တောလည်ရာ အခန်းကြီး (၃)


၁ထာဝရဘုရားသည်၊ သိနာတောင်ပေါ်မှာ မောရှေအား ဗျာဒိတ်ပေးတော်မူသောအခါ၊ အာရုန်နှင့် မောရှေ အမျိုးအနွှယ်၏ အတ္ထုပ္ပတ္တိများကို မှတ်သားသည်တွင်၊ ၂အာရုန်၏သားဟူမူကား၊ သားဦးနာဒပ်၊ ညီအဘိဟု၊ ဧလာဇာ၊ ဣသမာတည်း။ ၃ဤသူတို့ကား၊ အဘသည်ယဇ်ပုရောဟိတ်အမှုကို ဆောင်စေခြင်းငှါ ဆီလောင်းခြင်း ဘိသိက်ကို ပေး၍ အရာ၌ခန့်ထားသော အာရုန်၏ သားဖြစ်ကြသတည်း။ ၄နာဒပ်နှင့် အဘိဟုသည်၊ သိနာတောတွင် ထာဝရဘုရားရှေ့တော်၌ ထူးခြားသောမီးကို ပူဇော်သောအခါ၊ ထာဝရဘုရားရှေ့တော်၌ သေကြ၏။ သူတို့၌ သားမရှိသည်ဖြစ်၍၊ ဧလာဇာနှင့် ဣသမာသည်၊ အဘ အာရုန်ရှေ့မှာ ယဇ်ပုရောဟိတ်အမှုကို ဆောင်ရွက်ကြ၏။ ၅ထာဝရဘုရားသည် မောရှေအား မိန့်တော်မူ သည်ကား၊ ၆သင်သည်လေဝိအမျိုးသားတို့ကိုခေါ်ခဲ့၍ ယဇ်ပု ရောဟိတ်အာရုန်အမှုကို ဆောင်စေခြင်းငှါ၊ အာရုန်ထံ၌ နေရာချလော့။ ၇သူတို့သည် ပရိသတ်စည်းဝေးရာ တဲတော် ရှေ့မှာ၊ အာရုန်နှင့် ပရိသတ်အပေါင်းတို့ ဆောင်ရသော အမှုတည်းဟူသော တဲတော်အမှုကို ဆောင်ရွက်ရကြမည်။ ၈သူတို့သည် ပရိသတ်စည်းဝေးရာတဲတော် တန်ဆာရှိသမျှတို့ကို ကြည့်ရှုပြုစု၍၊ ဣသရေလအမျိုးသားဆောင်ရသော တဲတော်အမှုကို ဆောင်ရကြမည်။ ၉လေဝိသားတို့ကို၊ အာရုန်နှင့် သူ၏သားတို့၌ အပ်ရမည်။ ဣသရေလအမျိုးထဲက သူတို့ကို ရွေး၍ ငါ့အားအပိုင်ပေးရမည်။ ၁ဝအာရုန်နှင့် သူ၏သားတို့ကို လည်းခန့် ထား၍၊ သူတို့သည် ယဇ်ပုရော ဟိတ်အမှုကို စောင့်ရကြမည်။ သူ၏အမျိုးမှတပါး၊ အခြားသောသူသည် ချဉ်းကပ်လျှင်၊ အသေသတ်ခြင်းကို ခံရမည်ဟု မိန့်တော်မူ၏။

၁၁တဖန် ထာဝရဘုရားသည် မောရှေအား မိန့်တော်မူသည်ကား၊ ၁၂ဣသရေလအမျိုးတွင် အဦးဘွားသော သားဦးများအတွက် လေဝိသားတို့ကို ငါရွေးယူသောကြောင့်၊ လေဝိသားတို့သည် အထူးသဖြင့် ငါ၏လူဖြစ်ရကြမည်။ ၁၃အကြောင်းမူကား၊ အဲဂုတ္တုပြည်၌ သားဦးအပေါင်းတို့ကို ငါသည်ဒဏ် ခတ်သောအခါ၊ ဣသရေလအမျိုးတွင် လူဖြစ်စေ၊ တိရစ္ဆာန်ဖြစ်စေ၊ သားဦးအပေါင်းတို့ကို ငါ့အဘို့ ငါသန့်ရှင်း စေသောကြောင့်၊ သားဦးအပေါင်းတို့ကို အထူးသဖြင့် ငါပိုင်ရ၏။ ငါသည် ထာဝရဘုရားဖြစ်သည်ဟု မိန့်တော်မူ၏။

၁၄တဖန် ထာဝရဘုရားသည်၊ သိနာတော၌ မောရှေအား မိန့်တော်မူသည်ကား၊ ၁၅လေဝိသားတို့တွင် အသက်တလကျော်ရှိသော ယောက်ျားအပေါင်းတို့ကို အဆွေအမျိုးအလိုက် ရေတွက်လော့ဟု၊ ၁၆မှာထားတော် မူသည်အတိုင်း၊ မောရှေသည် လေဝိသားတို့ကို ရေတွက်လေ၏။ ၁၇လေဝိသားတို့၏ နာမည်ဟူမူကား၊ ဂေရရှုန်၊ ကောဟတ်၊ မေရာရိတည်း။ ၁၈မိမိအဆွေအမျိုးအလိုက် ဂေရရှုန်သားတို့၏ နာမည်ကား၊ လိဗနိနှင့်ရှိမိတည်း။ ၁၉မိမိအဆွေအမျိုးအလိုက် ကောဟတ်သားတို့၏ နာမည်ကား၊ အာမရံ၊ ဣဇဟာ၊ ဟေဗြုန်၊ သြဇေလတည်း။ ၂ဝမိမိအဆွေအမျိုးအလိုက် မေရာရိသားတို့၏နာမည်ကား၊ မဟာလိနှင့် မုရှိတည်း။ ဤသူတို့သည်၊ မိမိဘိုးဘအမျိုး အလိုက် ရေတွက်သော လေဝိအမျိုးအနွှယ်ဖြစ်ကြ၏။

၂၁ဂေရရှုန်မှဆင်းသက်သော လိဗနိအဆွေအမျိုး၊ ရှိမိအဆွေအမျိုးတို့သည် ဂေရရှုန်အမျိုးအနွှယ် ဖြစ်ကြ၏။ ၂၂ထိုအဆွေအမျိုးတို့ကို ရေတွက်၍ အသက်တလကျော်ရှိသော ယောက်ျားပေါင်းကား ခုနစ်ထောင်းငါးရာရှိသတည်း။ ၂၃ဂေရရှုန်အဆွေအမျိုးတို့သည် တဲတော်အနောက်မျက်နှာ၌ နေရာချရမည်။ ၂၄ဂေရရှုန်အဆွေအမျိုးသူကြီးကား၊ လေလသား ဧလျာသပ်တည်း။ ၂၅ဂေရရှုန်သားတို့ အငန်းအတာဟူမူကား၊ ပရိသတ်စည်းဝေးရာတဲတော်၊ အပေါ်တဲ၊  အပေါ်တဲ အဖုံး၊ ပရိသတ်စည်းဝေးရာ တဲတော်တံခါးဝ၌ ကာသော ကုလားကာ၊ ၂၆တဲတော်နှင့် ယဇ်ပလ္လင်ပတ်လည် ဝင်းကုလားကာ၊ ဝင်းတံခါးဝ၌ကာသော ကုလားကာ၊ ကြိုးများ အစရှိသည်တို့ကို ကြည့်ရှုပြုစုရကြမည်။

၂၇ကောဟတ်မှဆင်းသက်သော အာမရံအဆွေအမျိုး၊ ဣဇဟာအဆွေအမျိုး၊ ဟေဗြုန်အဆွေအမျိုး၊ သြဇေလအဆွေအမျိုးတို့သည် ကောဟတ်အမျိုးအနွှယ်ဖြစ်ကြ၏။ ၂၈တဲတော်ကိုစောင့်သောသူ၊ ထိုအဆွေ အမျိုး တို့ကိုရေတွက်၍ အသက်တလကျော်ရှိသော ယောက်ျားအပေါင်းကား၊ ရှစ်သောင်းခြောက်ရာ ရှိသတည်း။ ၂၉ကောဟတ်အဆွေအမျိုးတို့သည်၊ တဲတော်တောင်မျက်နှာ၌ နေရာချရမည်။ ၃ဝကောဟတ် အဆွေအမျိုး သူကြီးကား၊ သြဇေလသား ဧလိဇာဖန်တည်း။ ၃၁သူတို့အငန်းအတာ ဟူမူကား၊ သေတ္တာ၊ စားပွဲ၊ ယဇ်ပလ္လင်များ၊ အမှုတော် ထမ်းစရာ တဲတော်တန်ဆာများ၊ အတွင်းကုလားကာ အစရှိသည်တို့ကို ကြည့်ရှုပြုစုရကြမည်။ ၃၂ယဇ်ပုရောဟိတ် အာရုန်သား ဧလာဇာသည်၊ လေဝိအဆွေအမျိုး သူကြီးတို့ကို အုပ်၍၊ တဲတော်စောင့်သောသူတို့ကို ကြည့်ရှုစီရင် ရမည်။

၃၃မေရာရိမှဆင်းသက်သော မဟာလိအဆွေအမျိုး၊ မုရှိအဆွေအမျိုးတို့သည်၊ မေရာရိအမျိုးအနွှယ် ဖြစ်ကြ၏။ ၃၄ထိုအဆွေအမျိုးတို့ကိုရေတွက်၍ အသက်တလကျော်ရှိသော ယောက်ျားပေါင်းကား၊ ခြောက်ထောင် ခုနစ်ရာ ရှိသတည်း။ ၃၅မေရာရိ အဆွေအမျိုးသူကြီးကား၊ အဘိဟဲလသား ဇုရေလတည်း။ ဤသူတို့သည် တဲတော်မြောက် မျက်နှာ၌ နေရာချရမည်။ ၃၆မေရာရိသားတို့ အငန်းအတာဟူမူကား၊ တဲတော်ပျဉ်ပြားများ၊ ကန့်လန့်ကျင်များ၊ တိုင်များ၊ ခြေစွပ်များ၊ ထိုအရာနှင့်ဆိုင်သော တန်ဆာများ အစရှိသည်တို့ကို၎င်း၊ ဝင်းတိုင်များ၊ ၃၇ခြေစွပ်များ၊ တံသင်များ၊ ကြိုးများတို့ကို၎င်း ကြည့်ရှုပြုစုရကြမည်။

 

၃၈မောရှေနှင့် အာရုန်မှစ၍၊ အာရုန်၏သားတို့သည်၊ ဣသရေလအမျိုးသားတို့အဘို့၊ သန့်ရှင်းရာ ဌာန တော်ကိုစောင့်လျက်၊ ပရိသတ်စည်းဝေးရာ တဲတော်အရှေ့မျက်နှာ၌ နေရာချရမည်။ သူတို့အမျိုးမှတပါး၊ အခြားသော သူသည် ချဉ်းကပ်လျှင် အသေသတ်ခြင်းကိုခံရမည်။ ၃၉ထာဝရဘုရား မှာထားတော်မူ သည်အတိုင်း၊ မောရှေသည် လေဝိသားတို့ကို အဆွေအမျိုးအလိုက် ရေတွက်၍၊ အသက်တလကျော်ရှိသော ယောက်ျားပေါင်းကား၊ နှစ်သောင်း နှစ်ထောင်ရှိသတည်း။

၎ဝတဖန် ထာဝရဘုရားသည် မောရှေအား မိန့်တော်မူသည်ကား၊ ဣသရေလအမျိုးသားတို့တွင်၊ အသက် တလကျော်သော သားဦးယောက်ျားအပေါင်းတို့ကို ရေတွက်၍ စာရင်းယူလော့။ ၄၁ဣသရေလအမျိုး သားဦးအပေါင်း တို့အတွက် လေဝိသားတို့ကို၎င်း၊ ဣသရေလအမျိုးသားတို့၌ တိရစ္ဆာန်သားဦးအပေါင်း တို့အတွက် လေဝိသား တို့၌ရှိသော တိရစ္ဆာန်များကို၎င်း၊ ငါ့အဘို့ယူလော့။ ငါသည် ထာဝရဘုရား ဖြစ်သည်ဟု၊ ၄၂မှာထားတောမူသည် အတိုင်း မောရှေသည် ဣသရေလအမျိုး သားဦးအပေါင်းတို့ကို ရေတွက်၍၊ ၄၃အသက်တလကျော်ရှိသော သားဦး ယောက်ျားနာမည်ပေါင်းကား၊ နှစ်သောင်းနှစ်ထောင်နှစ်ရာ ခုနစ်ဆယ်သုံးယောက်ရှိသတည်း။ ၄၄တဖန် ထာဝရဘုရား သည် မောရှေအား မိန့်တော်မူသည်ကား၊ ၄၅ဣသရေလအမျိုး သားဦးအပေါင်းတို့အတွက် လေဝိသားတို့ကို၎င်း၊ ဣသရေလအမျိုးသားတို့၌ တိရစ္ဆာန်များအတွက် လေဝိသားတို့၌ရှိသော တိရစ္ဆာန်များကို၎င်း ယူလော့။ လေဝိသား တို့သည် ငါ၏လူဖြစ်ရကြမည်။ ငါသည် ထာဝရဘုရားဖြစ်၏။ ၄၆လေဝိသားတို့ထက်ပိုသော ဣသရေလအမျိုးသားဦး နှစ်ရာခုနစ်ဆယ်သုံးယောက်တို့ကို ရွေးရမည်အမှုမှာ၊ ၄၇အကျပ်တော်အလိုက် လူတကိုယ်လျှင် ငါးကျပ်စီ ခံယူရမည်။ အကျပ်ကား၊ ဂေရနှစ်ဆယ်ဖြစ်သတည်း။ ၄၈ပိုသောသူတို့ပေးရသော အရွေးငွေကို၊ အာရုန်နှင့် သူ၏သားတို့အား ပေးရမည်ဟု မိန့်တော်မူသည်အတိုင်း၊ ၄၉လေဝိသားတို့နှင့် ဣသရေလအမျိုး သားဦးတို့ကိုရွေး၍ ပိုသေးသော သားဦးတို့၏အရွေးငွေကို၊ ၅ဝမောရှေသည် အကျပ်တော်နှင့်ချိန်လျက်၊ အခွက်တဆယ်သုံးပိဿာခြောက်ဆယ်ငါး ကျပ်ကို ယူပြီးလျှင်၊ ၅၁ထာဝရဘုရား မှာထားတော်မူသည် စကားတော်အတိုင်း ထိုအရွေးငွေကို အာရုန်နှင့်သူ၏ သားတို့အားပေးလေ၏။