တောလည်ရာ အခန်းကြီး (၂)


၁တဖန် ထာဝရဘုရားသည် မောရှေနှင့်အာရုန်အား မိန့်တော်မူသည်ကား၊ ၂ဣသရေလအမျိုးသား အသီးအသီးတို့သည်၊ မိမိတပ်နှင့်ဆိုင်သောအလံ၊ မိမိအဆွေအမျိုးနှင့်ဆိုင်သော အလံအနားမှာ၊ ပရိသတ်စည်းဝေး ရာတဲတော်ကို ရှေရှုပြု၍နေရာချရမည်။ ၃နေထွက်ရာအရှေ့မျက်နှာ၌၊ ယုဒတပ်အလံနှင့် ဆိုင်သော အလုံးအရင်း သည်နေရာကျ၍၊ အမိနဒပ်သား နာရှုန်သည်၊ ယုဒအမျိုးသားတို့တွင် ဗိုလ်လုပ်ရမည်။ ၄သူအုပ်ရသော အလုံးအရင်း အရေအတွက်ကား၊ ခုနစ်သောင်းလေးထောင် ခြောက်ရာရှိ သတည်း။ ၅ယုဒတပ်အနားမှာ၊ ဣသခါတပ်ချ၍၊ ဇုအာသား နာသနေလသည်၊ ဣသခါအမျိုးသားတို့တွင် ဗိုလ်လုပ်ရမည်။ ၆သူအုပ်ရသော အလုံးအရင်း အရေအတွက်ကား၊ ငါးသောင်းလေးထောင် လေးရာရှိ သတည်း။ ၇ထိုနောက်၊ ဇာဗုလုန်တပ်ချ၍၊ ဟေလုန်သား ဧလျာဘသည်၊ ဇာဗုလုန်အမျိုးသားတို့တွင် ဗိုလ်လုပ်ရမည်။ ၈သူအုပ်ရသော အလုံးအရင်းအရေအတွက်ကား၊ ငါးသောင်းခုနစ်ထောင် လေးရာရှိသတည်း။ ၉ယုဒတပ်နှင့်ဆိုင်သော အလုံးအရင်း အရေအတွက်ကား၊ တစ်သိန်းရှစ်သောင်း ခြောက်ထောင်လေးရာ ရှိသတည်း။ ဤသူတို့သည် တပ်ဦးအရာ၌ ချီရကြမည်။

၁ဝတောင်မျက်နှာ၌၊ ရုဗင်တပ်အလုံးအရင်းသည်၊ ရုဗင်အလံကိုထူ၍၊ ရှေဒုရသား ဧလိဇုရသည်၊ ရုဗင်အမျိုး သားတို့တွင် ဗိုလ်လုပ်ရမည်။ ၁၁သူအုပ်ရသော အလုံးအရင်း အရေအတွက်ကား၊ လေးသောင်း ခြောက်ထောင် ငါးရာရှိသတည်း။ ၁၂ရုဗင်တပ်အနားမှာ ရှိမောင်တပ်ချ၍ ဇုရိရှဒ္ဒဲသား ရှေလုမျေလသည်၊ ရှိမောင်အမျိုးသားတို့တွင် ဗိုလ်လုပ်ရမည်။ ၁၃သူအုပ်ရသော အလုံးအရင်းအရေအတွက်ကား၊ ငါးသောင်း ကိုးထောင် သုံးရာရှိသတည်း။ ၁၄ထိုနောက် ဂဒ်တပ်ချ၍၊ ဒွေလသား ဧလျာသပ်သည်၊ ဂဒ်အမျိုးသားတို့တွင် ဗိုလ်လုပ်ရမည်။ ၁၅သူအုပ်ရသော အလုံးအရင်းအရေအတွက်ကား၊ လေးသောင်းငါးထောင် ခြောက်ရာ ငါးဆယ်ရှိသတည်း။ ၁၆ရုဗင်တပ်နှင့်ဆိုင်သော အလုံးအရင်းအရေအတွက်ကား၊ တသိန်းငါးသောင်း တစ်ထောင်လေးရာငါးဆယ် ရှိသတည်း။ ဤသူတို့သည် ဒုတိယတပ်အရာ၌ ချီရကြမည်။

၁၇ထိုအခါ၊ တပ်မအလယ်၌ ပရိသတ်စည်းဝေးရာ တဲတော်နှင့်တကွ၊ လေဝိတပ်ချီရမည်။ တပ်ချသည် အတိုင်း၊ လူအသီးအသီးတို့သည် မိမိနေရာ၌ မိမိဆိုင်သောအလံနှင့်အတူ လိုက်လျက်ချီရကြမည်။

၁၈အနောက်မျက်နှာ၌ ဧဖရိမ်တပ်အလုံးအရင်းသည်၊ ဧဖရိမ်အလံကိုထူ၍၊ အမိဟုဒ်သား ဧလိရှမာသည်၊ ဧဖရိမ်အမျိုးသားတို့တွင် ဗိုလ်လုပ်ရမည်။ ၁၉သူအုပ်ရသော အလုံးအရင်းအရေအတွက်ကား၊ လေးသောင်းငါးရာ ရှိသတည်း။ ၂ဝဧဖရိမ်တပ်အနားမှာ မနာရှေတပ်ချ၍၊ ပေဒါဇုရသား ဂါမလျေလသည်၊ မနာရှေအမျိုးသားတို့တွင် ဗိုလ်လုပ်ရမည်။ ၂၁သူအုပ်ရသော အလုံးအရင်းအရေအတွက်ကား၊ သုံးသောင်း နှစ်ထောင်နှစ်ရာ ရှိသတည်း။ ၂၂ထိုနောက် ဗင်္ယာမိန်တပ်ချ၍၊ ဂိဒေါနိသား အဘိဒန်သည်၊ ဗင်္ယာမိန်အမျိုး သားတို့တွင် ဗိုလ်လုပ်ရမည်။ ၂၃သူအုပ် ရသော အလုံးအရင်းအရေအတွက်ကား၊ သုံးသောင်းငါးထောင် လေးရာ ရှိသတည်း။ ၂၄ဧဖရိမ်တပ်နှင့်ဆိုင်သော အလုံးအရင်းအရေအတွက်ကား တသိန်းရှစ်ထောင် တစ်ရာရှိသတည်း။ ဤသူတို့သည် တတိယတပ်အရာ၌ ချီရကြမည်။

၂၅တပ်များ မြောက်မျက်နှာ၌၊ ဒန်တပ်အလုံးအရင်းသည်၊ ဒန်အလံကိုထူ၍၊ အမိရှဒ္ဒဲသား အဟေဇာသည်၊ ဒန်အမျိုးသားတို့တွင် ဗိုလ်လုပ်ရမည်။ ၂၆သူအုပ်ရသော အလုံးအရင်းအရေအတွက်ကား၊ ခြောက်သောင်းနှစ်ထောင် ခုနှစ်ရာရှိသတည်း။ ၂၇ဒန်တပ်အနားမှာ၊ အာရှာတပ်ချ၍၊ သြကရန်သား ပါဂျေလသည်၊ အာရှာအမျိုးသားတို့တွင် ဗိုလ်လုပ်ရမည်။ ၂၈သူအုပ်ရသော အလုံးအရင်းအရေအတွက်ကား၊ လေးသောင်းတစ်ထောင် ငါးရာရှိသတည်း။ ၂၉ထိုနောက်၊ နဿလိတပ်ချ၍၊ ဧနန်သား အဟိရသည်၊ နဿလိအမျိုးသားတို့တွင် ဗိုလ်လုပ်ရမည်။ ၃ဝသူအုပ်ရသော အလုံးအရင်းအရေအတွက်ကား၊ ငါးသောင်း သုံးထောင် လေးရာရှိသတည်း။ ၃၁ဒန်တပ်နှင့်ဆိုင်သော အလုံးအရင်း အရေအတွက်ကား၊ တသိန်းငါးသောင်း ခုနစ်ထောင်ခြောက်ရာရှိသတည်း။ ဤသူတို့သည်၊ မိမိတို့အလံပါလျက် နောက်ဆုံးတပ်အရာ၌ ချီရကြမည်။

၃၂ထိုသို့နှင့်အညီ၊ အဆွေအမျိုးအလိုက် ရေတွက်သော ဣသရေလအမျိုးသားတပ် အလုံးအရင်း လူပေါင်းကား၊ ခြောက်သိန်း သုံးထောင်ငါးရာ ငါးဆယ်ရှိသတည်း။ ၃၃ထာဝရဘုရားသည်၊ မောရှေအား မှာထားတော်မူသည် အတိုင်း၊ လေဝိသားတို့ကို၊ ဣသရေလအမျိုးသားတို့နှင့် ရောနှော၍ မရေတွက်ရ။ ၃၄ထာဝရဘုရားသည်၊ မောရှေအား မှာထားတော်မူသည်အတိုင်း၊ ဣသရေလအမျိုးသားအသီးအသီး တို့သည်၊ မိမိအလံအနားမှာ မိမိနေရာချခြင်း ကို၎င်း၊ မိမိဘိုးဘအမျိုးအလိုက် ချီခြင်းကို၎င်း ပြုရကြ၏။