တောလည်ရာ အခန်းကြီး (၃၆)


၁ယောသပ်အမျိုးဖြစ်သော မနာရှေနှင့် မာခိရတို့မှ ဆင်းသက်သော ဂိလဒ်၏သား အဆွေအမျိုး သူကြီး တို့သည်၊ မောရှေအစရှိသော ဣသရေလအမျိုးသား အဆွေအမျိုးသူကြီးတို့ထံသို့ လာ၍၊ ၂အကျွန်ုပ်တို့သခင်သည် စာရေးတံချသဖြင့်၊ ဣသရေလအမျိုးသားတို့အား ခါနာန်ပြည်ကို အမွေပေးစေခြင်း ငှါ၎င်း၊ အကျွန်ုပ်တို့အစ်ကိုကို ဇလောဖဒ်၏ အမွေမြေကို သူ၏သမီးတို့အား ပေးစေခြင်းငှါ၎င်း၊ ထာဝရဘုရားအား အမိန့်တော်ရှိပါ၏။ ၃ထိုမိန်းမ တို့သည် မိမိအမျိုးမှတပါး၊ အခြားသောဣသရေလ အမျိုးသားနှင့် စုံဘက်လျှင်၊ သူတို့အမွေမြေကို အကျွန်ုပ်တို့ မိစဉ်ဘဆက် အမွေမှနှုတ်၍ သူတို့ဝင်သော အမျိုး၏ အမွေထဲ၌ ပါသွားသဖြင့်၊ အကျွန်ုပ်တို့အမွေမြေသည် လျော့ပါ လိမ့်မည်။ ၄ဣသရေလအမျိုးသား တို့၌ ယုဘိလနှစ်ရောက်သောအခါ၊ သူတို့အမွေမြေသည် သူတို့ဝင်သောအမျိုး၏ အမွေ၌ အမြဲတည်သဖြင့်၊ အကျွန်ုပ်တို့ မိစဉ်ဘဆက်အမွေမှ အစဉ်နှုတ်လျက်  ရှိပါလိမ့်မည်ဟု လျှောက်ထားကြ၏။ ၅ထိုအခါ မောရှေသည် ထာဝရဘုရား၏ အမိန့်တော်အတိုင်း၊ ဣသရေလအမျိုးသားတို့အား မှာထားလေသည်မှာ၊ ယောသပ်အမျိုးသားတို့၏ စကားသည် လျောက်ပတ်ပေ၏။ ၆ဇလောဖဒ်သမီးတို့၏အမှု၌ ထာဝရဘုရား မိန့်တော်မူ သည်ကား၊ သူတို့သည် အလိုရှိသောသူနှင့် စုံဘက်ပါလေစေ။ သို့ရာတွင် မိစဉ်ဘဆက်အမျိုးသား မှတပါး၊ အခြားသူ နှင့်စုံဘက်ခြင်းကို မပြုစေနှင့်။ ၇ဣသရေလအမျိုးသားတို့၏ အမွေမြေသည် တမျိုးမှတမျိုးသို့ မပြောင်းရ။ ဣသရေလ အမျိုးသားအပေါင်းတို့သည် အသီးအသီး မိမိတို့ မိစဉ်ဘဆက် အမွေ၌ နေရကြမည်။ ၈ဣသရေလအမျိုး တစုံတမျိုး၌ အမွေမြေရှိသော မိန်းမသည် မိမိတို့ မိစဉ်ဘဆက် အမျိုးနှင့် စုံဘက်ရမည်။ ထိုသို့ ဣသရေလမျိုးသား အသီးအသီး တို့သည် မိမိတို့ မိစဉ်ဘဆက်အမွေမြေကို ခံစားရကြည်။ ၉အမွေမြေသည် တမျိုးမှတမျိုးသို့ မပြောင်းရ။ ဣသရေလ အမျိုးသား အသီးအသီးတို့သည် မိမိတို့အမွေမြေ၌ နေရကြမည်ဟု မိန့်တော်မူ၏။

၁ဝထာဝရဘုရားသည် မောရှေအား မှာထားတော်မူသည်အတိုင်း၊ ဇလောဖဒ်၏သမီး မာလာ၊ ၁၁တိရဇာ၊ ဟောဂလာ၊ မိလကာ၊ နောအာတို့သည် ပြု၍၊ ဘကြီးသား၊ ဘထွေးသားတို့နှင့် စုံဘက်ကြ၏။ ၁၂ထိုသို့ ယောသပ် တွင်မြင်သော မနာရှေသား အဆွေအမျိုးနှင့် စုံဘက်ခြင်းအမှုကိုပြု၍ သူတို့အမွေမြေသည် သူတို့မိစဉ်ဘဆက်အမျိုး၌ တည်နေ၏။ ၁၃ဤရွေ့ကား မောဘလွင်ပြင်၊ ယောဒန်မြစ်နား ယေရိခေါမြို့တဘက်၌ ထာဝရဘုရားသည် မောရှေ အားဖြင့် ဣသရေလအမျိုးသားတို့အား ထားတော်မူသော စီရင်ထုံးဖွဲ့ချက် ဖြစ်သတည်း။

 

ရှင်မောရှေစီရင်ရေးထားသော တောလည်ရာကျမ်းပြီး၏။