်ဟု မိန့်တော်မူလျှင်၊ ၁၃ဧသတာက၊ အရှင်မင်းကြီးအလိုတော်ရှိလျှင်၊ ရှုရှန်မြို့၌ရှိသော ယုဒလူတို့သည် ယနေ့အမိန့်တော် အတိုင်း နက်ဖြန်နေ့၌လည်း ပြုရမည်အကြောင်း၊ ဟာမန်သား တကျိပ်ကိုလည်း လည်ဆွဲချတိုင်၌ ဆွဲထားရမည် အကြောင်း အမိန့်ရှိတော်မူပါဟု လျှောက်သည်အတိုင်း၊ ၁၄ရှင်ဘုရင်မိန့်တော်မူ၍ ရှုရှန်နန်းတော်၌ အမိန့်တော်ကို ထုတ်ပြီးမှ ဟာမန်သား တကျိပ်ကို ဆွဲထားကြ၏၊၊ ၁၅ရှုရှန်မြို့၌ရှိသော ယုဒလူတို့သည်လည်း၊ အာဒါလတဆယ် လေးရက်နေ့တွင် စုဝေး၍ ရှုရှန်မြို့သားသုံးရာတို့ကို သတ်ကြ၏၊၊ သို့ရာတွင် သူတို့ဥစ္စာကိုမသိမ်းမယူဘဲနေကြ၏၊၊ ၁၆ နိုင်ငံတော်အတိုင်းတိုင်းအပြည်ပြည်၌ရှိသော ယုဒလူအခြားတို့သည် အာဒါလတဆယ်သုံးရက်နေ့တွင် မိမိတို့ အသက်ကို စောင့်လျက်၊ ရန်သူလက်သို့မရောက်ဘဲ ချမ်းသာရမည်အကြောင်း၊ စုဝေး၍ ရန်သူခုနစ်သောင်းငါးထောင် တို့ကို သတ်ကြ၏၊၊ သို့ရာတွင် သူတို့ဥစ္စာကို မသိမ်းမယူဘဲနေကြ၏၊၊ ၁၇ ထိုလတဆယ်လေးရက်နေ့တွင် ငြိမ်ဝပ်စွာ နေ၍ ပွဲခံရာနေ့၊ ပျော်မွေ့ရာနေ့ ဖြစ်စေခြင်းငှါ စောင့်ရှောက်ကြ၏၊၊ ၁၈ရှုရှန်မြို့ရှိသော ယုဒလူများမူကား၊ တဆယ်သုံး ရက်နေ့နှင့် တဆယ်လေးရက်နေ့တွင် စုဝေးကြ၏၊၊ တဆယ်ငါးရက်မြောက်သောအခါ ငြိမ်ဝပ်စွာနေ၍ ပွဲခံရာနေ့၊ ပျော်မွေ့ရာနေ့ဖြစ်စေခြင်းငှါ စောင့်ရှောက်ကြ၏၊၊ ၁၉မြို့ရိုးမရှိသောရွာတို့၌နေသော ယုဒလူတို့သည်လည်း၊ အာဒါလ တဆယ်လေးရက်နေ့ကို ပျော်မွေ့စွာပွဲခံရာ နေ့၊ မင်္ဂလာနေ့၊ တယောက်ကို တယောက် လက်ဆောင်ပေးလိုက်ရာနေ့ ဖြစ်ကြ၏၊၊

၂ဝတဖန်မော်ဒကဲသည် ဤအမှုအရာတို့ကို ရေးထား၏၊၊ ၂၁-၂၂ ယုဒလူတို့သည် ရန်သူလက်မှလွတ်၍ ချမ်း သာရသောနေ့၊ သူတို့ဝမ်းနည်းခြင်းနှင့် မြည်တမ်းခြင်းပျောက်၍ ဝမ်းမြောက်ခြင်းနှင့် ပျော်မွေ့ခြင်းသို့ ရောက်သောလ တည်းဟူသော အာဒါလတဆယ်လေးရက်နှင့် တဆယ်ငါးရက်နေ့တို့ကို နှစ်တိုင်းစောင့်၍ ပွဲခံရာနေ့၊ ပျော်မွေ့ရာနေ့၊ တယောက်ကိုတယောက် လက်ဆောင်ပေးလိုက်၍ ဆင်းရဲသောသူတို့အား စွန့်ကြဲရာနေ့ဖြစ်စေသော ထုံးစံကို စီရင်ခြင်းငှါ၊ ရှင်ဘုရင်အာရွှေရုနိုင်ငံတော်အပြည်ပြည်၌ အနီးအဝေးရှိသော ယုဒလူအပေါင်းတို့ နေရာသို့မှာစာကို ပေးလိုက်လေ၏၊၊ ၂၃ယုဒလူတို့သည်လည်း၊ ပြုစရှိ၍ မော်ဒကဲမှာလိုက်သည်အတိုင်း အမြဲပြုပါမည်ဟု ဝန်ခံကြ၏၊၊ ၂၄ယုဒလူ အပေါင်းတို့၏ ရန်သူဖြစ်သော အာဂတ်အမျိုး၊ ဟမ္မေဒါသသား ဟာမန်သည်ယုဒအမျိုးကို ဖျက်ဆီးမည်အကြံရှိ၍ ဖျက်ဆီးပယ်ရှင်းခြင်းငှါ ပုရစာရေးတံချသောကြောင့်၎င်း၊ ၂၅ဧသတာသည် ရှင်ဘုရင်ထံတော်သို့ဝင်၍ ယုဒလူတို့တ ဘက်၌ ဟာမန်ကြံစည်သော အဓမ္မအကြံကို သူ၏ခေါင်းပေါ်သို့ ပြန်ရောက်စေမည်အကြောင်း၊ သူနှင့်သူ၏ သားတို့ကို လည်း လည်ဆွဲချတိုင်၌ ဆွဲထားစေမည်အကြောင်း၊ အမိန့်တော်စာကို ပေးတော်မူသည်ဖြစ်၍၄င်း၊ ၂၆ပုရဟူသောစကားကိုအစွဲပြုသဖြင့်၊ ထိုနေ့တို့ကို ပုရနေ့ ဟူ၍ခေါ်ဝေါ်ကြ၏၊၊ ထိုအမိန့်တော်စာချက်နှင့် ကိုယ်တိုင်တွေ့မြင်သော အမှုကို ထောက်လျက်၊ ၂၇ယုဒလူတို့သည် ကိုယ်တိုင်မှစ၍ သားမြေး၊ ဘာသာဝင်သူအပေါင်းတို့နှင့်တကွ၊ မော်ဒကဲမှာစာ၌ စီရင်ထုံးဖွဲ့သည် အတိုင်း၊ ထိုနေ့နှစ်ရက် ကို နှစ်တိုင်း အစဉ်မပြတ်စောင့်မည်အကြောင်း၊ ၂၈ထိုပုရနေ့တို့သည် ယုဒအမျိုး၌မပျောက်၊ သားစဉ်မြေးဆက်တို့ သည်မမေ့မလျော့၊ အပြည်ပြည်အမြို့မြို့၌ နေသောအဆွေအမျိုး အသီးအသီး အစဉ်အဆက်တို့သည် စီရင်သည်အတိုင်း အောက်မေ့ စောင့်ရှောက်မည်အကြောင်း ဝန်ခံကြ၏၊၊ ၂၉ထိုအခါ အဘိဟဲလသမီးမိဖုရား ဧသတာနှင့် ယုဒအမျိုး မော်ဒကဲတို့သည်  ပုရနေ့တို့ကို မြဲမြံစွာ တည်စေခြင်းငှါ ကျပ်တည်းစွာ အာဏာထား၍ မှာစာကို တဖန်ရေးထားကြ၏။ ၃ဝ-၃၁ယုဒအမျိုးသား မော်ဒကဲနှင့် မိဖုရားဧသတာမှာထား၍ ယုဒလူတို့သည် ကိုယ်အဘို့နှင့် သားစဉ်မြေးဆက်အဘို့ စီရင်သည်အတိုင်း၊ ချိန်းချက်သောအချိန်၌ အစာရှောင်ခြင်း၊ ဆုတောင်းခြင်းနှင့်တကွ ပုရနေ့တို့ကို အမြဲစောင့်စေခြင်းငှါ၊ အာရွှေရုနိုင်ငံ တော်တွင် တိုင်းပြည် တရာနှစ်ဆယ်ခုနစ်ပြည်၌ရှိသော ယုဒလူအပေါင်းတို့ နေရာသို့ ငြိမ်သက်စေသော သစ္စာစကား နှင့်ထိုမှာစာကို မော်ဒကဲပေးလိုက်လေ၏၊၊  ၃၂ ဧသတာစီရင်သောအားဖြင့်၊ ပုရနေ့တို့ကိုစောင့်ရာ ထုံးစံ သည် အမြဲတည်၍  ဤစာ၌ရေးထားလျက် ရှိသတည်း၊၊