ဒေသနာ အခန်းကြီး(၅)


၁ဘုရားသခင့်အိမ်တော်သို့ သွားသောအခါ၊ သင့်ခြေတို့ကို စောင့်လော့။ လူမိုက်ပြုသော ယဇ်ပူဇော်ခြင်း အမှုထက်၊ တရားနာခြင်း အမှုကို သာ၍ ကြိုးစားလော့။ လူမိုက်တို့သည် ကိုယ်အပြစ်ကို မဆင်ခြင်တတ်ကြ။ ၂သင်၏ နှုတ်သည် သတိမလစ်စေနှင့်။ ဘုရားသခင့်ရှေ့တော်၌ စကားပြောခြင်းငှာ၊ သင်၏ စိတ်နှလုံးမလျင်မမြန်စေနှင့်။ ဘုရားသခင်သည် ကောင်းကင်ဘုံ၌ ရှိတော်မူ၏။ သင်သည်မြေကြီးပေါ်မှာရှိ၏။ ထိုကြောင့် သင်၏ စကားမများစေနှင့်။ ၃အမှုများသောအားဖြင့် အိပ်မက် မြင်တတ်သကဲ့သို့၊ စကားများသောအားဖြင့် မိုက်သောသူ၏ အသံကို ကြားရ၏။ ၄ဘုရားသခင့်ထံတော်၌ သစ္စာဂတိပြုမိလျှင်၊ သစ္စာဝတ်ကို မဖြေဘဲမနေနှင့်။ မိုက်သော သူတို့ကို အားရနှစ်သက်တော် မမူ။ သစ္စာဂတိပြုသည်အတိုင်း ဝတ်ကိုဖြေလော့။  ၅သစ္စာဂတိပြု၍  ဝတ်ကိုမဖြေဘဲ နေသည်ထက်၊ သစာဂတိ အလျှင်း မပြုဘဲ နေသော်သာ၍ ကောင်း၏။  ၆သင်၏ နှုတ်သည်သင်၏ ကိုယ်ခန္ဓြွာ၌ အပြစ်မရောက်စေနှင့်။ အကျွန်ုပ်မှား ပါပြီဟု၊ တမန်တော်ရှေ့မှာ ပြောရသော အကြောင်းမရှိစေနှင့်။ ဘုရားသခင်သည် သင်၏ စကားသံကို အမျက်တော်ထွက်၍၊          သင်ပြုစုသောအမှုကို အဘယ်ကြောင့် ဖျက်ဆီးတော်မူရမည်နည်း။ ၇အိပ်မက်များ ရာ၌၄င်း၊ စကားများရာ၌၄င်း၊ အချည်းနှီးသော အကြောင်းအရာပါတတ်၏။ သင်မူကား ဘုရားသခင်ကို ကြောက်ရွံ့လော့။

၈ကျေးရွာ၌ ဆင်းရဲသားတို့ကို ညှဉ်းဆဲခြင်း၊ တရားလမ်းမှလွှဲ၍၊ မတရးသဖြင့် အနိုင်အထက်စီရင် ဆုံးဖြတ်ခြင်း အမှုကိုမြင်လျှင်၊ ထိုသို့သောအကြံရှိသည်ကို အံ့သြခြင်းမရှိနှင့်။ ကြီးမြင့်သောသူတယောက်ကို တယောက်ကြည့်မှတ် သကဲ့သို့၊ အကြီးဆုံး၊ အမြင့်ဆုံးသောသူသည် ကြည့်မှတ်လျက်ရှိတော်မူ၏။ ၉မြေကြီးပေါ်က ဖြစ်သောစီးပွားသည် အလုံးစုံ တို့အဘို့ဖြစ်၏။ ရှင်ဘုရင်သော်လည်း၊ လယ်၏ ကျေးဇူးကိုခံရ၏။ ၁ဝငွေကိုတပ်မက်သောသူသည် ငွေနှင့် အလိုဆန္ဒမပြေနိုင်။ စည်းစိမ်ကို တပ်မက်သော သူသည် စည်းစိမ်တိုးပွားသော်လည်း မရောင့်ရဲနိုင်။ ထိုအမှုအရာ သည်လည်း အနတ္တဖြစ်၏။ ၁၁ဥစ္စာတိုးပွားသောအခါ စားရသော သူတို့သည်လည်း တိုးပွားများပြားကြ၏။ ဥစ္စာရှင် သည် မျက်စိနှင့် ကြည့်ရှု့ခြင်းကျေးဇူးမှတပါး အဘယ်သူကျေးဇူးရှိသနည်း။ ၁၂အလုပ်လုပ်သောသူသည် များစွာစား သည်ဖြစ်စေ၊ အနည်းငယ်စားသည်ဖြစ်စေ၊ အအိပ်မြိန်တတ်၏။ ရတတ်သောသူ၏ စည်းစိမ်မူကား၊ စည်းစိမ်ရှင်ကို အအိပ်ပျက်စေတတ်၏။ ၁၃စည်းစိမ်ရှင်သည် ကိုယ်အကျိုးပျက်သည်တိုင်အောင်၊ စည်းစိမ်ကို သိုထားခြင်းတည်း ဟူသော နေအောက်၌ အလွန်ဆိုးသောအမှုအရာကို ငါမြင်ပြီ။ ၁၄ထိုစည်းစိမ်သည် မကောင်းသောအမှုအားဖြင့် ပျောက်ပျက်တတ်၏။ စည်းစိမ်ရှင်မြင်သောသားသည်လည်း လက်ချည်းနေရ၏။ ၁၅သို့မဟုတ်၊ စည်းစိမ်ရှင်သည် အမိဝမ်းထဲက အလျှင်းမပါဘဲ ထွက်လာသကဲ့သို့၊ ထိုနည်းအတူပြန်သွား ရမည်။ ကြိုးစားအားထုတ်၍ ရသော ဥစ္စာတစုံ တခုကိုမျှ လက်နှင့်စွဲကိုင်၍ ယူ၍ မသွားနှင့်။ ၁၆သူသည်လာသကဲ့သို့ အလျှင်းမခြားဘဲ၊ သွားရသောအမှုအရာတို့သည် အလွန်ဆိုးသောအမှုအရာ ဖြစ်၏။ လေကိုရအံ့သော ငှါကြိုးစားအားထုတ်သောသူ သည် အဘယ်ကျေးဇူးရှိသနည်း။  ၁၇သူ၏ နေ့ရက်ကာလကို မှောင်မိုက်၌ လွန်စေတတ်၏။ များစွာ သော နှောင့်ရှက်ခြင်း၊ ညှိုးငယ်ခြင်း၊ အမျက်ထွက်ခြင်းကိုခံရ၏။

၁၈ငါသိမြင်သောအရာဟူမူကား၊ စားသောက်ခြင်းအမှု၊ နေအောက်၌ ဘုရားသခင်ပေးတော်မူသော အသက် ရှည်သမျှကာလပတ်လုံး၊ ကြိုးစားအားထုတ်၍ ရသော အကျိုး၌ ပျော်မွေ့ခြင်းအမှုကို ပြုကောင်း၏။ လျောက်ပတ်၏။ ထိုအမှုသည်လူ၏ အဘို့ဖြစ်၏။ ၁၉ဘုရားသခင် ပေးသနားတော်မူသော စည်းစိမ်ဥစ္စာကို ရသော လူတိုင်းမိမိ အဘို့ကိုခံ၍ ဝင်စားခြင်းငှာ၎င်း၊ ကြိုးစားအားထုတ်ရာ၌ ပျော်မွေ့ခြင်းငှာ၎င်း၊ ဘုရားသခင့်ကျေးဇူးတော်ကြောင့် အခွင့်ရှိ၏။ ၂ဝလွန်သောနေ့ရက်ကာလကို များစွာမအောက်မေ့ရ။ စိတ်နှလုံးရွှင်လန်းသောအခွင့်ကို ဘုရားသခင်ပေး သနားတော်မူ၏။